လှည်းကူးဈေးအတွင်း ဖြစ်ပွားခဲ့သည့် ဖြစ်စဉ်အကြောင်း တစေ့တစောင်း
ပို့စ်တင်ချိန်
- 4/06/2014 08:01:00 PM
၎-၄-၂၀၁၄ ရက်နေ့တွင် ဒေါ်ခင်မာဝေသည် ပစ္စည်းများဝယ်ယူပြီး ဆိုင်၌ပစ္စည်းများချနေစဉ် တူဖြစ်သူ မိုးမင်းသိန်းမှာ ဆိုင်အတွင်းအလုပ်လုပ်နေခိုက် ဆိုင်နီးချင်း ဒေါ်ကြူကြူ၏သားများဖြစ်သည့် အလတ်ကောင်၊ အငယ်ကောင် ညီအစ်ကိုနှစ်ယောက်မှ ဆိုင်အတွင်းရောက်လာပြီး မိုးမင်းသိန်းအား နောက်မှနေ၍ ကတ်ကြေးဖြင့်ဝင်ရောက်ထိုးသဖြင့် မိုးမင်းသိန်းတွင် နောက်ကျောဒဏ်ရာရရှိခဲ့ကြောင်း၊ ၄င်းနောက် ဒေါ်ခင်မာဝေ၏သားဖြစ်သူ သက်ပိုင်ဦးမှာ ပစ္စည်းများထမ်းလာပြီး ဆိုင်သို့လာပို့စဉ် အလတ်ကောင်၊ အငယ်ကောင်တို့နှစ်ဦးမှ ဟိုမှာတစ်ယောက်လာပြီဟုပြောပြီး ကတ်ကြေးနှင့် ၀က်အူလှည့်ကိုင်ကာပြေးလာ၍ ကတ်ကြေးဖြင့်ထိုးသဖြင့် မျက်လုံးပေါက်ပြဲ (၆)ချက်ချုပ်ရသည့် ဒဏ်ရာရရှိခဲ့ပါသည်။
ဖြစ်စဉ်နှင့်ပတ်သက်၍ မျိုးကြီး(ပဲခူးတိုင်းဒေသကြီး မှုခင်းသတင်းတာဝန်ခံ၊ MGA ပြန်ကြားရေးမှူး)မှ လှည်းကူရဲစခန်း၌ သတင်းရယူရာတွင် လှည်းကူးရဲစခန်းမှူး ဒုရဲမှူး မြင့်ဦးမှ နိုင်ငံတော်လျှို့ဝှက်သတင်းဖြစ်တဲ့အတွက် မပေးလိုကြောင်းပြောခဲ့ရာ မျိုးကြီးမှ ယင်းပြစ်မှုသတင်းမှာ ၃၂၆/၃၂၄/၃၂၃ ပြစ်မှုဆိုင်ရာဖြစ်တဲ့အတွက် ပြည်သူလူထု ပွင့်လင်းမြင်သာစွာသိရှိဖို့လိုကြောင်း၊ ဒီကိစ္စသည် လူမျိုးရေး၊ ဘာသာရေးဖြစ်နေတဲ့အတွက် ပွင့်ပွင့် လင်းလင်းနှင့်ကိုင်တွယ်သင့်ကြောင်း ရှင်းပြမှသာ စခန်းမှူးမှ သတင်းယူခွင့်ပေးခဲ့ပါသည်။ ယင်းကဲ့သို့ ပွင့်လင်းမှုမရှိ၊ ထိန်ချန်မှုများရှိနေခဲ့ပါ က မလိုလားအပ်သောပြဿနာ ကြီးထွားနိုင်ကြောင်း သိသင့်ပေသည်။
တရားလို ဒေါ်ခင်မာဝေ တိုင်တန်းသည့်အမှုအား လှည်းကူးမြို့မရဲစခန်း (ပ)၁၅၃/၂၀၁၄ ပြစ်မှုပုဒ်မ၊ ၃၂၆/၃၂၄/၃၂၃ အရ အမှုဖွင့်အရေးယူခဲ့ပြီး တရားခံများဖြစ်သည့် ရန်အောင်ကိုကို၊ (၂၂)နှစ် (ဘ)ဦးကိုကိုနိုင်၊ မေဃ၀တီ(၆)လမ်း၊ ရိပ်သာရပ်ကွက်၊ လှည်းကူးမြို့၊ ချစ်မင်းကိုကို (၁၇)နှစ် (ဘ)ဦးကိုကိုနိုင်၊ မေဃ၀တီ(၆)လမ်း၊ ရိပ်သာရပ်ကွက်၊ လှည်းကူးမြို့နှင့် ညီညီမောင် (၂၇)နှစ် (ဘ)ဦးလှရွှေ၊ မေဃ၀တီ(၅)လမ်းတိ်ုးချဲ့၊ ရိပ်သာရပ်ကွက်၊ လှည်းကူးမြို့တို့(၃)ဦးအား အမှုဖြင့် ဖမ်းဆီးစစ်ဆေးလျက်ရှိပြီး ဇော်ထက်ကို (၂၁)နှစ် (ဘ)ဦးသံချောင်း(ခ)ဦးကိုကိုလေး၊ ရုံးဟောင်းလမ်း၊ ရိပ်သာ ရပ်ကွက်၊ လှည်းကူးမြို့နေသူမှာ ထွက်ပြေးတိမ်းရှောင်နေသဖြင့် ဖမ်းဆီးရမိရေး ဆောင်ရွက်လျက်ရှိပါ သည်။
တရားလို ဒေါ်ခင်မာဝေ၏ပြောပြချက်အရ လွန်ခဲ့သော(၂)ရက်ခန့်မှ ၄င်းတရားခံများဘက်မှ ရန်စခြင်းများရှိခဲ့သဖြင့် ဈေးလူကြီးများအား နှုတ်ဖြင့် အသိပေးအကြောင်းကြားထားရှိကြောင်း၊ မလိုလားအပ်သည့် ပြဿနာများ မပေါ်ပေါက်ရေး တိုင်ကြားထားကြောင်း။ ယခင်(၅)လပိုင်းမှလည်း ပြဿနာဖြစ်ခဲ့ဘူး၍ တစ်ဦးနှင့်တစ်ဦးညှိနှိုင်း၍ ဖြေရှင်းထားခြင်းဖြစ်ကြောင်း သိရသည်။
ဖြစ်စဉ်နှင့်ပတ်သက်၍ ပြစ်မှုကျူးလွန်သူများဘက်မှ ၄င်းတို့နှင့်အမျိုးမကင်းသော ဟူစင် (အအေးနှင့်မုန့်မျိုးစုံဆိုင်)အတွင်း ၀င်ရောက်ခိုလှုံနေ၍ ဆိုင်ရှင် ဒေါ်ခင်ကြည် (၇၀)နှစ် (ဘ)ဦးအာလီ၊ (မွတ်စလင်)၏ဆိုင်အား လူတစ်စုမှ ခဲများဖြင့်ပစ်ပေါက်ဖြစ်ပွားခဲ့ရာ ပျက်စီးမှု ၄၅၆၀၀၀ိ/ကျပ်ခန့် ရှိခဲ့ပြီး အခင်းဖြစ်ပွားမှု အစပြုသူနှစ်ဦးဖြစ်သည့် ဌေးအောင် (၃၀)နှစ် (ဘ)ဦးအောင်၊ ဆိုက္ကားနင်း၊ ရုံးဟောင်းလမ်း၊ ရိပ်သာရပ်ကွက်၊ လှည်းကူးမြို့နှင့် နေမျိုးထွန်း (၂၄)နှစ် (ဘ)ဦးမှုံတို၊ အောင်မင်္ဂလာ (၃)လမ်း၊ အောင်မင်္ဂလာရပ်ကွက်၊ လှည်းကူးမြို့တို့(၂)ဦးအား လှည်းကူးမြို့မရဲစခန်း (ပ)၁၅၄/၂၀၁၄ ပြစ်မှုဆိုင်ရာဥပဒေပုဒ်မ၊ ၄၄၀ ဖြင့် အရေးယူထား၍ ဒုရဲအုပ် သက်ဆွေငြိမ်းမှ စစ်ဆေးလျက်ရှိပါသည်။
အထက်ပါဖြစ်စဉ်များနှင့်ပတ်သက်၍ လှည်းကူးဈေးအတွင်း ဆိုင်နီးချင်း ဈေးရောင်းသူများ အချင်းချင်းမကျေနပ်ရာမှ ပြဿနာဖြစ်ပွားရာတွင် လူမျိုးရေး၊ ဘာသာရေးများ ပတ်သက်ဆက်နွယ် ကာ ဖြစ်ပွားခဲ့ရပြီး အခင်းဖြစ်ပွားမှုအား ရဲစခန်းမှ တရားဥပဒေနှင့်အညီ အမှုဖွင့်အရေးယူထားပြီးဖြစ်၍ ဥပဒေနှင့်အညီ အရေးယူခြင်းကိုသာ ဆက်လက်စောင့်ကြည့်သင့်ပါသည်။ အသေးအဖွဲကိစ္စမှစ၍ ဘာသာရေး၊ လူမျိုးရေးအသွင်ဆောင်သော လှုပ်ရှားမှုမဖြစ်သင့်သည့်အပြင် ယင်းဖြစ်စဉ်သည် အခြား နေရာများသို့ ပြန့်နှံသွားခဲ့ပါက နိုင်ငံတော်တည်ငြိမ်အေးချမ်းရေးနှင့် တရားဥပဒေစိုးမိုးရေးကို ထိခိုက် လာနိုင်ပြီး ဥပဒေဘောင်အတွင်းနေထိုင်ကြသည့် ပြည်သူများ အတိတ်တလန့်မဖြစ်စေရေးအတွက် ဥပဒေအရအရေးယူသည်ကိုသာ ဆက်လက်စောင့်ကြည့်သင့်ပါကြောင်းနှင့် တာဝန်ရှိသူများမှ ပြည်သူလူထုအား အချိန်နှင့်တစ်ပြေးညီ သတင်းမှန်များသိရှိစေရေးအတွက် မီဒီယာနှင့်ပူးပေါင်းကာ ပွင့်လင်းမြင်သာမှုရှိစွာဖြင့် သတင်းထုတ်ပြန်ပေးရန် အထူးလိုအပ်ပါကြောင်း အကြံပြုရေးသားအပ်ပါ သည်။
ယခု ၅-၄-၂၀၁၄ ရက်နေ့ ည(၈)နာရီအချိန်ထိ လှည်းကူးမြို့နယ်အတွင်း တည်ငြိမ်အေးချမ်း လျက်ရှိပါကြောင်း သတင်းရရှိပါသည်။
thant zin
