ကမ္ဘာ့အမျိုးသမီးများနေ့ အပြီး ရှမ်းအမျိုးသမီးငယ်များကို ပစ်မှတ်ထားပြီး KIA အဖွဲ့ဖမ်းဆီးလျှက်ရှိ အမျိုးသမီးအခွင့်အရေးကို မလေးစားရာကျ

ပို့စ်တင်ချိန် - 3/14/2014 11:02:00 PM

မတ် ၁၄ ရက် ၂၀၁၄ ခုနှစ်

မတ်လ ၈ ရက်နေ့တွင် ကျရောက်သော ကမ္ဘာ့အမျိုးသမီးများနေ့အပြီးတွင် ရှမ်းအမျိုးသမီးငယ်များကို ပစ်မှတ်ထားပြီး KIA အဖွဲ့အနေဖြင့် ဖမ်းဆီးခေါ်ဆောင်မူများ ပြုလျှက်ရှိပါသည်။

မတ်လ ၁၁ ရက် နံနက် ၈ နာရီအချိန်နေ့ခင်း မင်္ဂလာအချိန်တွင် မံစီမြို့နယ် တုံပေ ကျေးရွာမှ ရွာပြင်ထွက် ဈေးရောင်းသွားနေသော ရှမ်းနီ အမျိုးသမီး ငယ်သုံးဦးကို လမ်းမပေါ်တွင် KIA အဖွဲ့က လမ်းမပေါ်တွင် ဖမ်းဆီးခေါ်ဆောင်သွားကြောင်းသိရသည်။

" မံဝိန်းကြီးနားက စခန်းတစ်ခုကိုခေါ်သွားတယ်လို့ပဲသိရတယ်။ ကျွန်တော်တို့ရွာကသုံးယောက်ပါတာ။ တခြားရွာကတွေလည်းပါသေးတယ်။ ဘယ်လောက်ပါလည်းတော့မသိဘူး။ အခုချိန်ထိ မိဘတွေနဲ့လည်းအဆက်အသွယ်မရဘူး။ သူတို့မိဘတွေက ငိုငိုရည်ရည်ဖြစ်နေကြတယ်။ " ဟုအဆိုပါကျေးရွာသားတစ်ဦးကပြောကြားလာပါသည်။

တုန်ပေကျေးရွာမှ ဖမ်းဆီးခံရသော ရှမ်းနီ မိန်းကလေးငယ်များမှာ မကြည်လေး (ဘ) ဦးကျော်ခင် (၁၈ နှစ်) ၊ မနီလာ (ဘ) ဦးမောင်ရွှေ (၁၅ နှစ်)၊မအိမ်ဦး (ဘ) ဦးအေးမြင့် (၁၆ နှစ်) တို့ဖြစ်ကြောင်းသိရသည်။

အဆိုပါနေ့ရက်တွင်ပင် မံစီမြို့န် ပန်ဆက်ကျေးရွာတွင်လည်း ရှမ်းစာပေနှင့် ယဉ်ကျေးမူ ဥက္ကဌ သမီးနှင့်အတူ ရှမ်းလူငယ် နှစ်ဦးကိုလည်း KIA ရင်း ၂၇ မှအလားတူ ဖမ်းဆီးခေါ်ဆောင်သွားကြောင်းလည်းသိရသည်။

ယခုကဲ့သို့ ကမ္ဘာ့ အမျိုးသမီးများနေ့ အပြီးတွင် ရှမ်းအမျိုးသမီးငယ်များကို ပစ်မှတ်ထား လူ့အခွင့်အရေးချိုးဖောက်ခြင်းမှာ KIA အနေဖြင့် ကမ္ဘာ့ အမျိုးသမီးထုကြီးကို မလေးမစားပြုလုပ်ရုံသာမက လူ့အခွင့်အရေးကို ချိုးဖောက်ရာလည်းကျရောက်ကြောင်း ရှမ်းနီတိုင်းရင်းသူ အမျိုးသမီးခေါင်းဆောင်တစ်ဦးက မှတ်ချက်ပြုပြောကြားသည်။

ရှမ်းနီသတင်းဌာန