အရှေ့တောင်အာရှ နိုင်ငံများတွင် မြန်မာ့ ဘဏ်လုပ်ငန်း အနိမ့်ကျဆုံးဟု GIZ ဆို

ပို့စ်တင်ချိန် - 3/09/2014 12:56:00 PM

ရန်ကုန်၊ မတ် ၈

မြန်မာနိုင်ငံ၏ ဘဏ်လုပ်ငန်း ကဏ္ဍသည် ၂၀၀၁ ခုနှစ်မှ ၂၀၁၁ ခုနှစ်အထိ ဆယ်စုနှစ် တစ်ခုအတွင်း ဖွံ့ဖြိုးမှု မရှိသလောက် ဖြစ်ခဲ့ပြီး အရှေ့တောင်အာရှ နိုင်ငံများတွင် အနိမ့်ကျဆုံး ဖြစ်ကြောင်း ဂျာမနီ ဖွံ့ဖြိုးမှု ပူးပေါင်းဆောင်ရွက်ရေး အဖွဲ့ (GIZ) မှ စီမံကိန်း ခေါင်းဆောင် (Head of Project) Mr. Thomas Foerch က ပြောကြားသည်။

မြန်မာ့ဘဏ်လုပ်ငန်း စနစ်သည် ၂၀၀၆-၂၀၀၇ ခုနှစ်မှ စတင်ကာ ဘဏ်အပ်ငွေနှင့် ချေးငွေများ ပုံမှန် တိုးတက်နေသော်လည်း ငွေစက္ကူ အခြေခံ စနစ်တွင် ရှိနေသေးကြောင်း ၎င်းကဆိုသည်။

မြန်မာ့ဘဏ်လုပ်ငန်း အနေနှင့် လက်ရှိအချိန်တွင် သင့်လျော် ကောင်းမွန်သည့် ဥပဒေများ ပြဋ္ဌာန်းရေးနှင့် ဘဏ်လုပ်ငန်းဆိုင်ရာ လူ့စွမ်းအား အရင်းအမြစ်များ ဖွံ့ဖြိုးတိုးတက်ရေး တို့သည် အဓိက စိန်ခေါ်မှု ဖြစ်နေကြောင်း ၎င်းကဆိုသည်။

“ဘဏ်တွေမှာ လူတော်တွေ ရှားတာကလည်း ခုနောက်ပိုင်း ဘဏ်အသစ်တွေ အများကြီး ပေါ်လာချိန်မှာ တကယ် လုပ်နိုင်တဲ့သူက နည်းနေတယ်။ ဒီကြားထဲ သမင်မွေးရင်း ကျားစားရင်း ဆိုသလို လစာ အမြင့်ကြီး ပေးပြီး ခေါ်တာတွေလည်း ရှိတာပေါ့” ဟု ပထမ ပုဂ္ဂလိကဘဏ် ဥက္ကဋ္ဌ ဒေါက်တာစိန်မောင်က ဆိုသည်။

မြန်မာ့ဘဏ်လုပ်ငန်း ကဏ္ဍတွင် ဗဟိုဘဏ်၏ ထိန်းချုပ် ကန့်သတ်မှုများ ဖြေလျှော့ပေးရန်၊ ပုဂ္ဂလိက ဘဏ်ခွဲများကို ကိုယ်တိုင် စီမံခန့်ခွဲခွင့် ပြုရန်၊ ဘဏ်လုပ်ငန်း လိုင်စင် ချထားပေးမှု ရှင်းလင်းလွယ်ကူ ထင်သာမြင်သာ ဖြစ်စေရန်တို့ လိုကြောင်း Mr. Thomas Foerch က ဆိုသည်။

ဘဏ်လုပ်ငန်း လိုင်စင် ချထားပေးရာတွင် ပုဂ္ဂလိက ဘဏ်လုပ်ငန်းများ အကြား ရှင်းလင်းမှု မရှိသည်ကို လက်ခံသော်လည်း ယင်းလုပ်ထုံးလုပ်နည်း လုပ်ငန်းစဉ်များကို ရှင်းလင်း လွယ်ကူမှု ရှိစေရန် အပြည်ပြည်ဆိုင်ရာ ငွေကြေး ရန်ပုံငွေ (IMF) မှ အကြံပေး ပုဂ္ဂိုလ်နှင့် အတူ ပြန်လည် သုံးသပ်ကာ ပြုပြင်ပြောင်းလဲလျက် ရှိကြောင်း မြန်မာနိုင်ငံတော် ဗဟိုဘဏ် ဒုတိယ ဥက္ကဋ္ဌ ဦးဆက်အောင်က ပြောကြားသည်။

မြန်မာ့ဘဏ်လုပ်ငန်း ကဏ္ဍတွင် နိုင်ငံပိုင် ဘဏ်များသည် ပိုင်ဆိုင်မှု အများဆုံး ဖြစ်ပြီး နိုင်ငံပိုင်နှင့် ပုဂ္ဂလိကဘဏ် အားလုံးပေါင်း ပိုင်ဆိုင်မှု တန်ဖိုးမှာ ကျပ် ၂၃,၀၀၀ ဘီလီယံ ရှိကာ တိုင်းပြည် ဂျီဒီပီ၏ ၅၀ ရာခိုင်နှုန်းအထိ ရှိကြောင်း GIZ ၏ စာတမ်းတွင် ဖော်ပြထားသည်။

နိုင်ငံပိုင် ဘဏ်များ၏ ပိုင်ဆိုင်မှုသည် ကျပ် ၁၅,၀၀၀ ဘီလီယံ ရှိသော်လည်း ပုဂ္ဂလိကဘဏ်များ ကြီးထွားလာမှုကို အမီလိုက်နိုင်ရန် ခက်ခဲနေပြီး ဈေးကွက် ဝေစု လျော့ကျလျက် ရှိကြောင်း Mr. Thomas Foerch ဆိုသည်။

မြန်မာ့စီးပွားရေး ဘဏ်သည် မြန်မာနိုင်ငံတွင် အကြီးဆုံး ဘဏ်ဖြစ်ပြီး ဘဏ်ခွဲပေါင်း ၃၀၀ ကျော်၊ ဝန်ထမ်း ၉၀၀၀ နီးပါးနှင့် လုပ်ကိုင်နေသော်လည်း ဆယ်စုနှစ် တစ်စုကြာ အရှုံးဆက်တိုက် ပြနေသော နိုင်ငံပိုင် ဘဏ်တစ်ခု ဖြစ်ကြောင်း ၎င်းကဆိုသည်။

“မြန်မာ့စီးပွားရေး ဘဏ်က Policy Bank ဖြစ်တဲ့အတွက် အရှုံးခံပြီး လုပ်ရတာတွေလည်း ရှိတယ်။ တချို့လိုအပ်တဲ့ နေရာတွေမှာ စိုက်ထုတ် သုံးစွဲရတာတွေ ရှိတာကြောင့် ဒီလိုဖြစ်ရတာ” ဟု ဗဟိုဘဏ် ဒုတိယ ဥက္ကဋ္ဌ ဦးဆက်အောင်က ဆိုသည်။

သင့်လျော် ကောင်းမွန်သည့် ကြီးကြပ်ကွပ်ကဲမှု၊ ကောင်းမွန်သည့် အုပ်ချုပ်မှု၊ ယုံကြည်ရလောက်သော ကိန်းဂဏန်း အချက်အလက် များနှင့် ပွင့်လင်းမြင်သာ ရှိမှုတို့သည် မြန်မာနိုင်ငံ ဘဏ်လုပ်ငန်း ဖွံ့ဖြိုးရေးတွင် အဓိက အရေးကြီးကြောင်း GIZ ၏ စာတမ်းတွင် ဖော်ပြထားသည်။

The Voice Weekly