Facebook ပေါ်မှာ သေနတ်နဲ့ ဓာတ်ပုံရိုက်ပြီးတင်သူ ဘဏ်ဓားပြ ဖမ်းဆီးခံလိုက်ရ

ပို့စ်တင်ချိန် - 3/13/2014 10:03:00 AM

အမေရိကန် နိုင်ငံ၊ မီချီဂန် ပြည်နယ် မှာ ဖြစ်ပွား ခဲ့တဲ့ ဓားပြ တိုက်မှု တွေမှာ တရားခံ အဖြစ် ယူဆထား သူကို အက်ဖ်ဘီအိုင် က Facebook ကနေ ခြေရာခံ မိပြီး တဲ့နောက် ဖမ်းဆီး နိုင်ခဲ့ ကြောင်း သိရ ပါတယ်။ အသက် (၂၁)နှစ် အရွယ်ရှိ ဂျူးလက်စ်ဘာလာဟာ သူ့ရဲ့ Facebook မှာ သေနတ်နဲ့အတူ ဓာတ်ပုံရိုက်ထား တဲ့ ပုံတွေတင်ခဲ့ပါတယ်။ ဒီပုံတွေကို အက်ဖ် ဘီဘိုင် က ကြည့်ရှုပြီး တဲ့နောက် ဖေဖော်ဝါရီလ (၂၆) ကနေ မတ်လ (၄)ရက်အတွင်း ဖြစ်ပွား ခဲ့တဲ့ဘဏ်ဓားပြမှုတွေအတွက် ဖမ်းဆီး ခဲ့ခြင်း ဖြစ်ပါတယ်။ ဂျူးလက်စ် ဘာလာ တင်ရှိ ထားတဲ့ သေနတ်ဟာ ဘဏ်ဓားပြတိုက်ရာမှာ အသုံးပြု ခဲ့တဲ့ သေနတ်နဲ့ တစ်ပုံစံတည်းဖြစ်နေလို့ သင်္ကာ မကင်း ခံခဲ့ ရပါတယ်။ ဂျူးလက်စ်ဘာလာ ဟာ မတ်လ (၅)ရက်မှာ Selfies ဓာတ်ပုံရိုက်ပြီး သူ့အနေနဲ့ ပထမဆုံး အိမ် တစ်အိမ် ၀ယ်လိုက် ပြီလို့ Facebook မှာ ရေးသား ခဲ့ပါတယ်။ ဘဏ်ဓားပြ မှုတွေ ဖြစ်ပွား ပြီး တဲ့နောက် ဂျူးလက်စ် ဘာလာရဲ့ အပြုအမူဟာ သံသယဖြစ်စရာ ကောင်းနေခဲ့လို့ သူ့ရဲ့ကားကို စုံစမ်းစစ်ဆေး ခဲ့ရာ၊ ဓားပြ တိုက်ရာမှာ အသုံးပြုခဲ့တဲ့ သေ နတ်ကို သိမ်းဆည်းရမိပါတယ်။ ဒီနောက် သူ့ကိုစုံစမ်းမှုတွေပြုလုပ်ခဲ့ရာ ဘဏ် ဓားပြ မှု တွေကို ကျူးလွန်ခဲ့ကြောင်း ၀န်ခံ ထွက်ဆို ခဲ့ပါ တယ်။ ဂျူးလက်စ် ဘာလာ ရဲ့ သူငယ်ချင်း တွေ က Facebook မှာ ဒီလိုဓာတ်ပုံတွေ မတင် သင့်ဘူးလို့ အကြံပေးခဲ့ပေမယ့် အရာရာက နောက်ကျသွားခဲ့ပြီဖြစ်ပြီး တရားဥပဒေရဲ့ အဆုံးအဖြတ်ကို ခံယူ ရတော့မှာ ဖြစ်ပါတယ်။

The Messenger