အခမဲ့ဆေးခန်း တရားစွဲ ဒဏ်ရိုက်ခံရခြင်းကို ဆန္ဒထုတ်ဖော် မြေနေရာရရှိရေး သမ္မတထံတင်ပြ

ပို့စ်တင်ချိန် - 3/28/2014 07:52:00 PM

ရန်ကုန်၊ မတ် ၂၅

ဒဂုံမြို့သစ် ဆိပ်ကမ်းမြို့နယ်၊ ရွှေသန်လျင် နာရေးကူညီမှုအသင်းမှ ဖွင့်လှစ်ထားသည့် အခမဲ့ဆေးခန်းကို မြို့နယ် စည်ပင်သာယာက ကျူးကျော်အဖြစ် တရားစွဲခဲ့ခြင်းကို ဒေသခံပြည်သူများက မတ် ၁၆ ရက်တွင် လက်မှတ်ရေးထိုး ဆန္ဒထုတ်ဖော်ခဲ့ပြီး မြေနေရာ အတည်တကျ ရရှိရေးအတွက် နိုင်ငံတော် သမ္မတထံ စာရေး သား ပေးပို့တင်ပြထားသည်။

ယင်းအခမဲ့ဆေးခန်းသည် ဒဂုံမြို့သစ် ဆိပ်ကမ်း (၈၈) ရပ်ကွက်တွင် တည်ရှိပြီး ရွှေသန်လျင် ဆရာတော် အရှင်မေဃိက ဦးဆောင်၍ ဒေသခံများ၊ စေတနာရှင် အလှူရှင်များက ပူးပေါင်း ဖွင့်လှစ်ထားခြင်းဖြစ်ပြီး ဆောက်လုပ်ရာ မြေနေရာသည် လက်ရှိအချိန်အထိ နာရေးကူညီမှု အသင်းပိုင်မဟုတ်ဘဲ ကျူးကျော် အဖြစ်သာ ရှိနေသေးသည်။

ယင်းကိစ္စနှင့် ပတ်သက်၍ မြို့နယ် စည်ပင်သာယာရေး အုပ်ချုပ်ရေးမှူးက ကျူးကျော်နေသော ဆေးခန်း နေရာအတွက် မြို့နယ်တရားရုံးတွင် တရားစွဲဆိုခဲ့ခြင်း ဖြစ်ပြီး ဆေးခန်းမှ ဒဏ်ငွေ ငါးသောင်း ပေးဆောင် ခဲ့ရသည်။

အဆိုပါ အခမဲ့ဆေးကုခန်း ပတ်ဝန်းကျင်တွင် ဆေးခန်းနည်းတူ အခြား ကျူးကျော်အိမ်များ ရာပေါင်းများစွာ ရှိနေသော်လည်း မြို့နယ်စည်ပင် အုပ်ချုပ်ရေးမှူးက ဆေးခန်းကိုသာ ကျူးကျော်အဖြစ် တရားစွဲခဲ့ခြင်းလည်း ဖြစ်သည်။

ထို့အတွက် ပြည်သူများ၊ လူမှုရေး အသင်းအဖွဲ့များက မတ် ၁၆ ရက်တွင် မြို့နယ်စည်ပင် အုပ်ချုပ်ရေးမှူးအား ဖယ်ရှားပေးရန်၊ မြေနေရာ အတည်တကျ ရရှိရန် ဆန္ဒပြ ထုတ်ဖော်ခဲ့ခြင်းဖြစ်ပြီး နောက်နောင် ယင်းပြဿနာမျိုး မပေါ်ပေါက်စေရန်အတွက် မြေနေရာရရှိရေး နိုင်ငံတော်သမ္မတထံ စာရေးသား တင်ပြ တောင်းခံခဲ့ခြင်း ဖြစ်သည်။

ရွှေသန်လျင် နာရေးကူညီမှု အသင်းသည် နာရေး ကူညီမှုများအပြင် အရေးပေါ် လူနာပို့ဆောင်ခြင်း၊ သွေးလှူခြင်း၊ အောက်ဆီဂျင်ဘူး လှူဒါန်းခြင်း၊ ဆေးဝါးအခမဲ့ ကုသပေးခြင်းနှင့် ဆေးခန်းဖွင့်လှစ်ခြင်း စသည့် လူမှု အကျိုးပြုလုပ်ငန်းများကို ဆောင်ရွက်လျက် ရှိသည်။

MH-0123