မလေးရှားတွင် ဒေါ်လာ သုံးဘီလီယံကျော် အိမ်ရာ စီမံကိန်း တရုတ်ဆောင်ရွက်မည်
ပို့စ်တင်ချိန်
- 3/04/2014 08:19:00 PM
သည်ဝေါစထရိတ်ဂျာနယ်| မတ် ၃
မလေးရှားနိုင်ငံတွင် အိမ်ခြံမြေ စီမံကိန်းနှစ်ခုကို ယန်း ၂၀ ဘီလီယံ (အမေရိကန်ဒေါ်လာ ၃ဒသမ ၂၅ ဘီလီ ယံ) ရင်းနှီးမြှုပ်နှံလုပ်ကိုင်ရန် စီစဉ်ထားကြောင်း တရုတ်နိုင်ငံပိုင် လုပ်ငန်းကြီး တစ်ခုဖြစ်သည့် Greenland ဦးပိုင်ကုမ္ပဏီ အုပ်စုကြီးက တနင်္ဂနွေနေ့က ပြောသည်။
မလေးရှားနိုင်ငံ ဂျိုဟော်ပြည်နယ်အတွင်း ဆောက်လုပ်ရန်လျာထားသည့် ယင်းစီမံကိန်း နှစ်ရပ်တွင် လူနေ အိမ်များနှင့် ဟိုတယ်များကို ရှန်ဟိုင်းအခြေစိုက် Greenland ကုမ္ပဏီက တည်ဆောက်မည် ဖြစ်သည်။ စီမံ ကိန်းတစ်ခုမှာ မလေးရှား နိုင်ငံအတွင်း အကြီးဆုံးဖြစ်မည်ဖြစ်ပြီး ဂျိုဟော် ရေလက်ကြား ကမ်းခြေတစ် လျှောက်တွင် တည်ရှိကာ ကြမ်းခင်းအကျယ်အ၀န်း ၂ ဒသမ ၃ သန်း စတုရန်းမီတာ ရှိမည် ဖြစ်သည်။တည်ဆောက်ရေး လုပ်ငန်းများကို ခြောက်လအတွင်း စတင်ရန် စီစဉ်ထားကြောင်း Greenland က္ပုဏီ အုပ်စုက ပြောသည်။
နိုင်ငံရပ်ခြားတွင်အခြေချမည့် တရုတ်အိမ်ခြံမြေ ၀ယ်ယူကြသူများအတွက် တရုတ်အိမ်ခြံမြေတည်ဆောက် ရေးလုပ်ငန်းများသည် ပြည်ပတွင် ရင်းနှီးလုပ်ကိုင်လျက် ရှိသည်။ မလေးရှားနိုင်ငံအပြင် သြစတြေးလျ၊ စင် ကာပူ၊ အမေရိကန်နှင့် အာဖရိကတို့တွင်လည်း ၎င်းတို့၏ အိမ်ခြံ မြေလုပ်ငန်းများလုပ်ကိုင်ရန် မြေကွက်များ ကို Greenland က၀ယ်ယူလျက် ရှိသည်။
မလေးရှားနိုင်ငံတွင် ရင်းနှီးမြှုပ်နှံရခြင်းမှာ စီးပွားရေးဖွံ့ဖြိုးမှု တည်ငြိမ်ခြင်း နှင့် တရုတ်လူမျိုးများ အများအပြား နေထိုင်လျက် ရှိနေခြင်းတို့ကြောင့်ဖြစ်သည်ဟုGreenland ကုမ္ပဏီမှ တာဝန်ရှိသူများက ပြောသည်။
Mizzima Burmese
