ရွှေထည်အပါအ၀င် ကျပ်သိန်း ၂၅၀ ဖိုးခိုးယူခံရမှု ကိုယ်တိုင်စုံစမ်းမရတော့မှ ရဲတိုင်

ပို့စ်တင်ချိန် - 3/14/2014 09:54:00 PM

 ဇော်ဇော်ထွေး

ကုန်ပစ္စည်း အရောင်းဆိုင်တစ်ခုတွင် ငွေနှင့် ရွှေထည်ပစ္စည်း စုစုပေါင်း ကျပ်သိန်း ၂၅၀ ကျော်ဖိုး ခိုးယူခံရမှု တွင် ကာယကံရှင်များက ခိုးယူသူအား စောင့်ကြည့် စုံစမ်းခဲ့ရာမှ စုံစမ်းဖော်ထုတ်ပေးရန် ရဲစခန်းသို့အမှုဖွင့် တိုင်တန်းလိုက်သဖြင့် မတ်လ ၁၂ ရက်တွင် စစ်ဆေးလျက် ရှိသည်။

အမှုမှာ တာမွေမြို့နယ် ဘိုးလိန်းအောင် မင်္ဂလာရပ်ကွက်၊ ယုဇနလမ်း၊ တိုက် (၁၀)မြေညီထပ် ဆွိဝေါကုန် မျိုးစုံရောင်းဝယ်ရေးဆိုင်တွင် ဖြစ်ပွားခဲ့ခြင်း ဖြစ်သည်။

ဖေဖော်ဝါရီ ၂၀ ရက်က ဆွိဝေါကုန်မျိုး စုံဆိုင်ပိုင်ရှင်ဖြစ်သူ ဒေါ်ခင်မေရီသည် ငွေ ကျပ်သိန်း ၆၀ကျပ်ကို အံဆွဲတွင် ထည့်၍ သော့ခတ်သိမ်းထားပြီး အံဆွဲအောက်ရှိ အလုံပိတ် အံဝှက်အတွင်းတွင်လည်း ၄၁ ကျပ် သားရှိ ရွှေထည်ပစ္စည်းများ ထည့်သွင်း သိမ်းထားခဲ့သည်ဟု ထွက်ဆိုထားသည်။

ထို့နောက် ဖေဖော်ဝါရီ ၂၁ ရက်တွင် ကုန်ပစ္စည်းအသစ်များအတွက် ငွေချေရန် ပိုက်ဆံများအား ကြည့်ရာ ကောင်တာအံဆွဲသော့ လုံးဝပျက်စီးချို့ယွင်းခြင်းမရှိဘဲ အတွင်းရှိ ကျပ်သိန်း ၆၀ သည် ပျောက်ဆုံးနေခဲ့ခြင်း ဖြစ်သည်။

ထို့အပြင် အံဝှက်အတွင်း ထည့်ထားသည့် ကျပ်သိန်း ၁၉၃ သိန်းကျော်တန်ဖိုးရှိ လက်ဝတ် ရွှေထည်ပစ္စည်း များပါ ပျောက်ဆုံးနေသည်ဟု ဆိုသည်။ ထို့အတူ ဇန်န၀ါရီ ၂၁ ရက်ကလည်း ၎င်းအံဆွဲအတွင်း ထည့်ထား သည့် ငွေကျပ် သိန်း ၂၀တစ်ကြိမ် ပျောက်ဆုံးခဲ့ကြောင်းနှင့် ယခုအကြိမ် ပျောက်ဆုံးမှုကိုလည်း ရဲကိုမတိုင် ဘဲ မိသားစုနှင့်အတူ စောင့်ကြည့်စုံစမ်းမှုများ ပြုလုပ်ခဲ့သည်ဟု ဆိုထားသည်။

သို့သော်စုံစမ်းမရသဖြင့် ခိုးယူသူကို စုံစမ်းဖော်ထုတ်ပေးရန် ဒေါ်ခင်မေရီက မတ် ၁၂ ရက်တွင်လာရောက် အမှုဖွင့် တိုင်တန်းခြင်းဖြစ်သည်ဟု ရဲတပ်ဖွဲ့က ဆိုသည်။ ယင်းတိုင်တန်းမှုကို တာမွေရဲစခန်း က(ပ)၁၃၃/ ၂၀၁၄ဖြင့် အမှုဖွင့်ပြီး ပြစ်မှုကျူးလွန်သူကို စုံစမ်းဖော်ထုတ်နေကာ ပုဒ်မ ၃၈၀ဖြင့် အရေးယူသွာမည်ဟု ဆို သည်။

Mizzima Burmese