ဦးပိန်တံတား၏ အခန်းပေါင်း ၁၈ ခန်းရှိ တိုင်လုံး များ ဆိုးရွားစွာပျက်စီးနေပြီး စိုးရိမ်ဖွယ်ဖြစ်နေ
ပို့စ်တင်ချိန်
- 3/17/2014 09:26:00 PM
အောက်ခြေမရှိတော့သော တံတားတိုင်လုံးအချို့အနီး လှေတစ်စင်းလှော်ခတ်နေသည်ကို ယခုလ ၈ ရက်ကတွေ့ရစဉ်။ ဓာတ်ပုံ - ဖြိုးဝေကျော်
ပြည်တွင်းနှင့် ကမ္ဘာလှည့် ခရီးသွားများအကြား အထူးထင်ရှားသော အမရပူရမြို့ရှိ ဦးပိန် တံတား၏
အခန်းပေါင်း ၁၈ ခန်းရှိ တိုင်လုံးများ မှာ ဆိုးရွားစွာ ပျက်စီးနေကာ တံတားကြီး ရေရှည်တည်တံ့ရေး
အတွက် စိုးရိမ်ဖွယ်ရာ အခြေအနေသို့ ရောက်ရှိနေကြောင်း ဒေသခံများကပြောသည်။
လွန်ခဲ့သော နှစ်ပေါင်း ၁၆၀ ခန့်က မြို့စာရေးဦးပိန်က ကျွန်းတိုင်ပေါင်း ၁, ၀၀၀ ကျော် အသုံးပြုကာ၊
ကမ္ဘာတွင် အရှည်လျားဆုံး သစ်သားတံတားအဖြစ် တောင်သမန်အင်းကို ဖြတ်၍ ဆောက်လုပ်ခဲ့
သော ဦးပိန်တံတား မှာ ယခုအခါ တိုင်လုံးများလည်း လျော့နည်းပပျောက်ခဲ့ပြီဖြစ်ကာ လက်ရှိ
တိုင်လုံးတချို့မှာ အောက်ခြေပိုင်းမရှိတော့ဘဲ အန္တရာယ်ရှိသောအခြေအနေရှိနေသည်ဟု
ဆိုသည်။
"အခု ဦးပိန်တံတားရဲ့ကြံ့ခိုင်မှုက ပြီးခဲ့တဲ့ငါးနှစ်တာ ကာလလောက်နဲ့ နှိုင်းယှဉ်ရင်ပဲ ချို့ယွင်းချက်
တွေ များနေပါပြီ။ သင်္ကြန်ကာလလို၊ ရတနာ့ဂူနတ်ပွဲကာလလို ဧည့်လာများ တဲ့အချိန်တွေမှာ ပွင့်
ပွင့်လင်းလင်းပြောရ ရင် အန္တရာယ်အတော်များပါတယ်။ အခု ကျွန်တော်တို့ ကွင်းဆင်းစစ်ဆေးတာ
မှာ အခန်း ပေါင်း ၁၈ ခန်းက တိုင်လုံးတွေ ပျက်စီးနေတာ အခြေအနေ တော်တော်ဆိုးပါတယ်။
ဒါကို လည်း ဒီလ ၆ ရက်နေ့ ရက်စွဲနဲ့ အမရပူရမြို့နယ် အုပ်ချုပ်ရေးမှူးဆီကို တင်ပြထားပါတယ်။
သူတို့က သက်ဆိုင်ရာ တာဝန်ရှိသူတွေဆီ ဆက်လက်တင်ပြသွားကြမှာပါ"ဟု အမရပူရမြို့
ဆင်စွယ်ပွတ် ရပ်ကွက်အုပ်ချုပ်ရေးမှူး ဦးညွန့်ဝေက ယခုလ ၈ ရက်တွင် ပြော သည်။
ဦးပိန်တံတားတွင် အခန်းတစ်ခန်း၌ တိုင်လုံး နှစ်လုံးပါဝင်ကြောင်း၊ စဆောက်စဉ်က တိုင်လုံး
၁,၀၀၀ ကျော်ရှိခဲ့သော်လည်း လက်ရှိတွင် ၈၉၀ ခန့်သာ ရှိတော့ကြောင်း၊ သစ်သားခါးပန်းများ
မကောင်းသည့်အခန်းမှာ သုံးခန်းရှိကြောင်း လည်း ပြောသည်။
"အမရပူရမြို့နယ်က လွှတ်တော်ကိုယ်စားလှယ်ကတော့ ကျွန်တော့်ဖေ့စ်ဘွတ်အကောင့် မှာ
ဦးပိန်တံတားကို လာမယ့်ဘဏ္ဍာနှစ်ထဲမှာ အစိုးရဘတ်ဂျက်နဲ့ ပြုပြင်သွားဖို့ရှိတယ်လို့ မှတ်ချက်
ဝင်ရေးပေးထားပါတယ်။ လက်ရှိမှာတော့ မဟာဂန္ဓာရုံကျောင်းတိုက်က ဆရာတော်တွေ၊
တောင်မင်းကြီးဘုရား ဂေါပကအဖွဲ့ဝင်တွေက ပျက်စီးတာတွေကို ကိုယ့်အင်အားနဲ့ ကိုယ်
လုပ်ပေးကြပါတယ်" ဟုလည်း ဦးညွန့်ဝေ က ပြောသည်။
ဦးပိန်တံတားအနီးရှိ တောင်သမန် ငှက်လှေ အသင်း ဥက္ကဋ္ဌ ဦးစိုးဝင်းကမူ ယခုလ ၂ ရက်နေ့ကပင်
တံတားအခန်း ၁၂၂ ခန်းမှ တိုင်လုံးတစ်လုံးကျိုးခဲ့ကြောင်း၊ အထက် ဖော်ပြပါ အဖွဲ့များနှင့် ငှက်လှေ
အသင်းမှ အဖွဲ့ဝင်များပါဝင်လျက် တံတားကြံ့ခိုင်မှု မကောင်းသော အပိုင်းတချို့ကို တပိုင်တနိုင်
ပြုပြင်ပေးကြကြောင်း၊ ယခုနှစ်တွင် ကျပ် ဆယ်သိန်းကျော်ဖိုး ရှိပြီဖြစ်ကြောင်း ပြော သည်။
"အခု ငှက်လှေ ၄၇ စီးရှိတာမှာ သင်္ကြန်တွင်း လူစည်ချိန်မျိုးဆို လည်ပတ်သူတွေ အန္တရာယ်
ကင်းစေဖို့ ကျွန်တော်တို့ ငှက်လှေခတ်သမားတွေလည်း တာဝန်ရှိသူတွေနဲ့ ပူးပေါင်း စောင့်ကြည့်
ပေးရပါတယ်။ တချို့အပျော်လွန်တဲ့သူတွေက တံတားပေါ်မှာ ခုန်ကြ၊ နှဲ့ကြတာတွေ ရှိတော့
အန္တရာယ်များလွန်းတယ်။ မနှစ်ကဆို သင်္ကြန်တွင်းမှာ တံတားပေါ်က ခြောက်ယောက် ပြုတ်ကျ
တယ်။ ပြီးခဲ့တဲ့ ၂၀၁၁ ကနေ အခုထိဆို အကြောင်းအမျိုးမျိုးကြောင့် ပြုတ်ကျတဲ့သူက အနည်း
ဆုံး ၁၃ ယောက်လောက် ရှိပါတယ်။ ပြုတ်ကျရင်ပြီဆို အနည်းဆုံး ကျိုးရင် ကျိုး၊ ဒါမှမဟုတ်ရင်
အသက်ဆုံးတာပဲ"ဟု ဦးစိုးဝင်းက ယခုလ ၁၀ ရက်တွင် တယ်လီဖုန်း ဖြင့် မေးမြန်းရာ၌ ပြောသည်။
ဦးပိန်တံတား အခန်းတချို့မှာ ပြီးခဲ့သော ၂၀၀၄ ခုနှစ်ရေတက်ချိန်က ပျက်စီးမျောပါ ခဲ့ဖူးကာ
ယခုအခါ သစ်သားတံတား၏ အချို့ အခန်းများကို ကွန်ကရစ်တိုင်များဖြင့် အစားထိုး ထားသည်။
ဖြိုးဝေကျော်နှင့် လှိုင်ကျော်စိုး
မြန်မာတိုင်း(မ်)
