ရန်ကုန်တိုင်းဒေသကြီးအတွင်းရှိ ကျူးကျော်အိမ်ထောင်စုပေါင်း ၅၃၀၀၀ ကျော်ကို ဖယ်ရှားရန် သတိပေးစာများ ထပ်မံပေးပို့
ပို့စ်တင်ချိန်
- 3/02/2014 03:52:00 PM
(အင်းစိန်မြို့နယ်ရှိ မီးရထားစက်ခေါင်းစက်ရုံပိုင်မြေအတွင်းရှိ ကျူးကျော်နေအိမ်များကို ဖေဖော်ဝါရီ ၂၁ ရက်က ဖယ်ရှားခဲ့စဉ်)
ရန်ကုန်တိုင်းဒေသကြီးအတွင်း ကျူးကျော်နေထိုင်နေသည့် အိမ်ထောင်စုပေါင်း ၅၈ဝဝဝ ကျော်မှ ၅ဝဝဝ ခန့်ကို အင်အားသုံး ဖယ်ရှားပြီးနောက်တွင် နောက်ထပ် ကျန်ရှိနေသည့် ကျူးကျော်အိမ်ထောင်စုပေါင်း ၅၃ဝဝဝ ကျော် ဖယ်ရှားရန် သတိပေးစာများ ပို့ထားကြောင်း ရန်ကုန်တိုင်းဒေသကြီး နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီးတင်ဝင်းက မတ် ၁ ရက်တွင် ပြောကြားသည်။
“၁၈၉၈ အောက်မြန်မာနိုင်ငံ မြို့နှင့် ကျေးရွာ အက်ဥပဒေအရ အရေးယူဖြေရှင်းရတာပဲ။ မဖြစ်မနေ လုပ်ရမယ့်အခြေအနေရောက်လို့ လုပ်ရတာ”ဟု ဗိုလ်မှူးကြီးတင်ဝင်းက ပြောကြားသည်။
ကျန်ရှိနေသည့် ကျူးကျော်နေထိုင်သူ အိမ်ထောင်စုပေါင်း ၅၃ဝဝဝ ကျော်ကို ဖယ်ရှားပေးရန် သတိပေးမှုများ ပြုလုပ်ထားသော်လည်း ကျောင်းနေအရွယ်များ ရှိနေသဖြင့် မည့်သည့်အချိန်တွင် ပယ်ဖျက်မှုကို စတင်နိုင်သည်ကို အတိအကျ မပြောနိုင်သေးကြောင်း ဗိုလ်မှူးကြီးတင်ဝင်းက ဆိုသည်။
သို့သော် ဖယ်ရှားခံပြီး ကျူးကျော်နေထိုင်သူများနှင့် လက်ရှိဖယ်ရှားရန် အကြောင်းကြားထားသော ကျူးကျော်နေထိုင်သည့် အိမ်ထောင်စုများကို တိုင်းဒေသကြီးအစိုးရအဖွဲ့အနေဖြင့် ပြန်လည်နေရာချထားပေးရန် အစီအစဉ်မရှိသေးကြောင်း သိရသည်။
ဗိုလ်မှူးကြီးတင်ဝင်းက “အခုက ကျူးကျော်နေထိုင်မှုတွေထဲမှာ အမှန်တကယ်မရှိလို့ နေထိုင်တဲ့သူက နည်းနည်းပဲပါတယ်။ အဓိကတော့ အိမ်ရှိပြီးသားလူတွေက ရှိတဲ့အိမ်တွေကို အကြောင်းအမျိုးမျိုးကြောင့် ရောင်းစားတယ်။ ပြီးတော့ ကျူးကျော်လို့ရတဲ့ မြေနေရာလွတ်တွေမှာ တဲထိုးနေထိုင်တာ တဖြည်းဖြည်း များလာတယ်။ အချို့တွေကျတော့လည်း ပိုက်ဆံရှိရဲ့သားနဲ့ ကျူးကျော်နေအိမ်တွေ ဆောက်တယ်။ ဘယ်လိုမှ ဒီပြဿနာက ဖြေရှင်းလို့ ပြီးမှာ မဟုတ်ဘူး” ဟု ဆိုသည်။
ကျူးကျော်နေထိုင်မှုကို ဖြေရှင်းရန် ရန်ကုန်တိုင်းဒေသကြီး အစိုးရအဖွဲ့နှင့် ပြည်ထောင်စုအစိုးရအဖွဲ့မှ တာဝန်ရှိသူတို့ ဆုံတွေ့မှုများ ပြုလုပ်ခဲ့သော်လည်း တိကျသည့်တစ်စုံတစ်ရာ အဖြေထွက်ရှိခဲ့ခြင်း မရှိခဲ့သေးကြောင်း သိရသည်။
လက်ရှိအချိန်တွင် ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ်ဦးမြင့်ဆွေသည် ယခင်က ရန်ကုန်တိုင်းတိုင်းမှူး အဖြစ်လည်းကောင်း၊ ဦးခင်ညွှန့်နောက်ပိုင်း ထောက်လှမ်းရေးအရာရှိချုပ်အဖြစ်လည်းကောင်း၊ အမှတ်(၅)က စထမှူးအဖြစ်လည်းကောင်း လုပ်ကိုင်ခဲ့သူဖြစ်သည်။
ထို့နောက် ဆိပ်ကြီးခနောင်တို မဲဆန္ဒနယ်အမှတ်(၂) တိုင်းဒေသကြီးလွှတ်တော် ကိုယ်စားလှယ်အဖြစ် ၀င်ရောက်ရွေးချယ်ခံခဲ့ကြောင်းနှင့် ထိုမှတစ်ဆင့် ရန်ကုန်တိုင်းဒေသကြီး ၀န်ကြီးချုပ်အဖြစ် ရွေးချယ်ခံခဲ့ရသည်။
ဝန်ကြီးချုပ်ဦးမြင့်ဆွေသည် ယခင်ဒုတိယသမ္မတဟောင်း သီဟသူရတင်အောင်မြင့်ဦး၏ နေရာတွင် အစားထိုးရွေးချယ်ခံရမည်ဟု ရေပန်းစားခဲ့သော်လည်း သမီးဖြစ်သူသည် နိုင်ငံခြားသားဖြင့် လက်ထပ်ထားသည့် သတင်း ထွက်ပေါ်လာပြီးနောက် ရွေးချယ်ခံခဲ့ရခြင်း မရှိခဲ့ပေ။
Eleven Media Group
