ဟောင်ကောင်က ပုံဖော်မယ့် အာရှအိမ်ဖော်တွေရဲ့အနာဂတ်

ပို့စ်တင်ချိန် - 3/17/2014 09:27:00 PM

အသွေးအရောင်စုံသော ခေတ်မီဟောင်ကောင်မြို့ကြီးကို ၂ဝ၁၄ ခုနှစ်တွင် ပထမဆုံးကိုင်လှုပ်ခဲ့သောသတင်းမှာယခင်နှစ်များအတိုင်းပင် အိမ်ဖော်ကိစ္စ ဖြစ်ပါ သည်။ လူမဆန်စွာ ညှဉ်း ပန်းနှိပ်စက်ခံခဲ့ရသော အင်ဒိုနီးရှား အိမ်ဖော်အမျိုးသမီး Eruiana Sulistyaningsih ၏ ဖြစ်ရပ်က ဟောင်ကောင်ရှိ အိမ်ဖော်တို့၏ အကာအကွယ် မဲ့နေပုံကို ရှင်းရှင်းလင်းလင်း ညွှန်းဆိုနေသလိုပင်။

”နေ့တိုင်းလိုလိုကို အရိုက်ခံနေခဲ့ရတာပါ။ နောက်ဆုံးလမ်းမလျှောက်နိုင် တဲ့အထိ ဖြစ်လာလို့သာ” ဟု သူမကဆိုပါ သည်။ ဆေးရုံခုတင်ထက်တွင် လဲလျောင်းပြီး ဆေးကု သမှုခံယူ နေရသော သူမ၏ခန္ဓာကိုယ်အနှံ့တွင်တွေ့ရသည်က အညို အမည်းစွဲ ဒဏ်ရာဒဏ်ချက်များပင် ဖြစ်သည်။

များမကြာမီနှစ်များအတွင်း ဟောင်ကောင်မြို့ကြီးကို လှုပ်ခတ်စေခဲ့သောသတင်းများမှာ အိမ်ဖော်များနှိပ်စက်ခံရမှု ဖြစ်သည်။ ကမ္ဘာ့အိမ်ဖော်ဈေးကွက်၏ တစ်ဝက်နီးပါး ပမာဏ ခန့်ရှိသော ဟောင်ကောင်တွင် အာဏာပိုင် တို့က အိမ်ဖော်တို့ ၏ လုပ်ခလစာနှင့် အဆင့်အတန်းကိုကာကွယ်ရန် ကြိုးစားမှု မလုံလောက်သေးကြောင်းသတင်းများက သက်သေပြနေ သည်။ အိမ်ဖော်ဈေးကွက် အ တွက် တင်းကျပ်သော မူဝါဒများ ချမှတ်လာခြင်းကပင် အာရှဒေသတစ်ခုလုံးက အိမ်ဖော် အမျိုးသမီးများစွာ၏ဘဝကို ထိခိုက်လာစေသည်။

ကမ္ဘာ့အလုပ်သမားရေးရာ အဖွဲ့အစည်း(ILO) ၏ စစ်တမ်းအရ ကမ္ဘာတစ်ဝန်းတွင်အိမ်ဖော်အဖြစ် အသက်မွေးသူ အနည်းဆုံး ၅၃ သန်းရှိနေပြီး အများစုမှာ အမျိုးသမီး များဖြစ်သည်။ ယင်းပမာဏအရ ယခု ဈေးကွက်အနေအထား သည် အိမ်ဖော်ဈေးကွက် စတင်ပေါ်ပေါက်လာသော ၁၉၉ဝ ပြည့်နှစ်များထက် ၆ဝ ရာခိုင်နှုန်းခန့် တိုးပွား များပြားလာသည် ကိုတွေ့ရသည်။ များမကြာခင်တွင် ကမ္ဘာတစ်ဝန်း အိမ်ဖော် ဈေးကွက် ပိုမိုတွင်ကျယ်လာပြီး အိမ်ဖော်အရေအတွက် သန်း ၁ဝဝ အထိ ရောက်လာမည်ဟု အိုင်အယ်လ်အိုက ခန့်မှန်း ထားသည်။ လက်ရှိအိမ်ဖော်ဈေးကွက်၏ ၄၁ ရာခိုင်နှုန်းမှာ အာရှနှင့်ပစိဖိတ်ဒေသတွင်တည်ရှိနေပြီး ယင်းဒေသများတွင် အိမ်ဖော် ဝန်ဆောင်မှု လုပ်ငန်းများ ရှေးကပင်တည်ရှိနေသည်။

အာရှအိမ်ဖော်ဈေးကွက်သည် ဟောင်ကောင်၊ ထိုင်ဝမ်၊ စင်ကာပူနှင့် မလေးရှားတို့အပေါ်တွင် ဗဟိုချက်မူတည်သည်။ ဖိလစ်ပိုင်၊ အင်ဒိုနီးရှား၊ သီရိလင်္ကာ၊ နီပေါ၊ ဘင်္ဂ လားဒေ့ရ်ှနှင့် မြန်မာကဲ့သို့သော ဆင်းရဲသောနိုင်ငံများမှ အိမ်ဖော်များက အေးဂျင့်များ၏ အစီအစဉ်ဖြင့် အဆိုပါဗဟိုချက်နိုင်ငံများသို့ သွားရောက်ကြသည်။ ဝင်္ကပါ သ ဖွယ် ရှုပ်ထွေးသော အာရှ အိမ်ဖော်ဈေးကွက်တွင် အိမ်ဖော်ရှာဖွေစုဆောင်းရေး အေဂျင် စီများ၊ ငွေကြေးစိုက်ထုတ်သူများ၊ အကြွေးစနစ်ဖြင့် ဝန်ဆောင်မှုပေးသူများ၊ အစိုးရ ယန္တရားနှင့် ပညာမတတ်သည့် အမျိုးသမီး ၂ သန်းကျော်တို့ ပါဝင်လှုပ်ရှားနေကြသည်။

အာရှအိမ်ဖော်ဈေးကွက်၏ အဓိကနိုင်ငံသည် ဟောင် ကောင်ဖြစ်သည်။ ဟောင်ကောင်သည် တိုင်းတစ်ပါးမှအိမ်ဖော် ခေါ်ယူခြင်းကို ၁၉၇ဝ ပြည့်နှစ်လယ်ကတည်းက စတင်ခွင့်ပြု ခဲ့ပြီး ယခုအခါ ကမ္ဘာအနှံ့မှအိမ်ဖော်တို့၏ ဦးတည်ရာတစ်ခု အဖြစ် ခိုင်ခိုင်မာမာ ရပ်တည်နေပြီဖြစ်သည်။ အိမ်ထောင်စု ရှစ်စုတိုင်းတွင် တစ်စုက အိမ်ဖော် ငှားရမ်းကြပြီး ကလေး ရှိသော အိမ်ထောင်စု ၃ စုတိုင်းတွင် တစ်စုကအိမ်ဖော် ငှားရမ်းသည်အထိ ဟောင်ကောင်သည် အိမ်ဖော်အပေါ် မှီခို နေသည်ကို တွေ့ရ သည်။ အများအားဖြင့် ပြည်ပမှ အိမ်ဖော် များ ငှားရမ်းကြသည်။ ဟောင်ကောင်ရှိ အိမ်ဖော်ပမာဏမှာ အလုပ်အင်အားစု၏ ၁ဝ ရာခိုင်နှုန်းခန့်နှင့် လူဦးရေစုစုပေါင်း ၄ ဒသမ ၄ ရာခိုင်နှုန်းအထိရှိနေသည်ဟု စာရင်းဇယားများအရ ညွှန်းဆိုနေသည်။

ဟောင်ကောင်သည် အာရှတလွှားမှာ အိမ်ဖော်အဖြစ် အသက်မွေးရသည့် အမျိုးသမီးတို့အတွက် အိမ်သဖွယ်ဖြစ် နေသည်။ အထူးသဖြင့်ဖိလစ်ပိုင်နှင့်အင်ဒိုနီးရှားတုိ့မှ အိမ်ဖော် တို့ဖြစ်သည်။ ပိတ်ရက်ဖြစ်သော တနင်္ဂနွေနေ့များတွင်တော့ အိမ်ဖော် တို့ အပြင်သွားအပန်းဖြေကြသည်။ ဟောင်ကောင်၏ နေရာ အနှံ့တွင် သူတို့ကိုတွေ့နိုင် သည်။

”ဒီကလူတွေက ယျေဘုယျတော့ ကြင်နာတတ်ကြပါတယ်” ဟု အသက် ၂၈ နှစ်အရွယ် အင်ဒိုအိမ်ဖော်အမျိုး သမီးအန်းက ဆိုသည်။ အရှေ့အာရှတွင် အကြွယ်ဝဆုံးဒေသတစ်ခုဖြစ်သော ဟောင်ကောင်သည်အစဉ်အလာ
အရပင် အိမ်ဖော်ဈေးကွက် ရှိခဲ့သည်။

ယခုကဲ့သို့ ပြည်ပမှအိမ်ဖော်များခေါ်ယူရာတွင် တစ်ပတ် တစ်ရက် အား လပ်ခွင့်ပေးခြင်း၊ နှစ်စဉ် လစာပြည့် ခွင့်ပေးခြင်းကဲ့သို့သော အကာအကွယ်များနှင့် တရားဝင်တိုင် ကြားခွင့်ပြုသည့် အစီအစဉ်များကို စီမံထားပေးသည်။

သို့ရာတွင် တစ်ပတ်အလုပ်ချိန် ၄၈ နာရီလုပ်ရသော အခြားလုပ်သားများက ဟောင်ကောင်ဒေါ်လာ ၅၇၆ဝ နှင့် ၆၂၄ဝ ကြားရနေသော်လည်း အိမ်ဖော်တို့အတွက် လုပ်ခ လစာသတ်မှတ်ချက်မှာ ဟောင်ကောင်ဒေါ်လာ ၄ဝ၁ဝ (ကန် ဒေါ်လာ ၅၁၅ )သာ ရှိသေးသည်။

”ဟောင်ကောင်က ပြည်ပအိမ်ဖော်တွေရဲ့လုပ်ခနှုန်းထားက အမှန်ေ တာ့ လျော့နည်းလာတယ်လို့တောင် ပြောရမယ်”ဟု အပြည်ပြည်ဆိုင်ရာအိမ်ဖော်ရေးရာအဖွဲ့ချုပ်၏ ဦးဆောင်ညွှန်ကြားရေးမှူး Fish Ip က ပြောသည်။

အကြောင်းမှာ အခြားငွေကြေးလဲလှယ်နှုန်းများနှင့် နှိုင်းယှဉ် လျှင် ဟောင်ကောင်ဒေါ်လာ၏ ငွေဖောင်းပွမှုနှုန်းကြောင့် အိမ်ဖော်များအနေဖြင့် လွန်ခဲ့သည့် ၁၆ နှစ်ကရသည့် လုပ်ခထက် နည်းပါးနေသည်ဟု ၎င်းကဆိုသည်။

ယျေဘုယျအားဖြင့် ဟောင်ကောင်ရောက်ပြည်ပအိမ်ဖော်များသည် လုပ်ခလစာ၏ထက်ဝက်ကို အိမ်ပြန်ပို့ နိုင်ပြီး ခြောက် လနှင့်တစ်နှစ်အတွင်း အေဂျင်စီများကို ဝန်ဆောင်မှု အကြွေးအကြေအလည် ပြန်လည်ပေးဆပ်နိုင်သည်ဟု သိရသည်။

ဟောင်ကောင်တွင် အိမ်ဖော်လုပ်ခမှာ ပုံသေမရှိပေ။ အဘယ့်ကြောင့်ဆိုသော် အလုပ်ချိန်အကန့်အသတ်မရှိ၍ ဖြစ်သည်။ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (Amnesty International) ၏ အစီရင်ခံစာအရ အိမ်ဖော်အမျိုးသမီး၏ ၃ ပုံ ၁ ပုံက တစ်နေ့အလုပ်ချိန် ၁၇ နာရီအထိ အလုပ် လုပ်ရလေ့ရှိကြောင်း သိရသည်။ အများစုက တစ်ပတ် အားလပ်ရက် တစ်ရက်သာယူလေ့ရှိရာ တစ်ပတ်လျှင်အလုပ် ချိန်နာရီ ၁ဝဝ အထိရှိနေသော သဘော ဖြစ်နေသည်။ ဆိုလို သည်က ဟောင်ကောင်သည် အိမ်ဖော်တို့အလုပ် ဖိစီးမှု အများဆုံးနေရာတစ်ခု ဖြစ်သည်။

”တည့်တည့်ပြောရရင်တော့ ဟောင်ကောင်က အိမ်ဖော်လုပ်သားတွေကို တန်ဖိုးထားမှုအနည်းဆုံးနေရာတစ်ခုပါ”ဟု လူ့အခွင့်အရေးဆောင်ရွက်သူ ရှေ့နေ Rob Connelly က ပြောသည်။ ဟောင်ကောင်၏အိမ်ဖော် လုပ်ခလစာနည်းပါးမှုသည် အခြားဒေသအတွင်း နိုင်ငံများအပေါ်သက်ရောက်မှုများစွာ ရှိသည်။ ထို့ကြောင့်ပင် အိမ်ဖော် လုပ်ခနှုန်းထားမှာ ထိုင်ဝမ်တွင် (ကန်ဒေါ်လာ ၅၁ဝ ခန့်)၊ စင်ကာပူတွင် ကန်ဒေါ်လာ (၇၅)၊ မလေးရှားတွင် ကန်ဒေါ်လာ (၁၈၁)မျှသာရှိခြင်း က ဟောင်ကောင် အိမ်ဖော် ဈေးကွက်၏ရိုက်ခတ်မှုကြောင့် ဖြစ်သည်။

”ဟောင်ကောင်မှာ အိမ်ဖော်လိုအပ်ချက် မြင့်မားလာတာ၊ နိမ့်ကျသွားတာဟာ အခြားနိုင်ငံတွေက အိမ်ဖော်တွေ ရဲ့လုပ်ခလစာအပေါ်ကို သက်ရောက်မှု ရှိနေပါတယ်”ဟု အကျိုးအမြတ် မယူသော Asian Migrant Center ၏ ဦးဆောင် ညွှန်ကြားရေးမှူး Reiko Harima က ပြောသည်။ ”ဟောင်ကောင်မှာသာ အိမ်ဖော်လုပ် ခနှုန်း ထား မြင့်နေ ရင် ပြီးတော့ အိမ်ဖော်လိုအပ်ချက်များရင် တခြားနိုင်ငံတွေလည်း မနေနိုင်ဘူး။ အိမ်ဖော်လုပ်ခကို လိုက်မြှင့်ပေးရလိမ့် မယ်။ မဟုတ်ရင် အားလုံးဟောင်ေ ကာင် ကိုပဲ သွားမှာမို့ အဲဒီ နိုင်ငံတွေမှာ အိမ်ဖော်လိုအပ်ချက်တွေ ရှိလာလိမ့်မယ်”ဟု ၎င်းက သုံးသပ်သည်။

မြို့ပြနိုင်ငံဟောင်ကောင်တွင် ဒီမိုကရက်တစ်နည်းမကျ သော မူဝါဒများလည်း ရှိနေသေးရာ ယင်းက အိမ်ဖော်များ ကို နှိပ်စက်ညှဉ်းပန်းမှုအား ပိုမို အားပေးနေသကဲ့ သို့ ပင်ဖြစ်သည်။ သို့ကြောင့်ပင် ဟောင်ကောင်သည် အိမ်ဖော်လုပ်သားတို့အတွက် ‘စားရမှာလည်း သဲတရှပ်ရှပ်’ ၊ ‘ပစ်ရမှာလည်း အဆီတဝင်းဝင်း’ ဖြစ်နေခြင်း ဖြစ်သည်။

ယခုနှစ်အတွင်းပင် ဟောင်ကောင်အာဏာပိုင်တို့၏ မူဝါဒပြင်ဆင်ချက်တစ်ခုက အိမ်ဖော်လုပ်သားတို့အတွက် ပိုမိုကျပ်တည်းလာစေသည်။ အိမ်ရှင် ၃ ဦး အ ထိပြောင်းပြီးသော အိမ်ဖော်အား နေထိုင်ခွင့် (ဗီဇာ)သက်တမ်း တိုးမပေးတော့ရန် ဆုံးဖြတ်ချက်ဖြစ်သည်။ အာဏာပိုင်တို့က အလုပ်မကြာခဏ ကူးပြောင်းခြင်းကို ကာ ကွယ်ရန်ဟုဆိုသော်လည်း လုပ်သားတို့ အတွက် အိမ်ရှင်ဆိုး၏ဒဏ်ကို အံကြိတ်ခံရုံသာရှိတော့သည့် အနေအထား။

၂ဝဝ၃ ခုနှစ်ကလည်း အိမ်ရှင်၏နေအိမ်တွင် နေထိုင် စေသည့် ဆုံးဖြတ်ချက်က အလုပ်ချိန်ကို အကန့်အသတ် မရှိဟူသော အနေအထားကို ရောက်စေခဲ့သည်။ထိုသို့သော အခြေအနေက အိမ်ရှင်တို့အဖို့ အိမ်ဖော်များ အပေါ် စိတ်ကြိုက်ဆက်ဆံခွင့်ရစေသော အနေအထားဖြစ် သည်။ ထို့ကြောင့်ပင် ၂ဝ၁၂ ခုနှစ်တွင် အိမ်ဖော် များညှဉ်း ပန်း နှိပ်စက် ခံရမှု (၃ဝဝဝ)မျှသာရှိရာမှ ၂ဝ၁၃ တွင် ၇ဝဝဝ အထိ တိုးလာခဲ့ရသည်အထိ ဖြစ်သည်။

”ရွှေ့ပြောင်းအိမ်ဖော်တွေဟာ ခေတ်သစ်ကျွန်တွေလို ဆက်ဆံခံနေရတဲ့ အနေအထားပါ။ သူတို့ဟာ ညစ်ပတ်တဲ့ အလုပ်တွေ လုပ်နေရတယ်။ ဒါကပဲ သူတို့ကို ဆက်ဆံချင် သလို ဆက်ဆံလို့ ရတယ်ဆိုတာမျိုး ဖြစ်နေတယ်” ဟု ဟောင်ကောင်ရှိ အိမ်ဖော်များခိုလှုံရာ စခန်းတာဝန်ခံ Adwina Antonio က ပြောသည်။ မည်သို့ ပင် ဝေဖန် မှုများ ရှိစေကာမူ ဟောင်ကောင် အာဏာပိုင်တို့က မမှု၊ ပြုပြင်ပြောင်းလဲရေးမလုပ်။ ထို့ကြောင့် ပင် အခြားနိုင်ငံများက အိမ်ဖော်ပို့ခြင်းကိုရပ်ဆိုင်းရေး လုပ် ဆောင်လာရသည်။

အင်ဒိုနီးရှားက ၂ဝ၁၇ တွင် ဟောင်ကောင်သို့ အိမ်ဖော် စေလွှတ်ခြင်းရပ်ဆိုင်းရန် ကြေညာခဲ့သည်။ ယခုအခါ ဟောင်ကောင်သို့ အိမ်ဖော်စေလွှတ်ခြင်း တရားဝင် စတင်ပြု လုပ် နေပြီဖြစ်သော မြန်မာအစိုးရကလည်း အိုင်အယ်လ်အိုနှင့် ဆွေးနွေးကာ အိမ်ဖော်တို့အတွက် ပိုမိုကောင်းမွန်သော အဆင့်အတန်း လုပ်ခလစာရရေး မူဝါဒ ရေး ဆွဲနေပြီဖြစ်သည်။ အိမ်ဖော်စေလွှတ်မည့် နိုင်ငံများကသာ ထိုကဲ့သို့ တင်းတင်းကျပ်ကျပ် တောင်းဆိုမှုပြုပါက ဟောင်ကောင်သား တို့အဖို့ ရွေးစရာ များများ မရှိလှ ပါ။ အိမ်ဖော်တို့အတွက် ပိုမိုကောင်းမွန်သော အခြေအနေတစ်ခုကို ဖန်တီးပေးရမည် သာ။ အဘယ့်ကြောင့်ဆိုသော် ဟောင်ကောင်သားတို့အဖို့ အိမ်ဖော်သည် မရှိလျှင် မဖြစ်သည့် အနေအထားဖြစ်၍ ဖြစ်ပါသည်။

ကျော်ရဲလင်း
Ref:How Hongkong’s ”maid trade”is making life worse for domestic workers throughout Asia

Popular Myanmar News Journal