မဲဆွယ် စကားလုံးထက်ပိုသင့်သော အခမဲ့ကျန်းမာရေး စောင့်ရှောက်မှုများ

ပို့စ်တင်ချိန် - 3/29/2014 07:13:00 PM

ကြားဖြတ် ရွေးကောက်ပွဲကြောင့် ကမ္ဘာကသိခဲ့သော ကော့မှူး မြို့လေးပေါ် မှ ဆေးခန်း တစ်ခု သည် ရွေးကောက်ပွဲအပြီး မကြာမတင် ကာလ လေး၌ပင် လူမသိ၊ သူမသိပိတ်သိမ်းသွားခဲ့သည်။

”ကျွန်တော်က အမျိုးသား နိုင်ငံရေးလုပ်တာ၊ ကျွန်တော့် တာဝန်က ပြည်သူတွေ နဲ့ထိတွေ့ဖို့၊ ဆေး ခန်း(၂) ခန်းဖွင့်ထားတယ်” ဟူသော စကားကို ဆိုခဲ့သူ ကတော့ ၂ဝ၁၂ ကြားဖြတ် ရွေးကောက်ပွဲ တွင် ကော့မှူးမြို့နယ်၏ လွှတ်တော် ကိုယ်စားလှယ်အဖြစ် အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည် နှင့် ယှဉ်ပြိုင် အရွေးခံခဲ့ သော ပြည်ခိုင်ဖြိုး ပါတီမှ ကိုယ်စားလှယ်လောင်း ဒေါက်တာ စိုးမင်း ဖြစ်ပါသည်။

၂ဝ၁၂ ခုနှစ် ဧပြီလတွင် ပြုလုပ်ခဲ့သော ကြား ဖြတ်ရွေးကောက်ပွဲ မတိုင်မီက ဖွင့်လှစ်ပြီး အခမဲ့ ဆေးကုသမှု ပေးခဲ့သော ဒေါက်တာ စိုးမင်း၏ ကော့ မှူးမြို့ပေါ် မှ ဆေးခန်းနှင့်ကော့မှူး မြို့နယ် အစွန် အဖျားရွာ များထိအောင် လိုက်လံ သွားရောက်ကာအခမဲ့ ဆေးကုသ မှုပြုခဲ့သော Mobile Team တို့ သည် ရွေးကောက်ပွဲ အပြီးတွင် ရပ်တန့် သွားခဲ့သည်ဟု ကော့မှူးမြို့နယ် အမျိုးသား ဒီမိုကရေစီ အဖွဲ့ချုပ် အတွင်းရေးမှူး ဦးဌေးဦးက ပြောသည်။

”ရွေးကောက်ပွဲပြီးပြီး ဘာကြာလိုက်လို့လဲ ရပ်သွားတာပဲ”ဟု ဦးဌေးဦးက ပြောသည်။

ရွေးကောက်ပွဲ မတိုင်မီက ဒေါက်တာစိုးမင်း သည် ယခုကဲ့သို့ အခမဲ့ ဆေးကုသမှု ပေးခြင်းသည် မဲဆွယ် လုပ်ရပ် တစ်ခု မဟုတ်။ ရှုံးသည်ဖြစ်စေ၊ နိုင် သည်ဖြစ်စေ ကျန်းမာရေး စောင့်ရှောက်မှုကို ဆက် လက်လုပ်ဆောင် သွားမည်ဟု မီဒီယာများကို ပြော ခဲ့ပါသည်။

ယခုကဲ့ သို့သော ကိစ္စမျိုးသည် မြန်မာတွင် သာမက ကမ္ဘာနှင့် ပါချီကာ မထူးဆန်းသော ကိစ္စ များပင် ဖြစ်ပါသည်။ ကိုယ်စားလှယ် အဖြစ် ရွေး ချယ်ခြင်း မခံရသူတို့ ၏ မဲဆွယ် ကတိစကားတို့ လေ ထဲတွင် လွင့်ပျယ်သည် က တော်ပါသေးသည်။ မဲဆန္ဒ နယ်မြေ တစ်ခု၏ ကိုယ်စားလှယ်သည် ပင် ထိုမဲဆန္ဒနယ် အတွက် ဘာမှ လုပ်ဆောင် မပေးနိုင် သည့် အဖြစ်တို့ကို ကမ္ဘာ အနှံ့တွေ့နိုင်သည်။

မြန်မာနိုင်ငံ တွင်မူ ၂ဝ၁ဝ ရွေးကောက်ပွဲ သည် ၁၉၈၈ နောက်ပိုင်း ပထမဆုံးသော ရွေး ကောက်ပွဲ ဖြစ်သော်လည်း ၂ဝ၁၂ ကြားဖြတ်ရွေး ကောက်ပွဲ ကိုသာ လူထုက အရေး တယူရှိခဲ့ သည်ကို တွေ့ရသည်။ သို့သော် တကယ့် ရည်မှန်းချက် ကြီးသော လက်ရှိအနိုင်ရ ပြည်ထောင်စု ကြံ့ခိုင်ရေး နှင့်ဖွံ့ဖြိုးရေး ပါတီကမူ ၂ဝဝ၇ ခုနှစ် လူမှုရေး အသင်း အဖြစ် ရပ်တည်နေခဲ့စဉ် ကတည်းက အခမဲ့ ကျန်း မာရေး စောင့်ရှောက်မှု ဆေးခန်း များကို ဖွင့်လှစ်ပေးခဲ့သည်ကို တွေ့ရသည်။

”ဖြိုးစေတနာ ဆေးခန်းတွေကို ၂ဝဝ၇ကစပြီး ဖွင့်ခဲ့တာ။ မြို့တော် ဆေးခန်း ဆိုပြီးစခဲ့တာ။ စမ်း ချောင်း၊ သင်္ဃန်းကျွန်း စတဲ့ အခြေခံ ပြည်သူတွေ အများဆုံးနေထိုင် တဲ့ နေရာတွေမှာ ဆေးခန်းလေး တွေ စဖွင့်ခဲ့တာ ၂ဝ၁ဝ မှာတော့ ဆေးခန်းပေါင်း ၄၅ ခုဖွင့်ခဲ့ပြီး ဖြစ်တယ်”ဟု ပြည်ခိုင်ဖြိုး ပါတီ၏ ရန်ကုန် တိုင်းဒေသကြီး လူမှုရေး ၊ကျန်းမာရေး စောင့် ရှောက်မှု တာဝန်ခံ ဦးတင်ဝင်းက ပြောသည်။

၂ဝ၁ဝ သည် အထွေထွေ ရွေးကောက်ပွဲ ကျင်းပရာ နှစ်ဖြစ်သည်။ ထို့အတူ ထိုရွေးကောက်ပွဲ တွင် ပြည်ခိုင်ဖြိုး ပါတီကအများစု အနိုင်ရပြီး အစိုးရ ဖွဲ့နိုင်ခဲ့ သည်ဟု ဆိုရ မည် ထိုကာလတွင် ပြည်ခိုင်ဖြိုး ပါတီ၏ ဖြိုးစေ တနာ ဆေးခန်း သည် အဆင်ပြေပြေ လည်ပတ်နိုင်ခဲ့သည့် ကာလ လည်း ဖြစ်သည်။

”အဲဒီအချိန်က ဆေးခန်း အတွက် ရန်ပုံငွေ ရှာရတာ အဆင်ပြေ တယ်။ ဆေးခန်း အတွက် ဆေးပိုင်းရော၊ ဆရာဝန်ရော၊ သူနာပြု နဲ့ဆေးဝါး ကျွမ်းကျင်တွေရော၊ အထွေထွေ လုပ်သားတွေပါ ခန့်အပ်နိုင်တဲ့ အထိပါပဲ” ဟု ဦးတင်ဝင်းက ပြော သည်။

ဖြိုးစေတနာ ဆေးခန်း တိုင်းတွင် ဆရာဝန် တစ်ဦး၊ သူနာပြုတစ်ဦး၊ ဆေးဝါး ကျွမ်းကျင်တစ်ဦး၊ ဆေးခန်း အကူတစ်ဦး အနည်းဆုံး ခန့်ထားနိုင်သည့် အခြေအနေ ရှိသော ကာလ များလည်း ဖြစ်သည်။ အချို့မြို့နယ် ဆေးခန်း များတွင် ဆရာဝန်နှစ်ဦး အထိပင် ခန့်အပ်နိုင်ခဲ့သည်ဟု သိရသည်။

”မြို့တော် ဆေးခန်းမှာ ဆိုရင် မျက်စိအတွင်း တိမ်ကို ခွဲစိတ် ကု သပေးနိုင်ခဲ့တယ်။ ပြင်ပလူနာ ဌာန၊ မျက်မှန်ဌာန၊ ဓာတ်မှန်အခမဲ့ ရိုက်တာ၊ သွား နှင့်ခံတွင်း ပြီးတော့ တိုင်းရင်းဆေးခန်း ပါဖွင့်ပြီးကု သပေးခဲ့တယ်” ဟု ဦးတင်ဝင်း ကဆိုပြီး မြို့နယ် ဆေးခန်းပေါင်း ၄၅ တွင် အခမဲ့ ဆေးကုသမှုကို ၂ဝ၁ဝ အထိ အောင်အောင်မြင်မြင် လည်ပတ် လုပ် ဆောင်နိုင်ခဲ့ သည်ဟု ဆိုသည်။

ကျန်းမာခြင်းသည် လာဘ်တစ်ပါး ဖြစ်နေရာ ငွေကြေးမပြည့်စုံ၊ မတတ်နိုင်သူတို့ အတွက် ကျန်း မာရေးစောင့်ရှောက် မှုပေးမည် ဆိုလျှင် မည်သည့် ပါတီ၊ မည်သည့် အဖွဲ့အစည်း ကပင်ဖြစ်စေ ကြိုဆို ရမည် သာဖြစ်သည်။ ထိုသို့သော် လူ အများစုဖြစ် သည့် အောက်ခြေ လူတန်း စားတို့အရေး ရေရှည် ဆောင်ရွက်ပေးခြင်း သည် အများစု ၏ ထောက်ခံမှု ကို ရယူရေးတွင် အရေးပါသည်က သိလွယ်မြင် သာသော အချက် ဖြစ်ပါသည်။

သို့ရာတွင် တာထွက်ကောင်းခဲ့သော အနိုင်ရ ပြည်ခိုင်ဖြိုး ပါတီ၏ ဖြိုးစေတနာ ဆေးခန်း အော်ပ ရေးရှင်းသည် ၂ဝ၁၂ ခုနှစ် အကုန်ခန့်တွင်
အသက်ဆက်ရှင်ရန်ပင် အသည်းအသန်ရုန်းကန်နေ ရသည့် အနေအထား ဖြစ်လာခဲ့သည်။

”၂ဝ၁၂ ကြားဖြတ် အပြီးမှာတော့ တိုင်းပါတီ ရဲ့ရန်ပုံငွေဟာ အင်မတန် နည်းသွားတယ်။ ဒါကြောင့် ဆေးခန်းတွေကို တိုင်းပါတီ အနေနဲ့ အရင်ကလို မထောက် ပံ့ ပေးနိုင်တော့ဘူး”ဟု ဦးတင်ဝင်းက ပြောသည်။

တိုက်ဆိုင်စွာပင် ယင်းကာလသည် ဒေါ်အောင် ဆန်းစုကြည် ဦးစီးသော အတိုက်အခံ အမျိုးသား ဒီမိုကရေစီ အဖွဲ့ချုပ် အောင်ပွဲခံ ကာလဖြစ်နေပါ သည်။ ၂ဝ၁၂ ခုနှစ် ဧပြီလ ကြားဖြတ်ရွေးကောက် ပွဲတွင် မဲဆန္ဒနယ် ၄၆ နေရာတွင် ၄၄ နေရာ အထိ NLD က အနိုင် ရခဲ့ခြင်းသည် ဖြိုးစေတနာ ဆေး ခန်း၏ အနာဂတ်နှင့် ဆက် စပ် နေမလား အတွေး ပွားကြသူ များလည်း ရှိပါသည်။

”၂ဝ၁၂ အလွန်လေးမှာ တိုင်းပါတီက ဒီ ဆေးခန်းတွေ ကို ထောက်ပံ့မှု ရပ်ဆိုင်းလိုက်တယ်” ဟု ဦးတင်ဝင်း ကပြောပြီး မြို့နယ်ပါတီ ရန်ပုံငွေ ဖြင့်သာ တတ်နိုင်သည့် မြို့နယ် များက ဖွင့်ပေးခဲ့ရာ မလုံလောက် မှုတို့ဖြစ်လာသည်ဟု ဆိုသည်။

ထိုကဲ့သို့ ရပ်ဆိုင်းလု နီးပါး ဖြစ်သွားသော အခြေအနေက အခြေခံ လူတန်းစားတို့ အတွက် ထိုးနှက်ချက် တစ်ရပ်ပင် ဖြစ်သည်။ ထို့အတူပင် သူတို့သည် မဲဆွယ် စကားတွေ ကို အဟုတ်ထင် မှတ်မိသွားပြီလားဟု ဇဝေဇဝါ ဖြစ်လာကြရသည်။

”လူတွေက ပြောကြတယ်။ အလကား မဲဆွယ်တာ။ မယုံကြည့်နေ ရွေးကောက်ပွဲ ပြီးရင် ပိတ်သွား လိမ့်မယ်လို့။ အဲဒီအတိုင်း များ ဖြစ်နေသလားပဲ။ အခု ဆိုဆေးခန်း ဖွင့်တာ ကို မတွေ့ရသလောက်ပဲ” ဟုသမိုင်းလမ်းဆုံ အနီးနေ အသက် ၄၂ နှစ် အရွယ် ဒေါ်အေးမြ ကပြောသည်။ ဘောက် အလုပ်ဖြင့် အ သက် မွေးရသော သူမ သည် ရင်ကြပ်ဝေဒနာက အချိန်မရွေး ဖိစီးနေတတ်သည်မို့ မည်သည့် နေရာ ကပင် ဖြစ်စေ။ ကျန်းမာရေး စောင့်ရှောက်မှု ခံရဖို့က အဓိကဖြစ်သည်ဟု ဆိုသည်။

ကြားဖြတ်အနိုင်ရ ဒီချုပ်ပါတီသည်လည်း ပါတီခေါင်းစဉ် အောက်မှ အခမဲ့ ဆေးကုသမှုပေး သော ဆေးခန်းများကို ၂ဝ၁၂ အကုန်မှ စ၍ ခပ်စိတ်စိတ် ဖွင့်လှစ် လာခဲ့သည်။

ဒီချုပ်သည် ယခင်ကပင် ပြည်သူထောက်ခံမှု အပြည့်ရရှိထားသော နိုင်ငံရေး ပါတီဖြစ်သည့်အပြင် အများ၏ ယုံကြည်ကိုးစားခံ ပါတီလည်း ဖြစ်ရာ ယင်း လုပ်ရပ်တို့က ထင်ထားသည်ထက် အောင်မြင်လာခဲ့သည်။

သို့ရာတွင် မပြည့်စုံမှု တို့နှင့်လုံးချာလည် လိုက်နေသော ပြည်သူတို့က အရောင်ခွဲ မနေအား ကြောင်း တွေ့ရသည်။

”အရင်က ဒီမှာ စဖွင့်ထားတဲ့ ဖြိုး(စေတနာ) ဆေးခန်းသွားပြတယ်လေ။ တစ်ခုခုဖြစ်လာရင် အရမ်းအဆင်ပြေတယ်။ ဒါပေမဲ့ သူတို့က ပိတ်တဲ့ နေ့ဆို အပြင်ဆေးခန်းမှာ ပဲ ပြရတော့ စရိတ်ကြီးတယ်။ တော်ရုံဆို မသွားဖြစ်တော့ဘူး”ဟု ဗဟန်း မြို့နယ်နေ ခေါင်းရွက် ဗျပ်ထိုးဈေးသည် ဒေါ်မေ ကျင်က ပြောသည်။

”ဘာပါတီညာ ပါတီမသိချင်ဘူး။ နေမကောင်း ဖြစ်တဲ့အချိန်မှာ ဘယ်သူ ပဲဖြစ်ဖြစ် ကုပေးရင် ကျေးဇူးတင်ရတာပဲ”ဟု သူမက ဆက်ပြောသည်။

အများပြည်သူအတွက် ကျန်းမာရေးစောင့် ရှောက်မှုပေးခြင်းသည် သာမန်ပရဟိတ အလုပ်မဟုတ်။ ပါတီအတွက် ကြီးစွာ အထောက် အကူပြု စေသော မဲဆွယ်စည်းရုံးမှု တစ်ခုလည်း ဖြစ်သည် ကို အများ ကလက်ခံထားကြသည်။

”၂ဝ၁၃ ဖေဖော်ဝါရီလမှာ Mobile Medical Team ဆိုပြီးတော့ ဖြိုးစေတနာ ရွေ့လျား ကျန်းမာ ရေး စောင့်ရှောက်မှု အဖွဲ့ နဲ့ပြန်စခဲ့တယ်”ဟု ဦးတင်ဝင်း ကပြောပြီး ယင်းသည် ပါတီ၏ အင်အား တိုး တက်စေရေး အတွက် စည်းရုံးမှု တစ်ခုလည်း ဖြစ်သည်ဟု ဝန်ခံခဲ့သည်။

”ပြည်သူတွေ ကျန်းမာရေး ဖွံ့ဖြိုး တိုးတက်စေလိုတဲ့ စေတနာလည်း ပါပါတယ်” ဟု ၄င်းက ပြောသည်။

မြန်မာ့နိုင်ငံရေး လောကတွင် အင်အား အကြီး ဆုံးဟု ဆိုရမည့် ပြည်ခိုင်ဖြိုး ပါတီနှင့် ဒီချုပ်တို့က အခမဲ့ကျန်းမာရေး စောင့်ရှောက်မှု ဆေးခန်းများ ဖွင့်နေသကဲ့ သို့ အခြားသောနိုင်ငံရေး ပါတီများ လူမှု အဖွဲ့အစည်း များကလည်း လုပ်ဆောင်ပေးရန်ကို ပြည်သူတို့က မျှော်လင့်နေပါသည်။

ကျွန်တော်တို့ကလည်း တတ်နိုင်သလောက် လုပ်ပါမယ်။ ဒါပေမဲ့ တစ်နိုင်ငံလုံး အတိုင်းအတာ လွှမ်းခြုံ ဖို့က အားလုံးပါမှ ရမယ်။ နိုင်ငံရေး
ပါတီ လူမှုရေးအဖွဲ့ အစည်းဘာမှ ခွဲခြားမနေပါနဲ့။ လုပ်သင့်တာကို လုပ်ပေးကြပါ”ဟု ဒီချုပ် ကျန်းမာရေး ကွန်ရက် ဥက္ကဋ္ဌ ဒေါက်တာ တင်မျိုးဝင်းက ပြောသည်။

မှန်ပါသည်။ ယခုအချိန်တွင် ရန်ငါခွဲခြင်းဖြင့် အကောင်းထက်အဆိုးကိုသာ ပိုမို ဦးတည်စေမည့် အချိန်ဖြစ်ပါသည်။ မဲဆွယ်ခြင်း ဖြစ်စေ၊ တကယ့် စေတနာ ဖြစ်စေ အများစုသော ပြည်သူ တို့က ကျန်းမာရေး စောင့်ရှောက်မှုကို လိုအပ်နေကြပါ သည်။ အများပြည်သူ ကျန်းမာရေး စောင့်ရှောက်မှုသည် မဲဆွယ်စည်းရုံးမှု သက်သက်သာဖြစ် မနေ စေချင်သည်ကို အားလုံး သတိချပ်စေလိုပါသည်။

”ကျန်းမာရေးကိစ္စနဲ့ ပတ်သက်လာရင် ကျွန်တော်တို့မှာ ဘာအရောင်မှ ရှိမနေသင့်ဘူး” ဟု ဒေါက်တာ တင်မျိုးဝင်းက မှတ်ချက်ပြုသည်။

ကျော်ရဲလင်း၊ မြတ်စုငြိမ်း
Popular Myanmar News Journal