ဆိုက်ဘာတိုက်ခိုက်မှုကြောင့် မလေးရှားလေယာဉ် ပျောက်ဆုံးသွားခြင်း ဖြစ်နိုင်

ပို့စ်တင်ချိန် - 3/18/2014 06:47:00 PM

အိုင်ဘီတီ
ဆိုက်ဘာ အကြမ်းဖက်သမားများက “ကုတ်နံပါတ်” အမျိုးမျိုးအား အသုံးပြုကာ မလေးရှား ပျောက်ဆုံးလေ ယာဉ် MH 370 ၏ လေယာဉ်တွင်းဖျော်ဖြေမှုနှင့် လုံခြုံရေး ဆော့ဖ်ဝဲကို ဖောက်ထွင်းခဲ့ခြင်း ဖြစ်နိုင်သည်ဟု ဗြိတိန်မှအကြမ်းဖက် ဆန့်ကျင်ရေး ကျွမ်းကျင်ပညာရှင်တစ်ဦးက ပြောကြားခဲ့သည်ဟု အိုင်ဘီတီ သတင်း တစ်ရပ်၌ မတ်လ ၁၇ ရက်တွင် ဖော်ပြထားသည်။
ဘိုးရင်း ၇၇၇ ၏ မြန်နှုန်း၊ ဦးတည်ရာနှင့် ပင်လယ်ရေပြင်အမြင့် ပျံသန်းမှု အနေအထားတို့အား သေးငယ် သော ရေဒီယို အချက်ပြကိရိယာကို အသုံးပြုကာ ပြောင်းလဲနိုင်သည်ဟု ယူကေပြည်ထဲရေးရုံး၏ အကြံ ပေးဟောင်းတစ်ဦးဖြစ်သူ ဆယ်လီလီဗက်စလီက ပြောကြားလိုက်သည်။
ဘိုရင်း ၇၇၇ ၏ လည်ပတ်ပုံစနစ်ကို ကောင်းမွန်စွာ သိရှိသူတစ်ဦးမှ လေယာဉ်ပျံသန်းမှုကို ရည်ရွယ်ချက် ရှိရှိဖြင့် ရပ်ဆိုင်းခဲ့ခြင်း ဖြစ်နိုင်သည်ဟု စုံစမ်းစစ်ဆေးသူများမှ စဉ်းစားခဲ့ပြီးနောက် ၎င်းက ယခုကဲ့သို့ ပြော ကြားလိုက်ခြင်း ဖြစ်သည်။
ပျောက်ဆုံးနေသည့် ဘိုးရင်း ၇၇၇ မှာ ဆိုက်ဘာပြန်ပေးဆွဲခံရသော ကမ္ဘာ့ပထမဆုံး လေယာဉ်တစ်စင်း ဖြစ်လာနိုင်သည်ဟုလည်း ၎င်းက ဆိုသည်။“ပျံသန်းနေတဲ့ လေယာဉ်ကို လျှပ်စစ်ထိန်းချုပ် ကိရိယာတစ်ခုနဲ့ ထိန်းချုပ်ခြင်းဟာ အလွန်ကို သပ်ရပ်လှပတဲ့ အစောဆုံးသော အစီအစဉ်တစ်ခု ဖြစ်တယ်လို့ ကျွန်မ ပြော ချင်ပါတယ်” ဟု ၎င်းက ယူကေအခြေစိုက် ဆန်းဒေးအိတ်စ်ပရက်သို့ ပြောကြားခဲ့သည်။
ထို့အတူ တစ်စုံတစ်ဦးက လေယာဉ်ကို လေယာဉ်ပေါ်ရှိ ခုံတစ်ခုံမှ သို့မဟုတ် အဝေးမှ“လှည့်ဖျားထိန်းချုပ်” သည့် အထောက်အထားများလည်း ထွက်ပေါ်လာလျက်ရှိသည်ဟု လီဗက်စလီက ဆိုသည်။
“ရှုပ်ထွေးတဲ့ စက်မှုပညာကို ကောင်းကောင်းနားလည်တဲ့ တစ်ယောက်ယောက်က စီစဉ်နေတာလည်း ဖြစ်နိုင်ပါတယ်။ လေယာဉ်က လေထုထဲကို ရောက်သွားတဲ့အချိန်မှာ အချက်ပြတာတွေ၊ လေယာဉ်မောင်း နှင်ရာမှ ပြုလုပ်နေကျ လုပ်ငန်းစဉ်တွေကို အမိန့်ပေးတာ၊ ကုတ်နံပါတ် ထည့်သွင်းတာတွေကို ပြုလုပ်နိုင်ပါ တယ်” ဟုလည်း ၎င်းက ဆိုသည်။
ဆိုက်ဘာတိုက်ခိုက်မှုဟု ဆိုနိုင်သည့် အခြားအကြောင်းအရင်း တစ်ခုမှာမူ ဘိုးရင်း၏ လုံခြုံရေးစနစ်အပေါ် စိုးရိမ်မှုရှိသည်ကို ယခင်က ဖော်ပြခဲ့ပြီး လေယာဉ်အတွင်းပိုင်းရှိ တချို့အစိတ်အပိုင်းများကို ပြောင်းလဲခွင့်ပြု ရန် အမေရိကန်ဖက်ဒရယ် လေကြောင်းအုပ်ချုပ်ရေးသို့ ခွင့်ပြုချက် တောင်းခံခဲ့ဖူးသည်။ ၂၀၁၂ ခုနှစ်၊ သြ ဂုတ်လတွင်လည်း ဘိုးရင်း ၇၇၇ လေယာဉ်များကို လုံခြုံရေးအပိုပစ္စည်းများ တပ်ဆင်ခွင့်ပြုရန်လျှောက်ထား မှုများ ရှိခဲ့သည်။

Mizzima - News in Burmese