သိမှတ်စရာ နည်းပညာ (အသက်ကယ် လေအိတ်စနစ်)

ပို့စ်တင်ချိန် - 3/11/2014 03:43:00 PM

အပိုင်း (၁)
==============================
လင်းလင်း(IA)

အခုနောက်ပိုင်း မော်ဒယ်မြင့်ကားတိုင်းမှာ တပ်ဆင်ပါရှိနေတဲ့ Airbagလို့ ခေါ်တဲ့ အသက်ကယ် လေအိတ်စနစ် အကြောင်းကို ကျွန်တော်က ပြန်ပြီး ဝေမျှပေးချင်ပါတယ်။ ဒီစနစ်ကို အင်္ဂလိပ်ဘာသာနဲ့ အဓိပ္ပါယ် ဖွင့်ဆိုထားတာက စက်ပစ္စည်းဆိုင်ရာ ဘေးကင်းလုံခြုံရေးစနစ်ရယ်လို့ ဖြစ်ပြီး သူက သတ်မှတ်ထားတဲ့ အရှိန်နဲ့ အထက် ရွေ့လျားနေတဲ့ စက်၊ ယာဉ်တစ်ခုကို ရုတ်တရက် ရပ်တန့်လိုက်တာမျိုး ဒါမှမဟုတ် ရပ်တန့်စေနိုင်လောက်အောင် တစ်စုံတစ်ရာနဲ့ ဆောင့်မိ၊ တိုက်မိတာမျိုး ဖြစ်ပေါ်တဲ့ အခါတွေမှာ စနစ်က စတင် အသက်ဝင် လှုပ်ရှားတော့မှာ ဖြစ်ပါတယ်။

သူ့ရဲ့ စနစ်မှာ အလျော့အတင်း၊ အကွေး အဆန့် လုပ်နိုင်တဲ့ လေအိတ်တွေကို အဓိက အခြေခံထားပြီး ထုတ်လုပ် ဖန်တီးထားတာ ဖြစ်ပါတယ်။ တကယ်လို့ အထက်မှာ ကျွန်တော် ပြောခဲ့သလို စနစ်မှာ သတ်မှတ်ထားတဲ့ အရှိန်နဲ့ အထက် သွားလာ မောင်းနှင်နေတဲ့ ကားတစ်စီးဟာ ရုတ်တရက် ရပ်တန့်လိုက်ရပြီ ဆိုရင် အလိုအလျောက် လေအိတ်တွေ ပွင့်လာမှာ ဖြစ်သလို အဲဒီ လေအိတ်တွေထဲကို ပြင်ပက လေတွေ ချက်ချင်း ၀င်ရောက် ပြည့်ဝသွားစေအောင် ဖန်တီးထားတာ ဖြစ်ပါတယ်။

သတ်မှတ်ထားတဲ့ အရှိန်ဆိုတာကလည်း စက် ဒါမှမဟုတ် မော်တော်ကားကို မောင်းနှင်နေသူ အပါအ၀င် လိုက်ပါ နေသူတွေ အားလုံးအတွက် ရုတ်တရက် ရပ်တန့်လိုက်မှုကြောင့် ယာဉ် အတွင်းပိုင်း တစ်စုံတစ်ရာနဲ့ ခိုက်မိ ဒဏ်ရာ ရစေနိုင်လောက်တဲ့ အရှိန် ဒါမှမဟုတ် ပြင်ပကို လွင့်စင် ခိုက်မိစေနိုင်လောက်တဲ့ ပျမ်းမျှ အရှိန်ကို ဆိုလိုတာ ဖြစ်ပါတယ်။

ကနဦး အသက်ကယ် လေအိတ်စနစ်တွေက ယာဉ်မောင်းသူ အတွက်လောက်သာ ထည့်သွင်းတည်ဆောက်ခဲ့ကြတာ တွေ့ရပေမယ့် နောက်ပိုင်းမှာတော့ ယာဉ်စီးသည် အကုန်လုံးအတွက် အသက်ကယ် လေအိတ် တစ်လုံးစီ ဖြစ်စေ၊ စုပေါင်း အသက်ကယ် လေအိတ်စနစ်တွေ ဖြစ်စေ သီးသန့်စီ တပ်ဆင် ထည့်သွင်းလာကြပါတယ်။ အဲဒီလို ယာဉ်တစ်စီးမှာ အသက်ကယ် လေအိတ်စနစ်တွေ အများအပြား တပ်ဆင်လာကြတဲ့ အခါ ပုံသေ ပံစံ တပ်ဆင်တာမျိုးတွေ မရှိတော့ပဲ ယာဉ်ထုတ်လုပ်တဲ့ ကုမ္ပဏီ ကွဲပြားရင် ကွဲပြားသလို တပ်ဆင်တဲ့ စနစ်၊ တပ်ဆင်တဲ့နေရာ အပါအ၀င် အာရုံခံစနစ် အလုပ်လုပ်ပုံတွေတောင်မှ ကွဲပြားတာ တွေ့ရတတ်ပါတယ်။
ဒါပေမယ့် တူညီစွာ လုပ်ဆောင်တတ်တဲ့ အချက်တစ်ချက်တော့ ရှိပါတယ်။ အဲဒါကတော့ အသက်ကယ် လေအိတ် စနစ်တိုင်းဟာ ရှေ့ဘက် တိုက်ခိုက် ရပ်တန့်မှုတွေ အတွက်ပဲ ထုတ်လုပ်ထားတာ တွေ့ရခြင်း ဖြစ်ပါတယ်။ ချွင်းချက် အနေနဲ့တော့ အချို့သော ကားတွေမှာ ဘေးဘက် တိုက်ခိုက် ပျက်စီးမှုတွေ အတွက်ပါ အသက်ကယ် လေအိတ်စနစ်ကို တပ်ဆင် ထည့်သွင်းထားတာ တွေ့ရပါတယ်။

သူ့ရဲ့ သမိုင်းကြောင်းကို ပြောပါဆိုရင်တော့ ၁၉၇၀ပြည့်လွန်နှစ်တွေလောက်ကစပြီး ခရီးသည်တင် မော်တော်ယာဉ်တွေမှာ ဒီစနစ်ကို စတင် စမ်းသပ် တပ်ဆင် ထုတ်လုပ်ခဲ့တာ ဖြစ်ပြီးတော့ ပြီးပြည့်စုံတဲ့ စနစ် အဖြစ်တော့ အသက်မ၀င်ခဲ့ပါဘူး။ နောက်ပိုင်း ၁၉၈၀နဲ့ ၁၉၉၀ပြည့်လွန်နှစ်တွေ ရောက်မှ အသက်ကယ် လေအိတ်စနစ်တွေ ကားတွေမှာ တပ်ဆင်တာ ခေတ်စားလာပြီး အရင်ဆုံး တပ်ဆင်မှုတွေမှာ ပြောခဲ့ပြီးသလို ယာဉ်မောင်းတစ်ယောက်တည်း အတွက် အသက်ကယ် လေအိတ်စနစ် တပ်ဆင်ရာကနေ နောက်ပိုင်း ရှေ့ဖက် ထိုင်ခုံတစ်တန်းစာ အသက်ကယ် လေအိတ်စနစ်တွေ တပ်ဆင်လာခဲ့ပါတယ်။ လက်ရှိ အချိန်ထိတော့ မော်ဒယ်မြင့် ကားတစ်စီးအတွက် အသက်ကယ် လေအိတ်စနစ် တပ်ဆင်မှုတွေက အနည်းဆုံး လေအိတ် လေးလုံးကနေ ပိုမို များပြားတဲ့ ပမာဏလောက်ထိအောင် မော်ဒယ် အပေါ်လိုက်ပြီး တပ်ဆင်လာတာ တွေ့ရပါတယ်။

အသက်ကယ် လေအိတ်စနစ် Airbagရယ်လို့ သတ်သတ်မှတ်မှတ် မခေါ်သေးချိန်က ဒီစနစ်ကို အမည် နာမတွေ တော်တော်များများ ပေးပြီး ခေါ်ခဲ့ပါသေးတယ်။ အလွယ်ပြောရရင် General Motorsက ၁၉၇၀ပြည့်နှစ်မှာ ဖန်တီးထုတ်လုပ်ခဲ့တဲ့ သူ့ရဲ့ ပထမဆုံး အသက်ကယ် လေအိတ်စနစ်ကို Air Cushion Restraint System (ACRS)လို့ ခေါ်ခဲ့သေးတာကိုပဲ ကြည့်ရင် သိနိုင်ပါတယ်။
ဒီစနစ်ဟာ ကိုယ်သိုင်း ခါးပတ်ကြိုးစနစ်ရဲ့ နောက်မှ ပေါ်ထွက်လာတဲ့ စနစ် ဖြစ်ပြီးတော့ ကြီးမားတဲ့ ယာဉ်မတော်တဆမှု ဖြစ်ပေါ်တဲ့ အခါတွေမှာ ကိုယ်သိုင်း ခါးပတ်တွေရဲ့ အထိန်းအသိမ်းလောက်နဲ့ မလုံလောက်တော့ဘူးဆိုတာကို သိလာတဲ့နောက်ပိုင်း အာရုံခံစနစ်တစ်ခုနဲ့ ချိတ်ဆက် လုပ်ဆောင်နိုင်မယ့် စနစ် တစ်ခုကို ဖန်တီးရင်းကနေ ပေါ်ပေါက်လာတာ ဖြစ်ပါတယ်။ နောက်ထပ် ဒီစနစ်ကို ဖန်တီးရခြင်းရဲ့ နောက်ထက် ရည်ရွယ်ချက်တစ်ခုက ကိုယ်သိုင်း ခါးပတ်ကြိုးတွေက်ို အစားထိုး တပ်ဆင်ဖို့ ဖြစ်ပြီး မော်တော်ယာဉ် မောင်းသူတိုင်းဟာ ကိုယ်သိုင်း ခါးပတ်ပတ်ဖို့ မေ့လျော့ကြတာကြောင့်နဲ့ မပတ်ချင်ကြတာတွေကြောင့် ဒီစနစ်နဲ့ အစားထိုးပြီး ကိုယ်သိုင်း ခါးပတ် စနစ်ကို ဖယ်ထုတ်ဖို့ ရည်ရွယ်ထားခဲ့တာ ဖြစ်ပါတယ်။

ဒါပေမယ့် တကယ်တမ်း စမ်းသပ် လုပ်ဆောင်မှုတွေမှာ အသက်ကယ် လေအိတ်စနစ်ကလည်း ရာနှုန်းပြည့် ကောင်းမွန်အောင် ကွာယ်နိုင်တဲ့ စနစ် တစ်ခု ဖြစ်မလာသေးသလို ကိုယ်သိုင်း ခါးပတ်စနစ်ကလည်း သူလိုလိုပါပဲ။ ဒါကြောင့် လက်ရှ်ိ အချိန်အထိ အသက်ကယ် လေအိတ်စနစ်နဲ့ ကိုယ်သိုင်း ခါးပတ်စနစ်တွေက ကျွန်းကိုင်းမီ၊ ကိုင်းကျွန်းမီ ဖြစ်နေရသေးတာပါ။

နောက်ပိုင်းမှာ တပ်ဆင်လာတဲ့ အသက်ကယ် လေအိတ်စနစ်တွေက ဘယ်လောက်ထိအောင် များပြား စေ့စပ်လာလဲ ဆိုရင် မော်တော်ယာဉ် အတွင်းမှာ ထိုင်နေတဲ့ ခရီးသည် တစ်ယောက်အတွက် သွေးထွက် ဒဏ်ရာ တစ်ခုခုရစေနိုင်လောက်အောင် မာကျောတဲ့ အရာတွေမှန်သျှကို ဖုံးလွှမ်းပေးထားနိုင်လောက်အောင်၊ ဒါမှမဟုတ် အဲဒီလို မာကျောတဲ့ နေရာတွေဆီကို ခရီးသည် လွင့်စင် ရောက်ရှိ မသွားအောင် ထိန်းချုပ် ထားနိုင်လောက်အောင်ပါပဲ။

နောက်ဆုံး ကျွန်တော် ပြောပြချင်တာကတော့ အဓိက အသက်ကယ် လေအိတ်စနစ်နှစ်မျိုး အကြောင်းပဲ ဖြစ်ပါတယ်။ သူတို့ကတော့ Side Torsoစနစ်နဲ့ Side Curtainစနစ်တွေ ဖြစ်ပါတယ်။ ပထမစနစ်ကို ပြောရရင် တင်ပါးဆုံရိုးနဲ့ ၀မ်းဗိုက်အောင်ပိုင်းလို နေရာတွေကို ထိခိုက်ဒဏ်ရာရခြင်းက ကာကွယ်ပေးနိုင်အောင် တပ်ဆင်တာ ဖြစ်ပြီးတော့ ဒီစနစ်မှာ လေအိတ်ခန်း နှစ်ခန်း ပါဝင်တာ တွေ့ရပါတယ်။ အောက်ဖက် လေအိတ်ခန်းကတော့ အနည်းငယ် မာကျော တင်းမာမှာ ဖြစ်ပြီး တင်ပါးဆုံရိုးကို ဖိညှပ်ထိန်းချုပ်ထားနိုင်အောင် ရည်ရွယ်တာကြောင့် ဖြစ်ပြီး အပေါ်ဘက် လေအိတ်ကတော့ ၀မ်းဗိုက်ပိုင်းကို ညှပ်ထားမှာ ဖြစ်တာကြောင့် နူးညံ့ ပျော့ပျောင်းပါလိမ့်မယ်။

ဒုတိယ စနစ်ကတော့ ဦးခေါင်းပိုင်းဆိုင်ရာ အသက်ကယ် လေအိတ်စနစ်ဖြစ်ပြီးတော့ Head Protection System(HPS)ရဲ့ ပြီးပြည့်စုံတဲ့ စနစ်ပါ။ ဒီစနစ်ရဲ့ ပုံစံက ပြွန်ပုံစံ တည်ဆောက်ပုံ ရှိပြီးတော့ ဘေးဘက်ထိန်းချုပ်မှု ပုံစံနဲ့လည်း တပ်ဆင် ထုတ်လုပ်တတ်တာ တွေ့ရပါတယ်။ နောက်ထပ် ထည့်သွင်း တပ်ဆင်တတ်သေးတဲ့ အသက်ကယ် လေအိတ်စနစ်တွေက Knee Airbagနဲ့ Rear Curtain Airbagတွေ ဖြစ်ပါတယ်။

TechSpace Journal