စစ်မှန်သောလယ်သမား
ပို့စ်တင်ချိန်
- 3/05/2014 01:48:00 PM
လယ်သမားဆိုတာ တိုင်းပြည်ရဲ့ စပါးကျီပါပဲ။ အဆင်းရဲပင်ပန်းခံပြီး တတိုင်းပြည်လုံး စားသုံးနိုင်ဖို့အတွက် လယ်သမားတွေ က ထွန်ယက်စိုက်ပျိုးပေးကြတယ်။ တနည်းအားဖြင့်ပြောရရင် လယ်သမားဟာ တိုင်းပြည်သူပြည်သားတွေရဲ့ ကျေးဇူး ရှင်တွေပေါ့။ ဒါကြောင့် လယ်သမားတွေကို တန်ဖိုးထားသင့်ပါတယ်။ အာဏာသုံးပြီး လယ်သမားတွေရဲ့ ဘ၀ကို မဖျက်ဆီး သင့်ပါဘူး။
ဒီနေရာမှာ တင်ပြချင်တာက ဘုရားရှင်ရဲ့ လယ်သမားဥပမာနှင့် နှိုင်းယှဉ်ပြီး ပုဂ္ဂလစ္ဇျာသယအားလျှော်စွာ လယ်သမား များနှင့်နီးစပ်တဲ့တရားလေးကို ဗဟုသုတအဖြစ် မျှဝေချင်တာပါ။
တစ်နေ့မှာ မြတ်စွာဘုရားရှင်ဟာ ကသိဘာဒွါဇအိမ်ရှေ့မှ ဆွမ်းခံရပ်တော်မူပါတယ်။ ထိုအခါ ကသိဘာရဒွါဇက ဘုရားရှင်ကို ပြောတယ်။
“ဒီမှာ ရဟန်း၊ ငါဟာ ထွန်းယက်စိုက်ပျိုးပြီး စားရတယ်။ သင်လည်း စားချင်ရင် ထွန်ယက်စိုက်ပျိုးလော့။”
“ပုဏ္ဏား၊ ငါလည်း ထွန်ယက်စိုက်ပျိုးပြီးမှ စားပါတယ်။”
“ရဟန်း၊ ထွန်ယက်စိုက်ပျိုးတယ်သာပြောတယ်။ ထမ်းပိုး၊ ထွန်သွား၊ ထွန်တုံးနှင့် နွားတို့လည်း မမြင်ပါလား။”
“ပုဏ္ဏား၊ ငါရဲ့သဒ္ဓါတရားဟာ မျိုးစေ့မည်တယ်။ ဣနြေ္ဒကို စောင့်ထိန်းခြင်းဟာ မိုးရွားခြင်းမည်တယ်။ ငါရဲ့ပညာဟာ ထမ်းပိုးနှင့်ထွန်တုံးမည်တယ်။ မကောင်းမှုမှ ရှက်ကြောက်မူဟာ ထွန်သွားမည်တယ်။ ငါရဲ့ စိတ်ဟာ ကြိုးလွန်းမည် တယ်။ အောက်မေ့မူသတိဟာ ထွန်သွားထွန်တံမည်တယ်။ သင်ဟာ လယ်ကို စောင့်ရှောက်သလို ငါဟာလည်း ကိုယ့်ကိုယ် ကို စောင့်ရှောက်တယ်။ နှုတ်ကိုစောင့်ရှောက်တယ်။ အာဟာရ၌ အသက်မွေးမှုစင်ကြယ်စေရန် စောင့်ရှောက်တယ်။ ၀မ်း၌ အတိုင်းအရှည်ကို သိတယ်။ မှန်သောစကားဖြင့် (ချို့ယွင်းသောစကားတည်းဟူသော) ပေါင်းမြတ်ကို ပယ်နုတ်ပြီးပြီ။ နိဗ္ဗာန်၌ မွေ့လျှော်မူတည်းဟူသော ငါ၏ အရဟတ္တဖိုလ်ဟာ ပြုလုပ်ဖွယ်အားလုံးတို့မှ လွတ်မြောက်တော့ပါတော့တယ်။
ငါရဲ့ ၀ီရိယဟာ ၀န်ကိုဆောင်တဲ့ နွားမည်တယ်။ နိဗ္ဗာန်ရောက်တဲ့အခါ မစိုးရိမ်ရဘူး။ ယောဂလေးပါးကုန်ရာ နိဗ္ဗာန်ကို ရှေး ရှုတည်လျှက် မဆုတ်မနစ်သွားတယ်။
ပုဏ္ဏား၊ ထိုသို့သောအခြင်းအရာအားဖြင့် ငါဟာ ထွန်ယက်စိုက်ပျိုးတယ်။ ထိုထွန်ယက်စိုက်ပျိုးခြင်းဟာ နိဗ္ဗာန်ဆိုတဲ့ အသီးအနှံရှိတယ်။ ထိုကဲ့သို့ လယ်ထွန်ပြီးသောကြောင့် ဆင်းရဲအားလုံးမှ လွတ်မြောက်တော်မူတယ်။”
တရားဥပမာလေးဟာ အရမ်းကို ကောင်းပါတယ်။ ဘုရားရှင်ဟာ ပုဂ္ဂိုလ်ရဲ့ စရိုက်အားလျှော်စွာပဲ သူနဲ့ သင့်လျော်မယ့်တရားကို နားလည်နိုင်မယ့်ဥပမာဖြင့် ဟောကြားတော်မူတာပါ။ မိမိတို့လည်း စစ်မှန်တဲ့လယ်သမားဖြစ်ဖို့အတွက် အထက်ပါအတိုင်း ဘုရားဟောတဲ့ ကိရိယာအစုံတွေ လိုအပ်တာပေါ့။ နိဗ္ဗာန်ဆိုတဲ့အသီးအပွင့်ရဖို့အတွက် သဒ္ဓါမျိုးစေ့စသော လိုအပ်တဲ့ အင်္ဂါတွေ ကောင်းမွန်အောင် ဆည်းပူးဖို့လိုပါတယ်။ ဒါမှသာလျှင် လောကီလယ်သမားအဆင့်မှ လောကုတ္တရာလယ်သမားအဆင့်သို့ တက်လှမ်းနိုင်မှာ ဖြစ်ပါတယ်။
အားလုံး အကောင်းဆုံးလယ်သမားများဖြစ်နိုင်ကြပြီး ဆင်းရဲအားလုံးမှ လွတ်မြောက်နိုင်ကြပါစေ။
ရွှေစမ်းမြေ အရှင်က၀ိဓဇသာရ
