ရိုက်ကွင်း ဒါရိုက်တာတချို့ အပြုအမူကြောင့် သရုပ်ဆောင်သစ်များ ကြောက်ရွံ့နေ
ပို့စ်တင်ချိန်
- 3/16/2014 10:50:00 PM
မြင့်မြင့်စိုး
မြန်မာဗီဒီယို ရုပ်ရှင်ရိုက်ကွင်းများတွင် ရိုက်ကွင်းတစ်ခုလုံးကို ဦးဆောင်ကာ ရိုက်ကူးနေသည့် ဒါရိုက်တာ များထဲမှ တချို့သောဒါရိုက်တာများသည် ၎င်းတို့ ပိုင်ဆိုင်ထားသည့် ဂုဏ်သိက္ခာကို ကောင်းစွာမထိန်းသိမ်း ကြဘဲ ပါဝင်သရုပ်ဆောင်နေကြသည့် သရုပ်ဆောင်အသစ်များကို ကိုယ်ထိလက်ရောက် ထိကပါးရိကပါး ပြုမူကာ ပြုလုပ်လာကြသည်ကို ၎င်းတို့၏ ရိုက်ကွင်းများတွင် တွေ့ရှိနေရသည်။
“ဒီကိစ္စက ဒါရိုက်တာတွေအားလုံးကို ထိခိုက်စေတဲ့ကိစ္စပဲ။ ကိုယ်ကြိုက်တာ ကိုယ်လုပ်ချင်ကြတာ မှန်ပေ မယ့် အဓိကနဲ့ သာမညကို ခွဲခြားတတ်ဖို့ လိုတယ်။ ရိုက်ကွင်းဘုရင်လို့ ခံယူပြီး ရှေးခေတ်ကဘုရင်တွေလို မျိုး ခံစားစံစားနေရင်တော့ ကိုယ်ဖန်တီး ပုံဖော်နေတဲ့ ဇာတ်ကားကောင်းတစ်ကား ဘယ်တော့မှဖြစ်လာမှာ မဟုတ်ဘူး။
အဲဒီတော့ ဒါရိုက်တာအားလုံးရဲ့ ဂုဏ်သိက္ခာကို ဖျက်ပစ်မယ့် အဲဒီလိုလူစားမျိုးတွေကို ဒါရိုက်တာအလုပ် လုပ်မစားဖို့ဘဲ မေတ္တာရပ်ခံချင်ပါတယ်”ဟု ဒါရိုက်တာ ပန်းချီစိုးမိုးက သုံးသပ်ပြောကြားခဲ့သည်။
၎င်းဒါရိုက်တာများသည် ယင်းရိုက်ကွင်းပေါ်တွင် အရက်သေစာများ သောက်စားကာ အလုပ်လုပ်နေကြ ခြင်းကြောင့် ယခုကဲ့သို့ အမှားများ ပါဝင်လာခြင်းဖြစ်သည်ဟု ယင်းဇာတ်ကားများတွင် ပါဝင်သရုပ်ဆောင် ကြသည့် သရုပ်ဆောင်သစ်များနှင့် ၎င်းတို့၏ မိခင်များက ပြောကြခြင်း ဖြစ်သည်။ ရိုက်ကွင်းပေါ်တွင် ယခု လိုအရက်သေစာ သောက်စားပြီး ပြောဆိုဆက်ဆံကာ အလုပ်လုပ်ရာတွင် သရုပ်ဆောင်အသစ်များအနေ ဖြင့် ၎င်းတို့၏ အနုပညာအလုပ်များ ထိခိုက်မည်စိုးရိမ်ကြသဖြင့် တချို့သည် မပြောကြသည်များ ရှိသည်။ပြန်လည်ပြောဆိုပါက ၎င်းတို့ကို အလုပ်မပေးကြသည်များလည်း ရှိသည်ဟု ပြောဆို ရင်ဖွင့်ကြသည်။
“ဒီလို ဒါရိုက်တာတွေကကို နန်းဆု ကြားပဲကြားဖူးတယ်။ ကိုယ်တိုင်မကြုံခဲ့ရပါဘူး။ ဒါရိုက်တာရဲ့စကားကို နားထောင်ရမယ်ဆိုတာ မှန်ပေမယ့် ဇာတ်ကားနဲ့ သက်ဆိုင်တာပဲ ဆိုင်တယ်လေ။ ကိုယ်ရေး ကိုယ်တာနဲ့ မဆိုင်ပါဘူး။ ဒါရိုက်တာ တချို့ သောက်စားကြတာ မှန်ပေမယ့် အလုပ်ကို မလစ်ဟင်းသင့်သလို အလုပ်နဲ့ သာသက်ဆိုင်တဲ့ ပြောဆိုဆက်ဆံ ဆုံးမမှုကို လုပ်သင့်ပါတယ်” ဟု နန်းဆုရတီစိုးက ပြောသည်။
“သမီး ဗီစီဒီတစ်ခုအတွက် ရိုက်ကူးပေးတော့ အဲဒီဒါရိုက်တာက ရိုက်ကွင်းမှာ အရက်လည်း မူးနေတယ်။ အရက်ဝိုင်းထောင်ပြီး ရိုက်နေတာ။ နောက် ဟိုကိုင် ဒီကိုင်နဲ့ ရိသဲ့သဲ့ပါ။ မိဘတွေကလည်း ကြည့်နေကြ တယ်။ အရမ်းလွန်လာရင်တော့ ပြောတော့မှာ။ ကိုယ်က ပြောပြန်ရင်လည်း လက်ခံထားတာကြောင့် အခက်တွေ့စေပါတယ်” ဟု တက်သစ်စ မင်းသမီးတစ်ဦးက ကန်တော်မင်္ဂလာ ပန်းခြံထဲတွင် ရိုက်ကူးခဲ့ သည်ကို ပြောသည်။
ယင်းသို့ ပြုမူဆက်ဆံလာကြခြင်းကြောင့် မျိုးဆက်သစ် အနုပညာရှင်များအနေဖြင့် ၎င်းတို့၏ အနုပညာ လုပ်ငန်းများ ရှေ့ဆက်လုပ်ကိုင်နိုင်ကြရန် ကြောက်ရွံ့မှုများရှိသလို တချို့သည် အနုပညာလောကမှ ထွက် ခွာသွားကြသူများလည်း ရှိသည်။ ယခုလို ဒါရိုက်တာတချို့ ပြုမူခြင်းများသည် နာမည်ရ အနုပညာရှင်များကို ပြုလုပ်ခြင်းများ မရှိကြောင်း သရုပ်ဆောင်သစ်တချို့က ရင်ဖွင့်ပြောဆိုလာကြခြင်း ဖြစ်သည်။
OE
