နေနှင့်အနီးဆုံး ဗုဒ္ဓဟူးဂြိုဟ် အချင်းကိုးမိုင်နီးပါး ကျုံ့ဝင်ခဲ့

ပို့စ်တင်ချိန် - 3/20/2014 06:31:00 AM

နေစကြ၀ဠာ အဖွဲ့အစည်း၏ အသေးငယ်ဆုံးဂြိုဟ်နှင့် နေနှင့်အနီးဆုံး ဂြိုဟ်ဖြစ်သည့် ဗုဒ္ဓဟူးဂြိုဟ်သည် လွန်ခဲ့သောနှစ်ပေါင်းလေးဘီလီယံ ကာလအတွင်း အချင်းအားဖြင့် ကိုးမိုင်နီးပါးမျှကျုံ့ဝင်ခဲ့ရာ ယခင်ခန့်မှန်း ခဲ့ကြသည်ထက်ကျုံ့ဝင်မှုနှုန်းပိုများကြောင်း မတ် ၁၇ ရက်သတင်းများတွင် ဖော်ပြထားသည်။

ဗုဒ္ဓဟူးဂြိုဟ်၏ မြေအောက်သံရည်ပူဝင်ရိုး အေးမြလာမှုကြောင့် ယင်း ဂြိုဟ်သည်လည်း အချင်းအားဖြင့် ၈ ဒသမ၆ မိုင်အထိ ကျုံ့ဝင်သွားကြောင်း အမေရိကန် သုတေသနပညာရှင်များက ပြောကြားသည်။

ဗုဒ္ဓဟူးဂြိုဟ်မည်မျှ ကျုံ့ဝင်သွားရသည်ကို လေ့လာတွက်ချက်နိုင်ရေး အတွက် အမေရိကန်သိပံ္ပပညာရှင်များသည် ဗုဒ္ဓဟူးဂြိုဟ်လေ့လာရေး အာကာသယာဉ် မက်ဆင်ဂျာ၏ အကူအညီဖြင့်တောင်စွယ်တန်းများ၊ တွန့်ခေါက်ကြောင်းများအပါအ၀င် ဗုဒ္ဓဟူးဂြိုဟ်မျက်နှာပြင်ဖွဲ့စည်းမှုပုံစံ ၅၉၀၀ ကျော်တို့ကို လေ့လာဆန်းစစ်ခဲ့ကြရသည်။

နေစကြ၀ဠာအတွင်းရှိ ဂြိုဟ်တိုင်းလိုလိုသည် အတွင်းပိုင်းအပူချိန်များ ပုံစံ အမျိုးမျိုးဖြင့် ဆုံးရှုံးရတတ်သော်လည်းအပူချိန်ကျဆင်းလာမှုကြောင့် ဗုဒ္ဓဟူးဂြိုဟ် မျက်နှာပြင်အပေါ် ပုံမှန်မဟုတ်သည့်အကျိုးသက်ရောက်မှုရှိခဲ့သည်။
ဗုဒ္ဓဟူးဂြိုဟ်သည် ကမ္ဘာဂြိုဟ်ကဲ့သို့ ကျောက်လွှာအထပ်ထပ်ဖြင့် ဖွဲ့စည်း ထားသော ဂြိုဟ်မျိုးမဟုတ်ဘဲ ကျောက်လွှာတစ်ထပ်တည်းသာရှိသည့် ဂြိုဟ်ဖြစ်ကြောင်း သိပ္ပံပညာရှင်များက ပြောကြားသည်။

၁၉ ရာစုနှစ် ဥရောပသိပ္ပံပညာရှင်များသည် ကမ္ဘာကြီးကျုံ့ဝင်ခဲ့သည်ဟူ သော အယူအဆကို ယုံကြည်ခဲ့ဖူးကြသည်။ သို့ရာတွင် နောက်ပိုင်း၌ ကမ္ဘာဂြိုဟ်သည် ကျောက်လွှာတစ်ထပ်တည်းဖြင့်ဖွဲ့စည်းထားသော ဂြိုဟ်မျိုးမဟုတ်ဘဲလွတ်လပ်စွာရွေ့လျားနေသော မြေလွှာကြီးများဖြင့် ဖွဲ့စည်းထားကြောင်း သိရှိခဲ့ရပြီးနောက် အထက်ပါအယူအဆပျက် ပြယ်ခဲ့ရသည်။

စံတော်ချိန် နေ့စဉ်သတင်းစာ