ပီကင်းကို ဦးတည်မောင်းနှင်တဲ့ မလေးရှား လေယာဉ်တစီး ပျောက်ဆုံးနေ

ပို့စ်တင်ချိန် - 3/08/2014 12:27:00 PM

Flight MH370

မလေးရှား လေကြောင်းလိုင်းက လူပေါင်း ၂၃၉ ဦးတင်ဆောင်ပြီး ကွာလာလမ်ပူ လေဆိပ်ကနေ တရုတ်နိုင်ငံ ပီကင်းကို ပျံသန်းသွားမောင်းနှင်သွားတဲ့ ဘိုးရင်း ၇၇၇ အမျိုးအစား လေယာဉ်တစီးဟာ
ပျောက်ဆုံးနေပါတယ်။

မလေးရှားနိုင်ငံ ကွာလာလမ်ပူမြို့ နိုင်ငံတကာ လေဆိပ်ကနေ ဒေသစံတော်ချိန် ၁၂: ၄ဝ AM က ပီကင်းကို ဦးတည် ထွက် ခွာသွားတဲ့ လေယာဉ်ဟာ ပျံသန်းချိန် ၂ နာရီလောက်ပဲ ကြရမှာဖြစ်ပေမယ့် သတ်မှတ်ချိန်မှာ ပီကင်း လေဆိပ်ကိုလည်း ဆင်း သက်လာခြင်းမရှိသလို အဆက်အသွယ်လည်း မရခဲ့ဘူးလို့ သတင်းတွေက ဆိုပါတယ်။

လေယာဉ်ပေါ်မှာ ရင်ခွင်ပိုက် ကလေး ၂ ဦး၊ လေယာဉ်အမှုထမ်း ၁၂ နဲ့ နိုင်ငံပေါင်း ၁၄ နိုင်ငံ က နိုင်ငံခြား သား ခရီးသည် တွေလည်း လိုက်ပါစီးနင်းသွားကြတာပါ။

တရုတ်နိုင်ငံသား ၁၅၃ ဦး၊ မလေးရှားနိုင်ငံသား ၃၈ ဦး၊ အင်ဒိုနီးရှားနိုင်ငံသား ၁၂ ဦး၊ သြစတေးလျ နိုင်ငံ သား ၇ ဦး၊ ပြင် သစ် ၃ ဦး၊ အမေရိကန် ၄ ဦး၊ နယူးဇီလန်နဲ့ ယူကရိန်း၊ ကနေဒါနိုင်ငံတွေက ၂ ဦးစီနဲ့ ရုရှား၊ အီတလီ၊ ထိုင်ဝမ်၊ နယ်သာ လန်၊ သြစတြီးယား နိုင်ငံတို့က ၁ ဦးစီး အခုလေယာဉ်ပေါ်မှာ လိုက်ပါသွားတာ
ဖြစ်တယ်လို့ လေကြောင်းလိုင်း ပြောခွင့်ရသူ က ဆိုပါတယ်။

လေယာဉ်ကို အမြန်ဆုံး ရှာဖွေတွေ့ရှိရေးအတွက် ကယ်ဆယ်ရေး အဖွဲ့ကိုတော့ ဒီမနက်ပိုင်းက စေလွှတ် လိုက်ပြီလို့ လေကြောင်းလိုင်း တာဝန်ရှိသူတွေက ပြောပါတယ်။

အခု နောက်ဆုံး သတင်းတပုဒ်မှာတော့ အဆိုပါလေယာဉ်ဟာ ဗီယက်နမ်ပင်လယ်ပြင် Phu Quoc  ကျွန်း
တောင်ဘက် ၁၅၃ မိုင်အကွာမှာ ပျက်ကျသွားတာဖြစ်တယ်လို့ အတည်ပြု ပြောဆိုချက် သတင်းတပုဒ်မှာ ဗီယက်နမ်ရေတပ် အရာရှိကြီး တဦးဖြစ်တဲ့ Ngo Van Phat ကို ကိုးကား ဖော်ပြထားပါတယ်။



အိမ့်သံစဉ် ~
The Irrawaddy