တာမွေမြို့နယ် မြန်မာ့ဂုဏ်ရောင်အိမ်ရာအနီးရှိ ချောင်းဘေးသို့ အိမ်စီးကားတစ်စီး အရှိန်လွန်ထိုးကျမှု ဖြစ်ပွား

ပို့စ်တင်ချိန် - 3/19/2014 01:41:00 PM

ခုနစ်ပင်လိမ်ချောင်းဘေးသို့ ထိုးကျခဲ့သည့် အိမ်စီးကားကို တွေ့ရစဉ် (ဓာတ်ပုံ-ဝေလင်းအောင်)

တာမွေမြို့နယ် မြန်မာ့ဂုဏ်ရောင်အိမ်ရာအနီးရှိ ချောင်းဘေးသို့ မတ် ၁၈ ရက် နံနက် ၁၁ နာရီခွဲတွင် အိမ်စီးကားတစ်စီး အရှိန်လွန်၍ ထိုးကျမှုဖြစ်ပွားခဲ့ကြောင်း သိရသည်။

ယင်းကဲ့သို့ အရှိန်လွန်ထိုးကျမှု ဖြစ်ပွားခဲ့သည့် ကားအမျိုးအစားမှာ ipsum အဖြူရောင် အိမ်စီးကားဖြစ်ပြီး ကားပေါ်တွင် အမျိုးသားနှစ်ဦး၊ အမျိုးသမီးတစ်ဦး ပါဝင်ကြောင်း သိရသည်။

အဆိုပါကားကို မောင်းနှင်လာသည့် ယာဉ်မောင်းအမျိုးသားမှာ နှုတ်ခမ်းကွဲခြင်းနှင့် နှာခေါင်းရိုးဒဏ်ရာရရှိမှု ဖြစ်ပွားခဲ့ပြီး ဆေးရုံသို့ ပို့ဆောင်ခဲ့ကြောင်း မျက်မြင်တွေ့ခဲ့သူများထံမှ သိရသည်။

“အခုကျသွားတဲ့ကားက အနောက်ကလိုင်းကားတွေကို ပေးကျော်ဖို့ ဘေးဆွဲကွေ့ရင်း ချောင်းထဲကို ဆင်းကျသွားတယ်။ ကားရောလူတွေပါ ကြီးကြီးမားမား ထိခိုက်ကြတာတော့ မတွေ့မိပါဘူး။ ချောင်းဘေးမှာရှိတဲ့ ရေပိုက်ကြီးတွေ မတိုက်မိတာရယ် ထိုးကျတဲ့နေရာမှာ အမာပစ္စည်း မရှိတာကြောင့် တော်တော်ကြီးကို သက်သာသွားစေပါတယ်” ဟု ဖြစ်စဉ်အား အစအဆုံးတွေ့မြင်ခဲ့သူ အမျိုးသားတစ်ဦးက ဆိုသည်။

အဆိုပါဖြစ်စဉ်နဲ့ ပတ်သက်၍ အနီးရှိ ယာဉ်ထိန်းရဲတစ်ဦးကို မေးမြန်းခဲ့ရာ “အခုဖြစ်ပွားခဲ့တဲ့ နေရာက သင်္ဃန်းကျွန်းမြို့နယ် အပိုင်းထဲမှာ ဖြစ်ပွားခဲ့တာပါ။ ကျွန်တော်တို့က တာမွေမြို့နယ်က တပ်ဖွဲ့ဝင်တွေဆိုတော့ ယာဉ်ကြောရှင်းပေးဖို့ပဲ လာရောက်တာပါ။ ဖြစ်စဉ်စုံစမ်းစစ်ဆေးမှုတွေကိုတော့ သင်္ဃန်းကျွန်း ယာဉ်ထိန်းတပ်ဖွဲ့ဝင်တွေပဲ ဆောင်ရွက်ပါလိမ့်မယ်” ဟု ဖြေကြားခဲ့ကြောင်း သိရသည်။

ယင်းသို့ ခုနစ်ပင်လိမ်ချောင်းဘေးသို့ ထိုးကျခဲ့သည့်ကားကို တစ်နာရီအကြာတွင် ကရိန်းကားဖြင့် သယ်ယူမှုများ ပြုလုပ်ခဲ့ပြီး ကားမှာအရှေ့ပိုင်းနှင့် ယာဉ်အောက်ပိုင်းသာ ထိခိုက်မှုများ ဖြစ်ပေါ်ခဲ့ကြောင်း သိရသည်။

EMG