ရုရှားနဲ့ ပေါင်းသင့်မသင့် ခရိုင်းမီးယားဆန္ဒခံယူပွဲကျင်းပ
ပို့စ်တင်ချိန်
- 3/17/2014 12:29:00 PM
 |
| ရုရှားအလံကိုင်ပြီး မဲပေးနေတဲ့ အမျိုးသမီးတစ်ဦး။ |
Crimea ဒေသကို ယူကရိန်းနိုင်ငံတည်းကခွဲထွက်ပြီး ရုရှားနိုင်ငံနဲ့ပူးပေါင်းမလား၊ ပိုပြီးကိုယ်ပိုင်အုပ်ချုပ်ခွင့်နဲ့ ရပ်တည်မလားဆိုတဲ့
ဆန္ဒခံယူပွဲကို Crimea ဒေသမှာ ပြုလုပ်နေပါတယ်။
ရုရှား ရေတပ်မဟာအခြေစိုက်ထားတဲ့ Sevastopol မြို့မှာ မဲရုံတွေ မဖွင့်ခင်ကတည်းက မဲရုံအပြင်မှာ မဲပေးချင်သူတွေ တန်းစီ စောင့်နေခဲ့ကြပါတယ်။ Crimea ရဲ့မြို့တော် Simferopol မြို့မှာလည်း မဲရုံဖွင့်ပြီး မိနစ်ပိုင်း အကြာမှာပဲ ဒေသဝန်ကြီးချုပ် Sergei Aksyonov က မဲထည့်ခဲ့ပါတယ်။ ခုလို Crimea မှာ ဆန္ဒခံယူပွဲ လုပ်နေတာကို Kiev မြို့တော်က ယူကရိန်းပြည်သူတွေက အနီးကပ်စောင့်ကြည့်နေကြပြီး ဒီဆန္ဒခံယူပွဲဟာ တရားမဝင်ဘူးလို့
ပြောနေကြပါတယ်။
ကိုယ်ပိုင်အုပ်ချုပ်ခွင့်ရ Crimea ဒေသမှာလုပ်နေတဲ့ ဆန္ဒခံယူပွဲရလာဒ်တွေကို အသိအမှတ်မပြုဖို့ နိုင်ငံတွေကို တိုက်တွန်းထားတဲ့ ဆုံးဖြတ်ချက် မူကြမ်းကို ကုလသမဂ္ဂလုံခြုံရေးကောင်စီမှာ စနေနေ့က မဲခွဲခဲ့တာမှာ Russia က Veto သုံး ပယ်ချခဲ့ပါတယ်။ လုံခြုံရေးကောင်စီအဖွဲ့ဝင် ၁၃ နိုင်ငံမှာ တရုတ်နိုင်ငံက
ဆုံးဖြတ်ချက်ကြောင့် ထိပ်တိုက်ရင်ဆိုင်မှုတွေ ရှုပ်ထွေးမှုတွေ ဖြစ်စေလိမ့်မယ်လို့ ပြောပြီး မဲမပေးဘဲ ကြားနေခဲ့ပါတယ်။
တကယ်လို့သာ ဒီဆုံးဖြတ်ချက်ကို အတည်ပြုနိုင်ခဲ့မယ်ဆိုရင် ယူကရိန်းရဲ့ အချုပ်အခြာအာဏာကို ထပ်အာမခံပြီး ဆန္ဒခံယူပွဲဟာ တရားမဝင်ဘူးလို့
ကြေညာနိုင်မှာဖြစ်ပါတယ်။ ဒီဆုံးဖြတ်ချက်ကို အတည်မပြုနိုင်တာက ဝမ်းနည်းစရာဖြစ်တယ်လို့ ကုလသမဂ္ဂဆိုင်ရာ အမေရိကန်သံအမတ်ကြီး Samantha
Power က ပြောကြားခဲ့ပါတယ်။
အမေရိကန်တို့ ရေးဆွဲခဲ့တဲ့ ဆုံးဖြတ်ချက်မူကြမ်းဟာ နိုင်ငံတကာဥပဒေ အခြေခံမှုတွေကို ဆန့်ကျင်နေတယ်လို့ ကုလသမဂ္ဂဆိုင်ရာ ရုရှားသံအမတ်ကြီးက ပြောကြားခဲ့ပါတယ်။ ယူကရိန်းနိုင်ငံတောင်ပိုင်းမှာ ရှိတဲ့ Crimea ဒေသမှာ အများစုက ရုရှား မျိုးနွယ်ဝင်တွေဖြစ်ကြပါတယ်။ ရုရှားအကျိုးစီးပွားအတွက် Crimea ဒေသကို ကာကွယ်ပိုင်ခွင့်ရှိတယ်လို့ ရုရှားအစိုးရက ပြောထားပါတယ်။
နားဆင်ရန်
VOA Burmese
