တူရကီတွင် တွစ်တာ ဝဘ်ဆိုက် အပိတ်ခံရ

ပို့စ်တင်ချိန် - 3/21/2014 08:03:00 PM

တူရကီနိုင်ငံတွင် ဆိုရှယ် မီဒီယာဆိုက် တစ်ခုဖြစ်သည့် တွစ်တာကို အပိတ်ခံခဲ့ရကြောင်း အသုံးပြုသူများမှ ပြောကြားခဲ့သည်။ တွစ်တာ ဝဘ်ဆိုက်ကို ဖွင့်ရန် ကြိုးစားသည့် အသုံးပြုသူ တစ်ချို့မှာ တူရကီ၏ တယ်လီကွန်မြူနကေးရှင်း ကြီးကြပ်သူများမှ ထုတ်ပြန်ထားသည့် ကြေငြာချက်ဆီသို့ လမ်းကြောင်းလွှဲခြင်းကို ခံခဲ့ရသည်။

တရားရုံးမှ ဝဘ်ဆိုက်နှင့် ပတ်သက်ပြီး ကာကွယ်မှု လုပ်ငန်းများ ပြုလုပ်ရန် အမိန့်ထုတ်ပြန်ခဲ့ခြင်း ဖြစ်သည်။

ဝန်ကြီးချုပ် ရီဆပ်တိုင်ယပ်အဒိုဂန်ကို ထိခိုက်စေသည့် အတွင်းလူများ အကြား အကျင့်ပျက် ခြစားမှုကို တွစ်တာပေါ်တွင် အခိုင်အမာ ပြောဆိုမှုများအတွက် မစ္စတာ အဒိုဂန်မှ တွစ်တာ ဝဘ်ဆိုက်ကို ဖယ်ရှားပစ်မည်ဟု ပြောဆိုခဲ့ပြီးနောက်တွင် ယခုကဲ့သို့ ဖြစ်ပွားခဲ့ခြင်း ဖြစ်သည်။

“ နိုင်ငံတကာ အဖွဲ့အစည်းတွေက ဘာပဲပြောပြော ဂရုမစိုက်ဘူး။ တူရကီ သမ္မတနိုင်ငံရဲ့ စွမ်းအားကို လူတိုင်း မြင်ရလိမ့်မယ် ” ဟု မစ္စတာ အဒိုဂန်မှ ကြာသပတေးနေ့ အစောပိုင်းတွင် ပြောကြားသွားသည်။ တွစ်တာ ဝဘ်ဆိုက်ပေါ်တွင် အသုံးပြုသူ တစ်ချို့မှ ဝန်ကြီးချုပ်နှင့် ဆက်နွယ်နေသည့် အကျင့်ပျက် ခြစားမှု သက်သေ အထောက်အထား စာရွက်စာတမ်းများကို တင်ခဲ့သည့်အတွက် ယခုကဲ့သို့ ပြောဆိုခဲ့ခြင်း ဖြစ်ကြောင်း စွပ်စွဲမှုများကို မစ္စတာ အဒိုဂန်မှ ငြင်းပယ်သွားခဲ့သည်။

တူရကီ တရားရုံးမှ တစ်ချို့သော လင့်များကို ဖယ်ရှားရန် အမိန့်ချမှတ်မှုကို တွစ်တာမှ တုံ့ပြန်မှု မရှိသောကြောင့် ၎င်းကဲ့သို့ ပိတ်သိမ်းရခြင်း ဖြစ်ကြောင်း ဝန်ကြီးချုပ်ရုံးမှ ပြောဆိုခဲ့သည်။

ကိစ္စရပ်များနှင့် ပတ်သက်ပြီး တွစ်တာအနေဖြင့် မည်သို့မျှ ပြောဆိုခဲ့ခြင်း မရှိပေ။ တူရကီ တစ်ဝိုက်တွင် တွစ်တာ အသုံးပြုသူပေါင်း ၁၀ သန်းကျော်ခန့် ရှိသည်။

၂၀၁၀ ခုနှစ်တွင် တူရကီသည် ယူကျူ့အား ပိတ်ပင်ထားမှုကို ရုတ်သိမ်းခဲ့ပြီး နှစ်နှစ်အကြာတွင် နိုင်ငံ တည်ထောင်သူ မူစတာဖာ ကမလ်အက်တာတွတ်အား စော်ကားသည်ဟု ယူဆရသော ဗွီဒီယိုဖိုင်များကြေင့် ဝဘ်ဆိုက်သို့ ဝင်ရောက်ခွင့်ကို ပိတ်ပင်ခဲ့ဖူးသည်။

REF: BBC
The Myanma Age