ကလေးငြိမ်အောင် ဘိန်းအစားထိုးမူးယစ်ဆေး မက်သဒုန်း တိုက်လိုက်လို့ အသက် ၂ နှစ်အရွယ် ကလေးမလေး သေဆုံး

ပို့စ်တင်ချိန် - 3/08/2014 02:48:00 PM

အသက် ၂ နှစ်အရွယ် ဆိုဖီဂျုံးစ် ဆိုတဲ့ ကလေးမလေးဟာ အင်္ဂါနေ့ ညက ရုတ်တရုတ် နှလုံးရောဂါနဲ့  သေဆုံးသွားခဲ့ပါတယ်။ သူမရဲ့ သောက်ရေခွက်ကို စစ်ဆေးမှုတွေ ပြုလုပ်ခဲ့ရာမှာ ဆိုဖီ ဟာ ဘိန်းအစားထိုး မူးယစ်ဆေးဝါးတစ်မျိုးဖြစ်တဲ့ မက်သဒုံး (Methadone) ကို သောက်သုံးမိခဲ့တာဖြစ်ကြောင်း စစ်ဆေးတွေ့ ရှိ ခဲ့ရတာပါ။

မက်သဒုံး ဆေးဟာ ဟီရိုယင်း စွဲနေတဲ့လူတွေကို အစားထိုးပေးအပ်တဲ့ ဆေးဖြစ်ပြီး သူမရဲ့ မိသားစုဝင် တစ်ယောက်ယောက် ရဲ့ ဆေးလို့ ယုံကြည်ရပါတယ်။ ရဲတွေဟာ ကလေးမလေးသောက်သုံးခဲ့တယ်လို့  ယူဆရတဲ့ သောက်ရေခွက်ကို စစ်ဆေးအပြီးမှာ သေဆုံးရတဲ့အကြောင်းကို အတည်ပြုနိုင်ခဲ့တာဖြစ်ပါတယ်။

ရဲတွေရဲ့ စုံစမ်းစစ်ဆေးမှုလမ်းကြောင်းအရ ဆိုဖီတစ်ယောက် ငြိမ်သက်နေအောင်လို့ တစ်ယောက်ယောက် မက်သဒုန်း ကို ရေတစ်ခွက်နဲ့ တိုက်ခဲ့တယ်လို့ ယူဆရပါတယ်။

မွေးချင်းမောင်နှမနှစ်ယောက်ရှိတဲ့ ဆိုဖီသေဆုံးမှု ရဲဘက်ဆိုင်ရာစုံစမ်းစစ်ဆေးချက်အသေးစိတ်တွေကို အမှုတွဲ ဖော်ပြပြီးနောက် ဘလက်ပူးလ်တရားရုံးမှာ ခရိုင်တရားသူကြီး အန်ဒရူးဂျက်ဘ် ကိုယ်တိုင် အမှုဖွင့် စစ်ဆေးမှာ ဖြစ်ပါတယ်။

ဆိုင်္ဖီသေဆုံးမှုအတွက် အသက် ၂၉ နှစ်အရွယ် မိန်းမတစ်ယောက်နဲ့ ၄၁ နှစ်အရွယ် ယောင်္ကျားတစ်ယောက်ကို မေးမြန်းဖို့ တရားရုံးက ရဲစာ ထုတ်ခဲ့တယ်လို့ သိရှိရပါတယ်။

ဘလက်ပူးလ်မြို့ ၊ ဂျိမ်းဆန်လမ်းမှာ နေထိုင်တဲ့ ဆိုဖီကို မြို့ နယ်ဆေးရုံ ဖြစ်တဲ့ ဗစ်တိုးရီးယားဆေးရုံကို ပို့  ဆောင်ခဲ့ပြီး ဆေးရုံမှာ သေဆုံးသွားခဲ့တာဖြစ်ပါတယ်။

မနေ့ ညက နောက်ဆုံးရရှိတဲ့သတင်းအရ မီချယ်လ်ကင်း (၂၉နှစ်) နဲ့ ဘယ်ရီဂျုံးစ် (၄၁) နှစ်တို့ ကို အိမ်တွင်း အကြမ်းဖက်မှုဥပဒေပုဒ်မနဲ့ အမှုဖွင့်အရေးယူထားတယ်လို့ သိရှိရပါတယ်။ သူတို့ နှစ်ယောက်ကို အခုတော့ အာမခံနဲ့ လွှတ်ပေးထားပြီး မနက်ဖြန်မှာ ဘလက်ပူးလ်စီရင်စုတရားရုံးကို အရောက်လာရမယ်လို့ အမိန့် ပေး ထားပါတယ်။

ဆိုဖီင်္လေး သေဆုံးမှုဟာ မက်သဒုံးမူးယစ်အစားထိုးဆေးကြောင့်လို့ အတည်ပြုနိုင်ပေမယ့် ဘယ်လိုကြောင့် သေဆုံးသွားရတယ်ဆိုတာကိုတော့ မသိရှိရသေးပါဘူး။

မက်သဒုံးမူးယစ်အစားထိုးဆေးအကြောင်း အနည်းငယ်ဖော်ပြလိုက်ပါတယ်။

Methadone (မက်သဒုံး) ဟာ ဓါတ်ခွဲခမ်းမှာ ထုတ်တဲ့ ဘိန်းဖြစ်တယ်။ ၁၉၃၇ ခုနှစ်ကတည်းက ဂျာမဏီမှာ စထုတ်ပြီး၊ အမေရိကားမှာတော့ ၁၉၄၇ ကြမှ စတယ်။ Morphine (မော်ဖိန်း) နဲ့ Heroin (ဟီရိုးယင်း) တို့လိုဘဲ သတ္တိတူတယ်။အလွန် နာတာကို သက်သာတဲ့ဆေး၊ ချောင်းဆိုး ပျောက်ဆေး တွေမှာ သုံးတယ်။ ဘိန်းဖြတ်ရာမှာ (မက်သဒုန်း) က အသုံးကျပေမဲ့ Methamphetamine (မက်သ်မင် ဖက်တမင်း) Cocaine (ကိုကိန်း)၊ နဲ့ အရက်ဖြတ်ရာမှာ အသုံးမကျပါ။ သွေးကင်ဆာကို ကုရာမှာ သုံး သေးတယ်။

(မက်သဒုံး) မှာ မကောင်းသတ္တိတွေက များလှတယ်။ သွေးခဲမယ်၊ အသက်ရှူမ၀၊ ၀မ်းချုပ်၊ ချွေးထွက် များ၊ အိုက်တာမခံနိုင်၊ အားယုတ်၊ သူငယ်အိမ်ကျဉ်း၊ ပျို့၊ သွေးဖိအားကျ၊ အမြင်-အကြား သူများနဲ့ မတူတာတွေ ခံစား၊ ခေါင်းကိုက်၊ အန်၊ နှလုံးခုန် မမှန်၊ အစားပျက်၊ လူက၀၊ ဗိုက်နာ၊ ယောက်ျား ရင်သားထွက်၊ လိင်တံ မသန်မာ၊ အာခေါင်ခြောက်၊ ချွေးများ၊ မျက်နှာနီမြန်း၊ ယားယံ၊ ခြေ-လက်တွေ ရောင်၊ စိတ်ဂနာမငြိမ်ဖြစ်၊ မူပြောင်း၊ မျက်စိေ၀၀ါး၊ အိပ်မပျော်၊ အရေပြား အနီပြင်ထွက်၊ ဆီးသွား ရခက်၊ တက်။

ဆေးဖြတ်လိုက်ရင် Withdrawal symptoms လက္ခဏာတွေ ခံစားရမယ်။ ခေါင်းထဲမှာ ပေါ့နေသလို ခံစား၊ မျက်ရည်ကျ၊ နှာရည်ယို၊ သန်းဝေ၊ နှာချေ၊ ပျို့၊ အန်၊ ၀မ်းလျှော၊ အလွန်ယား၊ ဖျား၊ ခွေးလွန်၊ ချမ်း၊ ခြေ-လက်တုံ၊ အတွင်းထဲမှာ မငြိမ်တာ ခံစားရလို့ လူကလဲ အငြိမ်မနေနိုင်ဖြစ်၊ ရင်တုံ၊ ခြေဆစ်-လက်ဆစ်တွေကိုက်ခဲ၊ နာတာကို ပိုခံစား၊ သွေးဖိအားတက်၊ အသက်ရှူနည်း။ ဆက်တွဲ ဖြစ်လာနိုင်တာတွေလဲ ရှိတယ်။ စွဲလမ်းမှုများ၊ စိတ်ဓါတ်ကျ၊ အိပ်မရတာ ကြာရှည်လာ၊ အလိုလို လိင်ဆန္ဒပြီးသွား၊ လိင်စိတ် နည်းပါး၊ ဂရောင်ချောက်ခြားဖြစ်၊ နားထဲကနေ သူများ မကြား တာတွေကြား၊ မျက်စိထဲကနေသူများ မမြင်တာတွေမြင်၊ အနံ့ကို တကယ့် အနံ့ရော စိတ်ကူးထဲမှာပါ သူများထက် ထူးနေ၊ စိတ်တို၊အကြောက်ကြီး၊ စိုးရိမ်စိတ်-ကြောက်စိတ်လွန်ကဲ၊ အမြင်သွေလွဲ၊ ကိုယ့်ကိုယ်ကို သတ်သေချင်၊အသက်ရှူနည်းတာ ၂-၄ နာရီ ကြာရင် သေနိုင်တယ်။

Ref: Mirror, HIV Information for Myanmar
Trend Myanmar