အီဂျစ်တွင် အရေအတွက်အများဆုံးအဖြစ် လူ ၅၂၉ ဦးကို သေဒဏ်ချမှတ်

ပို့စ်တင်ချိန် - 3/24/2014 10:04:00 PM

ဂျစ်နိုင်ငံမှာ တရားရုံးတခုက မွတ်စလင် ညီအစ်ကိုတော်များအဖွဲ့ဝင် ၅၂၉ ဦးကို သေဒဏ်အမိန့် ချမှတ်လိုက်ပါတယ်။

အီဂျစ်နိုင်ငံရဲ့ ခေတ်သစ်သမိုင်းမှာ အရေအတွက်အများဆုံး သေဒဏ်ပေးမှုဖြစ်တယ်လို့ တရားခံတွေဘက်က ခုခံလျှောက်လဲပေးတဲ့ရှေ့နေက ပြောပါတယ်။

ပြစ်ဒဏ်ချမှတ်ခံရသူ အများစုဟာ သြဂုတ်လက မင်းယာ ခရိုင်ထဲမှာ မွတ်စလင်ညီအစ်ကိ်ုတော်များအဖွဲ့ရဲ့ သပိတ်စခန်းနှစ်ခုကို လုံခြုံရေးတပ်တွေက ဖြိုခွင်းတဲ့ အချိန်က ပေါ်ပေါက်ခဲ့တဲ့ ပဋိပက္ခအတွင်း အဖမ်းခံရသူတွေ ဖြစ်ပါတယ်။

သူတို့ကို အကြမ်းဖက်မှု၊ လူသတ်မှု၊ ရဲစခန်းကို ၀င်စီးမှု၊ အများပြည်သူကို တိုက်ခိုက်မှု၊ အများပြည်သူပိုင် ပစ္စည်းတွေကို ဖျက်ဆီးမှု စွပ်စွဲချက်တွေနဲ့ မတ်လ ၂၂ ရက်နေ့က တရားစွဲခဲ့ပါတယ်။

အီဂျစ်မှာ ဒီမိုကရေစီ ရွေးကောက်ပွဲနဲ့ အာဏာရခဲ့တဲ့ သမ္မတ မော်စီကို စစ်တပ်က ဇူလိုင်လမှာ ဖြုတ်ချခဲ့တဲ့ အချိန်ကတည်းက မငြိမ်သက်မှုတွေ အရှိန်မြင့်တက်နေပါတယ်။ စစ်တပ်နဲ့ ရဲတပ်ဖွဲ့ဝင်တွေကို အစ္စလာမစ်တွေကို ပစ်မှတ်ထား တိုက်ခိုက်နေပါတယ်။ လုံခြုံရေးတပ်တွေဟာ မွတ်စလင်ညီအစ်ကိုတော်များအဖွဲ့ရဲ့ လမ်းပေါ် ဆန္ဒပြပွဲတွေကို နှိမ်နင်းပြီး ဆန္ဒပြသမား ရာပေါင်းများစွာကို သတ်ဖြတ်ပြီး ထောင်နဲ့ချီပြီး ဖမ်းဆီးထားပါတယ်။

DVB Burmese