ကမ္ဘာလှည့် ခရီးသွား ပိုလန် နိုင်ငံသူ ထံမှ ပစ္စည်း လုယက်သူဟု ယူဆရသူ များအား ဖမ်းဆီးရမိ

ပို့စ်တင်ချိန် - 3/23/2014 07:21:00 PM

မတ်လ (၁၀) ရက်နေ့က ပုသိမ် ခရိုင်၊ ငွေဆောင်မြို့နယ်ခွဲ၊ ပုလဲငွေဆောင် ဟိုတယ် တွင် ရောက်ရှိ တည်းခို နေထိုင်သည့် ပိုလန် နိုင်ငံသူ Ms. Kata rzynalJoanna ၊ (၃၇) နှစ်အား ပစ္စည်း လုယက်သူ ဟု ယူဆရသည့် ဆံရှည် (ခေါ်) မြင့်လွင် (၃၆) နှစ်၊ ဖိုးအောင် (၃၉) နှစ် တို့နှစ်ဦးအား မတ်လ (၂၁) ရက် နေ့တွင် ဖမ်းဆီး ပြီးစစ်ဆေး နေကြောင်း၊ ငွေဆောင် ရဲစခန်းမှ ဒုရဲအုပ် မင်းထက်သူက The Messenger သတင်းစာသို့ ပြော သည်။

““အဆင့်ဆင့် လုပ်ဆောင် ထုတ်ဖော် အရေးယူ ရတာဖြစ်တယ်။ ဥပဒေ အတိုင်း ဆက်လက် အရေးယူဆောင်ရွက် သွားမယ်။ ငွေဆောင်လို ဒေသမျိုးတွေမှာ လုံခြုံရေး အင်အား ၀န်ဆောင်မှု အင်အားေ တွကိုလည်း လုံလုံ လောက်လောက် ထားရှိပေး စေချင်ပါတယ်”” ဟု ၄င်းက ဆက်လက် ပြောသည်။

၂၀၁၄ ခုနှစ်၊ မတ်လ (၁၀) ရက်နေ့၊ (၉း၀၀) နာရီ အချိန်ခန့်တွင် ပိုလန် နိုင်ငံသူ သည် ရွှေဟင်္သာ ဟိုတယ်မှ ကမ်းခြေအတိုင်း တစ်ဦးတည်း လမ်းလျှောက်၍ ပြန်လာစဉ် Silver Coast ဟိုတယ် ရှေ့အရောက်တွင် နောက်မှ လူနှစ်ဦး လိုက်ပါလာကာ မျက်နှာ အားလက်သီးနှင့်ထိုးပြီး လက်ဆွဲအိတ် အပြာ ရောင်အား လုယူ ထွက်ပြေး သွားသည့် ဖြစ်စဉ် ဖြစ်ပွားခဲ့ရာ ငွေဆောင် ရဲစခန်းမှ စခန်းမှူးဒုရဲ မှူး တင်မိုးဦးက တရားလို ပြုလုပ်၍ မတ်လ (၁၁)ရက်နေ့၊ ညနေ (၃)နာရီအချိန်တွင် ၁၄/ ၂၀၁၄၊ ပြစ်မှု ပုဒ်မ ၃၈၂ ဖြင့် အမှုဖွင့် အရေးယူ ဆောင်ရွက့်ခဲ့ကြောင်း ငွေဆောင်ရဲ စခန်းမှ စုံစမ်းသိရသည်။

ငွေဆောင်မြို့ ------ ရပ်ကွက်၊ --------လမ်း ရှိ --------- ဖုန်းဆိုင်ပိုင်ရှင် ကို -------------က မတ်လ (၂၀) ရက်နေ့၊ နေ့လယ်(၁၂း၄၀)ခန့်တွင် ဖုန်း လာရောက် ပြသူကို မသင်္ကာကြောင်း သက်ဆိုင်ရာ သို့ ဖုန်းဆက် သတင်းပေးသ ဖြင့် ၄င်းဖုန်းအား လာရောက် ပြသသူအား ခေါ်ယူ စစ်ဆေးရာမှ အမှု ကွင်းဆက်များ အား ထုတ်ဖော် ဖမ်းဆီး အရေးယူ နိုင်ခြင်း ဖြစ် ကြောင်း ငွေဆောင် ရဲစခန်းမှ တာဝန်ရှိသူ တစ်ဦးက ပြောသည်။

Messenger News Journal