လူ့ကျက်သရေ
ပို့စ်တင်ချိန်
- 3/21/2014 09:39:00 PM
မြတ်စွာ ဘုရားလက်ထက်တော်တုန်းက ကြုံခဲ့ဘူးပါတယ်၊ အနာထပိဏ်သူဋ္ဌေးကြီးဆိုတာ ရှေး အတိတ်ကလည်း ကောင်းမှုထူးတွေကို ပြုခဲ့ဖူးသလို ယခုပစ္စပ္ပန်မှာလည်း ကောင်းမှုတွေ နေ့စဉ် မပြတ် ပြုလေ့ရှိသူပါ၊ သူ့ရဲ့ငယ်နာမည် “သုဒတ္တ”ဆိုတဲ့ အမည်ပျောက်ပြီး “အနာထပိဏ္ဍိက” ခိုကိုးရာမဲ့သူ တို့ကို ကျွေးမွေးလေ့ရှိသူဆိုတဲ့ အမည်တွင်နေတာကို ကြည့်ရင် သာသနာ အတွက်သာမက လောက အတွက်လည်း ဘယ်လောက်အထိ ကောင်းမှုတွေကို အောက်ခြေသိမ်းပြုလေ့ရှိတယ်ဆိုတာ သိသာပါ တယ်။
အဲဒီလို အတိတ်ကရော ပစ္စပ္ပန်မှာပါ ကောင်းမှုတွေ ပြုလေ့ရှိလို့လည်း အနာထပိဏ်သူဋ္ဌေးကြီးဟာ သူကိုယ်တိုင်နှင့် သူနဲ့ဆက်စပ်သမျှ ဇနီးမယားစီးပွားဥစ္စာတို့သာမက ယုတ်စွအဆုံး သူ့အိမ်မှာမွေးထားတဲ့ ကြက်တို့ ခွေးတို့လို တိရစ္ဆာန်များပါ ကျက်သရေရှိနေတယ်လို့ လူတိုင်းက မှတ်ယူလောက်အောင် ကောင်း ကျိုးတရားတွေနဲ့ ပြည့်စုံနေပါတယ်။
ေ ဝေဒကျမ်းကိုယုံကြည်တဲ့ ဗြဟ္မဏများကတော့ ကျက်သရေဆိုတာ ကောင်းမှုကြောင့်ဖြစ်တဲ့ ကောင်း ကျိုးပဲလို့ မသိမြင်မယုံကြည်ကြပါဘူး။ အိမ်မှာပိုင်ဆိုင်ထားတဲ့ ရတနာတို့၊ တိရစ္ဆာန်တို့ကြောင့် ပိုင်ဆိုင်သူမှာ ကျက်သရေရှိနေတယ်လို့ပဲ မှတ်ထင်ယုံကြည်ကြပါတယ်။ သူတို့မှာ ကျက်သရေရှိတဲ့ ရတနာတို့ တိရစ္ဆာန် တို့ရဲ့ အမှတ်လက္ခဏာတွေကိုဖော်ပြတဲ့ လက္ခဏာအတတ်ပညာဆိုတာလည်းရှိပါတယ်။
တစ်နေ့တော့ အနာထပိဏ်သူဋ္ဌေးကြီးဆီက ကျက်သရေခိုးမယ်ဆိုပြီး ကျက်သရေလက္ခဏာ နား လည်တဲ့ပုဏ္ဏားတစ်ယောက် ရောက်လာတယ်။ သူဋ္ဌေးကြီးအိမ်မှာ အခြွေအရံ အစောင့်အရှောက်တွေ လည်း ပြည့်စုံနေလေတော့ ခိုးလို့တော့ဘယ်ရပါမလဲ။ တောင်းရမှာပေါ့။ သူဋ္ဌေးကြီးအိမ်ရောက်တော့ ကျက်သရေ ဘယ်မှာရှိသလဲလို့ ကြည့်တဲ့အခါ သူဋ္ဌေးကြီးမွေးထားတဲ့ ကြက်ဖြူကြီးရဲ့အမောက်မှာ တည်နေတာကို တွေ့ရသတဲ့။ ကောင်းမှုရှိသူ မွေးထားတဲ့ ကြက်ဖြူကြီးဆိုတော့ ကိုယ်လုံးဖြူဖြူ ကြီးပေါ်က အမောက်နီနီကြီးဟာလည်း ပုဏ္ဏားကြီးရဲ့ မျက်စိထဲမှာတော့ ကျက်သရေတုံးကြီးလို့ပဲ မြင်နေတာပေါ့။
ဒါနဲ့ ပုဏ္ဏားကြီးက သူဋ္ဌေးကြီးထံ ကြက်ဖြူကြီးကိုတောင်းတယ်။ သူဋ္ဌေးကြီးက ယူတော့လို့ဆိုလိုက်တာနဲ့ တပြိုင်နက် ကျက်သရေက သူဋ္ဌေးကြီးရဲ့ပတ္တမြားရတနာ ပေါ်ရောက်သွားပါတယ်။
ပုဏ္ဏားကြီးက ပတ္တမြားကို တောင်းပြန်တယ်။ ပတ္တမြားကိုပေးပြန်တော့ တောင်ဝှေးဆီရောက် သွားပြန်တယ်။ တောင်ဝှေးကိုတောင်းလိုက်တော့လည်း ကျက်သရေက သူဋ္ဌေးကတော်ကြီး“ပုညလက္ခ ဏဒေ၀ီ”ဆီ ရောက်သွားပြန်တယ်။ ဒီတစ်ခါကျတော့ မတောင်းထိုက်တဲ့ပစ္စည်းဖြစ်လို့ မတောင်းတော့ဘဲ လက်လျှော့လိုက်ပြီး သူဟာ ပစ္စည်းကိုလိုချင်လို့လာတာမဟုတ်ဘဲ ကျက်သရေကို ခိုးဖို့လာခြင်းဖြစ်ကြောင်းနဲ့ သူဋ္ဌေးကြီးဆီမှာ ကျက်သရေရှိနေတဲ့ ပစ္စည်းတွေဟာ သူတောင်းလိုက်တိုင်း ပြောင်းပြောင်းသွားတဲ့ အကြောင်း အမှန်အတိုင်းဝန်ခံပြီး တောင်ထားတဲ့ပစ္စည်းတွေကိုလည်း မယူဘဲပြန်သွားပါတော့တယ်။
ဒီအကြောင်း သူဋ္ဌေးကြီးက မြတ်စွာဘုရားကို လျှောက်ထားတဲ့အခါ ဘုရားရှင်က“ ကျက်သရေဆိုတာ ဘုန်းကံရှိသူတို့နဲ့သာ ထိုက်တန်ပြီး ဘုန်းကံမဲ့သူတို့နဲ့ မထိုက်တန်" ဟု ဆုံးမဟောကြားတော်မူပါတယ်။
ဒါကြောင့် ကျက်သရေဆိုတာ ကုသိုလ်ကိုပြောတာပါ။ ကုသိုလ်ရှိရင် ကျက်သရေရှိတယ်။ ကုသိုလ်မရှိ ရင် အ၀တ်အစား၊ လက်ဝတ်ရတနာတန်ဆာ ဘယ်လောက်ဆင်ဆင် ကျက်သရေတုံးနေတာပါပဲ။
မျက်မှောက်လောကမှာကြည့်လိုက်ရင် အချို့သောဒုစရိုက်သမားများဟာ မကောင်းမှုကို အတုံးလိုက် အတစ်လိုက် လုပ်ထားတယ်။ လူအများကလည်းသိတယ်။ ဒါကြောင့် သူဟာ ဘယ်လောက်ပဲ ကားအကောင်းစားကြီးစီးပြီး ရွှေတွေဝတ်ဆင်ထားသော်လည်းပဲ လူတိုင်းက နှာခေါင်းရှုံ့ကြပါတယ်။ ကုသိုလ်နဲ့မွေ့လျှော်နေသူတွေမှာတော့ သူဆင်သမျှအရာတွေဟာ တန်ဖိုးမရှိတဲ့အရာပင်ဖြစ်စေကာမှု ကြည့်မြင်သူတွေရဲ့ မျက်စိထဲမှာ အရမ်းကို ခန့်ညားတင့်တယ်နေပါတယ်။
ထို့ကြောင့် စာဖတ်သူများလည်း ကုသိုလ်များများဆည်းပူးပြီး ဘုန်းကံရှိသူ ကျက်သရေပိုင်ရှင် များဖြစ်နိုင်ကြပါစေ။
ရွှေစမ်းမြေ အရှင်က၀ိဓဇသာရ
