RCSS ဥက္ကဌရာထူး ဒုတိယ ဗိုလ်ချုပ်ကြီးယွက်စစ် ပြန်လည်အရွေးခံရ
ပို့စ်တင်ချိန်
- 2/14/2014 10:31:00 AM
ဖေဖေါ်ဝါရီ ၁၃ ရက် ၂၀၁၄
ဌာနချုပ်၌ ယနေ့ကျင်းပသော RCSS/SSA ဥက္ကဌ ရာထူးရွေးကောက်ပွဲတွင် ဥက္ကဌလောင်း အဖြစ်အဆိုတင်သွင်းခံရသူ ၅ ဦးက ရွေးချယ်ခံရန်သဘောမတူသောကြောင့် ဥက္ကဌဟောင်းဖြစ်သူ ဒုတိယ ဗိုလ်ချုပ်ကြီးယွက်စစ်အားပြန်လည်ရွေးချယ်တင်မြောက်ကြကြောင်း အရာရှိကြီးတဦးက ပြောသည်။
၂၀၁၄ ဖေဖေါ်ဝါရီ ၁၃ ရက် သျှမ်းပြည်တပ်မတော် RCSS/SSA ဌာနချုပ် လွယ်တိုင်းလျဲန်း၌ ကျင်းပသည့် (စတုတ္ထကြိမ်မြောက်) ဥက္ကဌ ရာထူးရွေးကောက်ပွဲတွင် မဲပေးပိုင်ခွင့်ရှိသူ ၂၀၀ ခန့် ရှိကြောင်း၊ ဒုတိယ ဗိုလ်ချုပ်ကြီးယွက်စစ်အား ကန့်ကွက် ၁ မဲ၊ ပယ်မဲ ၅၁ မဲ၊ ထောက်ခံမဲ ၁၄၇ မဲ ဖြင့် ဥက္ကဌ အဖြစ်ပြန်လည်ရွေးချယ်ခဲ့ကြခြင်းဖြစ်ကြောင်း အဆိုပါ အရာရှိကြီးက ပြောသည်။
ဥက္ကဌ ပြန်လည်အရွေးခံရသည့် ဒုတိယ ဗိုလ်ချုပ်ကြီးယွက်စစ်က ရာထူး ပြန်လည်အတည်ပြုခြင်းမပြုမှီ မဲပေးပိုင်သူများအား မေးခွန်းသုံးခုမေးမြန်းခဲ့ကြောင်း၊ အဆိုပါ မေးခွန်းမှာ - (၁) ခင်ဗျားတို့ RCSS ၏ စည်းမျဉ်းစည်းကမ်းလိုက်နာမှာလား၊ (၂) ကျနော့်ညွှန်ကြား ချက်ကို လိုက်နာကြမလား၊ (၃) ခင်ဗျားတို့ ကို ခေါ် ပြီး အစိုးရထံ လက်နက်ချသွားမှာကို မစိုးရိမ်ဘူးလား - စသဖြင့်မေးမြန်းရာမှာ အားလုံးက လိုက်နာမည်ဖြစ်ကြောင်း၊ မစိုးရိမ်ကြောင်းတညီတညွတ်ဖြေ ဆိုသော ကြောင့် ဥက္ကဌ ရာထူး အတည်ပြုသွားသည်ဟုဆိုသည်။
“ဒုတိယ ဗိုလ်ချုပ်ကြီးယွက်စစ်ဟာလက်ရှိအနေအထားအရ ဥက္ကဌ ရာထူးထမ်းရွက်ဖို့ အသင့်လျော် ဆုံးပဲ၊ တစ်အချက် MTA ပြိုကွဲပြီးနောက်ပိုင်း ဒီတပ်ထုကြီးကို သူ့သွေးနဲ့ ချွေးနဲ့ ပြန်လည် စည်းရုံးပြီး တည်ထောင်ခဲ့တယ်၊ နှစ်အချက်က အစိုးရနဲ့ ငြိမ်းချမ်းရေး တည်ဆောက်နေဆဲဖြစ်တယ်။သုံးအချက် က အိမ်နီးချင်းတိုင်းပြည်နဲ့ ပေါင်းသင်းဆက်ဆံတတ်တယ်၊ ကျနော်ဆိုရင် ဒီလိုအလုပ်တွေ မရဘူး။အစိုးရနဲ့ ငြိမ်းချမ်းရေးဆိုတာတွေလည်း နာမည်ကောင်းမရှိဘူး။ နောက်တခုက ကျနော်က ကျမ်းမာရေးလဲ မကောင်းဘူး” - ဥက္ကဌ ရာထူး အရွေးခံဖို့ လက်မခံသည့် ဗိုလ်ချုပ်စိုင်းရီ ကပြောသည်။
“ကျနော် ဒီသက်တမ်းပဲ လက်ခံမယ်။ နောက်တသုတ်ဆိုရင်တော့ ခင်ဗျားတို့ ခေါင်းဆောင် သစ် အတွက်ပြင်ဆင်ထားရမယ်” - ဟု ဒုတိယ ဗိုလ်ချုပ်ကြီး ယွက်စစ်ပြောသွားသည်ဟု ဆိုသည်။
သျှမ်းပြည်တပ်မတော် RCSS/SSA ခေါင်းဆောင်ရွေးပွဲအား ယနေ့ အပြီးသတ်အတည်ပြု သွားနိုင် ကြောင်း၊ နက်ဖြန်တွင်မူ ၄ နှစ်တာ လုပ်ဆောင်သွားမည့် လုပ်ငန်းများ ဆွေးနွေးချမှတ်မည်ဖြစ်ကြောင်း တက်ရောက်သူ များက ပြောသည်။
သျှမ်းသံတော်ဆင့်
