မီဒီယာကျင့်ဝတ်မရှိသည့် Canal Plusရုပ်သံလိုင်းဟု မော်ရင်ဟို ဝေဖန်

ပို့စ်တင်ချိန် - 2/26/2014 09:23:00 AM

ချဲလ်ဆီးနည်းပြ မော်ရင်ဟိုကပြင်သစ်ရုပ်သံလိုင်း Canal Plus မှာ မီဒီယာကျင့်ဝတ် မရှိကြောင်းဝေဖန်သွားခဲ့သည်။ ပြီးခဲ့သည့် ၈ရက်အကြာက ဆွစ်ဇာလန်နိုင်ငံ တွင် ပြုလုပ်ခဲ့သည့် စပွန်ဆာစာချုပ် ချုပ်ဆိုပွဲအခမ်းအနားတွင် အီတူးနှင့်ပတ်သက်၍ ဆွစ်ဇာလန် စီးပွားရေးသမားတစ်ဦးကို မော်ရင် ဟိုပြောခဲ့သည့် စကားအား Canal Plus ရုပ်သံလိုင်းမှ မှတ်တမ်းတင် ခဲ့ပြီး ပြီးခဲ့သည့် တနင်္လာနေ့က ထုတ်လွှင့်ခဲ့ခြင်း အပေါ် မော်ရင်ဟိုကဝေဖန်ခဲ့ခြင်းဖြစ်သည်။

အီတူးမှာ အသက် ၃၂နှစ်သာ ရှိသေးသော်လည်း ၃၅နှစ်အရွယ်နှင့် ထင်မှတ်မှားရသည်ဟု မော်ရင်ဟိုက ဟာသလုပ်ခဲ့ခြင်းဖြစ်ပြီး ချဲလ်ဆီး တိုက်စစ်မှူးများ၏ စွမ်းဆောင်မှုကို မော်ရင်ဟို
ကျေနပ်ခြင်းမရှိဟူသော ခေါင်းစဉ်ဖြင့် Canal Plus မှ ထုတ်လွှင့်ခဲ့ခြင်းဖြစ်သည်။ ယင်းအတွက်ကြောင့် မော်ရင်ဟိုက “ ပုဂ္ဂိုလ်ရေးဆိုင်ရာ ပြောဆိုမှုတွေကို ထုတ်လွှင့်သင့်တယ်လို့ ကျွန်တော် မထင်ပါဘူး။ ဒီအတွက်ကြောင့် ပရော်ဖက်ရှင်နယ် မီဒီယာတစ်ခုအနေနဲ့ ရှက်သင့်ပါတယ်။ မီဒီယာ ကျင့်ဝတ်ပိုင်းက ကြည့်မယ်ဆိုရင်လည်း မနှစ်မြို့ဖွယ်ကိစ္စပါ”ဟု ဝေဖန်ခဲ့သည်။

@z (ရိုးရာလေး)