တိကျသောရလဒ်မထွက်မီ အန္တရာယ်ရှိစားသောက်ကုန်များ အဖြစ် ကြေညာမှုများရှိလာ၍ စားသုံးသူများ ထိတ်လန့်နေ

ပို့စ်တင်ချိန် - 2/11/2014 05:01:00 PM

တိကျသော ရလဒ်မထွက်ရှိမီ အန္တရာယ်ရှိ စေသော စားသောက်ကုန်များ အဖြစ် ကြေညာမှုများ ရှိလာ၍ စားသုံးသူများ အတွက် ထိတ်လန့်ဖွယ် ဖြစ်လာသကဲ့သို့ ရောင်းချသူများ အတွက်လည်း ဈေးကွက်ထိခိုက် သည့် အခြေအနေနှင့် ရင်ဆိုင်ကြုံတွေ့နေရ ကြောင်း သိရသည်။

လက်ရှိ၌ စားသုံးသူများအတွက် ကာကွယ်ပေးသည့် အသင်းအဖွဲ့များ များစွာ ရှိလာပြီး ယင်းအဖွဲ့များက စားသုံးသူများ အတွက် ကွင်းဆင်းစစ်ဆေးမှုများ၊ အသိ ပညာပေးမှုများနှင့် ဓာတ်ခွဲစစ်ဆေးမှုများကို ပြုလုပ်နေသော်လည်း ရလဒ်များကို စစ်ဆေး ရာတွင် မြန်မာနိုင်ငံ အစားအသောက်နှင့်
ဆေးဝါးများ စီမံခန့်ခွဲရေးဌာန(FDA)၏ နောက်ဆုံးအဖြေသည် တိကျသောရလဒ် သာဖြစ်ကြောင်း ကျွမ်းကျင်ပညာရှင်များ ထံမှ သိရသည်။

အစားအသောက်နှင့် ဆေးဝါးများ စီမံခန့်ခွဲရေးဌာနမှ အတည်ပြု ထုတ်ပြန်မှု မပြုလုပ်မီ် အသင်းအဖွဲ့အချို့မှ စားသုံးသူ များကို မီဒီယာများမှတစ်ဆင့် ရလဒ်များကို ထုတ်ပြန်ပြောကြားမှုများကြောင့် မလိုလားအပ်သည့် ဆိုးကျိုး များ ကြုံတွေ့နိုင်ကြောင်း ကျန်းမာရေးဆိုင်ရာ ပညာရှင်များက သုံး သပ်သည်။

“အသင်းအဖွဲ့တွေ အများကြီးပေါ် ထွက်လာပါတယ်။ စားသုံးသူကို ကာကွယ် ပေးတဲ့အသင်းတွေအနေနဲ့ ဘယ်လိုပဲ စစ်စစ် FDA က နောက်ဆုံးပဲ။ ဖြစ်သင့်တာက အသင်းအဖွဲ့တွေအနေနဲ့ ဟိုကတစ်မျိုး ဒီကတစ်မျိုး ကွဲနေမယ့်အစား အားလုံးစုပေါင်းပြီး FDA ကို ပိုမိုအားကောင်းအောင် ၀ိုင်းဝန်းကူညီပေး သင့်တယ်”ဟု မြန်မာစားသုံးသူများအဖွဲ့မှ အတွင်းရေးမှူး ဦးမောင်မောင်က ဆိုသည်။

FDA မှ စားသုံးသူအကာအကွယ်ပေးရေးဆိုင်ရာလုပ်ငန်းများ ကျယ်ပြန့်စွာ ဆောင်ရွက်နိုင်ရန် ဥပဒေနှင့် နည်းဥပဒေများပြဋ္ဌာန်းခြင်း၊နိုင်ငံတကာစားသုံးသူ ရေးရာအသင်းတို့နှင့် ပူးပေါင်း၍ ဆောင်
ရွက်လျက်ရှိကြောင်း FDA မှ ညွှန်ကြားရေးမှူး ဦးထွန်းဇော်က မြန်မာတောင်သူကြီးများ ဂျာနယ်ကို ပြောသည်။

ထို့ပြင် ဈေးကွက်အတွင်း ပုံမှန် စစ်ဆေးခြင်း၊ ဈေးကွက်စောင့်ကြည့်ခြင်း များနှင့် ပြည်သူများကို အသိပညာပေးခြင်း၊ နိုင်ငံတကာ စားသုံးသူရေးရာအသင်းမှ ထုတ်ပြန်သည့် စားသောက်ကုန်ဆိုင်ရာ သတင်းအချက်အလက်များကို အခြေခံ၍ စစ်ဆေးခြင်း၊ ထွက်ပေါ်လာသည့် သတင်း အချက်အလက်များကိုလည်း FDA မှ စစ်ဆေးဆောင်ရွက်မှုများ ပြုလုပ်လျက်ရှိ ကြောင်း သိရသည်။

ပြည်တွင်းဈေးကွက်တွင်ရှိသော နို့ မှုန့်၊ အချိုရည်၊ ငါးပိရည်၊ ငရုတ်သီးမှုန့်နှင့် အရောင်တင်မှုန့်များမှာ ကျန်းမာရေးနှင့် မသင့်လျော်ကြောင်း သတင်းများထွက်ပေါ် မှုကိုလည်း ယင်းအဖွဲ့မှစစ်ဆေး၍ အရေးယူ ခဲ့ကြောင်း သိရသည်။

တချို့သော အသင်းအဖွဲ့များတွင် အစားအသောက်စစ်ဆေးရေးဆိုင်ရာ ဓာတ်ခွဲခန်းများလိုအပ်ချက်ရှိနေ၍ တိကျသောရလဒ်များရရှိမှုမရှိခြင်းများ ရှိသကဲ့သို့ တချို့ဓာတ်ခွဲခန်းများမှာ လိုအပ်သော ပစ္စည်းထက်ကျော်လွန်နေ၍ တိကျသော ရလဒ် မထွက်ပေါ်နိုင်ကြောင်း မြန်မာစားသုံးသူများအဖွဲ့မှ တာဝန်ရှိသူ တစ်ဦးက သုံးသပ်သည်။

ပြီးခဲ့သည့်နှစ်လယ်ပိုင်းက ဂယက် ရိုက်ခဲ့သော အန်ဂျီအိုတစ်ခု၏ ငါးပိတွင် ယူရီးယားဓာတ်မြေသြဇာ ပါဝင်ကြောင်း FDA ၏အတည်ပြုချက် မထွက်သေးဘဲ ထုတ်ပြန်ခဲ့ခြင်းကြောင့် ငါးပိလုပ်ငန်းရှင် များ၏ ဈေးကွက်ကို ထိခိုက်ခဲ့ကြောင်း ငါးပိ လုပ်ငန်းရှင်အသိုင်းအ၀ိုင်းက ဆိုသည်။

“စားသုံးသူအန္တရာယ်ဖြစ်စေတဲ့ စား သောက်ကုန်တွေကို အချိန်နဲ့တစ်ပြေးညီ စစ်ဆေးမှုတွေ လုပ်ပေးပါတယ်။ အများ ပြည်သူသိအောင် နိုင်ငံပိုင် သတင်းစာကနေပြီးတော့လည်း ကြေညာပေးတယ်”ဟု FDA ၏ ညွှန်ကြားရေးမှူးချုပ်က ပြောသည်။

လက်ရှိတွင် အစိုးရမှ စားသုံးသူ အကာအကွယ်ပေးရေးလုပ်ငန်းများ ဆောင် ရွက်ရန် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စားသုံးသူကာကွယ်ပေး ရေးနှင့် ကူးသန်းရောင်းဝယ်ရေးဝန်ကြီးဌာနနှင့် ပူးပေါင်းဆောင်ရွက်နေပြီး ဥပဒေနှင့် နည်းဥပဒေများ ပြဋ္ဌာန်းပြီးပါက စားသုံးသူ အငြင်းပွားမှုဆိုင်ရာ ခုံရုံးများဖွဲ့စည်းနိုင်ရန် ပြင်ဆင်ထားသည်ဟု သိရသည်။

ထို့အပြင် ယခုနှစ်အတွင်း အာဆီယံ အစားအသောက်ဘေးအန္တရာယ် ကင်းရှင်း ရေး ကျွမ်းကျင်သူများအဖွဲ့ ညီလာခံကို မြန်မာနိုင်ငံတွင် ကျင်းပပြုလုပ်ရန် ပြင်ဆင် ထားပြီး FDA၏ ၀န်ထမ်းအင်အားနှင့် ခေတ်မီဓာတ်ခွဲခန်းများ မလုံလောက်မှုကြောင့် စစ်ဆေးရေးလုပ်ငန်းများတွင် အချိန်ကြန့်ကြာမှုများ ဖြစ်ပေါ်နေသည်။

- ပွင့်ဖြူဖြူလွင်၊ နိုင်လင်းအောင်
အတွဲ(၆) အမှတ်(၈၄) မြန်မာတောင်သူကြီးများ

The Farmer Media