ကလိမ်ကညစ် ကုလသမဂ္ဂ

ပို့စ်တင်ချိန် - 2/06/2014 05:48:00 PM

ကုလသမဂ္ဂဆိုတာ ဒုတိယ ကမ္ဘာစစ်ကြီး ပြီးခါစ ၁၉၄၅ မှာ အမေရိကန်၊ ဗြိတိန်၊ ပြင်သစ်၊ ရုသျှ၊ တရုတ်ဆိုတဲ့ နိုင်ငံကြီးငါးနိုင်ငံ (ကြီးငါးကြီး) ဦးဆောင်ပြီး စတင်ဖွဲ့စည်းတည်ထောင်စဉ်ကတော့ ကမ္ဘာ့ ပြည်သူတွေ ကြည်ညိုလေစားထိုက်တဲ့ အဖွဲ့ကြီးပါပဲ။ ‘ဒါပေမဲ့ တစ်စတစ်စ နဲ့နိုင်ငံတွေ လွတ်လပ်လာကြလို့ အဖွဲ့ဝင်တွေ တိုးတက်များပြားလာတာနဲ့အမျှ ဖွတ် မိကျောင်းဖြစ် မြစ်မချမ်းသာ ဆိုသလို ဖွတ်တွေများ များလာတဲ့ ကုလသမဂ္ဂမြစ်ကြီးဟာ ဂုဏ်အသရေ မဲ့မဲ့လာတော့တယ်။

လွတ်လပ်လာခါစနိုင်ငံများဟာ ဆင်းရဲတဲ့နိုင်ငံများ ဖြစ်တယ်။ စက်မှု မထွန်းကား၊ စီးပွားရေးမဖွံ့ဖြိုးတဲ့နိုင်ငံများ ဖြစ်ကြတယ်။ သူတို့ကို တတိယ ကမ္ဘာနိုင်ငံများလို့ ခေါ်လေ့ရှိကြပါတယ်။ တရုတ်၊ အိန္ဒိယနဲ့ ဗမာကို တတိယ ကမ္ဘာထဲထည့်ရေလေ့ရှိပေမဲ့ များသောအားဖြင့် ဆင်းရဲတဲ့ အာရှ-အာဖရိက နိုင်ငံတွေပဲ တတိယကမ္ဘာ ခေါ်ကြပါတယ်။ မရှိ ခိုးနိုးနိုး ဗမာစကား ဆိုရိုးစကားရှိတဲ့အတိုင်း အဲဒီဆင်းရဲတဲ့ တတိယ နိုင်ငံက လူတွေဟာ ရရင် အကုန်ယူမယ်၊ အုပ်လိုက်မယ်၊ ၀ါးလိုက်မယ် စိတ်ထားမျိုး ကိုင်ဆွဲတဲ့ အကျင့်ပျက်တွေ များတယ်။ ဒီလူတွေလည်း ကုလသမဂ္ဂထဲရောက်ရော ကမ္ဘာပြည်သူ့ပိုက်ဆံ သူ့ယောက္ခမ နီဂရိုးမကြီး ပိုက်ဆံအောက်မေ့ကာ သောက်ဟယ် စားဟယ် လုပ်ပစ်ကြလို့ ငွေ စာရင်းစစ်တွေ ခဏခဏ ၀င်ရ၊ စုံစမ်းရေး အဖွဲ့တွေဖွဲ့ရ လုပ်ရတော့တယ်။ ကုသမဂ္ဂကို အများဆုံး ထောက်ပံ့တဲ့ (၂၂)ရာခိုင်နှုန်း အမေရိကန်က ၁၉၉၀ နှစ် တွေတုန်းက သူထောက်ပံ့နေတာကို ရပ်တန့်ပစ်လိုက်သေးတယ်။

ဒီလူတွေဟာ နေရာရအောင်ကလည်း အင်မတန် လုပ်တတ်တယ်။ ကုသမဂ္ဂကြီးရဲ့ လက်အောက်ခံ အဖွဲ့ခွဲ ဧဂျင်စီ အမျိုးးမျိုးရှိရာ အဲဒီ ဧဂျင်စီတွေမှာ သူတို့ပဲနေရာရအောင် အတင်းလုယက်ဝင်ကြတာပဲ။ နေရာလည်း ရရော ထင်ရာစိုင်းတော့တာပဲ။ လုပ်သင့်တာကို မလုပ်၊ ဖြစ်သင့်တာတွေ မဖြစ်၊ သူတို့စားပေါက်ကိုထွင်ကာ အုပ်ထည့်တော့တယ်။ ဒါကြောင့် ကနေ့ ကုလသမဂ္ဂက လုပ်တယ်ဆိုရာမှာ ရှေးယခင်ကလို ဖြစ်သင့်တာကို ချင့်ချင့်ချိန်ချိန် ဝေဖန်တိုင်းဆ ရွက်ဆောင်တာမျိုး မဟုတ်ဘဲ မဖြစ်သင့်တာတွေ ဖြစ်ကုန်ကြတယ်။ ကျွန်တော်တို့ ဦးသန့် အတွင်းရေး မှူးချုပ်လုပ်စဉ်က စွမ်းစွမ်းတမံဆောင်ရွက်ခဲ့တာမျိုးလို လူသာဓုခေါ်၊ နတ်သာဓုခေါ် ရွက်ဆောင်မှုများမရှိတော့ဘဲ စိတ်ပျက်စရာတွေချည်း တွေ့ နေရတော့တယ်။

အခြားကိစ္စ မကြည့်နဲ့။ ကျွန်တော်တို့ တိုင်းပြည်နဲ့ ပတ်သက်တဲ့ ကိစ္စ ဒီလူတွေ ကိုင်တွယ်ထားကြပုံကိုပဲ ကြည့်လေ။ ဗမာပြည်မှာ ရိုဟင်ဂျာဆိုတာ မရှိပါဘူး။ ဘင်္ဂလားဒေသက ခိုးဝင်လာတဲ့ မွတ်စလင်တွေ ပဲရှိပါတယ်လို့ ကျွန်တော်တို့ အစိုးရကရော ပြည်သူကပါ တဖွဖွ ပြောနေတဲ့ ကြားထဲက ရိုဟင်ဂျာတွေဟာ ခေတ် အ ဆက်ဆက်ကပဲ ဗမာပြည်မှာ နေထိုင်လာ ခဲ့ကြတာပါ။ ရိုဟင်ဂျာတွေဟာ ကမ္ဘာပေါ်မှာ ဖိနှိပ်ညှဉ်းပန်းမှု အခံရဆုံး လူမျိုးပါ (The most persecuted People In The World) ဘာညာနဲ့ အဲဒီ ကုလသမဂ္ဂဆိုသူတွေက အော်နေကြတယ်။ အခု နောက်ဆုံးမှာ ဗုဒ္ဓဘာသာ ရခိုင်တွေကသတ်လို့ ရိုဟင်ဂျာ ၄၈ ယောက် သေရပါတယ်၊ အခုထိ သေရသမျှ ၂၈၀ ကျော်ပြီး အိုးအိမ်စွန့်ခွာထွက်ပြေး ရသူက ၂ သိန်းခွဲကျော်ပြီစသဖြင့် ဒီကုလသမဂ္ဂဆိုသူတွေက ပြောနေတယ်။

ဒီတော့ကာ မွတ်စလင်တွေကိုသတ်တဲ့ ဗမာတွေကို လက်စား ချေဖို့ဆိုပြီး အင်ဒိုနီးရှားက ဗမာသံရုံးကို ဗုံးဖောက်ခွဲဖို့ ကြိုးစားတဲ့သူ ပေါ်လာတယ်။ သက်ဆိုင်ရာ အင်ဒိုနီးရှား အာဏာပိုင်က အချိန်မီ ဖမ်းဆီး နိုင်ပြီး ထောင်ဒဏ် ခုနစ်နှစ်ချလိုက်တယ်။ အဲဒီငနဲက ထောင်ဆိုတာ ခဏပါ။ ထောင်က လွတ်လာရင်လည်း မွတ်စလင်တွေကို သတ်တဲ့ ဗမာတွေကို လက်စားချေဖို့ မိမိဆက်ပြီး ကြိုးစားဦးမယ်လို့ ကြုံးဝါးသွား တယ်။ သူကြုံးဝါးတာကို ကြောက်လို့တော့ မဟုတ်။ ‘ဒါပေမဲ့ ကျွန်တော်တို့ ဗမာတွေက လုပ်လည်းမလုပ်ရဘဲနဲ့၊ ဒီကုလသမဂ္ဂဆိုသူတွေက တာဝန်မဲ့ ပြောတဲ့အတွက် အဟုတ်မှတ်သွားကာ ကျွန်တော်တို့ကို ‘ဒုက္ခပေးဖို့ အကြိမ်းခံရတာကတော့ ဗလာချီ သက်သက်ခံရတာ ဖြစ်နေတယ်။ ဒီတော့ ဗုံးခွဲမယ် ကြိမ်းတဲ့လူမိုက်ထက် သူ့ကို ဒီလို အထင်အမြင်ဝင်အောင် လုပ်ပေးတဲ့ ကုလသမဂ္ဂဆိုသူ ကလေကချေတွေကိုပဲ ပိုလို့အပြစ်တင်ချင် တော့တယ်။

အခု နောက်ဆုံးရသတင်းအရ ‘ဒီသတင်း လုပ်ကြံတဲ့ ကုလသမဂ္ဂနဲ့ အင်ဂျီအိုတွေကို ဒေသခံတွေက ဆန္ဒပြပွဲ လုပ်ကြဖို့ စီစဉ်တာ ခွင့်ပြုချက် မရလို့ မလုပ်ဖြစ်ဘူးလို့ ကြားသိရတယ်။ မိမိတို့ဒေသမှာ ကုလသမဂ္ဂ ရှိတော့ အကူအညီမရဘူးလား မေးတော့ သူတို့က ဘင်္ဂါလီတွေဘက်က ပါတာပါလို့ ဒေသခံက ဖြေတယ်။

ကျွန်တော်တို့ ဗမာတွေက ရိုဟင်ဂျာမှမဟုတ် တိုင်းပြည်ထဲခိုးဝင် လာတဲ့ နိုင်ငံခြားသားမှန်သမျှကို မချစ်ပါဘူး။ အမြင်ကတ်ပါတယ်။ ဒါပေမဲ့ ငါးပါးသီလမှာ နံပါတ်တစ်ဖြစ်တဲ့ ပါဏာတိပါတကံကိုထိန်းသိမ်းတဲ့ ဗုဒ္ဓဘာသာဝင်တွေ ဖြစ်ကြလေတော့ သတ်တဲ့အထိတော့ ဘယ်တော့မှ မရောက်ခဲ့ဘူး။ အရင်ခေတ်အဆက်ဆက်ကလည်း မသတ်၊ အခု ကျွန်တော်တို့ခေတ်မှာလည်း မသတ်ပါဘူး။ မတရားခိုးဝင်လာတဲ့ လူ တွေဟာ အချိန်ကာလကြာတော့ ဒေသခံတွေနဲ့ တစ်သွေးတစ်သားတည်း ဖြစ်သွားကာ တိုင်းရင်းသားဖြစ်သွားပါတော့တယ်။

ဗမာတွေရဲ့ ဗုဒ္ဓတရားကို အခြေခံတဲ့ ယဉ်ကျေးမှုကို နားမလည်တဲ့ သူတွေက ကိုယ်နဲ့နှိုင်း မရိုင်းဆိုသလို သူတို့လိုပဲလို့ အောက်မေ့ပြီး လူမျိုးခြားတွေကို ဗမာတွေက သတ်တယ်၊ သတ်တယ်လို့ အော်ဟစ်နေ ကြတာ ဖြစ်တယ်။ ရှေးဗမာဘုရင်တွေ လက်ထက်က ကျုးကျော်လာကြ တဲ့ နိုင်ငံခြားတပ်တွေကို ဗမာစစ်တပ်က တွန်းလှန်တိုက်ခိုက်ခဲ့ရတာတွေ ရှိခဲ့ပါတယ်။ ကျုးကျော်သူ ဂျွမ်းစစ်သည်တွေကို ကျန်စစ်သားနဲ့သူ့ ရဲဘော်တွေက တိုက်ထုတ်ခဲ့တယ်။ ကျုးကျော်လာတဲ့ တရုတ်စစ်တပ်ကြီးကို ခုခံတိုက်ခိုက်ပါသော်လည်း အင်အားချင်း မမျှလေတော့ ထွက်ပြေး ရသမို့ ပုဂံ နရသီဟပတေ့ဘုရင်ဟာ ''တရုတ်ပြေး မင်း'' ဘွဲ့ရခဲ့တယ်။ ဒါပေမဲ့ တစ်ယောက်တလေ တိုင်းပြည်ထဲရောက်လာတဲ့ နိုင်ငံခြားသားတွေ ကိုတော့ ဘုရင်ကလည်း ရန်မမူ၊ ပြည်သူကလည်း လက်ခံ-ဆက်ဆံခဲ့ လို့ တော်ကြာ တိုင်းရင်းသားဖြစ်သွားတာပါပဲ။

ပုဂံခေတ်က ပင်လယ်ထဲ သင်္ဘောပျက်ပြီး ရောက်လာတဲ့ စကင်ဒီနေဗီးယားက ဗျတ်ဝိ၊ ဗျတ္တညီအစ်ကိုကို ဘုရင်က သူ့အမှုတော် ထမ်းစေခဲ့ ပါတယ်။ ဥရောပတိုက်သားပီပီ ကာယဗလတောင့်တင်းပြီး ကျန်းမာ သန်စွမ်းလေတော့ ညီဖြစ်သူ ဗျတ္တဟာ ပုပ္ပားတောင်ကို မနက်တိုင်း ပန်းသွားခူးရတဲ့တာဝန်ကို ထမ်းဆောင်ရတယ်။ အစ်ကို ဗျတ်ဝိက စစ်မှု ထမ်းရင်း တိုက်ပွဲတစ်နေရာမှာ ကျဆုံးခဲ့ရတယ်။
ကျန်စစ်သားနဲ့ ကုလားစစ်သည် ရှစ်ကျိပ်လို့ သမိုင်းကဆိုရာ နိုင်ငံခြား သားစစ်သည် (အထူးသဖြင့် ဥရောပစစ်သည်)ကို ဆိုလိုကြောင်း နားလည် ရတယ်။ နှောင်းခေတ်တွေမှာလည်း ဗမာဘုရင်ဆီမှာ လာ ရောက်စစ်မှု ထမ်းတဲ့ နိုင်ငံခြားသားများရှိခဲ့ကြောင်း သမိုင်းမှာ တွေ့ကြရတယ်။ ဗမာတပ် တွေမှာ အမြောက်တပ်စသည်မှာ တာဝန်ယူသူတွေဟာ နိုင်ငံခြားသားတွေ ဖြစ်ကြပါတယ်။ ကုန်းဘောင်ခေတ်မှာ မွတ်စလင်တွေ များတယ်။

အဲသလို ဘုရင်ဆီမှာ ပုံမှန်တပ်သားအဖြစ် အမှုတော်ထမ်းတာ မဟုတ်ဘဲ တစ်သီးတစ်ခြား တစ်ကိုယ်တော်စစ်သည်လာ လုပ်သူတွေကို ကြေးစား တပ်သား (Mercenary) လို့ ခေါ်တယ်။ တောင်ငူ ဘုရင်နတ် ရှင်နောင်ကို ၀ိုင်၊ ဘရန်ဒီ၊ ဥရောပ ယမကာ အကောင်းစားတွေနဲ့ မိတ်ဆက်ပေးခဲ့တဲ့ ဗမာက ငဇင်ကာ ခေါ် ဖီးလစ်ဒီဘရစ်တို Philp de Britto ဟာ သံလျင်မှာ နေသွားတဲ့ ပေါ်တူဂီက ကြေးစားစစ်သည်တစ်ဦး ဖြစ်တယ်။ ဘုရင့်နောင်ဆီမှာတော့ ပေါ်တူဂီနဲ့ အခြား ဥရောပစစ်သား တွေက ပုံမှန်စစ်တပ်အဖြစ် ရှိနေတာဖြစ်တယ်။ ဘုရင်နောင် စစ်ချီရင် အဲဒီနိုင်ငံခြားသားတွေနဲ့ ချီတာ။ သံလျင်ကို ဘုရင့်နောင် တက်သိမ်းတော့ သူ ကွပ်ကဲလာတာ ဗမာစစ်သား တွေမဟုတ်၊ ပေါ်တူဂီတပ်သားတွေ ဖြစ်တယ်။

ဒီလိုနဲ့ ဗမာဘုရင်တွေဆီမှာ နိုင်ငံခြားသားစစ်သည်တွေ အမှု တော်ထမ်းခဲ့ကြတာ ပုဂံခေတ်ကနေ အင်းဝ၊ ညောင်ရမ်း၊ ကုန်းဘောင် ခေတ်အထိပါပဲ။ ဥရောပတိုက်သားတွေကို ဗမာက ကုလားဖြူလို့ ခေါ်တယ်။ အိန္ဒိယကလာသူတွေကို ကုလားမဲလို့ ခေါ်ကြတယ်။ မွတ်စလင်တွေ များတယ်။ ကုလားမဲတွေကို အမြောက်တပ်မှာ သုံးလေ့ရှိကြတယ်။ တချို့ ကုလားမဲတွေက စာပေယဉ်ကျေးမှု အနုပညာဘက်မှာ အမှုထမ်းကြတယ်။ ပုဂံကျောက်စာမှာ ''ကုလာ ပန်တျာသည်''လို့ ကုလား ဂီတ သမားတွေကို မှတ်တမ်းတင်ထားတာ တွေ့ကြရတယ်။ နှောင်းခေတ်တွေမှာ အဒူမင်းညို (Abdul Min Nyo) အမည်နဲ့ ကဗျာဆရာ၊ ဦးကုလား အမည်နဲ့ သမိုင်းဆရာ (ဦးကုလား ရာဇ၀င်တော်ကြီး)တို့ကို တွေ့ကြ ရတယ်။ ဗြိတိသျှခေတ်မှာ ဦးအလီဆိုတဲ့ သီချင်းကြီးသီချင်းခန့် အဆို တော်ကြီးတစ်ယောက်ပေါ်ပေါက်ခဲ့ဖူးတယ်။

ဒီတော့ကာ ခေတ်အဆက်ဆက်မှာ ဗမာတွေက နိုင်ငံခြားသား တွေကို၊ အထူးသဖြင့် မွတ်စလင်တွေကို ရန်မမူခဲ့ဘူး၊ သူကောင်းတောင် ပြုခဲ့သေးတယ်ဆိုတာ ထင်ရှားတယ်။ ကုလသမဂ္ဂဆိုတဲ့ လံကြုပ်သမားတွေ လက်ထက်ရောက်ခါမှ‘ဗမာက မွတ်စလင်ကုလားကို သတ်ပါတယ်´ လို့ ကြံဖန် စွပ်စွဲခံရတာ ဖြစ်တယ်။

မောင်သာနိုး
စောင့်ကြည့်ဂျာနယ် အတွဲ ၈ အမှတ် ၃၆
မှတ်ချက် - မူရင်းစာမူအတိုင်းဖြစ်သည်။