စစ်သားနှင့် ကတိစကား (သို့မဟုတ်) ဗိုလ်ချုပ်မှူးကြီး စောမောင် ၏ အခြေခံဥပဒေအပေါ် သဘောထား
ပို့စ်တင်ချိန်
- 2/26/2014 09:00:00 PM
ထင်ရှားကျော်ကြားသည့် နိုင်ငံ ရေးခေါင်းဆောင်အတော်များများက အပြောကောင်းလှသည်ကိုတော့စာဖတ် သူတို့ သိရှိပြီး ဖြစ်ပါလိမ့်မည်။
အမေရိကန်သမ္မတ လင်ကွန်း၊ အိန္ဒိယဝန်ကြီးချုပ် ပဏ္ဍစ်ဂျဝါဟလာ နေရူး၊ အမေရိကန်လူမည်းခေါင်းဆောင် မာတင်လူသာကင်း၊ ဗိုလ်ချုပ်အောင် ဆန်း၊ နိုင်ငံတော် ဝန်ကြီးချုပ် ဦးနု စသူ တို့ ပြောကြားခဲ့သော မိန့်ခွန်းများကို ယနေ့တိုင် ပြန်လည်ကိုးကားပြောဆို ရေးသားနေကြဆဲလည်း ဖြစ်ပါသည်။
ခေါင်းဆောင်ဆိုသည်နှင့် နိုင်ငံ ရေးခေါင်းဆောင်၊ စစ်ရေးခေါင်းဆောင် တို့မည်သည် ဆိုခဲစေမြဲစေ ဆိုသလို မိမိတို့ ပြောဆိုလိုက်သည့် စကားကို မိမိ တို့ တာဝန်ယူကြ ရသည်မို့ လက်လွတ် စပယ် ပြော၍မရ။ ပြောပြီးလျှင်လည်း မှားသည်ဖြစ်စေ၊ မှန်သည် ဖြစ်စေ တာ ဝန်ယူရသည်။ ပြောသလို လုပ်ရသည်။ လုပ်သလို ပြောရသည်။ အပြောနှင့်အ လုပ် ထပ်တူကျဖို့ လိုသည်။ အပြောတစ် မျိုး၊ အလုပ်တခြားဆိုလျှင်တော့ အနာ ဂတ် ပျောက်ဆုံးရတော့သည်။
သည်အထဲတွင် ၁၉၉၇ ခုနှစ် ဇူလိုင်လ ၂၄ ရက်နေ့က ကွယ်လွန်ခဲ့ ပြီဖြစ်သော ဗိုလ်ချုပ်မှူးကြီးစောမောင် ကို ကျွန်တော် သတိရသည်။ သူ့ခေတ် သူ့အခါက မြန်မာနိုင်ငံ ၏ အုပ်ချုပ်ရေး တွေပျက်ပြားမှုကို စစ်ဥပဒေ (Marshal Law) ဖြင့် ထိန်းသိမ်းခါစ ကာလလည်း ဖြစ်သည်။ အဘက်ဘက်မှ ကျဆင်းလာ သော အခြေအနေ အရပ်ရပ်ေ ကြာင့် ပြည်သူများမှ ဒီမိုကရေစီတောင်းဆိုမှု များ၊ ဒီမိုကရေစီအရေးတော်ပုံများ ပေါ် ပေါက်လာချိန်တွင် ကာကွယ်ရေးဝန် ကြီးအဖြစ် တာဝန်ထမ်းဆောင်ခဲ့ရ သော ဗိုလ် ချုပ်မှူးကြီးစောမောင်သည် ၁၉၈၈ ခုနှစ် စက်တင်ဘာလ ၁၈ ရက် တွင် နိုင်ငံတော်အာဏာကို ရယူလိုက် ပြီးနောက် တိုင်းပြည်သို့ မိန့်ခွန်းပေါင်း မြောက်မြားစွာပြော ဆိုခဲ့ရသည်။
သူသည် စစ်သားဖြစ်၍သွယ်ဝိုက် မနေဘဲ တဲ့တိုးပြောဆိုမှုများကြောင့် ထိုစဉ်က ပြောစမှတ်ဖြစ်ခဲ့သည့် စကား တွေ လည်းရှိသည်။ ၂၅ နှစ်ခန့် ကြာ မြင့်လာသည့် ယခု အချိန်တွင် ဗိုလ် ချုပ်မှူးကြီး စောမောင်ပြောကြားခဲ့သည့် မိန့်ခွန်းများ၌ သူ၏ သဘောထားနှင့်ရပ် တည်ချက်တို့ကို တွေ့မြင်ရသည်။
၁၉၈၉ ခုနှစ် ဇူလိုင်လ ၅ ရက်နေ့ နံနက် ၁ဝ နာရီကကာကွယ်ရေးဝန်ကြီး ဌာန ဧည့်ရိပ်သာ၌ ပြည်တွင်း ပြည်ပ စာနယ်ဇင်းဆိုင်ရာ ပုဂ္ဂိုလ်များနှင့် တွေ့ ဆုံစဉ် ဗိုလ်ချုပ်မှူး ကြီးစောမောင်က -
‘ကျွန်တော်ဟာ တကယ့်တကယ် တော့ စကားပြောကောင်းတဲ့လူ မဟုတ် ပါဘူး။ စကားလည်းပြောဖို့ဟာ အင်မ တန် ဝန်လေးပါတယ်။ စကားပြောမိရင် အမှားပါမှာ လည်း အင်မတန်ကြောက် ပါတယ်။ ကျွန်တော်တို့ ဒီတာဝန်ကို ယူ ကြတာဟာ မလွှဲမ ရှောင်သာယူတယ်ဆို တာကို ယုံကြည်စေလိုပါတယ်။’ ဟု နိုင်ငံတော်အာဏာ ရယူခြင်းနှင့် ပတ် သက်၍ ပြောဆိုခဲ့သည်။
ထိုစဉ်က ရွေးကောက်ပွဲမလုပ် ရသေး။ ရွေးကောက်ပွဲလုပ်မည်ဆိုလျှင် အချိန်နှစ်နှစ်ခန့် လိုအပ်ကြောင်း ပါတီ ခေါင်းဆောင်များက ပြောဆိုနေချိန်မှာ ပင် ၁၉၉ဝ ပြည့်နှစ် မေလ ၂၇ ရက်၌ ပါတီပေါင်း ၉ဝ ကျော်ဖြင့် ပါတီစုံဒီမိုကရေစီအထွေထွေရွေးကောက်ပွဲကို ကျင်းပ ပေးခဲ့သည်။
သူ၏ အကျင့်စာရိတ္တ၊ လုပ်ဆောင် ချက်များနှင့် ပတ်သက်၍လည်း-
‘ကျွန်တော်တို့အနေနဲ့ ကျွန်တော် တို့ရဲ့ ငြိမ်ဝပ်ပိပြားမှုတည်ဆောက်ရေး အဖွဲ့ဆိုတာ တကယ်တမ်း ကျတော့ တပ်မတော်ပါပဲ။ ကျွန်တော်တို့ လုပ်ကြ ကိုင်ကြတဲ့အခါမှာ ဒီနေ့အထိ ကျွန်တော့် ကိုယ်ကျွန်တော် ယုံကြည်တာ တစ်ခုရှိပါ တယ်။ ကျွန်တော်ဟာ ဥပဒေကို လက် လွှတ်ထားပြီးတော့ ဘယ်ကိစ္စကိုမှ ကျွန် တော်မလုပ်ခဲ့ပါဘူး။ ဟုတ်လား။ ကျွန် တော်ဟာလွတ်လပ်ရေးရပြီးမှ ကျွန်တော် တပ်ထဲ ရောက်ပါတယ်။ ၁၉၄၉ ခုနှစ်က ဝင်ပါတယ်။ အခုဆိုရင် ၁၉၈၉ ဖြစ် ပါတယ်။ နှစ်ပေါင်း ၄ဝ အတွင်းမှာ ကျွန်တော့်မှာ စစ်စည်းကမ်းအရသော် လည်းကောင်း၊ ဥပဒေအရသော်လည်း ကောင်း ကျွန်တော့်မှာ အားလုံး ကင်း ကင်းရှင်းရှင်းပဲ ကျွန်တော်နေခဲ့ပါတယ်။ ဒါ ဒီလိုပြော တဲ့အတွက် ဒီကောင်ကိုယ့် ကိုယ်ကိုယ် ကိုယ်ရည်သွေးလှချည်လား လို့ ဒီလိုလည်း မယူဆသင့်ဘူး။’ ဟု ပြောခဲ့သည်။
ဗိုလ်ချုပ်မှူးကြီး စောမောင်က ရွေးကောက်ပွဲကော်မရှင်ကို တရားမျှ တစွာနှင့် လွတ်လပ်စွာလုပ်ဆောင်ဖို့ ပြောဆိုထားသည်။ ပြည်သူများမှ စစ် အစိုးရကို မယုံ။ သို့သော် လည်း ရွေး ကောက်ပွဲတကယ်လုပ်ပေးခဲ့သည်။ ရွေးကောက်ပွဲမတိုင်မီ ၁၉၉ဝ ပြည့်နှစ်ကပြုလုပ်ခဲ့သော အင်တာဗျူးများ၊ မိန့် ခွန်းများ၌ အတိအလင်းပြောဆိုထား သည်။ ယင်းစကားမှာ -
‘၁၉၉ဝ ရွေးကောက်ပွဲပြီးလို့ပြည် သူက ရွေးချယ်ပေးလိုက်တဲ့အစိုးရတစ် ရပ်ပေါ်ပေါက်လာရင် စစ်တပ်ကစစ် တန်းလျားကိုပြန်သွားကြမယ်။ ‘ကျွန်တော် အာဏာလိုချင်ရ င် ပါတီထောင်မယ်၊ ကျွန်တော် ဒီနေ့ပါတီမထောင်ဖူး၊ ကျွန် တော့်မှာ background ပါတီမရှိဘူး’ ဟူ၍ ဖြစ်သည်။
ရွေးကောက်ပွဲပြီးလျှင် စစ်တန်း လျားကို ပြန်မည်ဟု ပြောဆိုခဲ့သော ဗိုလ်ချုပ်မှူးကြီးစောမောင်က အာဏာ ကို ဖြတ်လမ်းနည်းဖြင့် ရယူလိုခြင်း မရှိ။ တိုင်းပြည်အုပ်ချုပ်ရေး တွင် အခရာကျ သည့် ဖွဲ့စည်းပုံအခြေခံဥပဒေကိုလည်း ရွေးကောက်ပွဲအနိုင်ရ ကိုယ်စားလှယ် များကသာ ရေးဆွဲကြရမည်။ သူက တာ ဝန်ယူရေးဆွဲမည်မဟုတ်ဟုလည်း အတိ အလင်း ပြောဆိုခဲ့သည်။ ဖွဲ့စည်းပုံနှင့် ပတ်သက်၍-
‘constitution ကျွန်တော်ရေး။ကျွန်တော် ပြည်သူ့ကိုယ်စားလှယ်မှ မဟုတ်ဘဲ။ ကျွန်တော် ဘာလို့ ရေးရ မလဲ။ ကျွန်တော် တရားခံလား။ အဲဒီ လို မလုပ်ပါနဲ့။ အာဏာ ရဖို့အတွက် ပါတီတွေ၊ မဲနိုင်အာဏာရဖို့ ကျွန်တော် က ဖွဲ့စည်းပုံအခြေခံဥပဒေ ပြင်ဟ။ နောက် အနှစ် ၂ဝ လောက်ဆိုရင် သွား ပြီ။ ဒီ Constitution က။ စောမောင် နဲ့ နဝတဆိုတဲ့ကောင်က ရေးသွားတာ။ သောက်သုံးကို မကျဘူး။ ကန်တော့ပါရဲ့ ခင်ဗျာ။ ဟုတ်လား တရားခံ၊ ဘာမှ လည်း မဟုတ်ဘူး။ စဉ်းစားကြည့်စမ်းပါ ဦးဗျာ။’ ဟု ဖွဲ့စည်းပုံ ရေးဆွဲရေးကို ငြင်းပယ်ခဲ့သည်။
ဗိုလ်ချုပ်အောင်ဆန်းက မြန်မာ ပြည်ကို တစ်နှစ်အတွင်း လွတ်လပ်ရေး ရစေရမည်ဆိုသော ကတိကိုပေးကာ ထို ကတိအတိုင်း လွတ်လပ်ရေးရရှိအောင် စွမ်းဆောင်ခဲ့ သည်။
အမျိုးသား ခေါင်းဆောင်ကြီး ဗိုလ် ချုပ်အောင်ဆန်းက’မိမိကိုယ်ကို နာမည် ကြီးအောင်၊ ကြွယ်ဝအောင်လုပ်တတ် သည်မှာ နိုင်ငံရေးမဟုတ်။ တိုင်းပြည် ကောင်းအောင် လုပ်တတ်မှ နိုင်ငံရေးဖြစ် ၏’ ဟု ဆိုခဲ့သည်။ ဗိုလ်ချုပ်မှူးကြီး စောမောင်ကတော့ သူအာဏာမမက် ကြောင်းကို ယခုလို ပြောခဲ့သေးသည်။
‘အခု ကျွန်တော် ဒီအလုပ်က burden ပဲ။ ကျွန်တော် နေ့မအိပ် ည မအိပ် လုပ်ရပါတယ်။ ကျွန်တော် လုပ် တဲ့ အကြောင်းလေးတော့ ပြောပါရစေ။ တစ်ညမှာ အလွန်ဆုံး တစ်ခါတလေ သုံးနာရီခွဲအိပ်၊ တစ်ခါတလေ လေးနာရီ ပဲ အိပ်။ ပိန်ချုံးကျသွားတဲ့ အခါကျတော့ ပြောမှာပေါ့။ ကျွန်တော့်မှာ အပူအပင်ရှိ တယ်။ ကျွန်တော့်မှာ ဝန်ထုပ်ဝန်ပိုးရှိ တယ်။ ကျွန်တော်ဒီလိုပဲခံယူတယ်။ ဘာ အာဏာမှမလိုချင်ဘူး။ဘာမှမက်လောက် စရာ မရှိပါဘူး။ ဒါ ကျွန်တော် ပွင့်ပွင့် လင်းလင်းပြောနေတာ။’ဟု ဆိုပါသည်။
၁၉၉ဝ ပြည့်နှစ် ရွေးကောက်ပွဲ ပြီးတော့ အမျိုးသားဒီမိုကရေစီအဖွဲ့ ချုပ်က မဲအပြတ်အသတ်ဖြင့်နိုင် သည်။ အများပြည်သူတွေက အနိုင်ရပါတီကို အာဏာလွှဲပေးတော့ မည်ဟု ထင်မြင်ခဲ့ ကြသည်။
၁၉၉၁ခုနှစ် သြဂုတ်လတွင် ဗိုလ် ချုပ်မှူးကြီးစောမောင်သည် တရုတ် ပြည်သူ့သမ္မတနိုင်ငံသို့ ချစ်ကြည်ရေး ခရီးသွားရောက်ခဲ့စဉ် ထိုစဉ်ကတရုတ် ပြည်သူ့သမ္မတနိုင်ငံ ဝန်ကြီးချုပ်လီပင်း နှင့်တွေ့ဆုံခဲ့သည်။ ဝန်ကြီးချုပ်လီပင်း က တရုတ်နိုင်ငံသည် ခေါင်းဆောင်ကြီး တိန့်ရှောင်ဖိန်ရုပ်လုံးဖော်ခဲ့သော တံ ခါးဖွင့်ဝါဒကို ဆက်လက်ကျင့်သုံး လျက် ရှိပြီး မြန်မာနိုင်ငံအကြီးအကဲ ဗိုလ်ချုပ် မှူးကြီးစောမောင်၏ ပြောဆိုချက်အ များအပြားသည် မိမိနှင့်သဘောထား တူညီပြီး နီးစပ်သောအမြင်များရှိသည် ဟု တရုတ် ဝန်ကြီးချုပ်လီပင်းက ပြော ဆိုခဲ့လေသည်။
မြန်မာနှင့်တရုတ်တို့၏ နိုင်ငံရေး ခေါင်းဆောင်များ၏ ကံကြမ္မာကို နှိုင်း ယှဉ်လေ့လာကြည့်လျှင် တရုတ်ခေါင်း ဆောင်ကျောက်ကျိယန်နှင့် မြန်မာအ ကြီးအကဲ ဗိုလ်ချုပ် မှူးကြီးစောမောင်တို့ ဘဝကံကြမ္မာ နီးစပ်မှု ရှိနေသည်ကို လည်း တွေ့ရပါသည်။
နဝတဥက္ကဋ္ဌအဖြစ် ဗိုလ်ချုပ်မှူး ကြီးစောမောင် တာဝန်ယူနေစဉ် အ တွင်းအရှေ့ဥရောပနိုင်ငံများရှိ ကွန်မြူ နစ်အစိုးရအဖွဲ့များ တစ်နိုင်ငံပြီး တစ် နိုင်ငံပြုတ်ကျခဲ့ပြီး နောက် ဆုံးတွင်ကွန် မြူနစ်အရှေ့ဂျာမနီနှင့် ဒီမိုကရက်တစ် အနောက်ဂျာမနီတို့အကြားပိုင်းခြား ထားသော ဘာလင်တံတိုင်းကြီး ပြိုကျ သွားခဲ့သည်။
တရုတ်ပြည်သူ့သမ္မတနိုင်ငံ၊ ပေ ကျင်းတွင်လည်း ၁၉၈၉ ခုနှစ် ဧပြီလ တွင် စီးပွားရေးနှင့် နိုင်ငံရေးပြုပြင် ပြောင်းလဲမှုများ ပြုလုပ်ရန် ကျောင်း သားများက ဆန္ဒပြခဲ့ကြ သည်။ ယင်း ဆန္ဒပြမှုများကို ကိုင်တွယ်ရန် ပျော့ ပျော့ပျောင်းပျောင်း ကိုင်တွယ်လိုသည့် တရုတ်ကွန်မြူနစ်ပါတီ ခေါင်းဆောင် ကျောက်ကျိယန်နှင့် ပြတ်ပြတ်သား သားကိုင် တွယ်လိုသော ပါတီထိပ်တန်း ခေါင်းဆောင်လီပင်းတို့အကြား နှစ် ခြမ်းကွဲခဲ့သည်။ ထို့နောက်အစိုးရက ဆန္ဒပြမှုများကို ပြင်းပြင်းထန်ထန်နှိပ်ကွပ်ခဲ့ ပြီး ကျောက်ကျိယန်ကို လည်း ကွယ်လွန်သည်အထိ နေအိမ်အကျယ် ချုပ်ချထားခဲ့သည်။
ထိုသို့ နေအိမ်အကျယ်ချုပ်ချထား ခြင်းခံရစဉ်ကာလအတွင်း သူရေးသား ခဲ့သော Prisoner of the State; The Secret Journal of Zhao Ziyang ကို ၂ဝဝ၉ ခုနှစ် သူကွယ်လွန်ပြီးမှ ထုတ်ဝေခဲ့ရာ ကမ္ဘာကျော်စာအုပ်တစ် အုပ်လည်း ဖြစ်ခဲ့သည်။
ရာဇဝင်တွင်အောင် ပြည်သူတို့ က မဲပေးရွေးချယ်လိုက်ကြသည့် ပါတီ ကြီး ၁၉၉ဝ ရွေးကောက်ပွဲအနိုင်ရစဉ်က ‘ပိတောက်တွေလှိုင်တဲ့နှစ်၊ ခမောက် တွေနိုင်တဲ့ခေတ်’ဟု ဆရာတင်မိုးက လှလှပပလေး ရေးဖွဲ့ခဲ့သည်။ ရွေး ကောက်ပွဲရလဒ်က ထင်သလို ဖြစ်မလာတော့ ရွေးကောက်ပွဲလုပ်ခြင်းသည် တိုင်းပြည်အာဏာကို ပေးအပ်ရန်မ ဟုတ်။ အနိုင်ရ ကိုယ်စားလှယ်များက ဖွဲ့စည်းပုံအခြေခံဥပဒေရေးရန်သာ ဖြစ်သည်ဟု ဆိုလာသည်။
ဆက်လက်ဖော်ပြပါမည်
ညီမင်းနောင်
popularmyanmar
