သတိမိုင်းရှိသည်
ပို့စ်တင်ချိန်
- 2/26/2014 08:54:00 PM
ရေးသားသူ- အောင်ခိုင်
နမ့်ဆမ်ယန်တံတားအကျော် စရာနှင့် လဲလုံရွာကြားရှိ မြစ်ကြီးနား-ဗန်းမော်ကားလမ်းမကြီး၏ ဘေးတစ်နေရာတွင် ယင်းကဲ့သို့ ဆိုင်းဘုတ်စိုက်ထူထားသည်ကို မြင်တွေ့နိုင်ပါသည်။
ဆိုင်းဘုတ်နှင့်အတူ ကားလမ်းမကြီးဘေးတစ်နေရာကို သွပ်ပြား၊ ထရံ၊ ၀ါးရုံပင်များနှင့်အတူ ထွက်မရအောင် ကာရံပိတ်ဆို့ထားပါသည်။ လမ်းမကြီးဘေးအခြားတစ်ဖက်ကိုလည်း ၀ါးရုံများဖြင့် ပိတ်ဆို့ထားသည်ကို တွေ့ရသည်။ ယင်းနေရာသည် ဧရာဝတီမြစ်ရိုးဘက်မှတစ်ဆင့် လိုင်ဇာအနီးရှိ မဆမ်ပန်၊ ယင်းမှတစ်ဆင့် တရုတ်နိုင်ငံသို့ သစ်မှောင်ခိုတင်ပို့သည့် လမ်းကြောင်းတစ်ခုပင်ဖြစ်သည်။
ပြီးခဲ့သည့်လအနည်းငယ်မှစ၍ မြန်မာ့တပ်မတော်က သစ်မှောင်ခိုတင်ပို့၍မရနိုင်အောင် မိုင်းထောင်ပြီး ယင်းတောလမ်းကို ပိတ်ဆို့ထားခဲ့ခြင်းဖြစ်သည်။ ထိုနေရာကို သွပ်ပြားများဖြင့် ကာရံထားပြီး “မိုင်းရှိသည်”ဟု ရေးထားသည်ကို တွေ့ရသည်။
မြစ်ကြီးနား-ဗန်းမော်ကားလမ်းမကြီးတစ်လျှောက်တွင် ယင်းကဲ့သို့ တရုတ်နိုင်ငံသို့တင်ပို့သည့် သစ်မှောင်ခိုလမ်းကြောင်း ခုနစ်ခုခန့်ရှိပြီး သစ်ခိုးထုတ်၍မရနိုင်အောင် ပိတ်ဆို့ထားရသည်ဟု ရှေ့တန်းစစ်မြေပြင်မှ မြန်မာ့တပ်မတော်အရာရှိတစ်ဦးကဆိုပါသည်။
“သစ်ခိုးထုတ်တဲ့ ကားတန်းကြီးက ဒီကထွက်လာတယ်။ ပြီးတော့ ကားလမ်းမကိုဖြတ်ပြီး ဟိုဘက်ဝင်သွားတယ်။ သူတို့တောလမ်းကို လူမမြင်နိုင်အောင် ပြန်ပိတ်ခဲ့တယ်။ ၀ါးပင်တွေနဲ့ နောက်ဆုံးကားမှာ လမ်းပြန်ပိတ်ဖို့ အလုပ်သမားတွေ ဆယ်လေးငါးယောက်တင်လာတယ်”ဟု ပခုံးတွင်အနက်ရောင်ကြယ်ပွင့်တပ်ဆင်ထားသော မြောက်ပိုင်းတိုင်းစစ်ဌာနချုပ်မှ အရာရှိတစ်ဦးကပြောသည်။ နှစ်ပေါင်းများစွာအတွင်း ပထမဆုံးအကြိမ်အဖြစ် မြန်မာ့တပ်မတော်က သတင်းစာ၊ ဂျာနယ်နှင့် မီဒီယာတိုက်ငါးတိုက်မှ သတင်းထောက်ခြောက်ဦးကို ကချင်ပြည်နယ်ရှိ ရှေ့တန်းစစ်မြေပြင်သို့ လိုက်ပါသတင်းယူခွင့်ပြုပြီး ကေအိုင်အေနှင့် မကြာခင်ကဖြစ်ပွားခဲ့သော တိုက်ပွဲများနှင့်ပတ်သက်၍ ရှင်းလင်းပြောကြားသောခရီးစဉ်တွင် အထက်ပါအရာရှိက ထိုကဲ့သို့ပြောကြားခြင်းဖြစ်သည်။
ယင်းကဲ့သို့ သစ်မှောင်ခိုထုတ်သည့် တောလမ်းများကို တရုတ်ကုန်သည်များက ငွေကြေးစိုက်ထုတ်၍ ဖောက်လုပ်ခြင်းဖြစ်သည်ဟုလည်း ရှေ့တန်းရောက် မြန်မာ့တပ်မတော်သားများကဆိုပါသည်။
သယံဇာတပေါများကြွယ်ဝသည်ဟု သတ်မှတ်ထားသော ကချင်ပြည်နယ်တွင် အစိုးရတပ်နှင့် ကေအိုင်အေတို့အကြား တိုက်ပွဲများတစ်ကျော့ပြန်ဖြစ်ပွားခဲ့သည်မှာ သုံးနှစ်ပြည့်မြောက်တော့မည်ဖြစ်သည်။ အလွတ်သဘောအပါအ၀င် ငြိမ်းချမ်းရေးဆွေးနွေးပွဲများ အကြိမ်ကြိမ်ပြုလုပ်နေသော်လည်း အပစ်အခတ်ရပ်စဲရေး လက်မှတ်မရေးထိုးနိုင်သေးပါ။
ယခုနှစ် နှစ်လအတွင်းမှာပင် အစိုးရတပ်နှင့် တိုက်ပွဲပေါင်းအကြိမ် ၃၀ ခန့် ပြန်လည်ဖြစ်ပွားခဲ့ကြောင်း ကေအိုင်အေဘက်မှ ပြောကြားခဲ့သည်။
လတ်တလော ပြန်လည်ဖြစ်ပွားခဲ့သည့် တိုက်ပွဲများသည် မြန်မာ့တပ်မတော်ဘက်မှ သစ်မှောင်ခိုရှင်းလင်းခြင်းသာဖြစ်ပြီး အင်အားသုံးထိုးစစ်ဆင်ခြင်းမဟုတ်ဘဲ ကေအိုင်အေဘက်မှ သစ်မှောင်ခိုခိုးထုတ်ရာတွင် ပါဝင်ပတ်သက်ခြင်း၊ စတင်ပစ်ခတ်ခြင်းတို့ကြောင့် တိုက်ပွဲပြန်လည်ဖြစ်ပွားခဲ့ရကြောင်း အစိုးရဘက်မှဆိုပါသည်။
သစ်မှောင်ခိုများသည် အစိုးရထိန်းချုပ်နယ်မြေများဘက်မှ ၀င်ရောက်လာခြင်းဖြစ်၍ ယင်းဒေသများတွင်ပင် ဟန့်တားပိတ်ဆို့၍ရနိုင်သည်။ ထို့ကြောင့် ယခုပြန်လည်ဖြစ်ပွားခဲ့သော တိုက်ပွဲများမှာ အပစ်အခတ်ရပ်စဲရေး လက်မှတ်မရေးထိုးမီ အစိုးရဘက်က ကေအိုင်အေတပ်များကြား အဆက်အသွယ်ဖြတ်တောက်ချင်၍ လူအင်အားနည်းပါးသည့်စခန်းများကို ယခုကဲ့သို့ သိမ်းဆည်းနေခြင်းဖြစ်သည်ဟု ကေအိုင်အေထိပ်တန်းအရာရှိတစ်ဦးက တုံ့ပြန်ထားသည်။
ဒေါဖုန်းယန်မြို့နယ်ခွဲရှိ ဂျာအိန်ယန်ကျေးရွာ
ဂျာအိန်ယန်ကျေးရွာသည် နယ်မြေမတည်ငြိမ်မှုကြောင့် ဒေသခံအများစု စွန့်ခွာသွားသည့် ရွာဟောင်းတစ်ခုဖြစ်သည်။ ယင်းရွာတွင် ကေအိုင်အေ၏ စခန်းငယ်တစ်ခုရှိသည်။ မြစ်ကြီနား-ဗန်းမော်ကားလမ်းမကြီးမှ စရာလမ်းခွဲအတိုင်း တစ်နာရီခွဲဝန်းကျင်ခန့် ၀င်ရောက်သွားရသော ဂျာအိန်ယန်ကျေးရွာသည် ဧရာဝတီမြစ်အနောက်ဘက်ကျောမှ လိုင်ဇာအနီး လမယန်၊ ယင်းမှတစ်ဆင့် တရုတ်ပြည်သို့ သစ်မှောင်ခိုတင်ပို့သည့် လမ်းကြောင်းပေါ်တွင် တည်ရှိနေသည်။
သတင်းအရ သစ်မှောင်ခိုရှင်းလင်းရန် တပ်မတော်စစ်ကြောင်းများက ဖေဖော်ဝါရီ ၁၀ ရက်တွင် ဂျာအိန်ယန်ကျေးရွာကို စတင်ဝင်ရောက်ခဲ့ကြောင်း တပ်မ ၉၉ တံဆိပ် တပ်ဆင်ထားသော အရာရှိတစ်ဦးကဆိုပါသည်။
ယင်းနေ့ညနေ ၄ နာရီခန့်တွင် ကေအိုင်အေဘက်မှ စတင်ပစ်ခတ်သဖြင့် ထိတွေ့မှုဖြစ်ပွားခဲ့ပြီး ဂျာအိန်ယန်ကျေးရွာရှိ သစ်ကွင်းတွင် ပြင်းထန်သောခုခံမှုနှင့် ကြုံတွေ့ခဲ့ရကာ စစ်သည်တစ်ဦး ဒဏ်ရာရရှိခဲ့သည်ဟုလည်းပြောသည်။
နယ်မြေရှင်းလင်းမှုများကြောင့် ကေအိုင်အေတပ်များဆုတ်ခွာသွားခဲ့ပြီး သစ်မျိုးစုံတန်ချိန် ၃၇၀၀ နှင့် ၄၀၀၀ နီးပါးနှင့်အတူ တရုတ်နိုင်ငံလုပ် ယန်နန် (YaNan)မော်တော်ယာဉ်များ၊ ကရိန်းကားများ၊ တူမီးသေနတ်များအပါအ၀င် ကေအိုင်အေယူနီဖောင်းနှင့် တံဆိပ်များပါ သိမ်းဆည်းရမိခဲ့ကြောင်း အထက်ပါအရာရှိက သက်သေခံပစ္စည်းများကို ပြသရင်းရှင်းပြပါသည်။
“ကျွန်တော်တို့က လက်နက်ကိုင်စီးပွားရေးလို့ခေါ်တယ်။ စီးပွားရေးမှာ သူတို့ပါဝင်ပတ်သက်နေရင်တော့ ဖြစ်နေမှာပဲ”ဟု မပခရှေ့တန်းအရာရှိတစ်ဦးကဆိုသည်။
ကေအိုင်အေဘက်ကမူ ယခုလပိုင်းအတွင်း စခန်းငယ်သုံးခုအသိမ်းခံခဲ့ရပြီး နောက်ဆုံးအသိမ်းခံရသည့်စခန်းတွင် သစ်မှောင်ခိုလုံးဝမရှိကြောင်းနှင့် အစိုးရတပ်မှ သစ်မှောင်ခိုအကြောင်းပြ၍ နယ်မြေစိုးမိုးမှုပြုလုပ်နေခြင်းဖြစ်ကြောင်း တုံ့ပြန်ပြောဆိုခဲ့သည်။
(၁၇)နှစ်ကျော် အပစ်အခတ်ရပ်စဲထားပြီးမှ တိုက်ပွဲများတစ်ကျော့ပြန်ဖြစ်ပွားခဲ့သော ကချင်စစ်ပွဲငြိမ်းချမ်းရေးရရှိရန်မှာ သယံဇာတအကျိုးအမြတ်များကြောင့် မလွယ်ကူနိုင်သေးကြောင်း ယခုနှစ်အတွင်းထုတ်ပြန်ခဲ့သည့် နိုင်ငံတကာစစ်တမ်းအချို့တွင် ဖော်ပြထားပါသည်။
ဒေသတွင်းအဖွဲ့အစည်းများနှင့် ကချင်အရေးလေ့လာစောင့်ကြည့်သူများကမူ ယခုပြန်လည်ဖြစ်ပွားခဲ့သောတိုက်ပွဲများသည် မြန်မာ့တပ်မတော်မှ သစ်မှောင်ခိုအကြောင်းပြ၍ နယ်မြေစိုးမိုးမှုပြုလုပ်နေခြင်းကြောင့်ဖြစ်ပြီး သစ်မှောင်ခိုများသည် စစ်ကိုင်းတိုင်းဒေသကြီး၊ ရှမ်းပြည်နယ်(မြောက်)တို့မှ ၀င်ရောက်လာခြင်းကြောင့် ယင်းဒေသများတွင် ပိတ်ဆို့ထားပါက တိုက်ပွဲမဖြစ်နိုင်ကြောင်း သုံးသပ်ပြောဆိုကြသည်။
အစိုးရနှင့် ကေအိုင်အိုကြား ယမန်နှစ်အောက်တိုဘာအတွင်းကပြုလုပ်ခဲ့သော ငြိမ်းချမ်းရေးဆွေးနွေးပွဲတွင် စစ်ရှိန်လျှော့ချရေးနှင့် တိုက်ပွဲများထပ်မံမဖြစ်ပွားစေရေးအတွက် ပူးတွဲစောင့်ကြည့်ရေးကော်မတီ (Joint Monitaring Committe)များကို ပဋိပက္ခဖြစ်ပွားရာ ဒေသအားလုံးအကျုံးဝင်စေမည့် အဖွဲ့အဖြစ်ဖွဲ့စည်းသွားရန် နှစ်ဖက်သဘောတူညီခဲ့ကြသည်။
ကချင်ပြည်နယ်တွင် ပြီးခဲ့သည့် ၂ နှစ်ကျော်ကာလကပင် စစ်ဆင်ရေးတာဝန်ထမ်းဆောင်နေသော ရှေ့တန်းအရာရှိတစ်ဦးကမူ သူ့၏သဘောထားကို အောက်ပါအတိုင်းပြောပြပါသည်။
“စစ်တိုက်နေတဲ့ စစ်သားတွေအားလုံးလိုလို ငြိမ်းချမ်းရေးကိုလိုလားပါတယ်။ ကျွန်တော်တို့က ပိုလိုချင်ပါတယ်”
ဓာတ်ပုံ- အောင်ခိုင်
7Day News Journal
