၂၀၁၄ အတွင်း အာဏာသိမ်းမှု ဖြစ်ပွားနိုင်သည့် နိုင်ငံများ ခန့်မှန်းချက်တွင် မြန်မာပါဝင်

ပို့စ်တင်ချိန် - 2/01/2014 11:56:00 AM

ဝါရှင်တန်၊ ဇန်နဝါရီ ၃၁

ကမ္ဘာတစ်ဝန်းရှိ နိုင်ငံအသီးသီး၏ နိုင်ငံရေးစနစ်များ၊ လွတ်လပ်ရေး ရရှိသည့် နှစ်၊ လိုအပ်သည့် တိုင်းရင်းသား ပညာတတ် အသိုင်းအဝိုင်းရှိမှု မရှိမှု စသည့်အချက်ပေါင်း ဒါဇင်ပေါင်း များစွာကို လေ့လာ သုံးသပ်ပြီး နိုင်ငံရေး သိပ္ပံပညာရှင် ဂျေးယူဖဒါက ၂၀၁၄ ခုနှစ်အတွင်း အာဏာသိမ်းမှု ဖြစ်ပွားနိုင်သည့် နိုင်ငံများကို သုံးသပ် ခန့်မှန်းရာတွင် မြန်မာနိုင်ငံလည်း ပါဝင်ထားသည်ကို Washington Post သတင်းတွင် ပုံများနှင့်တကွ ဖော်ပြထားသည်။

နိုင်ငံရေး ပြုပြင်ပြောင်းလဲမှုများ လုပ်ဆောင်နေသော မြန်မာနိုင်ငံတွင်မူ အာဏာသိမ်းမှု ပေါ်ပေါက် လာနိုင်ခြေမှာ ထိုင်းနိုင်ငံနှင့် ယှဉ်လျှင် နည်းပါးလျက် ရှိပြီး ၄ ရာခိုင်နှုန်းကျော်ခန့်သာ ရှိသည်။

ပုံ (စာမျက်နှာ ၅) တွင် အညိုရောင်ဖြင့် ဖော်ပြထားသည့် နိုင်ငံများသည် အာဏာသိမ်းမှု ပေါ်ပေါက်ရန် အလားအလာ များနေပြီး အဝါရောင်ဖြင့် ဖော်ပြထားသည့် နိုင်ငံများမှာ အာဏာသိမ်းမှု ပေါ်ပေါက်နိုင် ခြေအနိမ့်ဆုံး နိုင်ငံများ ဖြစ်သည်။

သို့သော်လည်း အညိုရောင်ဖြင့် ဖော်ပြထားသော နိုင်ငံများတွင် အာဏာသိမ်းမှု ပေါ်ပေါက် လာနိုင်ခြေ ၅၀ ရာခိုင်နှုန်း အောက်တွင်သာ ရှိသည့်အတွက် လက်တွေ့တွင် အာဏာသိမ်းမှု အမှန်တကယ် ပေါ်ပေါက်လာနိုင်ခြေ မရှိပေ။

အနောက်အာဖရိက နိုင်ငံများဖြစ်သော ဂီနီယာ၊ မာလီ စသည့် နိုင်ငံများမှာ အာဏာသိမ်းနိုင်ခြေ ၂၆ ဒသမ ၅ ရာခိုင်နှုန်းနှင့် ၂၂ ဒသမ ၇ ရာခိုင်နှုန်းထိ ရှိပြီး မာဒါဂါစကာနိုင်ငံမှာ ၂၃ ဒသမ ၉ ရာခိုင်နှုန်းထိ ရှိသည်။

အဆိုပါ အချက်အလက်များကို ကြည့်ခြင်းဖြင့် ဆာဟာရ အောက်ပိုင်း အာဖရိက နိုင်ငံများတွင် အာဏာသိမ်းမှု ပေါ်ပေါက်လာနိုင်ခြေ များနေသည်ကို တွေ့နိုင်သည်။

ယင်းကဲ့သို့ ဖြစ်ရခြင်းမှာ ရှုပ်ထွေးသော နိုင်ငံရေး၊ လူမျိုးရေးနှင့် ကိုလိုနီခေတ်လွန် အကြောင်းတရား များကြောင့် ဖြစ်သည်။

အာဏာသိမ်းနိုင်ခြေ များသည့် အာဖရိကနိုင်ငံ မဟုတ်သည့် နိုင်ငံမှာ ထိုင်းနိုင်ငံ ဖြစ်ပြီး အာဏာသိမ်းမှု ပေါ်ပေါက်လာနိုင်ခြေမှာ ၁၀ ဒသမ ၉ ရာခိုင်နှုန်းထိ ရှိသည်။

ထိုင်းနိုင်ငံမှာ ကမ္ဘာ့နိုင်ငံများအနက် အာဏာသိမ်းမှု အများဆုံး ပေါ်ပေါက်သည့် နိုင်ငံတစ်ခု ဖြစ်ပြီး လက်ရှိတွင်လည်း နိုင်ငံရေး မတည်ငြိမ်မှုများ၊ ဆန္ဒပြမှုများ ဖြစ်ပွားလျက်ရှိသည်။

အာဖဂန်နိုင်ငံတွင်မူ လူမျိုးရေးနှင့် နိုင်ငံရေး ယှဉ်ပြိုင်မှု ပြင်းထန်နေခြင်း၊ ပါကစ္စတန်နိုင်ငံတွင် လွတ်လပ်စွာသီးခြား ရပ်တည်လေ့ရှိသော စစ်တပ် ရှိခြင်း၊ အရပ်သား အစိုးရအင်အား ချည့်နဲ့ခြင်း စသည့် အချက်များကြောင့် အာဏာသိမ်းနိုင်ခြေ မြင့်တက်လျက် ရှိသည်။

အနောက်ဘက် ကမ္ဘာခြမ်းအတွင်း အာဏာသိမ်းနိုင်ခြေ အမြင့်ဆုံးနိုင်ငံ နှစ်ခုမှာ ဟေတီနှင့် အီကွေဒေါ နှစ်နိုင်ငံ ဖြစ်ပြီး ၉ ဒသမ ၂ နှင့် ၈ ဒသမ ၅ ရာခိုင်နှုန်း အသီးသီးရှိသည်။

အနောက်နိုင်ငံများနှင့် ဆက်ဆံရေး တင်းမာနေသော အီရန်နိုင်ငံတွင်မှု အာဏာသိမ်းမှု ပေါ်ပေါက်လာနိုင်ခြေ ၁ ဒသမ ၄၃ ရာခိုင်နှုန်းသာ ရှိပြီး အမေရိကန်နှင့် အနောက်ဥရောပ နိုင်ငံအများစုတွင် အာဏာသိမ်းမှု ပေါ်ပေါက်နိုင်ခြေ ၀ ဒသမ ၁၅ ရာခိုင်နှုန်းသာ ရှိသည်။

ယင်းကဲ့သို့သော ခန့်မှန်းချက်များကို ထုတ်ပြန်ရာတွင် လေ့လာသုံးသပ်ရေး နည်းလမ်းနှစ်ရပ်ကို အသုံးပြုပြီးနောက် ပျမ်းမျှရလဒ်ကို ရယူခြင်း၊ ၁၉၆၀ နှင့် ၂၀၁၀ ပြည့်နှစ်ကာလ ကမ္ဘာ့နိုင်ငံများတွင် ယင်းနည်းလမ်း အသုံးပြုပြီး စမ်းသပ် လေ့လာကြည့်ခြင်း စသည့် လုပ်ဆောင်ချက်များကို ပြုလုပ်ပြီးနောက် နိုင်ငံရေးသိပ္ပံ ပညာရှင် ဂျေးယူဖဒါက ၂၀၁၄ ခုနှစ်အတွင်း အာဏာသိမ်းမှု ဖြစ်ပွားနိုင်သည့် နိုင်ငံများစာရင်းကို ထုတ်ပြန်ခြင်း ဖြစ်သည်။

စစ်အာဏာသိမ်းမှုများမှာ တရားဥပဒေ စိုးမိုးမှုကို ယိုင်နဲ့စေကာ ဒီမိုကရက်တစ် အစဉ်အလာများနှင့် အင်စတီကျူးရှင်းများကို လုံးဝနီးပါး ပစ်ပယ်ထားခြင်းကြောင့် အကြမ်းဖက်မှုများ၊ ဖိနှိပ်မှုများ ပေါ်ပေါက် လာနိုင်စေသော အရာများ ဖြစ်သည်။

The Voice Weekly