သစ်ရွက်၏အရောင်ကို ရွေးချယ်၍ မိမိ၏ပင်ကိုယ်စရိုက်အား တိုက်ဆိုင်စစ်ဆေးကြည့်ခြင်း

ပို့စ်တင်ချိန် - 2/21/2014 08:42:00 AM

19-02-2014

အရောင်များဟာ သင့်ရဲ့ပင်ကိုယ်စရိုက်ကို အတော်များများ
ပြောပြနိုင်ပါတယ်။ အရောင်များဖြင့် စမ်းသပ်ခြင်းဟာ
ဟိုးအရင်ကတည်းက တည်ရှိခဲ့တာဖြစ်ပြီး၊ အရောင်များဟာ လူတစ်ယောက်ရဲ့ပင်ကိုယ်စရိုက်သဘာဝကို တိကျစွာ ပြောပြနိုင်စွမ်း ရှိနေပါတယ်။ ဒါကြောင့် ပေးထားတဲ့ အရောင်စုံ သစ်ရွက်ပုံလေးတွေ
ထဲက အရောင်တစ်ရောင်ကို အမြန်ရွေးချယ်ပြီး၊ သင့်ရဲ့လက်ရှိ ပင်ကိုယ်စရိုက်နဲ့ သင် ရွေးချယ်ထားတဲ့အရောင်က ပြောတဲ့ ပင်ကိုယ်စရိုက်တို့ တူညီမှုရှိ မရှိကို စစ်ဆေးကြည့်လိုက်ပါ။ စစ်ဆေးကြည့်ပြီးတဲ့ အခါ သင့်ရဲ့ထင်မြင်ချက်နဲ့ သင့်ရဲ့ရွေးချယ်မှုကိုလည်း comment ပေးခဲ့ပါဦးနော်။

လိမ္မော်ရောင် (Orange)
^^^^^^^^^^^^^^
လိမ္မော်ရောင်ကို ရွေးချယ်တဲ့ သင်ဟာ ဖော်ရွေတယ်၊ အကောင်းမြင်တတ်တယ်၊ ဘွင်းဘွင်းပျော်ပျော်နေတတ်တယ်၊ မကြာခဏဆိုသလိုလည်း ဟိတ်ဟန်များတတ်တယ်။ သို့သော် သင်ဟာ သဘောမနောကောင်းတဲ့ နှစ်လိုဖွယ် လူတစ်ဦးဖြစ်တယ်။ ဘယ်ကိစ္စကိုမဆို သင်ဟာ စိတ်လိုက်မာန်ပါ လုပ်တတ်တယ်။ ကိုယ့်ကိုယ်ကို ယုံကြည်မှု
လွန်ကဲတတ်တယ်။ လိမ္မော်ရောင်ကို ရွေးချယ်သူဟာ အပူအပင်ကင်းကင်းနဲ
့ ပေါ့ပေါ့ပါးပါးနေတတ်တယ်။ နောက်ပြီး သင်ဟာ လူမှုရေးစိတ်
အပြည့်ရှိတယ်။ အပေါင်းအသင်းမင်တယ်။ ပွဲလမ်းသဘင်တွေ၊
ပါတီတွေကို နှစ်ခြိုက်လေ့ရှိတယ်။ အပေါင်းအသင်းတွေထဲမှာ
သင်ဟာ စကားများသူတစ်ယောက်ဖြစ်တယ်။ ရည်းစားဦးဟာ
သင့်အတွက် ကံကောင်းလေ့မရှိဘူး။

အနီရောင် (Red)
^^^^^^^^^
သင်ဟာ ရဲရင့်တယ်၊ ယုံကြည်မှုပြင်းထန်တယ်၊ အကောင်းမြင်
တတ်တယ်။ ရုပ်ပိုင်းနဲ့ စိတ်ပိုင်းဆိုင်ရာအားကောင်းတယ်။
အချစ်ကို ကိုးကွယ်တတ်တယ်။ အချစ်နဲ့ ပတ်သက်ရင် ပြတ်သားတယ်။ မမျှော်လင့်ဘဲ သင်ဟာ အသည်းခွဲသမား အဖြစ် ထင်ခံရလေ့ရှိတယ်။ ခက်ခဲတဲ့အခြေအနေကနေ ရုန်းထွက်တတ်တယ်။ ကျော်ကြားမှုနဲ့ လူတွေရဲ့အာရုံစိုက်မှုကို လိုလားတယ်။ လူတွေအပေါ်
သြဇာညောင်းတယ်။ တစ်ခါတစ်လေ စိတ်ကြီးဝင်တတ်တယ်။
သင်ဟာ လူအများကြားရောက်ရင် ထင်းကနဲ ပေါ်နေတတ်တယ်။ အနီရောင်ကို ရွေးချယ်သူဟာ လူအများ တက်ကြွလာအောင် လှုံ့ဆော်ပေးနိုင်တယ်။ သင့်မှာ လူတွေကို အားမာန်သစ်တွေပေါ်
လာအောင် ပြုလုပ်ပေးနိုင်စွမ်းရှိတယ်။ သပ်သပ်ရပ်ရပ်
ဝတ်စားတတ်တယ်။ မာနလည်း အလွန်ကြီးလေ့ရှိတယ်။

အစိမ်းရောင် (Green)
^^^^^^^^^^^^
သင်ဟာ လက်တွေ့ဆန်သူဖြစ်တယ်။ ကျိုးကြောင်းဆင်ခြင်တတ်တယ်။ သဘာဝကို မြတ်နိုးတယ်။ အချစ်ကြီးသလို အချစ်အပေါ်လည်း သစ္စာကြီးတယ်။ သင်ဟာ ဘဝခရီးကို တည်တည်ငြိမ်ငြိမ်နဲ့ ဟန်ချက်ညီအောင် လျှောက်လှမ်းနိုင်တယ်။ သို့သော် သင်ဟာ စိုးရိမ်စိတ်သိပ်များတယ်။ ချီတုံချတုံဖြစ်တတ်တယ်။ အစိမ်းရောင်ကို ရွေးချယ်သူတွေဟာ ရက်ရောလေ့ရှိတယ်။ ကိုယ်ချင်းစာတရားကြီးမားတယ်။ သင်ဟာ သူတစ်ပါး
အခက်အခဲတွေ့တိုင်း ကူညီပေးလေ့ရှိတယ်။ အစိမ်းရောင်ဟာ
ပရဟိတစိတ် ထက်သန်တယ်။
သူတစ်ပါးကို ပြုစုပျိုးထောင်ပေးရာမှာ ကျွမ်းကျင်တယ်။
တစ်ခါတစ်လေ သူတစ်ပါးကို အချိန်ပေးရင်း ကိုယ့်အတွက်ကို မေ့နေတတ်တယ်။အစိမ်းရောင်ကို
ရွေးချယ်သူတွေဟာ ကိုယ်ကိုယ်တိုင်ထက်စာရင် တစ်ပါးသူ
အတွက်သာ ဦးစားပေးကာ ငဲ့ကွက်လေ့ရှိတယ်။

အနက်ရောင် (Black)
^^^^^^^^^^^^^^
အနက်ရောင်ကို ရွေးချယ်တဲ့ သင်ဟာ သိက္ခာတရားကို တန်ဖိုးထားတယ်။ မိမိပတ်ဝန်းကျင်မှာ အင်အားကြီးဖို့ အမြဲကြိုးစားလေ့ရှိတယ်။ သင်ဟာ အမှီအခိုကင်းအောင် နေလေ့ရှိတယ်။ စိတ်ပိုင်းဖြတ်မှု အားကောင်းတယ်။ ကိုယ့်ကိုယ်ကို ထိန်းချုပ်နိုင်စွမ်း အပြည့်ရှိတယ်။ သို့သော် ရက်စက်တတ်တယ်။ တစ်ခါတစ်လေ သနားညှာတာမှုကို ခေါင်းထဲ
ထည့်လေ့မရှိဘူး။ အချစ်နဲ့ ပတ်သက်ရင် ရှေးရိုးစွဲဆန်တယ်၊
ခေါင်းမာတတ်တယ်။ ကိုယ့်ချစ်သူကို ထိန်းချုပ်ဖို့ ကြိုးစားလေ့ရှိတယ်။ သင်ဟာ အရာရာအပေါ်မှာ လေးနက်လွန်းအားကြီးနေတယ်။ အဲဒီစိတ်တွေကို လျှော့သင့်တယ်။ သင်ဟာ သင့်သူငယ်ချင်း၊ မိတ်ဆွေတွေ အပေါ်မှာတောင် တစ်ခါတစ်လေ အာဏာရှင်ဆန်ဆန် ပြုမူတတ်တယ်။ အနက်ရောင်ကို ရွေးချယ်သူတွေဟာ စမတ်ကျကျ ဝတ်စားတတ်တယ်။

အညိုရောင် (Brown)
^^^^^^^^^^^^
သင်ဟာ ရိုးသားတယ်။ ဘဝကို အေးအေးလူလူသာ ဖြတ်သန်းချင်တယ်။ သဘောမနော အင်မတန်ကောင်းတယ်။ ကိုယ်ကျင့်သိက္ခာမြဲမြံတယ်။ သို့သော် သင်ဟာ လူတွေကြားမှာ ထင်ရှားလေ့ မရှိဘူး။ လူတွေဟာ သင့်ကို တစ်ခါတစ်လေ မေ့လျော့နေတတ်တယ်။ ဒါကလည်း သင့်ရဲ့
တစ်ယောက်တည်း နေတတ်တဲ့ အကျင့်ကြောင့်ပါ။ အညိုရောင်ကို ရွေးချယ်သူတွေဟာ ယုံကြည်စိတ်ချလို့ ရသူတွေဖြစ်တယ်။ ကိုယ်ထမ်းဆောင်ရမယ့် အလုပ်တာဝန်ကို အလွန်ကျေပွန်တယ်။ အလုပ်နဲ့ တာဝန်သာ ဘဝမှာ ပထမဖြစ်နေတတ်တယ်။ တစ်ခါတစ်လေ အတွေးနယ်လွန်လေ့ရှိတယ်။ အညိုရောင်သမားတွေဟာ ချစ်ခဲတယ်၊ သို့သော် အချစ်မြဲတယ်။ အချစ်ဦးက ဖူးစာရှင်ဖြစ်တတ်တယ်။

အဖြူရောင် (White)
^^^^^^^^^^^^^
အဖြူရောင်ဟာ လူအများစု နှစ်သက်တတ်တဲ့ အရောင်ဖြစ်တယ်။ အဖြူရောင်ကို ရွေးချယ်တဲ့ သင်ဟာ အလွန်အသန့်ကြိုက်တယ်။ ရိုးသားစွာ ပြောဆိုတတ်ပြီး၊ ကလေးဆန်တယ်။ ကိုယ့်ချစ်သူအပေါ်မှာ စိတ်ဆိုး၊ စိတ်ကောက်လေ့ရှိတယ်။ သဝန်တိုတတ်တယ်။ ဇီဇာလည်းကြောင်တယ်။ ချစ်သူနဲ့ အပေါင်းအသင်းတွေရဲ့အရူးလုပ်ခြင်းကို မကြာခဏ ခံရတတ်တယ်။ ကိုယ့်အပေါ် မကောင်းသူတွေကိုလည်း နားလည် ခွင့်လွှတ်လွယ်တယ်။ မုန်းတီးမှုတွေကို ရင်ထဲမှာ ကြာကြာမထားတတ်ဘူး။ သင်ဟာ သင့်အိမ်၊ ကားနဲ့ သင့်ပစ္စည်းတွေကို သန့်ရှင်းပြီး၊ ဆွဲဆောင်မှုရှိအောင် ပြင်ဆင်လေ့ရှိတယ်။ အဖြူရောင်သမားတွေဟာ အရာရာကို ပိပိရိရိနဲ့ သိုသိုသိပ်သိပ် လုပ်ဆောင်တတ်တယ်။ လူတိုင်းနဲ့ လိုက်လျောညီထွေ နေလေ့ရှိတယ်။

အဝါရောင် (Yellow)
^^^^^^^^^^
သင်ဟာ ပျော်ပျော်နေတတ်တယ်။ အပေါင်းအသင်းတွေနဲ့ ဟေးလားဝါးလား လုပ်တတ်တယ်။ ခရီးသွားခြင်း၊ ဈေးဝယ်ခြင်း၊ ပွဲလမ်းသဘင် တက်ရောက်ခြင်းတွေကို ဝါသနာထုံတယ်။ အဝါရောင်ကို ရွေးချယ်သူတွေဟာ လူပျိုကြီး၊ အပျိုကြီးတွေ ဖြစ်လေ့ရှိတယ်။ အချစ်ရေးထက် မိသားစုရေး၊ ပညာရေးနဲ့ အလုပ်ကို ပိုအာရုံထားတတ်တယ်။ နောက်ပြီး သင်ဟာ ဖိုသီဖတ်သီ နေတတ်တယ်။ တစ်ကိုယ်ရေ သန့်ရှင်းမှုကို အလေးမထားဘဲ ညစ်ညစ်ပတ်ပတ်နေ
တတ်တယ်။ သင့်မှာ စိတ်ကူးအသစ်အဆန်းတွေ ရှိတယ်။
အတွေးအခေါ် သစ်လွင်တယ်။ အတွေးနယ်ချဲ့လေ့ရှိတယ်။
သင်ဟာ ကိုယ့်ကိုယ်ကိုလည်း ဝေဖန်သုံးသပ်နိုင်စွမ်း မြင့်မားတယ်။ အရာရာကို နည်းစနစ်ကျကျ တွေးခေါ်တတ်တယ်။
ပရဟိတ လုပ်ငန်းတွေကို စိတ်ပါဝင်စားစွာ လုပ်ကိုင်လေ့ရှိတယ်။

အပြာရောင် (Blue)
^^^^^^^^^^^^^
အပြာရောင်ဟာ ယောက်ျားလေး အများစု ရွေးလေ့ရှိတဲ့ အရောင်ဖြစ်တယ်။ အပြာရောင်ကို ရွေးချယ်တဲ့ သင်ဟာ အစွဲအလန်းကြီးတယ်။ တည်ငြိမ် ရင့်ကျက်တဲ့ ဟန်နဲ့ ပြောဆိုတတ်တယ်။ တိုးတက်ရာ တိုးတက်ကြောင်းကို အမြဲ ရှာဖွေလေ့ရှိတယ်။ လောကဓံကို ကြံ့ကြံ့ခံနိုင်တယ်။ သူငယ်ချင်း၊ မိတ်ဆွေတွေကို အမြဲ ကူညီလေ့ရှိတယ်။ အပေါင်းအသင်းတွေအတွက် ပိုက်ဆံနဲ့ အချိန်ကို နှမြောလေ့ မရှိဘူး။ သို့သော် သင်ဟာ တစ်ခါတစ်လေ သီးသီးသန့်သန့်သာ နေလိုလေ့ရှိတယ်။ မမျှော်လင့်ဘဲ အချစ်ရေး ရှုပ်ထွေးနေတတ်တယ်။ သင်ဟာ လူအများရဲ့ယုံကြည် ကိုးစားမှုကိုလည်း ရထိုက်သူဖြစ်တယ်။ ဘယ်တော့မှ သင်ဟာ စိတ်လိုက်မာန်ပါ ပြောဆိုလေ့ မရှိဘူး။ တစ်ခုခုကို မပြောခင် မလုပ်ခင် အရင် စဉ်းစားလေ့ရှိတယ်။ သင်ဟာ ရိုးသားမှုကို အခြေခံပြီး၊ ကိုယ့်တာဝန်ကို ပြီးမြောက်အောင်
ဆောင်ရွက်တတ်တယ်။

Sarlar8 << Pho Shann >>
ဆာလာအိတ်

သူငယ်ချင်းတို့ရေ ... အမှား / အမှန် ထက် အပျင်းပြေပေါ့နော် ...