ရွှေအခွန်ရရန် ဒါရိုက်တာများကို အိမ်ထိ လိုက်ရှာနေ

ပို့စ်တင်ချိန် - 2/27/2014 08:18:00 PM

၂၇.၂.၂၀၁၄၊ ကြာသပတေးနေ့

အစိုးရဆီကို အခွန်ပေးဆောင်ဖို့ ရှိပေမယ့် ရွှေ လာမသွင်းဘဲ ကုမ္ပဏီဖျက်သိမ်း ခြေရာဖျောက်နေတဲ့ ကုမ္ပဏီ ၃၅ ခုနဲ့ ပတ်သက်ပြီး ဒါရိုက်တာအဖွဲ့ဝင်တွေရဲ့ နေရပ်လိပ်စာတွေအထိ လိုက်လံ စုံစမ်းပြီး ရွှေအကြွေးကျန်တွေရအောင် တောင်းခံနေတယ်လို့ သတ္တုတွင်းဝန်ကြီးဌာန ပြည်ထောင်စုဒုဝန်ကြီး ဦးသန်းထွန်းအောင်က ပြောပါတယ်။

ဖေဖော်ဝါရီ ၂၆ ရက်နေ့က လုပ်တဲ့ ပြည်သူ့လွှတ်တော်အစည်းအဝေးမှာ သူက ခုလို ပြောလိုက်တာ ဖြစ်ပြီး ရွှေလုပ်ငန်း ကုမ္ပဏီတွေရဲ့ နိုင်ငံတော်ဆီ အခွန်ပေးဆောင်ရမယ့် ရွှေတွေ ရအောင် စုံစမ်းစစ်ဆေးရေးအဖွဲ့တွေ ဖွဲ့ပြီး ဆောင်ရွက်နေတယ်လို့ သူက ရှင်းပြပါတယ်။
ရွှေအခွန်ကြွေး တချို့တ၀က်ကျန်သူတွေကို ၂၀၁၄ – ၁၅ ဘဏ္ဍာရေးနှစ်မှာ ပေးဆောင်လာအောင် လုပ်တာ၊ အချို့ မပေးပဲနေသူတွေကို တရားရုံးတွေမှာ တရားစွဲတာ လုပ်နေတယ်လို့ သူက ပြောခဲ့ပါတယ်။

DVB