နေပြည်တော်တွင် ပျဉ်းမနားရဲအချုပ်ထောင်အတွင်း မီးရှို့မှုဖြစ်ပွား
ပို့စ်တင်ချိန်
- 2/21/2014 06:45:00 PM
နေပြည်တော်ပျဉ်းမနားမြို့မ ရဲစခန်း ရဲအချုပ်ထောင်အတွင်း (၁၅.၂.၂၀၁၄)ရက်နေ့၊ နံနက် ပိုင်းအချိန်က အကျဉ်းသားအချို့မှ ဆူပူခြင်း၊ အ၀တ်အစားများကို မီးရှို့ခြင်းများပြုလုပ်ခဲ့သဖြင့် ရော်ဘာကျည်ဆံများဖြင့်သေနတ် ပစ်ဖောက်ထိန်းသိမ်းခဲ့ရသော ဖြစ်စဉ်တစ်ရပ်ဖြစ်ပွားခဲ့ကြောင်း သိရသည်။
အဆိုပါနေ့၌အချုပ်ထောင် တာဝန်ခံရဲအုပ်စံသိန်းတာဝန်မှူး တာဝန်ဆောင်ရွက်နေစဉ် အချုပ် ခန်းအမှတ်(၆)ရှိ နေပြည်တော် အမှတ်(၁)ရဲစခန်းပြစ်မှုပုဒ်မ ၃၀၂ အမှုမှ တရားခံမောင်နိုင်(ရာကြီး အမှတ် ၈/၂၀၁၃ဖြင့် ရုံးတင်စစ် ဆေးဆဲ)သည် စိတ်ဂရောင် ချောက်ချားဖြစ်ကာ အခန်းအတွင်း ရှိ အတူနေအချုပ်သားများကို ရန်မူခြင်း၊ အခန်းနံရံအားဦးခေါင်း ဖြင့်ဆောင့်ခြင်းများပြုလုပ်သဖြင့် မောင်နိုင်၏၀ဲဘက်ဂျိုစောင်းသွေး ထွက်ပေါက်ပြဲဒဏ်ရာရရှိခဲ့သော ကြောင့် ပျဉ်းမနားမြို့ကုတင်(၂၀၀) ဆေးရုံသို့ပို့ဆောင်ဆေးထည့်ပေးပြီး ရဲအချုပ်ထောင်သို့ပြန်ရောက်စဉ် အချုပ်ခန်းအတွင်းပြန်လည်ထား ရှိပါက အခြားသူများအားရန်ပြု အန်္တရာယ်ပေးမည့် အခြေအနေရှိ သဖြင့် အချုပ်ခန်းလျှောက်လမ်းရှိ ကုတင်တွင်ထားရှိရာမှ ဆူပူအော် ဟစ်ရုန်းကန်သည်ကို တပ်ဖွဲ့ဝင် များဝိုင်းဝန်းထိမ်းသိမ်းစဉ် အချုပ် ခန်းအတွင်းရှိ ရာကြီးအမှတ် ၅၆/၂၀၁၃ဖြင့် တရားစွဲတင်စစ် ဆေးနေသော အောင်အောင်ဆို သူမှ စတင်လှုံ့ဆော်ဆူပူအော်ဟစ် စေရာမှ အချုပ်ခန်းအမှတ် (၅/ ၆/၇/၈)ရှိ အချုပ်တရားခံများမှ ဆူပူအော်ဟစ်ခြင်း၊ အ၀တ်အစား များနှင့် သတင်းစာဂျာနယ်များ အား မီးရှို့ခြင်းများပြုလုပ်ခဲ့ကြ သည်ဟု ဆိုသည်။
အဆိုပါအချုပ်ခန်းကို မီးရှို့မှုအား မီးငြိမ်းသတ်ရန်အတွက် လာသော ရဲတပ်ဖွဲ့ဝင်များနှင့် မီးသတ်တပ်ဖွဲ့ဝင်များကိုလည်း အချုပ်ခန်းအတွင်းရှိသူများမှ အတွင်းရှိပစ္စည်းများဖြင့်ပစ်ပေါက် အန္တရာယ်ပြုနေသဖြင့် မီးငြိမ်း သတ်ရန်အခက်အခဲဖြစ်နေသော ကြောင့် ခြောက်လှန့်သေနတ် (၁၇)ချက်ပစ်ဖောက်ကာ အခြေ အနေထိန်းသိမ်းခဲ့ရာ နံနက် (၁၀း၄၀)နာရီအချိန်ထိ ဆူပူမှု ငြိမ်သက်အောင်စနစ်တကျထိန်း သိမ်းနိုင်ခဲ့ကြောင်း သိရသည်။
အဆိုပါဖြစ်စဉ်တွင် ဆုံးရှုံးမှု နှင့် ထိခိုက်ဒဏ်ရာရရှိမှုများမရှိခဲ့ ကြောင်း၊ ယခုအခါလုံခြုံရေးများ တင်းကြပ်စွာချထားလျက် ပျဉ်းမနားရဲအချုပ်ထောင်တွင် အချုပ်သားကျား(၂၃၆)ဦးနှင့် အမျိုးသမီးအချုပ်သား(၄၆)ဦး၊ စုစုပေါင်း(၂၈၂)ဦးချုပ်နှောင်ထား ရှိကြောင်းသိရပြီး မီးလောင်မှု ကြောင့် ပျက်စီးဆုံးရှုံးမှုမရှိကြောင်း နှင့် ထိခိုက်ဒဏ်ရာရရှိမှုမရှိကြောင်း မြို့နယ်ရဲတပ်ဖွဲ့မှူးမှ ပြောသည်။
မြင့်အောင် (နေပြည်တော်)
BY HOTNEWS
