ချောင်းသာကမ်းခြေမှ ဈေးချိုချို တည်းခိုခန်းများ

ပို့စ်တင်ချိန် - 2/02/2014 05:11:00 PM

ချောင်းသာကမ်းခြေမှာ အပန်းလည်းဖြေချင်တယ်၊ ငွေလည်း သိပ်အကုန်မခံချင်သူတွေအတွက် ဈေးချိုချို တည်းခိုခန်းလေးတွေအကြောင်း ပြောပြချင်ပါတယ်။

ဒီတည်းခိုခန်းလေးတွေကတော့ ချောင်းသာကမ်းခြေက သဲဖြူကျွန်းကိုသွားတဲ့လမ်းအနီးမှာ တည်ရှိပြီး ပင်လယ်ကမ်းစပ်နဲ့လည်း ၅ မိနစ်လောက် လမ်းလျှောက်သွားရင်ရောက်နိုင်တဲ့ အကွာအဝေးမှာ တည်ရှိပါတယ်။

တည်းခိုခန်းပိုင်ရှင်တွေကတော့ ယခင်က ကမ်းခြေက အုန်းတောမြေနေရာတွေကို အစိုးရက သိမ်းယူတာခံခဲ့ရသူတွေဖြစ်ပြီး မနှစ်ကစပြီး တပ်သိမ်းမြေတွေ ပြန်ပေးမယ်ဆိုတာနဲ့ တည်းခိုခန်းတွေ၊ ဘန်ဂလိုလေးတွေဆောက်ပြီး ၀င်ငွေရှာကြတဲ့ ချောင်းသာကျေးရွာက ဒေသခံတွေပဲ ဖြစ်ပါတယ်။

တည်းခိုဖို့ကတော့ ဘန်ဂလိုအိမ်တွေမှာ တလုံးချင်းသီးသန့်လည်း တည်းခိုလို့ရသလို အဖွဲ့လိုက် ခရီးထွက်လာသူတွေအတွက်လည်း အဖွဲ့လိုက်တည်းခိုလို့ရကြောင်း သိရပါတယ်။

တည်းခိုခန်းအလုံးရေ ၁၂၀ လောက်ရှိပြီး အခန်းပေါင်း ၃၀၀ ကျော်ရှိတယ်လို့ သိရပါတယ်။ ဇန်န၀ါရီလအတွင်း ဈေးနှုန်းအရတော့ လူ ၈ ယောက် အိပ်နိုင်တဲ့အခန်းတခန်းကို ၃၀,၀၀၀ ကျပ် ဈေးနှုန်းရှိကြောင်း သိရပါတယ်။
ဧည့်သည်အလာ အနည်းအများအပေါ်မူတည်ပြီး အခန်းခ ဈေးနှုန်းကလည်း အတက်အကျရှိပါတယ်။

“ဈေးနှုန်းကတော့ ၁ ခန်းကို ၃ သောင်း။ ဒါပေမယ့် ငွေကြေးအခြေအနေအရ အခန်း ၁ ခန်းငှားပြီး ၁၀ ယောက်လောက် အဆင်ပြေသလို အိပ်ကြမယ်ဆိုရင်လည်း ကျနော်တို့က ခရီးသွားတွေအဆင်ပြေဖို့ ခွင့်ပြုပေးပါတယ်”လို့ တည်းခိုခန်းတာဝန်ခံတဦးက ပြောပါတယ်။



ဇန်န၀ါရီလအတွင်း ချောင်းသာကိုရောက်ရှိချိန်မှာ ဒီတည်းခိုခန်းလေးတွေမှာ မြန်မာပြည်အလယ်ပိုင်း ပြည်၊ အောင်လံ၊ မကွေး၊ တောင်တွင်းကြီးဒေသက ခရီးသွားလူငယ်အဖွဲ့တွေ တည်းခိုကြတာလည်း တွေ့ခဲ့ရပါတယ်။

“ကျနော်တို့အဖွဲ့က လူ ၁၀ ယောက်ပါတယ်။ တည်းခိုခန်းကြီးတွေမှာဆိုရင် တယောက်ကို ရှစ်ထောင်၊ တသောင်း လောက် ပေးရမှာလေ။
ဒီမှာတည်းတော့ တခန်းစာ သုံးသောင်းပဲပေးရတယ်။ ဆယ်ယောက် တည်းလို့ရတယ်။ တယောက်မှ သုံးထောင်ဆိုတော့ သက်သာတယ်။
အခန်းထဲမှာ ရေချိုးခန်း၊ အိမ်သာရှိတယ်။ အဲဒါတွေလည်းသန့်ရှင်းပါတယ်။ သုံးလို့အဆင်ပြေတယ်။
ကျနော်တို့က ပင်လယ်မှာ အပန်းဖြေချင်တာဆိုတော့ အိပ်စရာနေရာအဆင်ပြေရင် ကျန်တာအားလုံးအိုကေတယ်လေ”လို့ မကွေးမြို့ကနေ ချောင်းသာကို လာလည်တဲ့ လူငယ်တဦးက ပြောပါတယ်။

ဒါပေမယ့် ဒီဈေးချိုချိုတည်းခိုခန်းတွေဟာ လိုင်စင်မရှိဘဲ ဧည့်သည်လက်ခံနေတဲ့ တရားမ၀င် တည်းခိုခန်းတွေဆိုပြီး ပြောဆိုမှုတွေလည်း ရှိနေပါတယ်။

တည်းခိုခန်းမြေနေရာတွေဟာ ယခင်က တပ်မတော်က လျော်ကြေးပေးပြီး တပ်မြေအဖြစ် သိမ်းယူထားတာဖြစ်ကြောင်း၊ ပြီးခဲ့တဲ့နှစ်ကစပြီး နေထိုင်ခွင့်ပေးခဲ့လို့ အခုလို တရားမ၀င် တည်းခိုခန်းတွေ တည်ဆောက်လုပ်ကိုင်ခဲ့တာဖြစ်ကြောင်း၊
ဒီတရားမ၀င် တည်းခိုခန်းတွေကြောင့် တရားဝင်ဖွင့်လှစ်တဲ့ ဟိုတယ်နဲ့
တည်းခိုခန်းတွေ ၀င်ငွေ ၉၀ ရာခိုင်နှုန်း ထိခိုက်ကြောင်း
ချောင်းသာတည်းခိုခန်းလုပ်ငန်းရှင်များအသင်းဥက္ကဋ္ဌ ဦးအားရွှေက The Traveller
ဂျာနယ်မှာ ပြောဆိုခဲ့ပါတယ်။

ဦးအားရွှေရဲ့ The Traveller ဂျာနယ်ပါ ပြောဆိုချက်ကို ဒေသခံတည်းခိုခန်းပိုင်ရှင်တွေက မကျေနပ်တဲ့အတွက် ဇန်န၀ါရီလ ၂၇ ရက်နေ့က ချောင်းသာကျေးရွာမှာ သတင်းစာရှင်းလင်းပွဲပြုလုပ်ခဲ့ပါတယ်။

“ဦးအားရွှေပြောသလို တပ်က လျော်ကြေးပေးပြီးသိမ်းတယ်ဆိုတာ လုံးဝမဟုတ်ပါဘူး။
ကျမတို့ မြေတွေအတွက် လျော်ကြေးတပြားမှ မရခဲ့ပါဘူး။ အုန်းပင်ဖိုးဆိုပြီး တပင်ကို ၁၀၀၀ လောက် တန်ဖိုးရှိတဲ့အချိန်မှာ တပင်ကို ၃၅၀ ပေး၊ ၂၀၀ ပေးနဲ့ သိမ်းယူခဲ့တာပါ။
ကျမတို့ မိဘဘိုးဘွားတွေ ဓားမဦးချလုပ်ခဲ့တဲ့မြေတွေကို အလကားသိမ်းသွားတာပါ။ ဦးအားရွှေအနေနဲ့ ချောင်းသာ ဒေသခံလည်း မဟုတ်ဘဲနဲ့ ချောင်းသာအကြောင်းကို မသိဘဲလျှောက်ပြောတာ မကောင်းပါဘူး”လို့ ဈေးချိုချို တည်းခိုခန်းပိုင်ရှင်တဦးဖြစ်တဲ့ ဒေါ်သန်းအုန်းက ပြောပါတယ်။

မြေသိမ်းတဲ့ဖြစ်စဉ်ကတော့ ဒေါ်အုန်းသန်းရဲ့မိခင် ဒေါ်စိုးအပါအ၀င် ချောင်းသာဒေသခံ ၁၂ ဦးရဲ့ မြေဧက ၄၀ ကျော်ကို ၁၉၉၃ ခုနှစ်က ပုသိမ်ခရိုင်ငြိမ်ဝပ်ပိပြားမှုတည်ဆောက်ရေးအဖွဲ့ (ခ.၀.တ) က သိမ်းသွားခဲ့ပါတယ်။မြေတွေသိမ်းပြီး ၂၅ ဧကကျော်ကို ဟိုတယ်တွေကို နှစ် ၃၀ ဂရမ်နဲ့ အငှားချထားခဲ့ပြီး ၁၅ ဧကလောက်ကိုတော့ ဘာအဆောက်အဦးမှမဆောက်ဘဲ မြေကွက်လပ်အဖြစ် ထားခဲ့တယ်လို့ ချောင်းသာဒေသခံတွေက ပြောပါတယ်။

၂၀၁၃ ခုနှစ် စက်တင်ဘာလမှာ ကာကွယ်ရေးဝန်ကြီးဌာနအနေနဲ့ တပ်သိမ်းမြေတွေ ပြန်ပေးဖို့ အစီအစဉ်အရ ချောင်းသာကမြေတွေကိုလည်း ပြန်ပေးဖို့အတွက် ပုသိမ်ခရိုင်ထွေ/အုပ်ရုံးက ဦးစီးပြီး စိစစ်တာတွေလုပ်လာချိန်မှာ
 မြေသိမ်းခံခဲ့ရတဲ့ ဒေသခံတွေဟာ သူတို့မြေတွေပေါ်မှာ တည်းခိုခန်းဘန်ဂလိုအဆောက်အဦးတွေ အလျင်အမြန် ဆောက်ခဲ့ကြတာဖြစ်ကြောင်း  တည်းခိုခန်းပိုင်ရှင် ဒေါ်ခင်ဌေးက ပြောပါတယ်။

“တပ်သိမ်းမြေတွေ ပြန်ပေးမယ်ပြောလာတော့ အစိုးရသိမ်းသွားပြီး ဘာမှမလုပ်ဘဲကျန်နေတဲ့ ကိုယ့်မိဘလက်ထက်ကမြေတွေပေါ်မှာ အဆောက်အဦးတွေ အမြန်ဆောက်၊ ခြံတွေ အမြန်ခတ်တာတွေ လုပ်ရတော့တယ်။ မလုပ်လို့မရဘူး။
ချောင်းသာမှာ အလုပ်အကိုင် စီးပွားမကောင်းလို့ တခြားဒေသကပြောင်းလာသူတွေအများကြီး။ သူများမြေထဲ ကျူးကျော်နေလို့ တရားစွဲတဲ့ကိစ္စတွေလည်း အများကြီးရှိတယ်။
 ကျမတို့မြေထဲကျူးကျော်တွေဝင်လာရင် ပိုရှုပ်ကုန်မှာမို့ ကိုယ့်ဘာသာ အရင်ဦးအောင် နေရာပြန်ယူထားရတာပါ”

တည်းခိုသူဧည့်သည်တွေကိုလည်း စည်းကမ်းမဲ့လက်ခံတာမဟုတ်ဘဲ သက်ဆိုင်ရာကို ဧည့်စာရင်း စနစ်တကျ တိုင်ကြားကြောင်း၊
လက်ရှိမှာလည်း တရားဝင် တည်းခိုခန်းအဖြစ် လျှောက်ထားလုပ်ကိုင်ဖို့ ပြင်ဆင်နေကြောင်း တည်းခိုခန်းပိုင်ရှင် ဦးကိုကိုလွင်က ပြောပါတယ်။

“ကျနော်တို့က ခရီးသွားတွေကို ဈေးနှုန်းချိုချိုနဲ့တည်းလို့ရအောင် ကူညီပေးတယ်။
အခုလည်း တရားဝင် လိုင်စင်လျှောက်ထားလုပ်ကိုင်ဖို့ ပြင်ဆင်နေပါပြီ။ ကျနော်တို့က ကိုယ့်မြေယာတွေကို နှစ်ပေါင်းများစွာလက်လွတ်ဆုံးရှုံးခဲ့တဲ့လူတွေပါ။
အခုမှ ကိုယ့်မြေပေါ်မှာ လုပ်ကိုင်ရှာစားခွင့်ရတာပါ။ သူတို့ဟိုတယ်တွေ၊ တည်းခိုခန်းတွေက ကျနော်တို့ မိဘတွေဆီက သိမ်းသွားတဲ့မြေပေါ်မှာ နှစ်ပေါင်းများစွာ ရှာစားလာခဲ့တာ ဆယ်စုနှစ်တခု ကျော်နေပါပြီ”လို့ သူက ပြောပါတယ်။

ကဲ ... ဒါကတော့ ချောင်းသာကမ်းခြေက ဈေးချိုချို တည်းခိုခန်းများအကြောင်း တင်ပြပေးခဲ့တာ ဖြစ်ပါတယ်။

ဆလိုင်းသန့်စင်
Irrawaddy ဧရာဝတီ သတင်း