စိုင်းခမ်းလိုင်မှ သူ့ရည်းစားကို ဓားဖြင့်ထိုး

ပို့စ်တင်ချိန် - 2/22/2014 10:57:00 AM

ထိုင်းနိုင်ငံချင်းမိုင်မြို့နယ် ချန့်မွဲ့လမ်းရှိ စနူကာဆိုင်တွင်အလုပ်လုပ်နေသော ချစ်သူအား သဝန်တိုမှုဖြင့် စကားများရာမှ ဓါးဖြင့်ထိုးသတ်ခဲ့သည့်အမှု ယမန်နေ့ကဖြစ်ပွါးခဲ့ပါသည်။

ထိုင်းနိုင်ငံချင်းမိုင်ခရိုင် ဝိန်းဟိုင်မြို့နယ် သျှမ်းလူမျိုးအများစု နေထိုင်သော ပိန်းလုံအုပ်စုမှ ချင်းမိုင်မြို့တက်အလုပ်လုပ်သည့် အသက် ၁၆ နှစ်အရွယ် နန်းဂျန်တစ်အား ရည်းစားဖြစ်သူ စိုင်းခမ်းလိုင် က ဖေဖော်ဝါရီလ ၂၀ ရက် မွန်းလွဲ ၁ နာရီက ဓါးဖြင့်ထိုးသတ်ခဲ့ခြင်းဖြစ်သည်။

စိုင်းခမ်းလိုင်က ၎င်း၏ ချစ်သူကို တခြားအမျိုးသားများနှင့်သဝန်တိုသဖြင့် ခွန်းကြီးခွန်းငယ် စကားများရာမှ ထိုးသတ်ခြင်းဖြစ်သည်ဟု သေဆုံးသူ (မိန်းခလေး) မိသားစုနှင့် နီးစပ်သည့် စိုင်းကမ်က ပြောသည်။

သေဆုံးသူတွင် ရင်ဘတ်၌ ဓါးထိုးထားသည့်ဒဏ်ရာ ၅ ချက်ရှိပြီး ၎င်းအလုပ်လုပ်ရာဆိုင်အနောက်ဘက် ရေမြောင်းထဲသို့ တရားခံမှ ဆွဲ၍သွားပစ်ချထားကြောင်း ချင်းမိုင်မြို့ cm 108 ဝက်ပ်ဆိုက်တွင် ရေးသားဖော်ပြထားပါသည်။

သေဆုံးသူအား ထိုင်းရဲများ လာရောက်စစ်ဆေးသည့်သတင်းများ ထွက်ရှိပြီးနောက် ညပိုင်းတွင် တရားခံဖြစ်သူ စိုင်းခမ်းလိုင်မှာ လမ်းဘေးကြော်ငြာဆိုင်းဘုတ်ကြီးပေါ်တက်၍ ခုန်ချကာ မိမိကိုယ်ကို အဆုံးစီရင်သွားပြီဖြစ်သည်ဟု ပိန်းလုံသား စိုင်းအန်းက ပြောသည်။

တရားခံစိုင်းခမ်းလိုင်တွင် ယခင်ဇနီးနှင့်ရထားသည့် အသက် ၁ နှစ်ကျော်အရွယ် သမီးလေးတဦး ရှိ ကြောင်း၊ ၎င်းကိုယ်တိုင်မှာလည်း ရီးစားအားသဝန်တိုမှုကြောင့် စကားများရာမှ အဆိုပါဆိုင်မှ အလုပ် ထွက်သွားသည်မှာ ၃ ရက်ခန့်သာရှိသေးကြောင်း ဆိုပါသည်။

နန်းဂျန်တစ်၏ ရုပ်အလောင်းအား ချင်မိုင်မြို့ ဝပ်ပါပေါက်ဘုန်းကြီးကျောင်းတွင် ထားရှိပြီး နက်ဖြန် ဖေဖော်ဝါရီလ ၂၂ ညနေ ၄ နာရီတွင် မီးသဂြိုဟ်မည်ဖြစ်ကြောင်း အသုဘတွင် အကူအညီပေးနေသည့် ပိန်းလုံဒေသခံ စိုင်းလမ်က ပြောပါသည်။

သေဆုံးသူ ၂ ဦးစလုံး(တရားခံနှင့်တရားလိုတို့) မှာ ပိန်းလုံအုပ်စုမှ ချင်းမိုင်မြို့တက် အလုပ်လုပ်ကြသူ များဖြစ်ကြောင်း၊ ထိုင်းအစိုးရ ထုတ်ပေးသည့် ပန်းရောင်ကဒ် (သက်သေခံကဒ်) ကိုင်ဆောင်ထားသူ များဖြစ်ပြီး ထိုင်းနိုင်ငံဖွားဖြစ်ပါက ထိုင်းနိုင်ငံသားအဖြစ် ခံယူနိုင်ဖွယ် ရှိသူများဖြစ်ကြောင်း နီးစပ်သည့် သူများက ပြောပါသည်။

သျှမ်းသံတော်ဆင့်