၅၉ (စ) ပြင် ... ဆင် ... ရေး ...

ပို့စ်တင်ချိန် - 2/11/2014 03:40:00 PM

၂၀၁၄ အတွင်းကို ချင်းနင်း ဝင်ရောက်လာလေလေ နိုင်ငံရေး မိုးသက်မုန်တိုင်း ပြင်းထန်မယ့် သဘောတွေကို တွေ့မြင်နေရလေလေ ဖြစ်သည်။ အစိုးရ ဝန်ကြီးများ၏ အပြောအဆို မတတ်မှုများမှစ၍ နိုင်ငံတော် လုံခြုံရေး အကြောင်းပြု ဖမ်းဆီးမှုများအထိ။ လွှတ်တော်နှင့် အစိုးရအကြား အခြေခံဥပဒေနှင့် ညီညွတ်၏ မညီညွတ်၏ အငြင်းပွားမှုများကလည်း ခုံရုံးတင်ရသည့် အခြေအနေသို့ ဆိုက်ရောက်နေရကာ အခြေခံဥပဒေ ပြင်ဆင်ရေးအတွက် လွှတ်တော်တွင်း အတတ်နိုင်ဆုံး ပြင်ဆင်ရန် ကြိုးပမ်းမည် ဖြစ်သော်လည်း ထိုတစ်နည်းတည်း ရှိသည်တော့ မဟုတ်ဟု ပြောကြားသော အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ ပြောစကားနှင့် ယခုနှစ်တွင် အခြေခံဥပဒေ ပြင်ဆင်ရေးနှင့် ပတ်သက်၍ လွှတ်တော်တွင်း ဆွေးနွေးရင်း သဘောထား ကွဲလွဲမှုများ ရှိလာနိုင်ပြီး အုပ်စုဖွဲ့ တောင်းဆို ဆူပူမှုများ ဖြစ်ပေါ်လာနိုင်သည့်အတွက် သက်ဆိုင်ရာ အစိုးရ ဝန်ကြီးဌာနများ ကြိုတင် ပြင်ဆင်ထားရန်ဟူသော သမ္မတ ဦးသိန်းစိန်၏ ညွှန်ကြားချက်တို့သည်လည်း အစိုးရနှင့် အတိုက်အခံတို့အကြား တင်းမာလာမှုကို သက်သေပြလျက်။ ထို့အတူ လူထုအားပေးမှုကို တစ်ခဲနက် ရရှိသော ဒေါ်အောင်ဆန်းစုကြည်၏ အခြေခံဥပဒေ ပြင်ဆင်ရေး နယ်လှည့် ဟောပြောပွဲများနှင့် ယင်းတို့ကို ခြေရာ တိုင်းချင်သော်လည်း အားမတန်ရှာသည့် လူမျိုးရေး ဆန်သော ၅၉ (စ) မပြင်ဆင်ရေးဆိုင်ရာ ဟောပြောပွဲများကလည်း လူထုကြား နှစ်ပိုင်း ကွဲလာမှုများကို သိသာ ထင်ရှားစေသည်။

မြန်မာ့နိုင်ငံရေး စိုးရိမ်ရေမှတ်သို့ ရောက်ရှိလာပြီ ဖြစ်ပါသဖြင့် နိုင်ငံ့ခေါင်းဆောင်များ၊ လူထု ခေါင်းဆောင်များအနေနှင့် အမြော်အမြင် ကြီးသော မဟာဗျူဟာမြောက် ဆုံးဖြတ်ချက်များကို ချမှတ်ရန် အချိန်ရောက်လာပြီ ဖြစ်ပါသည်။ မြန်မာ့နိုင်ငံရေးတွင် ဘက်နှစ်ဖက် ကွဲလာသည့်အလျောက် ဘက်တစ်ဖက်မှ တစ်ဖက်အား အပြတ် ချေမှုန်းရေးကို ဦးတည်လာသည်ကို မြန်မာပြည်သူ တစ်ယောက်အနေနှင့် စိုးရိမ် ပူပန်လာမိပါသည်။ မြန်မာပြည်သူ တစ်ယောက်က စိုးရိမ် ပူပန်သကဲ့သို့ မြန်မာ့နိုင်ငံရေး ခေါင်းဆောင် များကိုလည်း စိုးရိမ်မှုများအား အလေးထား စေချင်ပါသည်။ အဓိက အလေးထားရန် လိုအပ်သော အင်အားစု သုံးခု ရှိပါသည်။

(၁) ဒေါ်အောင်ဆန်းစုကြည်

လူထုထောက်ခံမှု အပြည့်အဝ ရရှိထားသည်ဟု မိမိကိုယ်မိမိ ယုံကြည်ထားသော ဒေါ်အောင်ဆန်းစုကြည် အနေနှင့် မိမိ၏ အတိုက်အခံ အင်အားစုကိုလည်း အလေးထား စဉ်းစားရမည် ဖြစ်သည်။ မိမိ တစ်ကိုယ်တည်းအတွက် မစဉ်းစားဘဲ မြန်မာနိုင်ငံတော်အတွက် စဉ်းစား ဆင်ခြင်ကာဖြင့် မြန်မာနိုင်ငံတော် အကျိုးသယ်ပိုးမည်ဟု စဉ်းစားပါက လူထုလမ်းပေါ် ထွက်သည့်နည်းကို မဖြစ်မနေ ရှောင်ရှားရပါမည်။ မိမိတွင် ရှိထားနှင့်ပြီးသော လူထုအင်အားကို မြန်မာနိုင်ငံအတွက် အကျိုးရှိအောင် အသုံးချရပါမည်။ NLD လူငယ် ခေါင်းဆောင်များနှင့် တွေ့ဆုံစကား ပြောကြည့်ရာတွင် ၎င်းတို့အားလုံးမှာ ဒေါ်စုအတွက် အသက်ပင် စတေးဝံ့သူများ ဖြစ်ကြသည်ကို တွေ့ရပါသည်။ မိမိအတွက် ထိုမျှ စတေးခံဝံ့သူများ၏ အသက်များသည် ဒေါ်စု၏ လက်ထဲတွင် ရှိနေပါသည်။ ဒေါ်စု လက်ဖျောက်တစ်ချက် တီးရုံမျှဖြင့် ၎င်းတို့ ဘာမဆို လုပ်ရဲ သည်ဟု ဆိုကြသည်များပင် ရှိသည်။
ထိုမျှ အားကြီးလှသော လူထုခေါင်းဆောင်မျိုး မြန်မာ့သမိုင်း တစ်လျှောက်တွင် ထွက်ပေါ်ခဲလှသည်ဖြစ်ရာ ယင်းလူထု အင်အားကို လူထုခေါင်းဆောင် ဒေါ်အောင်ဆန်းစုကြည်က မြန်မာနိုင်ငံတော် အကျိုးအတွက် အသုံးချနိုင်ရန် လိုအပ်ပါသည်။ မိမိ၏ နိုင်ငံရေး အကျိုးအမြတ်အတွက် သက်သက် အသုံးမချမိစေဖို့ သတိထားသင့်ပါသည်။ မြန်မာပြည်သူ လူထု၏ ချစ်လုံးလုံး မုန်းလျားလျား ဓလေ့စရိုက်ကို မိမိ မရည်ရွယ်သော်လည်း နိုင်ငံရေး အမြတ်ထုတ်သကဲ့သို့ ဖြစ်သွားမှာ အလွန်စိုးရိမ်ပါသည်။ ဒေါ်အောင်ဆန်းစုကြည်အနေနှင့် လူထုကို လမ်းပေါ်သို့ ထွက်စေသော နည်းလမ်းကို မည်သည့် အခြေအနေတွင်မဆို ရှောင်ရှားသင့်ပေသည်။

(၂) ကြံ့ခိုင်ရေးပါတီနှင့် လွှတ်တော်ကဏ္ဍ

လက်ရှိ လွှတ်တော်ထဲတွင် နေရာအများဆုံး ရရှိထားသော နိုင်ငံရေးပါတီကြီး ဖြစ်သည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ လက်ထဲတွင် လွှတ်တော်တွင်း အခြေခံဥပဒေ ပြင်ဆင်နိုင်ရေး လမ်းကြောင်းကို ညင်ညင်သာသာ ဖြစ်ပေါ်စေနိုင်သည့် ဆန္ဒမဲပေးပိုင်ခွင့် ကြိမ်စကြာ ရှိနေပါသည်။ အာဏာရ ပါတီလည်း ဖြစ်ပြီး အစိုးရ အဖွဲ့အစည်းအတွင်း မကင်းရာ မကင်းကြောင်း အဆက်အစပ်များ ရှိနေသည့် ပါတီဖြစ်သည့် အားလျော်စွာ လက်ရှိ တိုင်းပြည်၏ အခြေအနေမှန်နှင့် နိုင်ငံတကာ၏ အသံများကို ကောင်းစွာ နားလည် သိရှိကာ နိုင်ငံရေး ဆုံးဖြတ်ချက်များကို ချမှတ်နိုင်ရမည် ဖြစ်သည်။ လတ်တလော အခြေအနေများအရ အခြေခံဥပဒေ ပြင်ဆင်ရေးတွင် ၅၉ (စ) ကို မပြင်ဆင်လိုသည့်ဘက်မှ ဦးအောင်သိန်းလင်း အပါအဝင် ကြံ့ခိုင်ရေးပါတီဝင် လွှတ်တော် အမတ်များ ထင်ထင်ပေါ်ပေါ် ပါဝင် ပတ်သက်လာသည်ကို တွေ့ရပြီး ၅၉ (စ) ကို ပြင်ဆင်ရေးအတွက် ဒေါ်အောင်ဆန်းစုကြည်၏ လူထု ဟောပြောပွဲများမှာလည်း အရှိန်မြင့်တက်လာသည်ကို တွေ့ရသည်။ ယခုအတိုင်း ဆက်လက် တင်းမာမှုများ တရိပ်ရိပ် တက်လာပါက ပြည်တွင်း လူထု မငြိမ်မသက်မှုများ ဖြစ်ပေါ်လာနိုင်သည့်အတွက် အခြေအနေကို အချိန်မီ ထိန်းသိမ်းနိုင်ရန် လွှတ်တော်က ဆောင်ရွက်ရန် လိုအပ်သည်။ ထိုသို့ ဆောင်ရွက်ရာတွင် ကြံ့ခိုင်ရေး အမတ်များ၏ တိုင်းပြည်အကျိုး ရှေးရှုသော ကြိမ်စကြာ မဲဆန္ဒများကို အမြော်အမြင်ရှိစွာ ထုတ်သုံးရန် လိုအပ်သည်။

ဇန်နဝါရီ ၃၁ ရက်နေ့က တင်သွင်းခဲ့သော အခြေခံဥပဒေ ပြင်ဆင်ရေး အစီရင်ခံစာတွင် ပါဝင်သည့် အချက်များမှာ ၅၉ (စ) နှင့် တပ်မတော်၏ အခန်းကဏ္ဍ လျှော့ချရန်ဟူသော ကိစ္စကို မပြင်ဆင်ချင်သည့် လက်မှတ် တစ်သိန်းကျော် ရှိနေပြီး ဒေါ်အောင်ဆန်းစုကြည်၏ နယ်လှည့် ဟောပြောပွဲ လူထုဆန္ဒများနှင့် ကွဲလွဲလျက် ရှိသောကြောင့် ဒေါ်အောင်ဆန်းစုကြည်က အလေးထားစရာမလိုဟု သဘောထားကြောင်း ထုတ်ဖော် ပြောဆိုထားသည်ကို မီဒီယာများက ရေးသား ဖော်ပြကြသည်။ ပြည်ထောင်စုလွှတ်တော် နာယက သူရဦးရွှေမန်းက ယင်းအစီရင်ခံစာနှင့် ပတ်သက်၍ အကောင်အထည်ဖော် ဆောင်ရွက်ရန် လွှတ်တော် ကိုယ်စားလှယ် ၃၁ ဦးပါ ကော်မတီတစ်ရပ် ထပ်မံ ဖွဲ့စည်းပေးခဲ့သည်။ ယင်းကော်မတီမှ အခြေခံဥပဒေ ပြင်ဆင်ရေးကိစ္စနှင့် ပတ်သက်၍ အမြန်ဆုံးရလဒ် ထွက်ပေါ်အောင် အကောင်အထည်ဖော်ရန် အရေးကြီးပါသည်။

ထိုသို့ အကောင်အထည် ဖော်ရာတွင် နိုင်ငံတကာ မျက်နှာစာ၌ မြန်မာပြည်ပုံရိပ် လှပစေရန် ၅၉ (စ) ကို ပြင်ဆင်ဖို့ ကြိမ်စကြာ မဲဆန္ဒဖြင့် ထောက်ခံပေးရန် လိုအပ်သည်။ သို့မဟုတ်က လွှတ်တော်ပြင်ပ နိုင်ငံရေးက လက်ဦးသွားလျှင် တိုင်းပြည်နှင့် လူထုပင် အထိနာဦးမည် ဖြစ်သည်။ ကြံ့ခိုင်ရေးသည်လည်း ပြည်သူလူထုနှင့် နိုင်ငံတကာ မျက်နှာစာ၏ တံတွေးခွက်တွင် ပက်လက် မျောရပေလိမ့်မည်။ ထပ်မံ သတိပေးလိုပါသည်။ နိုင်ငံတကာ၏ အားပေး ထောက်ခံမှု အပြည့်အဝ ရရှိထားသော ဒေါ်အောင်ဆန်းစုကြည်၏ သြဇာနှင့် လွှတ်တော်ပြင်ပ လှုပ်ရှားမှုများကို လျှော့ပေါ့ စဉ်းစားခြင်း မပြုဘဲ ၅၉ (စ) ပြင်ဆင်ရန် ထောက်ခံ ပေးသင့်ပါသည်။

(၃) တပ်မတော်

အခြေခံဥပဒေ ပြင်ဆင်ရေး၏ အခက်အခဲဆုံးအပိုင်းမှာ လွှတ်တော်တွင်း ၇၅ ရာခိုင်နှုန်းနှင့်အထက် ကိုယ်စားလှယ်များ ထောက်ခံမှု ဖြစ်သည်။ အဘယ်ကြောင့်ဆိုသော် ၂၅ ရာခိုင်နှုန်းမှာ တပ်မတော်၏ အမိန့်ကို အပြည့်အဝ နာခံရမည့် တပ်မတော်သား ကိုယ်စားလှယ်များ ဖြစ်နေသောကြောင့်ပင်။ လူထုအင်အား တစ်ခဲနက် ရရှိထားသည့် ဒေါ်အောင်ဆန်းစုကြည်၏ စိုးရိမ်ချက်မှာလည်း တပ်မတော်တွင် တည်သည်ဟု သူက တဖွဖွပြောဆိုသည်။ တပ်မတော်ကို ပရော်ဖက်ရှင်နယ်ဆန်သော အဖွဲ့အစည်း ဖြစ်စေချင်ပါဘိတောင်း။ သို့သော်လည်း လက်တွေ့ အခြေအနေမှာ ရုတ်တရက် ချက်ချင်း မည်သို့မျှ မဖြစ်နိုင်ဟူသော အဖြေကိုပေးသည်။ သို့သော်လည်း တပ်မတော်၏ အခန်းကဏ္ဍကို တဖြည်းဖြည်း လျှော့ချရန် ဆန္ဒရှိသည်ကို ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထုတ်ဖော် ပြောကြားထားသည်။ မြန်မာ့သမိုင်း တစ်လျှောက်လုံး နိုင်ငံရေးတွင် အမျိုးမျိုးသော အခန်းကဏ္ဍမှ ပါဝင်ခဲ့သော မြန်မာ့တပ်မတော်အဖို့ နိုင်ငံရေး နယ်ပယ်မှ ချက်ချင်း နုတ်ထွက်ရန် မဖြစ်နိုင်။ သို့သော် အခြေခံဥပဒေ ပြင်ဆင်ရာတွင် နိုင်ငံရေးအရ ပြည်သူလူထုနှင့် တပ်မတော်အကြား အတိုင်းအတာတစ်ခုအထိ ယုံကြည်မှု တည်ဆောက်နိုင်သည်။

ဒေါ်အောင်ဆန်းစုကြည်နှင့် နိုင်ငံတကာ အစိုးရများ (အထူးသဖြင့် အနောက်နိုင်ငံများ) ၏ အထူး အလေးထားသည့်အချက်မှာ ဒီမိုကရေစီစံ ဖြစ်သည်။ တပ်မတော်က နိုင်ငံရေးတွင် ပါဝင်နေသည့်အတွက် ဒီမိုကရေစီ စံနှုန်းနှင့် မကိုက်ညီ၊ ထို့ပြင် ဒေါ်အောင်ဆန်းစုကြည်ကို သမ္မတဖြစ်ခွင့် ပိတ်ပင်ထားသည့်အတွက် ဒီမိုကရေစီစံနှုန်းနှင့် မကိုက်ညီဟု ဆိုကြသည်။ ယင်းနှင့် သက်ဆိုင်သော ပုဒ်မများကို ပြင်ဆင်ရာတွင် တပ်မတော်သား ကိုယ်စားလှယ် ၂၅ ရာခိုင်နှုန်း လွှတ်တော်တွင်း ဝင်ရောက် နေရာယူလျက် ရှိခြင်းက အဓိက အဟန့်အတား ဖြစ်သည်။ သို့သော် ၎င်းတို့ ယူဆသကဲ့သို့ ယင်း၂၅ ရာခိုင်နှုန်းမှာ အဟန့်အတား မဟုတ်ကြောင်း ၅၉ (စ) ပြင်ဆင်ရာတွင် ထောက်ခံပေးခြင်းအားဖြင့် သက်သေ ပြသင့်သည်။ မြန်မာ့တပ်မတော်၏ သဘောထားကြီးမှုကို ပြသခြင်းဖြင့် ပြည်သူလူထု၏ ယုံကြည်မှုနှင့် နိုင်ငံတကာ၏ သြဘာပေးမှုကို ရယူရမည် ဖြစ်သည်။

တပ်မတော်မှ ထိုသို့ လုပ်ဆောင်ခြင်းဖြင့် လွှတ်တော်ပြင်ပ နိုင်ငံရေးကို ဦးတည်နေသူများ အရှိန်တန့်သွားမည် ဖြစ်သည်။ ထို့အတူ လမ်းပေါ်ထွက် လူထု လှုပ်ရှားမှုများကိုလည်း တားဆီးနိုင်မည် ဖြစ်သည်။ နိုင်ငံတကာတွင်လည်း မြန်မာ့ဒီမိုကရေစီ ပြုပြင် ပြောင်းလဲမှုမှာ စံတင်လောက်စရာ ဖြစ်လာမည်။ လွှတ်တော် နိုင်ငံရေးလမ်းကြောင်း ရေရှည် တည်တံ့အောင် စွမ်းဆောင် ပေးနိုင်သူများတွင် မြန်မာ့တပ်မတော်သည် အဓိကကျသော နေရာတွင်ရှိသည့် Stakeholder တစ်ရပ်ဖြစ်သည်။ ထို့ကြောင့် မြန်မာနိုင်ငံတော်၏ တည်ငြိမ်သော် နိုင်ငံရေး အပြောင်းအလဲကို ဖော်ဆောင်နိုင်ရန် တပ်မတော်သား လွှတ်တော် ကိုယ်စားလှယ်များမှ ၅၉ (စ) ကို လွှတ်တော်တွင်း၌ ထောက်ခံ ဆန္ဒပြုသင့်ကြောင်း သုံးသပ် တင်ပြလိုက်ရပါသည်။

အဆုံးသတ် ကောက်ချက်

မြန်မာနိုင်ငံ၏ ပြုပြင်ပြောင်းလဲရေး ကာလတွင် မြန်မာပြည်သူလူထု၏ ဒီမိုကရေစီနှင့် အသားမကျမှု၊ ဒီမိုကရေစီ ယဉ်ကျေးမှုများနှင့် မယဉ်ပါးမှု၊ ရှေးမဆွကတည်းက ရှိနှင့်ထားသော နိုင်ငံရေးဓလေ့ စိတ်အခံများကြောင့် လူတစ်ဦးချင်းကြား၊ အဖွဲ့တစ်ဖွဲ့ချင်းကြားတွင် တင်းမာသော သဘောထား များကို မလျှော့သော မာနဖြင့် တုံ့ပြန်တတ်ကြသည်။ ထို့ပြင် စံသတ်မှတ်ချက်များကို ကိုးကွယ်တတ်ကြသည့် သဘောလည်း ရှိသည်ကို လွတ်လပ်ရေးရပြီးစ ဖဆပလ အကွဲအပြဲများတွင် လေ့လာသုံးသပ် သင်ခန်းစာ ယူနိုင်ပေသည်။ သို့သော်လည်း ထိုသို့သော လူမှုအဖွဲ့အစည်း တစ်ရပ်ကို တစ်ခဏချင်း ပြောင်းလဲရန် မလွယ်ကူသည့်အလျောက် ထိုလူ့အဖွဲ့အစည်းကို ဦးစီး ဦးဆောင်ပြုမည့် ခေါင်းဆောင်များ၏ အမြော်အမြင်သည် လွန်စွာ အရေးကြီးလှပေသည်။ အမျိုးသား ခေါင်းဆောင်ကြီး ဗိုလ်ချုပ်အောင်ဆန်း မရှိတော့သည့် နောက်ပိုင်းတွင် မြန်မာနိုင်ငံတော်သည် ခေါင်းဆောင်ဆိုး၊ ခေါင်းဆောင်ညံ့များဖြင့်သာ ကြုံတွေ့ခဲ့ရသည်ဟု မြန်မာပြည်သူအများက ခံယူထားကြသည်။ ယခုတစ်ဖန် ပြုပြင်ပြောင်းလဲရေးများ လုပ်ဆောင်လာသောအခါ ခေါင်းဆောင်ကောင်းကို တောင့်တကြသည်။

စစ်အစိုးရ လက်ထက်မှ ပထမဦးဆုံး ဒီမိုကရေစီ အပြောင်းအလဲ၏ ခေါင်းဆောင် ဖြစ်လာသော လက်ရှိ သမ္မတ ဦးသိန်းစိန်သည် ဝေဖန်ခံရမှုများ ရှိနေသော်လည်း ခေါင်းဆောင်ကောင်းတစ်ဦး ဖြစ်သည်ကို နိုင်ငံရေး အပြောင်းအလဲများနှင့် သူ၏လုပ်ဆောင်ချက် များက သက်သေခံလျက် ရှိသည်။ ထို့အတူ ပြည်သူက ရွေးချယ်ခွင့် ရရှိလာမည့် ၂၀၁၅ ရွေးကောက်ပွဲတွင်လည်း ဒေါ်အောင်ဆန်းစုကြည်ကို ခေါင်းဆောင်ကောင်းအဖြစ် မြင်တွေ့ချင်ကြသည့် အင်အားစုမှာ ပြည်တွင်းရော ပြည်ပမှာပါ ကြီးမားလှသည်ဖြစ်ရာ ယင်းပြည်သူများ၏ မျှော်လင့်ချက်ကို လွှတ်တော်တွင်း ဆုံးဖြတ်ချက် တစ်ခုတည်းဖြင့် အလဲထိုးရန် မသင့်ပေ။ ထို့ကြောင့် ၅၉ (စ) ကို ဒေါ်အောင်ဆန်းစုကြည် သမ္မတဖြစ်ခွင့် ရနိုင်သည်အထိ ပြင်ဆင်ရန် အဆို တင်သွင်းမည် ဆိုပါက လွှတ်တော်တွင်း ကြံ့ခိုင်ရေးအမတ်များနှင့် တပ်မတော်သား ကိုယ်စားလှယ်များက ထောက်ခံပေးသင့်သည်။ တစ်ဖက် အမျိုးသားရေး ရှုထောင့်ဘက်မှ သဘောမတူနိုင်သူများမှာ အခြေခံဥပဒေပါ ၅၉ (စ) ပြင်ဆင်ရေး၊ ဒုတိယအဆင့်အဖြစ် လူထုဆန္ဒခံယူပွဲတွင် မိမိတို့၏ ဆန္ဒကို ထုတ်ဖော်ပြသနိုင်ရမည်ဟု သုံးသပ် ကောက်ချက် ဆွဲမိပါကြောင်း ...။


Written by  သခင်
thevoicemyanmar