သန်းခေါင်စာရင်းတွင် မျိုးနွယ်စုအမည် လွတ်လပ်စွာဖြည့်သွင်းနိုင်ဟု ဒု-၀န်ကြီးပြော
ပို့စ်တင်ချိန်
- 2/25/2014 05:58:00 PM
အောင်သူရထွန်း
ပြည်လုံးကျွတ် သန်းခေါင်စာရင်း ကောက်ယူရာတွင် တိုင်းရင်းသား ပြည်သူတစ်ဦးချင်းစီ၏ ပင်ကိုယ်ဆန္ဒ အတိုင်း ရေးသွင်းနိုင်သည်ဟု လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ဒုတိယ၀န်ကြီး ဦးဝင်း မြင့်က ဖေဖော်ဝါရီ ၂၄ရက် အမျိုးသားလွှတ်တော် အစည်းအဝေး၌ ပြောသည်။
“လူမျိုးစုတစ်ခုလုံး အမည်တစ်မျိုးတည်း စုပေါင်းဖော်ပြလိုသည်ဖြစ်စေ၊ ယင်းလူမျိုးစုတွင် ပါဝင်နေသော လူမျိုးစုငယ်များက ၎င်းတို့ရဲ့ လူမျိုးစုငယ် အရေအတွက်ကို သီးခြား သိရှိဖော်ပြလိုသည်ဖြစ်စေ၊ လူတစ် ဦးချင်းစီရဲ့ ပင်ကိုယ်ဆန္ဒအရ လတ်လပ်စွာ ပြောသည့်အတိုင်း ရေးသွင်းပေးမယ်” ဟု ဒု-၀န်ကြီးက ဆိုသည်။
ရန်ကုန်၊ အမှတ် (၄) အမျိုးသားလွှတ်တော်ကိုယ်စားလှယ် ဒေါက်တာမြတ်ဥာဏစိုးက ၂၀၁၄ သန်းခေါင် စာရင်းတွင် အစဉ်အဆက် အတည်ပြုထားခဲ့သည့် တိုင်းရင်းသားလူမျိုး ၁၃၅မျိုး၏ စာရင်းကို ပြန်လည်ပြုပြင် သွားရန် အစီအစဉ်ရှိ၊ မရှိ မေးမြန်းရာတွင် ဖြေကြားခြင်းဖြစ်သည်။
“ဒီလိုလူမျိုးစုတွေ ကွဲနေတာ တိုင်းပြည်စည်းလုံး ညီညွတ်ရေးအတွက် မကောင်းဘူး၊ မကောင်းတဲ့စရိုက် လက္ခဏာ၊ စုစည်းညီညွတ်မှု ဖြစ်သင့်တယ်၊ နောက်တစ်ချက်က ပြန်လည်စိစစ်သင့်ပြီး ဒီလိုလုပ်တဲ့အခါမှာ လည်း ၀န်ကြီးဌာနတစ်ခုတည်း ဆုံးဖြတ်လုပ်ဆောင်တာထက် အားလုံးပါဝင်နိုင်တဲ့ ကော်မရှင်ဖြစ်ဖြစ်တစ် ခုခုဖွဲ့စည်းပြီး ဆောင်ရွက်သင့်တယ်” ဒေါက်တာမြတ်ဥာဏစိုးက မဇ္ဈိမကို ပြောသည်။
ထို့အပြင် ၎င်းက “တိုင်းရင်းသားလို့ ဆိုလိုတာက နိုင်ငံသားတွေကိုပဲ ဆိုလိုတာ၊ နိုင်ငံခြားသားတွေကို ပြောလိုတာမဟုတ်ဘူး။ ဧည့်နိုင်ငံသားတို့၊ နိုင်ငံသားပြုခွင့်ရ သူတို့ကို မဆိုလိုဘူး၊ ဆိုတဲ့သဘောက ဘင်္ဂါလီကိစ္စက သီးခြားအစီအစဉ် ဖြစ်မယ်။ သူတို့ဟာ တိုင်းရင်းသား မဟုတ်ဘူး” ဟုလည်း ဆိုသည်။
သန်းခေါင်စာရင်း ကောက်ယူပြီးစီးသည့်အခါ ကောက်ယူရရှိမှုအပေါ် မူတည်၍ လက်ရှိအခြေအနေတွင် လျော့နည်း၊ ကွယ်ပျောက်၊ တိုးပွားလာသည့်လူမျိုးစုများ ရှိ မရှိ၊ အမည်သတ်မှတ်ချက် သတ်ပုံသတ် ညွှန်း မှန်ကန်မှု၊ ကိုက်ညီမှု ရှိ မရှိ စသည်တို့ကို ပြန်လည်အတည်ပြုသွားနိုင်မည်ဟု ဒု-၀န်ကြီးက ပြောသည်။
၂၀၁၄ခုနှစ်၊ မတ် ၃၀ရက်မှ ဧပြီ ၁ရက်အထိ ပြည်လုံးကျွတ်သန်းခေါင်စာရင်း ကောက်ခံရန် အစိုးရက စီစဉ်ထားသည်။
၁၉၃၁ ခုနှစ်၊ ဗြိတိသျှကိုလိုနီလက်ထက် သန်းခေါင်စာရင်းကောက်ယူ ဖော်ထုတ်တွေ့ရှိသည့် လူမျိုးစုစာ ရင်းအရလည်းကောင်း၊ ၁၉၅၃-၅၄ ခုနှစ်တွင် ကောက်ယူရရှိသည့် လူမျိုးစုစာရင်းအရ လည်းကောင်း၊ ၁၉၆၁ ခုနှစ် ယဉ်ကျေးမှုဝန်ကြီး ဌာန၊ ရှေးဟောင်းစာပေနှင့် ယဉ်ကျေးမှုရုံး၏ အကြံပြုချက်နှင့် မြန်မာနိုင်ငံ သမိုင်း ကော်မရှင်၏ အကြံပြုချက်များအရလည်းကောင်း၊ ၁၉၇၂ ခုနှစ် မြန်မာ့ဆိုရှယ်လစ် လမ်းစဉ်ပါတီ ဗဟိုကော်မတီဌာနချုပ် တိုင်းရင်းသား လူမျိုးစုရေးရာကော်မတီ၏ ညှိ နှိုင်းချက်အရလည်းကောင်း၊ ၁၉၇၃ ခုနှစ် ပြည်လုံးကျွတ်အဆင့် လူဦးရေသန်ခေါင်း စာရင်း ကောက်ယူရာတွင်လည်းကောင်း၊ ၁၉၈၃ ခုနှစ် ပြည်လုံးကျွတ်အဆင့် လူဦးရေ သန်းခေါင်စာရင်း ကောက်ယူရာသည့် စာရင်းအရလည်းကောင်း၊ တိုင်း ရင်းသား လူမျိုး ၁၃၅ မျိုးဟု ၀န်ကြီးဌာနက သတ်မှတ်ထားခြင်း ဖြစ်သည်။
Mizzima Burmese
