အသက် ၁၈ နှစ်အောက်များသာ ဖတ်ရန်
ပို့စ်တင်ချိန်
- 2/26/2014 09:01:00 PM
သင်သည် အသက် ၁၈ နှစ်ပြည့်ပြီးသူ တစ်ဦးမှန်ကန်ပါသလား။
အထက်ပါမေးခွန်းအားလာမည့် ၂ဝ၁၅ ရွေး ကောက်ပွဲအတွင်းမဲထည့်နိုင်ရန် မေးမြန်းနေခြင်း မဟုတ်ပါ။ သို့သော် ထိုမေးခွန်းကိုပင်သင် သွား လေ့သွားထရှိနေ သည့် ဈေး ဆိုင်၊ကုန်စုံဆိုင်နှင့် လက်ဖက်ရည်ဆိုင်များမှအစ စူပါမားကက်များအဆုံးမေးလာခဲ့သည်ရှိသော် မည်ကဲ့သို့ဖြစ်မည်နည်း။
မြန်မာနိုင်ငံအတွင်း ဆေးလိပ်၊ စီးကရက်ဘူးခွံများအား သေချာစူးစိုက်ကြည့်ဖူးပါသလား။ အဆိုပါ စီးကရက်ဘူးခွံတို့၏ ဘေးတစ်ဖက်တစ်ချက်တွင် စာတန်းတစ်ခုပါရှိ သည်။ ၎င်းမှာ ”အသက် ၁၈ နှစ် မပြည့်သေးသူများကိုမရောင်းရ” ဟူ၍ဖြစ်သည်။ အကယ်၍ သင်သည် အသက် ၁၈နှစ် မပြည့်တင်းသေးသည့် လူငယ်တစ်ဦးဆိုပါလျှင် ၎င်းစာတန်းသည် မိမိနှင့်သက်ဆိုင်သည် ဟုယူဆထားပါသလား။ သို့မဟုတ် မလိုအပ်ဟု ထင်ပါသလား။ မည်သို့ပင် ကြော်ငြာစာတမ်း ထည့်သွင်းရိုက်နှိပ် ထားစေ ကာ မူ ကျောင်းသားလူငယ်၊ အသက် ၁၈ နှစ်အရွယ် မပြည့်သေးသူတို့၏လက်ညှိုးနှင့် လက်ခလယ်အကြား၌ ‘စီးကရက်’များက စတိုင်လ်ကျစွာ နေရာ ယူထား လျက် ရှိချေပြီဖြစ်သည်။
အကြွေပြန်မအမ်းပါနှင့်
ရန်ကုန်မြို့ မြို့လယ်ကောင်နေရာများသာမက ဆင်ခြေဖုံးများအထိ စားဖွယ်စုံလက်ဖက်ရည်ဆိုင်များက ရှိသည်။ အဆိုပါဆိုင်များတွင် ပလတ် စတစ်ဘူးလေးများ အတွင်း နှစ်လိပ်၊ သုံးလိပ်ခန့် ဖြည်ထည့်ထားသည့် ‘တစ်ပွဲ’စာ စီးကရက်များက ဈေးဆိုင်ကောင်တာ၌ အသင့်ဖြစ်သည်။ ထို့ပြင်များစွာသော ကွမ်းယာဆိုင်လေးများ၌လည်း တန်းစီတင်ထားသည့် စီးကရက်ဘူးများ တွေ့နိုင်သည်။ တစ်လိပ်မှစ လိုသလောက် လွယ်ကူစွာဝယ်ယူနိုင်သည်။ အကယ်၍ ၎င်းဆိုင်များ၌ ဈေး ဝယ် ၍ ငွေ အကြွေငါးဆယ်ပြန်အမ်းရန် အခက်အခဲဖြစ်နေသည်ဆိုပါက အကြွေအစား သကြားလုံးနှင့် တစ်ရှူးထုပ်များ အမ်းတတ်ကြသည်။ သို့သော် သင်သည် စီးက ရက်သောက် သူတစ်ဦးဆိုပါက မည်ကဲ့သို့ ပြုလုပ်တတ်သနည်း။ စီးကရက်တစ်လိပ်သည် ငွေအကြွေငါးဆယ်ကျပ်နှင့်သာ ညီမျှသည်။
မသိခြင်းက ပိုခက်သည်
မြို့အလယ်ရှိ အထက်တန်းကျောင်းတစ်ကျောင်းတွင် ကျောင်းဆင်းချိန်ဖြစ်သည်။ ထိုအချိန် ၎င်းကျောင်း မျက်စောင်းထိုးလမ်းကြားထဲရှိ လက်ဖက်ရည်ဆိုင် အ တွင်း ကျောင်းသားအချို့ဖြင့် စည်ကားနေလျက်ရှိသည်။ အရောင်းဆိုင်ရှင် ဦးကိုဝင်းက ထိုကျောင်းဆင်းချိန်သည် လူကျလေ့ ရှိသည့်အချိန်ဖြစ်သည်ဟုဆိုသည်။ လက် ဖက်ရည်ပြီးလျှင် ဒုတိယအရောင်းရဆုံးက စီးကရက် ဖြစ်သည်ဟု ပြောသည်။ ဆိုင်လာထိုင်ကြသူများက ကိုးတန်း၊ ဆယ်တန်းကျောင်းသားကြီး များဖြစ်သောကြောင့် ဟူ၍ လည်း ဆိုသည်။ မည်သို့ဆိုစေ သူ၏လက်ဖက်ရည်ဆိုင်သည် ကျောင်းဖွင့်ရက်၊ ရုံးဖွင့်ရက်များတွင် ဘူးနှစ်ဆယ်ပါ စီးကရက် နှစ်တောင့်နီးပါးက တတိတိကုန်သည်ဟု သိရ သည်။ အဆိုပါ ကျောင်းသားကြီးများဟူသည် အသက် ၁၈ နှစ် ကျော်လွန်ပြီးသူများ ဖြစ်ပါသလား။ စီးကရက်ဘူး များနှင့် ယဉ်ပါးနေရသော်လည်း ယင်း၏ နံဘေး ပါစာသားအတိုင်း တိကျစွာမေးမြန်းရောင်းချဖူးပါသလားဟူသည့် မေးခွန်းအတွက်ကိုမူ ဦးကိုဝင်းက အလုပ်ရှုပ်နေသည့်ကြားမှ ရုတ်တရက် ပြန်ဖြေသည်။
”ဈေးရောင်းပါတယ်ဆိုမှဗျာ အမြတ်တော့ ဘယ်ကရရလိုချင်တာပဲ။ ခင်ဗျားပြောတဲ့ ကျောင်းသားတွေကို ကျွန်တော်က မရောင်းပေးဘူးပဲထား။ သူတို့တခြားမှာ လွယ် လွယ်သွားဝယ်လို့ ရနေတာပဲ” ဟူ၍ုဖြစ်သည်။
အသက် ၁၈ နှစ် မပြည့်သေးသူများအား စီးကရက်မရောင်းပါဟူသည့် စာတန်းပါစီးကရက်ဘူးကြော်ညာသည့် ဖော့ပြားလေးများမှာ ဆိုင်ခုံ၏ ရှေ့တွင် အစီအရီ ကပ် ထားဆဲဖြစ်ပြီး လူငယ်များက လှမ်းကြည့်လျှင် မြင်သာထင်သာရှိဆဲဖြစ်သည်။ ဤသို့ဆိုလျှင် အသက်မပြည့်သေးသူများ စီးကရက်မသောက်သုံးရန် စာတန်းများဖြင့် တားမြစ်ခြင်းက ထိရောက်မှုမရှိခြင်းလော။ အကြွေငါးဆယ်ကျပ်ဖြင့် ဗိုက်ပြည့်မည့်မုန့်များ ဝယ်စား၍ မရနိုင်သော်လည်း စီးကရက်တစ်လိပ်ကိုမူ အလွယ်တကူ ဝယ်ယူဖွာ ရှိုက်ပစ်လိုက်နိုင်သည်။ သို့သော် အသက် ၁၈ နှစ် ပြည့်ပြီးသူတစ်ဦး ဟုတ်မဟုတ်ကိုမူ သင့်လိပ်ပြာသင်လုံရန်လိုသည်။
”သတိပြုရန်” ဥပဒေရှိနေသည်..သို့သော်
ဆေးလိပ်နှင့် ဆေးရွက်ကြီးထွက်ပစ္စည်း သောက်သုံးမှုထိန်းချုပ်ရေးဥပဒေကို လွန်ခဲ့သည့် ၂ဝဝ၆ ခုနှစ်ကတည်းကပင် ပြဋ္ဌာန်းထားခဲ့ပြီးဖြစ်သည်။ ကမ္ဘာ့ကျန်းမာရေးအဖွဲ့၏ ၂ဝဝ၃ ခုနှစ် ဆေးရွက်ကြီးသုံးစွဲမှုထိန်းချုပ်သည့် အပြည်ပြည် ဆိုင်ရာကွန်ဗင်းရှင်းအား မြန်မာနိုင်ငံမှ သဘောတူအပြီး ၃ နှစ်အကြာတွင် ပြဋ္ဌာန်းနိုင်ခဲ့ခြင်း လည်းဖြစ် သည်။၎င်းဥပဒေ၏ အခန်း(၈)ပြစ်မှုနှင့် ပြစ်ဒဏ်အခန်း၌ ကျောင်းပရဝဏ်အတွင်း ကျောင်းပရဝဏ်မှ ပေ ၁ဝဝ အတွင်း ဆေးလိပ်ရောင်းချခြင်း မပြုရန်၊ အသက် ၁၈နှစ် မပြည့်သေးသူအား ဆေးလိပ်ရောင်းချခြင်း သို့မဟုတ် ပေးကမ်းခြင်းမပြုလုပ် ရန်ရေးသားထားပြီး ပြစ်မှုကျူးလွန်ပါက ပထမအကြိမ်ဆိုလျှင် ငွေကျပ်တစ်သောင်းမှ သုံးသောင်း၊ ဒုတိယအကြိမ်နှင့်အထက် ကျူးလွန်ခြင်းဆိုလျှင် တစ်နှစ်ထက် မပိုသောထောင်ဒဏ်အပြင် ငွေကျပ် အနည်းဆုံးသုံးသောင်းမှ အများဆုံးကျပ်တစ်သိန်း အထိ ချမှတ်နိုင်ကြောင်း ထည့်သွင်းရေးဆွဲထားသည်။
ထို့ပြင်စီးကရက်အား လွယ်ကူစွာဝယ်ယူနိုင်ရန် တစ်လိပ်ချင်းဖြစ်စေ၊ အလိပ်၂ဝ ထက်နည်း သော နည်းဖြင့်ဖြစ်စေ ရောင်းချခြင်းမပြုလုပ်ရဟု လည်း ပါဝင်သည်။ ယင်းအ တွက် ဒဏ်ငွေ ကျပ်သုံးထောင်မှ ကျပ်တစ်သောင်း ဖြစ်သည်။ ဤကဲ့သို့ဆိုလျှင်လက်ရှိသည် ဥပဒေအာဏာ တည်ပြီး ရှစ်နှစ်ခန့်အချိန်ပင် ရှိနေချေပြီဖြစ်သည်။ သို့သော် ဥပဒေအတိုင်းလိုက်နာမှု အားနည်းနေ ခြင်းမှာအဘယ်ကြောင့်နည်း။ မေးခွန်းထုတ်စရာ အချက်များဖြစ်သည်။ရှိရင်းစွဲဆေးလိပ်နှင့် ဆေးလိပ်ကြီးထွက်ပစ္စည်း ထိန်းချုပ်ရေး ဥပဒေမှာ ပြန်လည်ပြင်ဆင်ရန် မလိုအပ်သည့်ဥပဒေတစ်ခုဖြစ်ပြီး ယင်းဥပဒေအသက် မဝင်ခြင်းမှာမူ အစိုးရအပါအဝင် ကျောင်းနှင့်မိဘများ၏ ပူးပေါင်းပါဝင်မှု တိကျစွာ မရနိုင်ခြင်းကြောင့် ဖြစ်သည်ဟု တရားလွှတ်တော်ရှေ့နေ ဦးသိန်းသန်းဦး ကဆိုသည်။ အဆိုပါဥပဒေအား နိုင်ငံမှ ပြဋ္ဌာန်း သင့်၍သာ ရေးဆွဲထားရသည့် ဥပဒေမျိုးအဖြစ် မသတ်မှတ်သင့်ဘဲ လူငယ်ထုအပါအဝင် တစ်မျိုး သားလုံးနှင့် သက်ဆိုင်သည့် အရေးကြီးဥပဒေတစ် ခုအဖြစ် ဆောင်ရွက်သင့်သည်ဟု ၎င်းက ထောက် ပြသည်။
အာဏာတည်ပြီးဖြစ်သော်လည်းဥပဒေအတိုင်း လိုက်နာမှုမရှိနေခြင်းဟူသည့် မေးခွန်းကိုမူ တရား လွှတ်တော် ဦးသိန်းသန်းဦးက ”အပြည်ပြည်ဆိုင် ရာနဲ့ပူးပေါင်းတဲ့ လိုက် နာရမယ့်အချက်တွေ လက် မှတ်ထိုးကြတယ်။ ပြီးရင်ပြီးတာပဲဆိုပြီးထားရင် တော့ ကတိကဝတ်တို့၊ ဥပဒေတို့ဆိုတာ စာရွက်ပေါ် မှာပဲ စာလုံးအဖြစ် ဇာတ်သိမ်းသွား တာ များပါ တယ်” ဟု ဖြေကြားသည်။ သို့သော်ဥပဒေအား တိကျစွာလိုက်နာနေပြန်သည့် အချက်နှစ်ချက်လည်း ရှိလို့နေသည်။
ယင်းတို့ကား အသက် ၁၈ နှစ်မပြည့်သေးသူအား စီးက ရက်ရောင်းချခြင်းမပြုပါဟူသည့်စာတန်းနှင့် ဆေး လိပ်သောက်ခြင်းသည် ကျန်းမာရေးကို ဆိုးရွားစွာ ထိ ခိုက်စေနိုင် ပါသည်ဟူသည့် စာတန်းများအား စာလုံးကြီးများနှင့် မြင်သာထင်ရှားစွာဖော်ပြထားခြင်းများ ဖြစ်သည်။
ကျယ်ကျယ်လောင်လောင် ပညာပေးပါ
ဆေးရွက်ကြီးသုံးစွဲမှု ထိန်းချုပ်သည့် အပြည် ပြည်ဆိုင်ရာ ကွန်ဗင်းရှင်းဥပဒေအပိုဒ် (၁၃) ၌ ဆေးလိပ်၊ ဆေးရွက်ကြီးထွက်ပစ္စည်းများ ရောင်း ချနိုင်ရန် ကြော်ငြာ မျိုးစုံပြု လုပ်ခြင်း၊ အရောင်းမြှင့် တင်မှုအတွက် လူမှုရေး၊ ပညာရေး၊ အားကစား၊ ကျန်းမာရေး စသည်တို့ကို ပံ့ပိုးပေးခြင်းများအား အလုံးစုံတားမြစ်ရန်ဟူသည့် အစီအစဉ်များထည့် သွင်းထားသည်။ ယင်းအတွက်နိုင်ငံစုံမှ အမိန့် ထုတ်ကာ အလုံးစုံပိတ်ပင်တားမြစ်ခြင်း (ဃသာ-စမန့နညျငလန ညြေ) အဖြစ်ဆောင်ရွက်ခဲ့ခြင်းကြောင့် ၂ဝ၁၃ ခုနှစ်အတွင်း ၇ရာခိုင်နှုန်းမှ ၁၆ ရာခိုင်နှုန်း အထိ သုံးစွဲမှုကျဆင်းလာသည်ကို တွေ့ရကြောင်း၊ ရန်ကုန်ပြည်သူ့ကျန်းမာရေးတက္ကသိုလ်၏ ယခင် နှစ် ဇွန်လအတွင်း ပြုလုပ်ခဲ့သည့် အလုပ် ရုံဆွေးနွေး ပွဲ တင်ပြချက်အရသိရသည်။ သို့သော် အချို့သော နိုင်ငံများမှာမူ တားမြစ်ချက်တချို့ တစ်ဝက်သာ ဆောင်ရွက်နေဆဲ ဖြစ်သည်ဟု သိရသည်။ ထို့ပြင် မြန် မာနိုင်ငံတွင်း ပြဋ္ဌာန်းထားသည့် ဥပဒေပါ အ ချက်များအား မသိကျိုးကျွံ ပြု၍ ရောင်းချခြင်းများ ပြုလုပ်နေဆဲဖြစ်သည်ဟု အဆိုပါဆွေးနွေးပွဲ ကနဦး အစီရင် ခံစာ၌ ထည့်သွင်းဖော်ပြထားသည်။ ဥပဒေ ရှိပါလျက် ဤကဲ့သို့ တိကျစွာ လိုက်နာမှုမရှိဘဲ နေနိုင်ခြင်းမှာလည်း အဖြေရှာရန်လိုနေသည့် အကြောင်းအချက်ဖြစ်မည်။
မြန်မာနိုင်ငံတွင်း ပြဋ္ဌာန်းထားပြီး ဖြစ်သည့် ယင်းဥပဒေအသက် ဝင်၊ မဝင်ဆိုသည့် အချက် ထက် အဆိုပါဥပဒေရှိပြီးဖြစ်သည်ကို ပညာရေးဝန် ကြီးဌာနလက်အောက်ရှိ ဆရာ၊ ဆရာမများကိုယ် တိုင် ထဲထဲဝင်ဝင်မသိကြသေးသည်က ပိုဆိုးကြောင်း မြန်မာနိုင်ငံလူငယ်များ အစည်းအရုံးဥက္ကဋ္ဌ ကိုဇွဲ ရန်နိုင်က ထောက်ပြ သည်။ ဆေး လိပ်သောက်သုံးသည့် လူငယ်နှင့် ဆေး လိပ်ရောင်းချသူများအကြား ဥပဒေတွင်ကျယ်လာ ရန်မှာ ပိုမိုအရေးကြီးသော်လည်း အဆိုပါ လူငယ် များအား သွန်သင်လမ်းပြမည့် ဆရာ၊ ဆရာမများ မသိရှိနေခြင်းကို အစိုးရအနေဖြင့် ဆန်းစစ်၍ ထိ ရောက်စွာ ပညာပေးသင့်ပြီဟုလည်း ဆိုသည်။ လူငယ်နှင့်ဆေးလိပ်အပေါ် လူငယ်အစည်းအရုံး ဥက္ကဋ္ဌက ”ဆေးလိပ်သောက်တာကို အဖြူ၊ အစိမ်းကျောင်းသားတွေကြားထဲမှာ များများစားစားမြင်လာရပြီ။ ဒါက အင်မတန် ဆိုးရွားပြီး၊ အန္တရာယ်ကြီးတယ်”
ဆေးလိပ်၊ လူငယ်နှင့် ခံယူချက်
တစ်နှစ်ကျော်နီးပါး ဆေးလိပ်သောက်နေခဲ့ သည့် ဆယ်တန်းကျောင်းသား မောင်ကျော်ဇင် ထက်၏ ဆေးလိပ်ခံယူချက်မှာ လွတ်လပ်မှုဟုဆို သည်။ မိဘကွယ်ရာ၌ သူငယ် ချင်းနှစ်ဦး ခိုး သောက်ရာမှ စွဲသွားခဲ့ခြင်းလည်း ဖြစ်သည်။ သူ၏ ဆေးလိပ်သောက်ရသည့်အဓိက အဓိပ္ပာယ်ဖွင့်ဆို မှုတစ်ရပ်လည်း ရှိသည်။ ယင်းက သူငယ်ချင်း များ နှင့် သက်တူရွယ်တူ အမျိုးသမီးလေးများကြားတွင် ”စတိုင်လ်” ကျနေခြင်းပင် ဖြစ်သည်ဟု ဆိုသည်။
အသက် ၁၇ နှစ်ခန့်ရှိ ပထမနှစ် မြန်မာစာ ကျောင်းသားကိုမင်းဝေကမူ အခြားသူများ ဆေး လိပ်သောက်နေသည်ကိုမြင်၍ စတင်စမ်းသပ်ကြည့် ခြင်းဖြစ်သည်ဟုပြောသည်။ သူ့ထက် အသက်အ ရွယ်ကြီးသည့် အစ်ကိုများ၏ တိုက်တွန်းမှုများ ကြောင့်လည်း ပါသည်ဟု ဆိုသည်။ လူငယ်များအကြား ဆေးလိပ်အပေါ် ပြင်း ထန်သည့် ခံယူချက် တစ်ခုအဖြစ် သောက်သုံးခြင်း ကိုမူမတွေ့ရ။ လူငယ်တို့၏ ကိုယ်ပိုင်ခံစားချက် များနှင့် လူငယ်အရွယ် လက်တည့်စမ်းလိုသည့် အရာကြောင့်သာ ဆေးလိပ်စွဲသူ လူငယ်များ တ ဖြည်းဖြည်းများပြားလာခဲ့ခြင်းဖြစ်သည်ဟု လူငယ်အစည်းအရုံး ဥက္ကဋ္ဌ ကိုဇွဲရန်နိုင်က ပြောသည်။
ထို့အပြင် လက်လှမ်းမီသည့် အလွယ်တကူ နေရာများ၌ စီးကရက်များ တစ်လိပ်ချင်း ဝယ်နိုင် နေခြင်းကလည်း ပြဿနာရှိနေသည်ဟု ကျန်းမာ ရေး ဝန်ကြီး ဌာ နမှ ဆေးလိပ်နှင့် ဆေးရွက်ကြီးဆိုင် ရာ ကျွမ်းကျင်သူတစ်ဦးက ဆိုသည်။ ဆေးလိပ် အမြဲတမ်းသောက်ဖြစ်ခဲ့သည့် အသက် ၂ဝ အရွယ် ကိုဝေယံက ”တစ်လိပ် ချင်းသာ မရောင်းရတော့ဘူးဆိုရင် ကောင်းပါတယ်။ တစ် လိပ်၊ နှစ်လိပ်ပဲ သောက်ဖြစ်တဲ့ လူတွေအတွက် တကူးတကဝယ် မသောက်ဖြစ် ကြတော့ဘူးပေါ့” ဟု ဆိုသည်။သို့သော် သူ့အဖြေက ဤနေရာတွင် ရပ်မသွားဘဲဆက်ပြောသည့်အချက်မှာ အတွေးချဲ့ထွင်စရာကောင်းသည်ဟု ဆိုနိုင်သည်။ ၎င်းက ”ဒါပေမဲ့ဗျာ။
ပိုက်ဆံတတ်နိုင်လို့ဘူးလိုက်ဝယ် သောက်ဖြစ်မယ်ဆိုရင်တော့ ဆေးလိပ်ပိုသောက်လာတာမျိုး မဖြစ်နိုင်ဘူးလား” ဟူ၍ဖြစ်သည်။ ဥပဒေအရ တားမြစ်ချက်များ ထွက်ပေါ် လာမည်ဆိုပါက ၎င်းတို့အနေဖြင့် မကောင်းဆိုစရာမရှိဟု အထက်ပါ လူငယ်အားလုံးတို့က ဆိုသည်။ဆယ်တန်းဖြေဆိုတော့မည့် မောင်ကျော်ဇင် ထက်က ”ဥပဒေ အရတားတာကို မလိုက်နာစရာ မရှိပါဘူး။ ဥပဒေအရ အပြစ်ပေးနိုင်မယ်မှန်းကိုမသိထားတာ” ဟု ပြောသည်။ လူငယ်များအကြား ပြည်တွင်းထုတ်ဆေးလိပ် များ အပြင် နိုင်ငံခြားဖြစ်စီးကရက်များကပါ တစ်လိပ်ချင်းဝယ်ယူရနိုင်နေသည့်အတွက် လွယ်ကူစွာ ဝယ်သောက်ဖြစ်နေခြင်းဟုလည်း အကြောင်းပြသည်။ သူ၏ အကြိုက် ဆုံး က ဒန်ဟေးစီးကရက် ဟုလည်း ဆိုပြန်သည်။
ဆေးလိပ်နှင့်ဆေးရွက်ကြီးထွက်ပစ္စည်းသောက် သုံးမှုထိန်းချုပ်ရေး ဥပဒေကိုထုတ်ပြန်ခဲ့သည့် ရည်ရွယ်ချက်များကိုယ်၌ပင် ပြည်သူများဆေးလိပ်နှင့် ဆေးရွက်ကြီး၏ ကျန်းမာရေးထိခိုက်စေနိုင်မှုတို့ကိုသဘောပေါက်စေရန်၊ ကလေးသူငယ်နှင့် လူငယ် များအပါအဝင် ပြည်သူများကြား ဆေးလိပ်သောက် သုံးခြင်းအလေ့အထမှ တားဆီးကာကွယ်၍ ကျန်း မာသော နေထိုင်မှုဘဝရှိစေရန်ဟုပါဝင်သည်။ ဆေးလိပ်သောက်သုံးနေကြသည့် လူငယ်များ၊ လူကြီးများကိုယ်တိုင် သည် ပင်လျှင် ဆေး လိပ် ၏ ဘေးထွက်ဆိုးကျိုးအန္တရာယ်များအား သိရှိပြီးလည်း ဖြစ်သည်။ ကြီးမားသည့် ရောဂါအခြေအနေများအား ထဲထဲဝင်ဝင်မသိရှိသည့် တိုင်အောင် ဆေး လိပ် အနေဖြင့် အ ဆုတ်၊ နှလုံးနှင့်ခံတွင်းများအား ပြင်းထန်စွာထိခိုက်စေသည်ကိုမူ အကြမ်းဖျင်းသိရှိထားကြောင်း အထက်ပါ လူငယ်များအား မေးမြန်း ချက်အရ သိရသည်။
ဤသို့ဆိုလျှင် ဆေးလိပ်သောက်သုံးသူ လူ ငယ်များဆေးလိပ်ဖြတ်ရန် ခက်ခဲနေကြသေးသည် က အဘယ်ကြောင့်နည်း။ အလွယ်တကူဝယ်ယူနေ နိုင်ခြင်းကြောင့်လား။ စိတ်ခံယူချက်များကြောင့် လားဟူသည့် မေးခွန်းများက လည်ပတ်နေကြ သည်။ သို့သော်ဆေးလိပ်သောက်နေသည့် လူငယ်၊ လူကြီး၊ ကျား၊ မမရွေး ”ဆေးလိပ်ဖြတ်လို့ မရ သေးလို့ပါ”ဟူသည့်ခေါင်းစဉ်အောက်၌ ပုန်းခိုဆဲ ဖြစ်သည်။ ထိုသူတို့ထံတွင် ဆေးလိပ်ဖြတ်မည်ဟု ဆုံးဖြတ်ထားသည့် နေ့စွဲတချို့ကလည်း ရှိသည်။ သို့သော် ထိုနေ့ များဟူသည် ပြက္ခဒိန်၌ တိကျသေ ချာမှု မရှိသေး။
ဆေးလိပ်သောက်ရန် သီးသန့် နေရာ ရှိသည်/မရှိပါ
ဆေးလိပ်မသောက်ရမည့် နေရာများကို သင်သိပါသလား။ ထိုနေရာများ သတ်မှတ်ပေးထား ပြီးဖြစ်သည်ကို ဥပဒေ၏ အခန်း (၄) ဆေးလိပ် သောက်ခွင့် မရှိသောနေ ရာများဟူသည့် ပြဋ္ဌာန်း ချက်တွင်တွေ့နိုင်သည်။ ဆေးရုံ၊ ဆေးခန်း၊ အား ကစားရုံ၊ အားကစားကွင်း၊ ကလေးကစားရုံ၊ ကစားကွင်း၊ ကျောင်း၊ တက္ကသိုလ်၊ ရုပ်ရှင်ရုံ၊ ဇာတ် ရုံနှင့် ကုန်တိုက်၊ စတိုးဆိုင်နှင့် အမိုးအကာရှိ ဈေး ရုံများ၊ ပြတိုက်၊ စာကြည့်တိုက်၊ ဓာတ်လှေကားနှင့် မော်တော်ယာဉ်များ၊ လေယာဉ်များ၊ လေအေးစက် တပ် အများပြည် သူသုံးအခန်းများ၊ ခန်းမကြီးများ၊ သင်တန်းကျောင်း၊ ခန်းမများ အပါအဝင် ကျန်းမာ ရေးဝန်ကြီးဌာနမှ အမိန့်ကြေညာချက်ထုတ်ပြန် သတ်မှတ်သည့်နေရာများ စ သည်ဖြင့် နေရာ ၁၅ ခုခန့် ပါဝင်သည်။ ၎င်းထုတ်ပြန် ချက်များအား မလိုက်နာပါက သက်ဆိုင်ရာက ပြစ်ဒဏ်များဖြင့် အရေးယူမည်ဟုလည်း ပါဝင်သည်။ မှန်ပါသည်။ မြန် မာနိုင်ငံတွင်းရှိ ဆေးလိပ်သောက်သုံးနေသူအ များစုမှာ သတ်မှတ်ထားသည့် အထက်ပါနေရာ များ၌ ဆေးလိပ်သောက်သုံးနေခြင်းက နည်းပါး သည်။ အထူးသဖြင့် စူပါမားကက်၊ စားသောက် ခန်းနှင့် ရုပ်ရှင်ရုံများတွင် ဆေးလိပ်သောက်သုံး သည့်အလေ့အထများစွာမရှိတော့။ ယင်းက ဥပဒေ ပါ အချက်များသိ၍မဟုတ်ဘဲ အဆိုပါနေရာ များ၌ ထားရှိထားသည့် လုံခြုံရေးများ၊ တာဝန်ရှိသူများက ဟန့်တားခြင်းကြောင့်သာဖြစ်သည်ဟု အသက်သုံး ဆယ့်ငါးနှစ်အရွယ်ရှိပြီဖြစ်သည့် ဦးဇော်ဇော်ထွန်း က ဆို သည်။ ”အဲ့ဒီလို နေရာရောက်ရင် ဆေးလိပ်ထုတ် သောက်ဖို့ဆိုတာ အလိုလိုရှိန်သွားတယ်” ဟူ၍ဖြစ် သည်။
သို့သော် ထိုနေရာများတွင် သောက်သုံးမှုနည်းပါးလာသော်လည်း အများပြည်သူများ လွတ်လပ်စွာသွားလာလှုပ်ရှားနေသည့် ဧရိယာများ၊ လမ်းများတွင် ဆေးလိပ်သောက် သုံးသွားသူများ ရှိနေဆဲဖြစ်သည်။”ဘတ်စ်ကားပေါ်မှာတောင် ဆေးပေါ့လိပ် ကြီးထုတ်ပြီး သောက်နေတာ ကိုယ်တိုင်ကြုံခဲ့ဖူး တယ်။ စပါယ်ယာကလည်း မသိကျိုး ကျွံပြုနေတယ်။ ဒရိုင်ဘာကလည်း စီးကရက်သောက်ရင်းမောင်း နေတာလေ”ဟု ဆူးလေမှ မြောက်ဥက္ကလာသို့ သွားသည့် ၄၃ မထသ အထူးယာဉ်လိုင်းပေါ်တွင် တွေ့ ကြုံ ခဲ့ရသည့်အဖြစ်အပျက်ကို မဖူးဖူးက ပြန်ပြောင်းပြောပြသည်။
ဤသို့သောအဖြစ်များအား ဆေးလိပ်သောက် သုံးခွင့်ပြုသည့်နေရာများဖန်တီးကာ ပြုလုပ်ပေးသင့် သည်ဟု ဆေးလိပ်သောက်သူများက ဆိုသည်။ ရုံး၊ ဌာန၊ စက်ရုံ၊ အ လုပ်ရုံ၊ ဟိုတယ်နှင့် ဧည့်ရိပ် သာများ၊ ဘူတာရုံ၊ လေဆိပ်၊ သင်္ဘောဆိပ်နှင့် အ ဝေးပြေးကားဂိတ်များ၊ ပျော်ပွဲစားရုံများနှင့် အခြား သတ်မှတ်ခွင့်ပြုထားသည့် အဆောက် အ အုံများ တွင် ဆေးလိပ်သောက်သုံးခွင့်ရှိသည့် သီးသန့်နေ ရာများ စီမံထားရှိပေးရမည်ဟုလည်းဥပဒေအတွင်း ပါရှိသည်။ သို့သော် ဆေးလိပ်တရား ဝင် သောက် သုံး ရန်နေ ရာများနှင့် ဆေးလိပ်ကင်းမဲ့ဇုန်များမှာ ကား ပီပီပြင်ပြင် တည်ရှိလာခြင်း မရှိသေးပေ။
လက်လီ၊ လက်ကားဟူသည် စီးပွားရေး
ရန်ကုန်မြို့တွင်း လူစည်ကားရာ၌ဖွင့်ထား သည့် ကွမ်းယာဆိုင်များတွင် တစ်နေ့လျှင် ဆေး လိပ်ဘူး ၂ဝ ကျော်ခန့် ရောင်းချနေရပြီး ယင်းသို့ ရောင်းချခြင်းမှာ လက်လီ စနစ်ဖြင့် တစ်လိပ်၊ နှစ် လိပ်မှ စရောင်းချခြင်းဖြစ်သည်ဟု သိရသည်။ ထို့ပြင် လက်ဖက်ရည်ဆိုင်များတွင် တစ်ရက် ဆေးလိပ်ဘူး ၅ဝကျော်နှင့်အထက် ရောင်းချနေ ရပြီး တစ်ခါတစ်ရံ ဘူးလိုက်ဝယ်ယူမှုများလည်း ရှိ ကြောင်း ပုဇွန်တောင်မြို့နယ်ရေကျော်လမ်းမတန်းရှိ ကဖီးဆိုင်ပိုင်ရှင်တစ်ဦးကဆိုသည်။
ဆိုင်အတွင်း ဆေးလိပ်ဘူးများပြသထားသည့် မှန်ပုံးအရှေ့တွင်မူ ဆေးလိပ်သောက်ခြင်းသည် ကျန်းမာရေးကိုဆိုးရွားစွာ ထိခိုက်စေတတ်ကြောင်း အသိပေးစာတမ်း ကပ် ထားပေးသည် ဟုလည်း ဆိုသည်။ ရန်ကုန်မြို့ ကျောက်တံတားမြို့ နယ်အတွင်း ဆေးလိပ်နှင့်အရက်၊ ဘီယာအချို့ သီးသန့်ရောင်းချလျက်ရှိသည့် လက်လီ၊လက် ကား ဆိုင်ကမူ နောက်ပိုင်းတွင် နိုင်ငံခြားဖြစ်စီးကရက်များအစား ပြည်တွင်းမှ နာမည်ကြီးလာသည့် စီးကရက်ကိုသာ အားပြုရောင်းလာရ သည်ဟုဆိုသည်။ ၂ဝ၁၃ ခုနှစ် အတွင်း ပြည်တွင်းသို့ ပြန်လည်ဝင်ရောက်လာသည့် ထူးကဲသောအရသာနှင့် မူလအရသာအတိုင်းဟူသည့် စီးကရက်ပင်လျှင် တစ်ချိန်က နာမည်ကြီးခဲ့သော်လည်း လက် ရှိတွင် ရောင်းအားမရှိလှဟုလည်း သိရသည်။
ဆိုင်အတွင်း စီးကရက်ဘူးများက အမျိုးအစားစုံလင်စွာရှိနေဆဲဖြစ်ပြီး ဆေးလိပ်ဘူးခွံတိုင်းတွင် ကျန်းမာရေး သတိပေးစာတန်းများ၊ အသက်မပြည့်သေးသူ မရောင်းရ စာတန်းများ ပါဝင် နေဆဲဖြစ်သည်။ နိုင်ငံခြားဖြစ် နာမည် ကြီးဆေးလိပ်ဘူးများတွင်မူ ဆေးလိပ် သောက်ခြင်း၏ ပြင်းထန်သည့် ဆိုးကျိုး များကို ပုံများနှင့်တကွ ထည့် သွင်းဖော်ပြ လာကြသည်။ သို့သော် ယင်းတို့က ဈေး ကြီးမြဲဖြစ်ပြီး အဆိုပါပုံများပါ စီးကရက် ဘူးများအား စွဲမြဲစွာ အားပေးသူများက အားပေးဆဲလည်းဖြစ်သည်။
”ဆေးလိပ်၊ အရက်လုံးဝရောင်းခွင့် မပြုဘူးဆိုတာမျိုးမဟုတ်ဘဲ အသက်မပြည့်သေးတဲ့သူတွေကို မရောင်းဖြစ်ဖို့ ဖိဖိစီးစီးတားမြစ်တာပဲ ကောင်းမှာပါ။ ကျွန်တော်တို့က စီး ပွားရေးလုပ်နေ ကြတာလေဗျာ။ လာဝယ်မယ့်လူတိုင်းကို မှတ်ပုံတင်ပြခိုင်း၊ ပိုက်စိတ်တိုက်စစ်နေလို့ဘယ်ကောင်းမလဲ။ ဝယ်တဲ့သူတွေ မဝယ်ရဲအောင် တိတိကျကျ အရေး ယူ ကြ။ ရောင်းမိရင်လည်း ဆိုင်ကိုအပြစ်ပေးပေါ့” ဟု သာကေတမြို့နယ် ၉-ရပ် ကွက်အတွင်းရှိ ယမကာနှင့် ဖျော်ရည်မျိုးစုံ အရောင်းဆိုင်ရှင်က သူ့အမြင် ကို ပြော သည်။ တရားလွှတ်တော်ရှေ့နေ ဦးသိန်းသန်းဦးကမူ ”အခွန်တိုးကောက်တာမျိုးတို့၊ ကြော်ငြာခွင့်လည်း မပြုသင့်တာမျိုးတို့ကို တင်းတင်းကျပ်ကျပ် လုပ်သင့်ပြီ။ ဒါပေမဲ့ အဲ့ဒီရဲ့ အဓိကတာဝန်က ဈေး ရောင်းမယ့် စီးပွားရေးသမားနဲ့ လူငယ်တွေ မဟုတ်ဘူး။ အစိုးရ၊ ကျောင်းနဲ့ မိဘပဲ” ဟု မှတ် ချက်ပြုပြောကြားသည်။
၁၈ နှစ်မပြည့်လျှင် အောက်ပါအရာများ အသုံးမပြုသင့်ပါ
ဆေးလိပ်တစ်မျိုးတည်းသာ အသက် ၁၈ နှစ်မပြည့်လျှင် ခွင့်မပြုထားခြင်းမဟုတ်။ အရက်၊ ဘီယာသောက်သုံးမှုလည်း အပါအဝင်ဖြစ်သည်။ သို့သော် အသက် မပြည့်သေး သူများကိုပါ ရောင်းချနေခြင်းများရှိကြောင်း၊ ယခင်နှစ် ဒီဇင်ဘာလအတွင်းပြုလုပ်ခဲ့သည့် ရန်ကုန်တိုင်းဒေသကြီးလွှတ်တော်သတ္တမ ပုံမှန်အစည်းအဝေးတွင် ဒဂုံ အရှေ့ပိုင်းမြို့နယ် လွှတ်တော်ကိုယ်စားလှယ် ဦးခင်အောင်ထူးက အဆိုတင်သွင်း ပြောကြားခဲ့သည်။
ရန်ကုန်တိုင်းဒေသကြီး နယ်စပ် ရေးရာနှင့် လုံခြုံရေးဝန်ကြီး ဗိုလ်မှူး ကြီးတင်ဝင်းကမူ ၎င်းတို့အနေဖြင့် ယင်းသို့ ရောင်းချနေသူများအား ယစ်မျိုးဥပဒေနှင့် အညီ ဆောင် ရွက်နေလျက် ရှိပြီး ရောင်းချခြင်းသာမက ဝယ်ယူခြင်းမပြုရန်ကိုပါ ထည့်သွင်းပြဋ္ဌာန်းထားသည်ဟုဆိုသည်။ ထို့ကြောင့် လိုက်နာမှု ရှိ မရှိကိုမူ အဖွဲ့လိုက်စီမံချက်ချမှတ်ကာ ဝင်ရောက်စစ်ဆေးခြင်းများပြုလုပ်နေသည် ဟု သိရသည်။
ဆေးလိပ်၊ ဆေးရွက်ကြီး ဥပဒေ တွင်လည်း အသက်မပြည့်ဘဲ ဆေးလိပ် သောက်သုံးသူများအား ပထမအနေဖြင့် ပညာပေး၊ သတိပေးခြင်းနှင့် မိဘအုပ် ထိန်းသူ ကို ပြောကြားခြင်းပြုလုပ်ရမည် ဖြစ်ပြီး ထပ်မံကျူးလွန်ပါကသက်ဆိုင်ရာ ဝန်ကြီးဌာနဗဟိုအဖွဲ့၏ စည်းမျဉ်းစည်း ကမ်းများနှင့်အညီ အရေးယူသွားမည်ဟု ပါရှိသည်။မြန် မာနှင့် အိမ်နီးချင်းနိုင်ငံဖြစ် သည့် စင်ကာပူနိုင်ငံအတွင်း ဆေးလိပ် မသောက်ရဇုန်များစွာ သတ်မှတ်ထားပြီး ၎င်းဇုန်များတွင် ဆေးလိပ်သောက်ခြင်း ရှိမရှိကိုမူ လျှို့ဝှက် ကင် မရာများဖြင့် မှတ်တမ်းတင်လေ့ရှိသည်ဟု သိရသည်။စင်ကာပူတွင် အလုပ်လုပ်ကိုင်နေ သည့် အသက် ၂၃ နှစ်အရွယ် မြန်မာ နိုင်ငံသား ကိုဖြိုးသုခက ဆေးလိပ်ရောင်း ချ သူများအနေဖြင့် ဝယ်ယူသူအား အ သက်မပြည့်ဟုယူဆမိလျှင် နိုင်ငံသား သက်သေခံကတ်ပြားအားတောင်းယူ၍ တိုက်ဆိုင် ကြည့်ရှုလေ့ရှိသည်ဟု ဆို သည်။ အသက် မပြည့်လျှင် လုံးဝမ ရောင်း။ စည်းကမ်းဖောက်ဖျက်၍ အသက်မပြည့်ဘဲ ဆေးလိပ်သောက်သုံး ပါက စင်ကာပူဒေါ်လာ သုံးရာဒဏ် ရိုက်သည်ဟုသိရသည်။ ထို့ကြောင့် စင် ကာပူတွင် ဆေးလိပ်သောက်သည့် လူ ငယ်ကျဆင်းလာခြင်းဖြစ်သည်ဟု ၎င်းက ဆိုသည်။ ထို့ပြင် ဆေးလိပ်တစ်ဘူးလျှင် မြန်မာငွေ ၈၅ဝဝ ကျပ်နီးပါးရှိနေသည့် အ တွက် ဈေးနှုန်းအနေဖြင့် မတတ်နိုင် ခြင်းဖြစ်မည်ဟုလည်း ၎င်းက ထပ် လောင်း ပြောသည်။ အမှန်တကယ်ပင် ဆေးလိပ်ကင်း မဲ့ဇုန်များ ပေါ်ပေါက်နေပြီဖြစ်သည်။
ယခုမှစ၍ ဂရုပြုရန် သင့်ထံတာဝန်ရှိသည်
အသက် ၁၈ နှစ်မပြည့်သေးပါက ဆေးလိပ်မသောက်မိရန် ဥပဒေဖြင့် တားမြစ်ခြင်းသာမက ကိုယ်ပိုင်အသိ၊ ကိုယ်ပိုင်ခံစားမှုအပါအဝင် ကျန်းမာရေး အရ ကိုယ်တိုင်ပင် ဆင်ခြင်သင့်သည်ဟု အသက် ၂၅နှစ်ခန့် ရှိပြီဖြစ်သည့် ကိုမျိုး မင်းစိုး (အမည်လွှဲ)က ဆိုသည်။ သူက လက်ဖက်ရည်ဆိုင်၊ စတိုးဆိုင်နှင့် ကွမ်း ယာဆိုင်များသို့ စီးကရက်များ လိုက် လံဖြန့်ဖြူးပေးရသည့် အရောင်းမြှင့်တင် ရေး ဝန်ထမ်းတစ်ဦးလည်းဖြစ်သည်။ သို့သော် ၎င်းက သူကိုယ်တိုင် ဆေးလိပ်မသောက်ကြောင်း လက်မထောင်၍ ဆိုသည်။ ”စိတ်ပါပဲဗျာ။ အလုပ်အရသာ လိုက်ရောင်းပေးနေရပေမယ့် ယောင်လို့တောင် မမြည်းကြည့်ဘူး” ဟု ၎င်းက ဆိုသည်။
ကိုမျိုးမင်းစိုးကဲ့သို့ပင် ဆေးလိပ် နှင့် မနီးစပ်သည့်လူငယ်အများစုလည်း မြန်မာလူမှုပတ်ဝန်းကျင်အတွင်း ရှိနေ ဦးမည်ဖြစ်သည်။ ထို့ကြောင့် ဆေးလိပ် သောက်ခြင်းမှ ကင်းဝေးစေရန်ဆိုသည် က ခက်ခဲစွာတားမြစ်ရမည့်အရာ မဟုတ်သော်လည်း စနစ်တကျ လိုက်နာရန်အတွက်ကိုမူ တင်းကျပ်စွာလုပ် ဆောင်သင့်ပြီဖြစ်ကြောင်း ကျန်း မာရေး အသိပညာပေးစာပေများ ရေးသားနေ သည့် စာရေးဆရာများ ဆရာဝန်များက ထောက်ပြဆဲလည်း ဖြစ်သည်။
ဆေးလိပ်သောက်ခြင်း မရှိစေရန် နိုင်ငံအနှံ့အပြားတွင် နည်းလမ်းမျိုးစုံဖြင့် ဆောင်ရွက်နေကြပေလိမ့်မည်။ မြန်မာ နိုင်ငံတွင်လည်း ဆေးလိပ်သောက်ခြင်း သည် ကျန်းမာရေးအား ဆိုးရွားစွာ ထိ ခိုက်စေကြောင်းကို အကျယ်တဝင့် ရေး သားဖော်ပြကြသည်။ အသိပညာပေး လျက်ရှိသည်။ သို့သော် ထိရောက်စွာ အရေးယူ မှုအ ပိုင်းမှာမူ မြင်သာထင်သာ မရှိဘဲ အားနည်းနေဆဲ ဖြစ်သည်။ ”စီးကရက်သောက်ခြင်းသည် ကျန်းမာရေးကို ဆိုးရွားစွာထိခိုက်စေပါသည်” ဟူသည့် အသိပေး စာတန်းနှင့် ”အသက် ၁၈ နှစ် မပြည့်သေးသူများကို မရောင်းရ” ဟူသည့် သတိပေးချက်ကို သင်တို့ ရင်းနှီးစွာ မြင်တွေ့ဖူးပါလိမ့်မည်။
ထိုစာများသည် အရောင်းဆိုင်မှန် ကောင်တာများပေါ်နှင့် စီးကရက်ဘူးခွံများပေါ်တွင်တော့ သေသေချာချာ နေရာယူထားမြဲဖြစ်သည်။
သုတလင်း၊ မြတ်စုငြိမ်း၊ ဖိုးလပြည့်
popularmyanmar
