ဘားကမ့်ရန်ကုန် ၂၀၁၄ သို့ လာရောက်ရန် အွန်လိုင်းမှ မှတ်ပုံတင်သူပေါင်း လေးထောင်ကျော်ရှိပြီး လူငယ်အများအပြားဖြင့် စည်ကား

ပို့စ်တင်ချိန် - 2/02/2014 09:50:00 PM

ဘားကမ့်ရန်ကုန် ၂၀၁၄ သို့ တက်ရောက်လာသူများ စုပေါင်းဆွေးနွေးနေသည်ကို တွေ့ရစဉ်

ဘားကမ့်ရန်ကုန် ၂၀၁၄ ကို ဖေဖော်ဝါ ရီ ၁ ရက်နှင့် ၂ ရက်တို့တွင် MICT Park ၌ ကျင်းပလျက်ရှိပြီး အွန်လိုင်းမှမှတ်ပုံတင်သူပေါင်း လေးထောင်ကျော်ရှိခဲ့ကာ လူငယ်များဖြင့် စည်ကားခဲ့ကြောင်း သိရသည်။ နှစ်ရက်တာအတွင်း စုစုပေါင်းဆွေးနွေးမည့် အကြောင်းအရာပေါင်းမှာ ၁၅၀ ခန့်ရှိကြောင်း သတင်းရရှိသည်။

"ဒီနေ့ခေတ်မှာ မိုဘိုင်းဖုန်းတွေကို အသုံးပြုမှုများလာပြီး နည်းပညာသုံးစွဲမှု မြင့်မားလာတာတွေ့ရတယ်။ တတ်နိုင်တဲ့သူတွေဆိုလည်း စမတ်ဖုန်းတွေတစ်လုံးပြီးတစ်လုံး ပြောင်းကိုင်ကြတာမျိုးရှိတယ်။ ဒီလိုသုံးလာကြပေမယ့်လည်း ထိထိရောက်ရောက်သုံးနိုင်ရဲ့လား၊ အပြည့်အ၀အသုံးချနိုင်ရဲ့လားဆိုတာမေးစရာပါ။ အပြောင်းအလဲတွေအတွက် နည်းပညာကို အသုံးချနိုင်ဖို့လိုပါတယ်"ဟု ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးကိုကိုကြီးက ပြောကြားသည်။

"ဒီနှစ်ဘားကမ့်ပွဲမှာတော့ အခန်းပေါင်း ၁၂ ခန်း စီစဉ်ပေးခဲ့ပါတယ်။ အွန်လိုင်းကနေ မှတ်ပုံတင်သူအရေအတွက်ကတော့ လေးထောင်ကျော်ရှိပြီး ဒီရောက်မှမှတ်ပုံတင်သူတွေလည်း ရှိပါတယ်။ နိုင်ငံတကာ Barcam per ကတော့ ၁၅ ဦးဝန်းကျင်လောက်လာပါတယ်။ Felloship အစီအစဉ်အရ တိုင်းဒေသကြီးနဲ့ ပြည်နယ်ပေါင်းစုံကနေ လာရောက်တဲ့သူ ၂၂ ဦးရှိပါတယ်။ နှစ်ရက်ပေါင်းဆွေးနွေးမယ့် အကြောင်းအရာက ၁၅၀ လောက်ရှိပြီး ပထမရက်မှာ ဆွေးနွေးတာ အကြောင်းအရာ ၈၀ လောက်ရှိပါတယ်"ဟု ဘားကမ့်ကျင်းပရေးကော်မတီမှ မထိုက်ထိုက်အောင်က ဆိုသည်။

"မိုက်ခရိုဆော့ဖ်မှာ ၀န်ထမ်းနှစ်သိန်းရှိတယ်ဆိုရင် Windows က အလွန်ဆုံး လူနှစ်သိန်းလောက်ရဲ့ ခေါင်းနဲ့ရေးသားထားတယ်ပေါ့။ Linux ကတော့ Open Source ဖြစ်လို့ တစ်ကမ္ဘာလုံးကလူတွေရဲ့ အိုင်ဒီယာရှိရင်ရှိသလို ၀င်ရေးသားလို့ရတယ်။ ဓာတ်ပုံသမားကလည်း ကောင်းနိုးရာရာဓာတ်ပုံတွေကို Wallpaper အတွက် တင်ပေးသွားလို့ရတယ်" ဟု Ubuntu Myanmar LoCo Team မှ တာဝန်ရှိသူက Magic Ubuntu ခေါင်းစဉ်ဖြင့် ပြောဆိုဆွေးနွေးရာတွင် ထည့်သွင်းပြောကြားခဲ့သည်။

ဘားကမ့်ရန်ကုန် ၂၀၁၄ တွင် Official Partner အဖြစ်ပါဝင်ခဲ့သော တယ်လီနော် မြန်မာမှလည်း ဘားကမ့်ပွဲသို့တက်ရောက်လာသူများထံမှ စစ်တမ်းကောက်ခြင်းများ ပြုလုပ်ခဲ့သည်။

ဘားကမ့်ရန်ကုန်ပွဲများကို ၂၀၁၀ ပြည့်နှစ်မှစ၍ ကျင်းပခဲ့ခြင်းဖြစ်ပြီး စစချင်းကျင်းပသောနှစ်တွင် တက်ရောက်သူပေါင်း ၃၀၀၀ ခန့်ရှိခဲ့ကာ ၂၀၁၁ တွင်တက်ရောက်သူပေါင်း ၄၀၀၀ ခန့်၊ ၂၀၁၂ တွင် တက်ရောက်သူပေါင်း ၅၀၀၀ ခန့်၊ ၂၀၁၃ တွင် တက်ရောက်သူပေါင်း ၆၀၀၀ ခန့်ရှိခဲ့ကြောင်း မှတ်တမ်းများအရ သိရသည်။

မြန်မာနိုင်ငံတွင်ကျင်းပသော ဘားကမ့်ရန်ကုန်ပွဲများမှာ နိုင်ငံတကာတွင်ကျင်းပသော ဘားကမ့်ပွဲများကို နှစ်တိုင်းပင် စံချိန်ချိုးနိုင်ခဲ့ပြီး လာရောက်သူများမှာ တစ်နှစ်ထက်တစ်နှစ် ပိုမိုများပြားလာခဲ့ကြောင်း သိရသည်။

Eleven Media Group