ကြက်သားပြည်ပလာတာ
ပို့စ်တင်ချိန်
- 2/16/2014 12:25:00 PM
ဒေါ်ပုကတော့ ကြက်သားပြည်ပလာတာ ဆိုပေမယ့် ပလာတာတစ်မျိုးတည်းနဲ့ မစားပါဘူး။ ပလာတာ၊ စမူဆာ၊ကော်ပြန့်ကြော် တို့နှင့်ပါ တွဲဖက်ပြီး သုံးဆောင်ပါတယ်။ ပြည်ပလာတာချက်ရန်အတွက် ကြက်သား၊ ကြက်အသည်းအမြစ်၊ ကြက်လည်ပင်းရိုး၊ တောင်ပံ၊ ခြေထောက် စသည်တို့ပါ ထည့်ပြီးချက်လျှင် ပိုပြီးစားကောင်းပါတယ်။ ပထမဆုံး ကြက်သား၊ ကြက်အသည်းအမြစ်နှလုံး၊ ကြက်လည်ပင်းရိုး၊ တောင်ပံ၊ ခြေထောက် အားလုံးတို့ကို ရေစင်အောင်ဆေးပြီး အတုံးသေးသေးလေးတွေ တုံးကာ ဆား၊နနွင်းမှုန့်၊ ကြက်သားမှုန့်/အရသာမှုန့်/ဟင်းချိုမှုန့် ကြိုက်နှစ်သက်ရာ တစ်မျိုးမျိုးထည့်နယ်ထားပါ။ ပဲမှုန့်အစိမ်းကို ရေနှင့်ချေပြီးဖျော်ကာ အိုးအကြီးတလုံးထဲတွင် မကြာခဏမွှေပေးကာ ပဲအစိမ်းနံ့ပျောက်သည်အထိကြာကြာလေး တည်ထားပါ။ အားလူးအလုံးသေးများကို အခွံနွှာပြီး ဆားအနည်းငယ်နှင့် ရေစိမ်ထားပါ။
လေညှင်း ၄ပွင့်၊ ဖာလာစေ့ ၄စေ့၊ ငရုတ်ကောင်း ၃ စေ့ တို့ကို ညက်အောင်ထောင်းထားပါ။ ကြက်သွန်နီ၊ ကြက်သွန်ဖြူ ၊ဂျင်း တို့ကိုလည်း ညက်အောင်ထောင်းပြီး အိုးထဲသို့ ဆီသင့်ရုံထည့်ကာ နနွင်းအနည်းငယ်ဖြင့် ဆီသတ်ပါ။ ကြက်သွန်များရွှေရောင်သန်းပြီးမွှေးလာပါက မီးအရှိန်ရှော့ကာ ငရုတ်သီး အရောင်တင်မှုန့်၊ကလာဝေးရွက်၊သစ်ဂျပိုး နှင့် ညက်အောင်ထောင်းထားသော လေညှင်း၊ ဖာလာစေ့၊ ငရုတ်ကောင်းစေ့ တို့ကိုထည့်ပြီး စက္ကန့်ပိုင်းမျှ ကြာအောင် မွှေကာ လုံးထားသော ကြက်သား၊ ကြက်အသည်းအမြစ်၊ ကြက်ရိုး အားလုံးတို့ကို ထည့်ပြီး မီးအရှိန်ကို ပုံမှန်ပြန်ထားကာ ကြက်သားများကို ကြာကြာလေးလုံးပေးပါ။ ကြက်သားများရေခမ်းပြီး ဆီပြန်လာလျှင် အသင့်ကျိုထားသော ပဲရည်အိုးထဲသို့ ဖြေးဖြေးချင်းထည့်ကာ တည်ထားပေးပါ။ ပြီးနောက် အားလူးများကို ရေပြန်ဆေးကာ ဟင်းအိုးထဲသို့ ထည့်ပြီးမွှေပေးပါ။ ဟင်းအိုးကို မကြာခဏမွှေမွှေပေးပါ။ အောက်တွင်ပဲအနှစ်များ ကပ်ပြီးတူးနိုင်ပါသည်။ ဟင်းအရည်များပွက်ပွက် ဆူလာလျှင် ကြက်သားများနှင့် အားလူးများ နူး၊ မနူးနှင့် အပေါ့အငံမြည်းကြည့်ကာ လိုအပ်သည်များကို ထပ်ထည့်ပါ။ ကြက်သားများနှင့် အားလူးများအားလုံးနူးပြီးဆိုလျှင် ကြက်သားပြည်ပလာတာအတွက် ကြက်သားအားလူးဟင်း အရည်လေး သုံးဆောင်ရန် အဆင်သင့်ဖြစ်ပါပြီရှင်။
ပလာတာ၊ စမူဆာ၊ကော်ပြန့် တို့ကို ကြော်ထားပါ။ ဂေါ်ဖီ၊ကြက်သွန်နီ၊ရှောက်ရွက်/နံနံပင်/ပူစီနံ၊ငရုတ်သီးစိမ်း တို့ကို ပါးပါးလှီးထားပါ။ ပန်းကန်လုံးတစ်ခုထဲတွင် ပလာတာ၊ စမူဆာ၊ကော်ပြန့် တို့ကို အနေတော်လေးတွေညှပ်ထည့်ပါ။ ကြက်သားအားလူးဟင်းရည်ကို မွှေပြီးခပ်ထည့်ပါ။ ပါးပါးလှီးထားသော ဂေါ်ဖီ၊ကြက်သွန်နီ၊ရှောက်ရွက်/နံနံပင်/ပူစီနံ၊ငရုတ်သီးစိမ်း တို့ကိုထည့်ပါ။ သံပုရာရည်ညစ်ကာ အားလုံးကိုရောနယ်ပြီး အပေါ့အငံမြည်းကာ အရသာကောင်းမွန်သော ချဉ်ချဉ် ငံငံ စပ်စပ် ကြက်သားပြည်ပလာတာပူပူလေး သုံးဆောင်လို့ ရပါပြီရှင်။
ဒေါ်ပု လက်ရာ
