ကချင်ပြည်နယ်အတွင်း လက်နက်ကိုင်များနှင့် ဌာနဆိုင်ရာအချို့ ကျူးလွန်နေသည့် သစ်ခိုးထုတ်မှုများကို ပြည်ထောင်စုလွှတ်တော်၌ အချိန်မီဆွေးနွေးရန် မိုးကောင်းအမျိုးသား လွှတ်တော်ကိုယ်စားလှယ် တင်ပြမည်

ပို့စ်တင်ချိန် - 2/22/2014 03:04:00 PM

ကောင်လွင်နှင့် နန့်ဟင်ကြားတွင် ဖမ်းဆီးခဲ့သော သစ်ကားများကို ဖေဖော်ဝါရီ ၁၄ ရက်က တွေ့ရစဉ်

ကချင်ပြည်နယ်အတွင်း တရုတ်နိုင်ငံသို့ သစ်ခိုးထုတ်မှုများ နေရာအနှံ့ ဆက်တိုက်ဖြစ်ပေါ်နေပြီး လက်နက်ကိုင်တစ်ခုတည်း ကြောင့်မဟုတ်ဘဲ သက်ဆိုင်ရာဌာနနှင့် အစိုးရ၏ ပေါင်းစပ် လုပ်ဆောင်မှုကြောင့်ဟု မိုးကောင်းမြို့နယ် အမျိုးသား လွတ်တော်ကိုယ်စားလှယ် ဦးစံပြည့်က ဝေဖန်ပြောကြားလိုက်ပြီး သစ်ခိုးထုတ်မှုများကို ပြည်ထောင်စုလွှတ်တော်၌ အချိန်မီဆွေးနွေးရန် တင်ပြသွားမည်ဟု ပြောကြားခဲ့သည်။

မိုးကောင်းမြို့နယ် အမျိုးသားလွှတ်တော် ကိုယ်စားလှယ် ဦးစံပြည့်က ဖေဖော်ဝါ ရီ ၁၄ ရက်က ဗန်းမော်ခရိုင် မံသာ-စည် ခမ်းကြီး-ကောင်လွင်-နန့်ဟင်-စီအူလမ်း တစ်လျှောက် စစ်ဘေးကြောင့် ဒုက္ခရောက် သူများအား အကူအညီသွားပေးရာတွင် ကောင်လွင်နှင့် စီအူကျေးရွာကြားတွင် တပ်မတော် ထောက်ပံ့ယာဉ်တန်းမှ သစ်တင်ကား ကိုးစီး၊ လူ ၃၃ ဦး ဖမ်းဆီးခြင်းကို ကိုယ်တိုင် မြင်တွေ့ရပြီးနောက် The Daily Eleven သို့ ဆက်သွယ် ပြောကြားခဲ့ခြင်းဖြစ်သည်။

“ဒေသခံတွေကို အလှူသွားပေးရင်းနဲ့ ကိုယ်တွေ့ကြုံခဲ့ရတာ။ ဖေဖော်ဝါရီ ၁၄ ရက်က ကောင်လွင်နဲ့ နန့်ဟင်ကြားမှာမိတာ။ ကားတွေက သရီးဂရောင်းကားတွေ။ တရုတ်နိုင်ငံထုတ် ကားတွေပါ။ ကိုးစီးမှာ ရှစ်စီးက သစ်တွေအပြည့်ပါတယ်။ တရုတ်နိုင်ငံသား မပါဘူး။ ယောက်ျားမိန်းမ ၃၃ ဦးပါတယ်။ ဧရာဝတီမြစ်ဘက်ကနေ တရုတ်နိုင်ငံဘက် သွားတဲ့လမ်းဘက်မှာ ပက်ပင်းတိုးမိတာပါ။ အစီးရေဆယ်ဂဏန်း ရှိနိုင်ပေမယ့် ထွက်ပြေးသွားကြတယ်။ လုံခြုံရေးကြောင့် ဆက်မလိုက်နိုင်ဘူး။ ဒုတပ်ရင်းမှူးဦးစီးတဲ့ ခလရ ၄၇ စစ်ကြောင်း ၂ ထောက်ပို့တပ်က ဖမ်းတာပါ။ လမ်းတွေကနေရာ အနှံ့ရှိပြီး သစ်ခိုးတဲ့အဖွဲ့တွေက တပ်မရှိတဲ့နေရာကို ဖြတ်တာ ပဲ။ ကေအိုင်အေက အကာအကွယ်ပေးထားတာ။ သစ်ကောင်းက ဧရာဝတီအရှေ့ကမ်းမှာ မရှိသလောက် ကုန်သွားပါပြီ။ အခု တရုတ်ကို ခိုးထုတ်နေတဲ့ သစ်တွေက ဧရာဝတီအ နောက်ကမ်းကလာတာ။ စစ်ကိုင်းတိုင်း၊ မန္တလေးတိုင်းကတွေလာပြီး အဲဒီနေရာမှာ လာစုတာပေါ့။ ဧရာဝတီမြစ်ကိုလည်း ဖြစ်တဲ့ နည်းနဲ့ ကူးကြတာပေါ့။ လမ်းတွေလည်း အများကြီးဖြစ်နေတာ။ ဖြတ်သွားတာလည်း တစ်စီးနှစ်စီးမဟုတ်ဘူး။ ရာချီနေတာပဲ။ တရားဝင်လိုကို ဖြစ်နေတာ။ ဒါတွေ ပပျောက်အောင်လုပ်ဖို့ဆိုရင် ကချင်ပြည်နယ်အစိုးရ၊ မန္တလေးတိုင်းအစိုးရ၊ စစ်ကိုင်းတိုင်းအစိုးရ နဲ့ သက်ဆိုင်ရာ သစ်တောဝန်ကြီးဌာနတွေ ည§ိနှိုင်းတိုင်ပင်သင့်ပြီ။ ထုတ်တဲ့လမ်းကြောင်း မှာမဖမ်းဘဲ စခုတ်တဲ့နေရာကို ဆင့်ကဲဆင့် ကဲ တားမြစ်ဖို့ လိုတာပေါ့။ တပ်မတော်တစ်ခုတည်း လုပ်လို့မရဘူး။ သက်ဆိုင်ရာဝန်ကြီး ဌာန၊ အစိုးရတွေ ကြပ်မတ်ပြီးလုပ်ရင် ဒီလောက်ရှည်တဲ့ လမ်းကြောင်းကြီးကို လွတ်ထွက်နိုင်စရာ အကြောင်းမရှိဘူး”ဟု ပြောကြားသည်။

ဗန်းမော်ခရိုင် သစ်တောညွှန်မှူး ဦးဝင်းမြင့်က “ကချင်ဒေသမှာတော့ သစ်မထွက်တော့ဘူး။ အခြားဒေသတွေကို ပိတ်နိုင်ရင်တော့ သူ့အလိုလို ရပ်သွားမှာပဲ။ တရုတ်တွေ ပါလာတယ်။ အခြေအနေကြည့်ပြီး တပ်မတော်နဲ့ ပူးပေါင်းလုပ်နေရတာပါ။ ၁၄ ရက် က ဖြစ်တာလည်း ဘာအချက်အလက်မှ မရောက်သေးဘူး။ ကျွန်တော်လည်း လွှတ်တော်ကိုယ်စားလှယ် ဦးစံပြည့်ပြောလို့ သိရတာ။ မိုးမောက်မြို့နယ်ထဲက ဂျာအင်ယန်မှာ ခန့်မှန်းတန် ၁၅ဝဝ ကျော်လောက်ရှိတယ်လို့ တပ်ကအကြောင်း ကြားထားတယ်။ ပုံရှည်ကျေးရွာအနီးမှာ တပ်ကသိမ်းထားတာ ရှိတယ်လို့ သိရတယ်။ တမလန်းသစ်တွေလို့ သိရတယ်။ သစ်ခိုးထုတ်တဲ့ နေရာတွေက ကျွန်တော်တို့သွားလို့ မရတဲ့နေရာ၊ တရားဥပဒေ စိုးမိုးလို့မရတဲ့နေရာတွေ ဖြစ်နေတယ်။ ဧရာဝတီအနောက်ကမ်း ဆင်ဘို၊ ရွှေကူဆိုပါတော့ ကျွန်တော်သွားလို့မရတဲ့ နေရာတွေရှိနေတယ်”ဟု ဖေဖော်ဝါရီ ၂ဝ ရက်ကThe Dily Elevenသို့ ပြောကြားသည်။

Eleven Media Group