AIDS နှင့် ကမ္ဘာ (၆)

ပို့စ်တင်ချိန် - 2/02/2014 05:39:00 PM

AIDS ဟာ ဒီလိုပဲ အဲဒီအချိန်က လူတွေသိတဲ့ နည်းနဲ့ရော၊ မသိတဲ့ နည်းနဲ့ပါ ကူးစက်ပြန့်ပွားလာလိုက်တာ ကမ္ဘာကို သိပ်မကြာခင် အတွင်းမှာပဲ ပတ်မိသွားတော့တာပဲ။ ပထမ မှာတော့ ဘယ်အတိုင်းအတာအထိ ပြန့်သွားပြီ ဆိုတာကို ပြောဖို့ရာ အင်မတန်မှ ခက်ပါတယ်။ ဘာကြောင့်လဲ ဆိုတော့ အဲဒီအချိန်မှာ ဆေးပညာရှင်တွေနဲ့ ကျန်းမာရေး ဝန်ထမ်းများက ရောဂါအကြောင်းကို ပြည့်စုံအောင် မသိကြသေးဘူး။ အချို့ နိုင်ငံတွေကလည်း သူတို့ဆီမှာ AIDS ဖြစ်နေပြီ ဆိုတာကို တရားဝင် ကြေညာဖို့ရာကို ရွံ့နေကြတယ်။ တရားဝင် ကြေညာခဲ့တဲ့ AIDS ရောဂါသည် စုစုပေါင်း ဂဏန်းနံပါတ်ကတော့ အစစ်တကယ် ရှိနေတာထက် နည်းနေတယ်လို့ ယူဆရတယ်။

ကမ္ဘ့ကျန်းမာရေး အဖွဲ့ရဲ့ အဆိုအရ ၁၉၈၇ ခုနှစ်မှာ ကမ္ဘာရှိ AIDS ရောဂါသည်များရဲ့ စာရင်းဟာ အစစ်အမှန်ရဲ့ ၅၀ % လောက်သာ မှတ်တမ်းတင်ပြိး ရှိတယ်။ အချို့ တိုင်းပြည်တွေက သူတွေဆီမှာ AIDS လုံးဝ မရှိလို့ ပြောခဲ့တယ်။ ဒါပေမယ့် ၁၉၈၈ ခုနှစ်မှာတော့ အရင်က “မရှိ” လို့ ပြောခဲ့တဲ့ တိုင်းပြည်တော်တော်များများက ရှိနေပြီလို့ ဝန်ခံလာကြတယ်။ ဖွံ့ဖြိုးဆဲ နိုင်ငံတွေမှာတော့ ကျန်းမာရေး သတင်းပို့မှု စနစ်နဲ့ ယန္တရားဟာ သိပ်ပြီး မပြည့်စုံသေးတဲ့ အခြေမှာ ဆိုတော့ AIDS ရောဂါသည် အများစုဟာ မှတ်တမ်းတင်ခြင်း မခံရပဲ ရှိနေမှာလို့ ယူဆကြတယ်။

ကျန်းမာရေး သတင်း ပေးပို့မှု ကောင်းတဲ့ အမေရိကန်မှာတောင် ကမ္ဘာကျန်းမာရေး အဖွဲ့က ချမှတ်ထားတဲ့ AIDS ရောဂါ သတ်မှတ်ချက်များနဲ့ ကိုက်ညီတဲ့ ရောဂါသည်တွေထဲက ၉၀ % ရာနှုန်းပြည့် မဟုတ်) သာ တိုင်းကြား မှတ်တမ်းတင်ခဲ့ကြတာကို တွေ့ရတယ်။ ဥရောပမှာ တော့ ၅၀ % ဟာ သတင်းပို့ တိုင်းကြားခြင်း မလုပ်ပဲ နေတာ ရှိတယ်လို့ ဆိုကြတယ်။ အချို့ တိုင်းပြည်တွေမှာတော့ သေစာရင်း ရေးပေးသူ ဆရာဝန်က AIDS ရောဂါအစား “ အဆုတ်ရောင်” “ကင်ဆာ” လို့သာ မှတ်တမ်းမှာ ရေးပေးလိုက်တယ်။

အရင်းခံရောဂါဖြစ်တဲ့ AIDS ကိုတော့ မဖော်ထုတ်တော့ဘူး။ အကြောင်းကောတ့ လူနာနဲ့ လူနာ မိသားစုကို မကောင်းသတင်း ကျော်ကြားမှုကို မပေးစေလိုတဲ့ သဘောပါပဲ။ ယခုအထိ AIDS ကြောင့် လူတွေ ဘယ်ရွေ့ဘယ်မျှ သေခဲ့ပြီ ဆိုတာကို အတိအကျ မပြောနိုင်ပါဘူး။ ကမ္ဘာ့ကျန်းမာရေး အဖွဲ့ရဲ့ ခန့်မှန်းချက်အရ ၁၉၈၇ ဆုံးလောက်မှာ AIDS ကြောင့် သေခဲ့တဲ့ သူတွေဟာ ၁၅၀၀၀၀ လောက် ရှိပြီလို့ ဆိုခဲ့တယ်။ ၁၉၈၈ ခုနှစ်အတွင်းမှာ နောက်ထပ် လူပေါင်း ၁၅၀၀၀၀ ဟာ AIDS ရောဂါ ဖြစ်ကြမှာတဲ့။

အမေရိကန်မှာ ၁၉၈၈ အထိ လူပေါင်း ၆၅၀၀၀ AIDS ကြောင့် သေဆုံးခဲ့ပြီး ဖြစ်တယ်လို့ စာရင်းအင်းအရ သိရတယ်။ တကယ့် ကိန်းဂဏန်းထက် ၁၀ % လောက် လျော့တန်ရာ ရှိတယ်လို့ သက်ဆိုရာ တွေက မှတ်ချက်ချထားကြတယ်။ AIDS ကပ်ရောဂါဟာ ကမ္ဘာမှာ အခုမှ အစပျိုးရုံ ရှိပါသေးတယ်။ တကယ် သေကြရမယ့် လူတွေရဲ့ စစ်မှန်တဲ့ အရေအတွက်ကတော့ နောက် နှစ်တော်တော်ကြာမှ သိရမှာ ဖြစ်တယ်။ ဆတက်ထမ်းပိုး ဆိုးမှာကတော့ သေချာပါတယ်။ အခုအချိန် AIDS ရောဂါပိုး ကိုယ်တွင်းရောက်ပြီးသား ဖြစ်ပေမယ့် ရောဂါလက္ခဏာတွေ မပေါ်ပေါက်သေးတဲ့ လူနာတွေက အဲဒီ အခါကျမှ တကယ် နာမကျန်း ဖြစ်လာပြီး သေကြမှာ ဖြစ်တယ်။

ဒီတော့ AIDS ရောဂါ ပွားနှုန်းအရှိန်ကို ခြုံငုံပြီး အချိန်စဉ်လိုက် စီပြီး ကြည့်ရှု တွေ့ရတာကတော့ -

၁၉၈၁ - ခုနှစ်ဆုံးမှာ အမေရိကန်ရှိ Centre for Disease Control (CDC) မှ ကြေညာချက်အရ အမေရိကန်မှာ AIDS ရောဂါ လူနာ ၁၈၀ ရှိတယ်။ ၆ လ အကြာမှာ ၄၉၃ ဖြစ်ပြီး ပြည်နယ် ၅၀ အနက် ၂၄ ပြည်နယ်မှာ ရောဂါ ရှိနေပြီး။ အဲဒီအချိန်မှာပဲ ဥရောပမှာ ၂၀၀ ရှိပြီး အဲဒီအထဲက ၄၂ ဦးကတော့ အာဖရိကမှ နေသူတွေဖြစ်ပြီး ဥရောပမှာ ဆေးလာကုကြသူတွေ ဖြစ်တယ်။

၁၉၈၂ - ကမ္ဘာ ကျန်းမာရေး အဖွဲ့ရဲ့ ထုတ်ပြန်ချက်အရ ၁၆၆၈ ဦး ရှိပြိး ၁၆ နိုင်ငံက သတင်းပို့တာ ဖြစ်တယ်။ အဲဒီ အထဲက ၃ နိုင်ငံသာ ဥရောပနဲ့ အမေရိကတိုက် အပြင်ဘက်က ဖြစ်တယ်။ ( တော်အာဖရိက၊ အစ္စရေးနဲ့ သြစတြေးလျ)

၁၉၈၃ - မှာတော့ ကမ္ဘာပေါ်မှ AIDS ရောဂါသည် စုစုပေါင်းဟာ အရင်နှစ်ကထက် ၃ ဆတက်သွားပြီး (၅၀၉၆) ဦး အဲဒီ အထဲမှာ အာဖရိကနိုင်ငံ တော်တော်များများမှာ AIDS ရှိနေပြီ ဖြစ်ပေမယ့် Rwanda နိုင်ငံတစ်ခုတည်းကသာ မှတ်တမ်းထားပြီး ကမ္ဘာ့ကျန်းမာရေး အဖွဲ့ကို သတင်းပို့ခဲ့တယ်။

၁၉၈၄ - မှာတော့ အာဖရိကက တတိယ မြောက်နိုင်ငံနဲ့ အာရှက ဒုတိယမြောက်နိုင်ငံ (ထိုင်း) က AIDS ရှိကြောင်း မှတ်တမ်းတင် သတင်းပို့ခဲ့တယ်။

၁၉၈၅ - နောက်ထပ်တစ်ခါ ရောဂါ ၂ ဆ တိုးပြန်တယ်။ (၂၄၅၉၁ ဦး) ဒီနှစ်မှာတော့ အမေရကတိုက်ရှိ နိုင်ငံပေါင်း ၃၃၊ ဥရောပ ၂၀၊ အာဖရိက ၆ နိုင်ငံနဲ့ အာရှ/အိုရှံနီးယား (ပစိဖိတ် သမုဒ္ဒရာရှိ ကျွန်းစုနဲ့ ကျွန်းငယ်ကလေးများ) ၆ နိုင်ငံမှ AIDS မှတ်တမ်းတင်လို့ ရခဲ့ပြီ။

၁၉၈၆ - မှာ တတိယ အကြိမ် ရောဂါနှစ်ဆတက်သွားတယ်။ (စုစုပေါင်း ၄၅၉၆၆ ဦး) ဖြစ်တဲ့ နိုင်ငံ စုစုပေါင်း ၁၀၂ နိုင်ငံ)

၁၉၈၇ - နှစ်ဆုံးမှာ စုစုပေါင်း ၇၃၇၄၇ ဦးနဲ့ နိုင်ငံ စုစုပေါင်း ၁၂၉ နိုင်ငံ။

၁၉၈၈ - ဇွန်လအထိ ၁၀၀၄၅၀ ဦး ရှိနေပြီ၊ ၁၉၈၉-၉၀ ဟာ AIDS ရောဂါ သတ်တမ်း ၁၀ နှစ်ပြည့်တဲ့ ကာလ ဖြစ်တယ်။ AIDS အခြေအနေ ဘယ်လိုရှိနေသလဲ ဆိုတာ သုံးသပ်ကြည့်လိုက်တော့ ၁၉၈၉ ဇွန်လမှာ ကမ္ဘာ့ ကျန်းမာရေး အဖွဲ့ကို တရားဝင် သတင်းပို့လို့ သိရတဲ့ လူနာပေါင်း ၁၅၇၁၉၁ ယောက်နဲ့ နိုင်ငံပေါင်း ၁၄၉ နိုင်ငံ ( အဲဒီ အထဲမှာ မြန်မာ ပါလာပြီ) ဖြစ်တယ်။

ဒေါက်တာ ဒေါ်မြင့်မြင့်ခင် ရေးသားသော “လူတိုင်းအတွက် ထိုးတဲ့ ခေါင်းလောင်း” စာအုပ်မှ ပြန်လည်ရေးသား ဖော်ပြထားခြင်း ဖြစ်ပါသည်။

HIV Information for Myanmar