နည်းပညာအသုံးချရေး Tech Camp ကို ရန်ကုန်တွင် ပထမဆုံးကျင်းပ
ပို့စ်တင်ချိန်
- 1/14/2014 10:55:00 AM
နည်းပညာပိုင်းမှာ ကမ္ဘာကြီးနဲ့ အဆက်ပြတ်နောက်ကျခဲ့ရတဲ့ မြန်မာလူငယ်တွေအတွက် တီထွင်ထားပြီးသား နည်းပညာတွေကို ဘယ်လိုအသုံးချမလဲဆိုတာ ပြသဆွေးနွေးတဲ့ Tach Camp ကို ရန်ကုန်မြို့မှာ ဇန်နဝါရီ ၁၃ရက်က စတင်ကျင်းပခဲ့ပါတယ်။
နှစ်ရက်ကြာ ကျင်းပမယ့် ဒီဆွေးနွေးပြသပွဲကို အမေရိကန်သံရုံး၊ USAID နဲ့ MiDo တို့ပူးပေါင်းတာဖြစ်ပြီး ဒီပြသဆွေးနွေးပွဲ အောင်မြင်မှုရလဒ်ကတော့ တက်ရောက်လာတဲ့ လူငယ်တွေအပေါ်သာ မူတည်နေတယ်လို့ ဘလော့ဂါ နေဘုန်းလတ်က ဆိုပါတယ်။
မြန်မာလူငယ်တွေဟာ နည်းပညာပိုင်း အသိနောက်ကျနေတာမျိုးမဟုတ်ဘဲ ပြည်တွင်းမှာ ဝယ်ယူလို့မရတဲ့ အခက်အခဲတွေရှိနေတာကြောင့် ဗြိတိန်နိုင်ငံက ထုတ်တဲ့ နည်းပညာကုန်ပစ္စည်းတစ်ခုကို လာပြီး မိတ်ဆက်တာလို့ ကိုကိုရဲက ဆိုပါတယ်။
နည်းပညာဆိုင်ရာ ခေါင်းစဉ် ၁၆ခုခွဲပြီး ကြိုက်နှစ်သက်ရာ နည်းပညာအကြောင်း လေ့လာနိုင်ဖို့စီစဉ်ထားတဲ့ ဒီ TechCamp ကို နယ်အသီးသီးက လူငယ် ၁၅ဝကို တက်ရောက်ခွင့်ပေးခဲ့ပြီး ကုန်ကျစားရိတ်တွေကို တာဝန်ယူခဲ့တယ်လို့ ဆိုပါတယ်။
Kamayut Media
