အထက်တန်းကျောင်း နှစ်ကျောင်းကြားက ပေါ်ပေါ်ထင်ထင် KTV ဆိုင်ကြီး

ပို့စ်တင်ချိန် - 1/07/2014 07:03:00 PM

အထက်တန်းကျောင်း နှစ်ကျောင်းကြားက ပေါ်ပေါ်ထင်ထင် KTV ဆိုင်ကြီး

ယနေ့လူငယ် များသည် နောင်တစ်ခေတ် နိုင်ငံတော်၏ ခေါင်းဆောင်များ ဖြစ်ကြ ပေလိမ့်မည်။ တစ်နည်း အားဖြင့် နိုင်ငံ့ သားကောင်း ရတနာ များပင် ဖြစ်ပေသည်။ '' အမျိုးသား စည်းကမ်းအစ စာသင်ကျောင်းက '' ဟူသော ဆောင်ပုဒ်နှင့် အညီ စိတ်ဓာတ် ၊ စည်းကမ်း ၊ ပညာ သာမက ကျောင်းသား ၊ ကျောင်းသူများ အတွက် အထူး လိုအပ် အရေးပါ လှသော စာရိတ္တ မဏ္ဍိုင် မယိုင်မလဲ စေရန် အတွက်လည်း ပဲ့ပြင် ထိန်းကျောင်း သင်ကြား ပေးလျက် ရှိနေ ပေသည်။

ယခု အချိန်အခါတွင် ငယ်ရွယ်သူ ကျောင်းသား လူငယ်များကို ဗလငါးတန် ဖွံ့ဖြိုးရေး အတွက် အရှိန်အဟုန်ဖြင့် သင်ကြား ပို့ချ ပေးရမည့် တာဝန်မှာ အခြေခံ ပညာကျောင်း များတွင် တည်ရှိ နေပေသည်။ ကျောင်းမှ ဆရာ ၊ ဆရာမ များကလည်း မိမိတို့ တပည့် သားသမီးတို့ အပေါ်တွင် ဝိဇ္ဇာ ၊ သိပ္ပ ဟူသော အသိပညာ ၊ အတတ်ပညာ များသာမက အကြောင်း အကျိုး ၊ အဆိုး အကောင်း တို့ကို ခွဲခြား သိမြင်စေသော ပညာဉာဏ် တိုးတက် ဖွံ့ဖြိုးရန် အတွက်ပါ ကြိုးကြိုးစားစား သင်ကြား ပို့ချ ပေးနေချိန်တွင် မလိုလား အပ်သော စာရိတ္တ မဏ္ဍိုင် ယိမ်းယိုင် စေမည့် အနေအထိုင် ၊ အပြောအဆို ၊ အပြုအမူ၊ အတွေးအမြင် မှားများ ယနေ့ ကျောင်းသား ၊ ကျောင်းသူတို့ မြင်တွေ့ ကြားသိ သွားမည် ဆိုပါက လမ်းမှားသို့ ရောက်ရှိ သွားနိုင်ပေသည်။

အဘယ့်ကြောင့် ဆိုသော် ပြင်ဦးလွင်မြို့ ၏ မြို့လယ် အမှတ်(၄) အခြေခံ ပညာ အထက်တန်း ကျောင်းနှင့် စာပန်းအိမ် ကိုယ်ပိုင် အထက်တန်း ကျောင်း နှစ်ခုကြားတွင် Holiday KTV အမည်ဖြင့် ပေါ်ပေါ်ထင်ထင် ဆိုင်းဘုတ်ကြီး ဖြင့် ကာရာအိုကေ လုပ်ငန်း လုပ်ကိုင် နေသောကြောင့် ဖြစ်ပေသည်။ ဆိုင်ဖွင့်ချိန် မှာလည်း နံနက် ၉ နာရီမှ ည ၁ဝ နာရီဟု ဖော်ပြ သတ်မှတ် ထားရာ ကျောင်းသား ၊ ကျောင်းသူများ နေ့စဉ် စာသင်ကြား ချိန်နှင့် စာကျက်ချိန် တို့ ဖြစ်နေ လေသည်။

ယခု အချိန်အခါသည် ကျောင်းသား လူငယ်တိုင်း အတွက် အတန်းတင် စာမေးပွဲကြီး ဖြေဆိုရန် အလွန် နီးကပ်၍ ကြိုးစား ကျက်မှတ် သင်ယူ နေချိန်တွင် ကျောင်းနှစ်ကျောင်း ကြားမှ KTV ကာရာအိုကေ ဆိုင်သည် အနှောင့်အယှက် ဖြစ်သည်မှာ အမှန်ပင် ဖြစ်ပေ လိမ့်မည်။

ထို့ထက်ပို၍ ကာရာအိုကေ ဆိုသည်မှာ အစားအသောက် မှအစ အရက် ဘီယာများ နှင့် မိန်းကလေးများ သီချင်းသီဆို ပျော်ပါးကြလျက် ရှိရာ အထက်တန်း ကျောင်းသား ၊ ကျောင်းသူတို့ အတုမြင် အတတ်သင် မှုများ ဖြစ်လာ နိုင်သည်။ အထက်တန်း ကျောင်းသား ဆိုသည်မှာ စူးစမ်း တတ်မြောက် လွယ်သော အရွယ် ဖြစ်သောကြောင့် အတုခိုးမှားပြီး လမ်းမှား ရောက်ရှိ သွားပါက ကျောင်းသား ၊ ကျောင်းသူ ကိုယ်တိုင် အတွက် သာမက မိဘ ၊ ဆရာ ၊ ဆရာမ တို့ကစပြီး နောက်ဆုံး တိုင်းပြည် အတွက်ပါ နစ်နာ ဆုံးရှုံးမှုတို့ ဖြစ်ပေါ် စေနိုင်သည်။

ထိုဆိုင်သို့ လာရောက် အပန်းဖြေ သူများနှင့် ဆိုင်၏ ဝန်ဆောင်မှု တို့ကို ယနေ့ ကျောင်းသား လူငယ်များ အားကျ ဂုဏ်ယူစွာ အတုယူ မိပါက ယခု လတ်တလော ပစ္စုပ္ပန် အချိန်တွင် သာမက နောင် အနာဂတ် ဘဝ အတွက်ပါ မလှမပ ဖြစ်ကြရပေ လိမ့်မည်။



ထို့ကြောင့် နိုင်ငံ၏ သားကောင်း ရတနာ ၊ သမီးကောင်းရတနာ များဖြစ်သော ငယ်ရွယ်သူ ကျောင်းသား ၊ ကျောင်းသူတို့ လမ်းလွဲ ၊ လမ်းမှား မရောက်ရှိဘဲ နောင်တစ်ချိန်တွင် တိုင်းပြည်၏ အားကိုး အားထားပြု ရသော လူကောင်း ၊ လူတော်များ ဖြစ်လာစေရန် ဤကဲ့သို့သော အရေးကြီးသည့် အချိန် ၊ အရေးကြီးသည့် နေရာ အထက်တန်း ကျောင်းနှစ်ကျောင်း ကြားတွင် KTV ကာရာအိုကေ ဆိုင်ဖွင့်ခြင်း ၊ ဖွင့်ခွင့်ပြုခြင်း တို့ကို ပြန်လည် သုံးသပ် ဆောင်ရွက် ပေးပါရန် မေတ္တာ စေတနာဖြင့် တိုက်တွန်း ရေးသား အပ်ပေသည်။

Myawady News