ဆံပင်သားကို Chemical နဲ့ထိတွေ့ ပြီးသွားရင်တော့ Treamentလုပ်ပေးဖို့ မမေ့ပါနဲ့လို့ ဆိုတဲ့ Hello beauty saloonမှမချို

ပို့စ်တင်ချိန် - 1/19/2014 04:58:00 PM

ဒီနေ့ခတ် လူငယ်တွေအများစုဟာ ကိုယ်နဲ့လိုက်ဖက်တဲ့ ဆံပင်ပုံစံတွေကို ရွေးချယ်တတ်လာကြသလို ကိုယ့်ဆံပင်ကို ဘယ်လို ထိန်းသိမ်းရမယ်၊ ဘယ်လိုပြန်ဂရုစိုက်ပေးသင့်တယ်ဆိုတာတွေကိုလည်း နားလည်သင့်သလောက် နားလည်လာကြပါပြီ။ ဒါ့ကြောင့် ဆံပင်နဲ့ ပတ်သက်ပြီး ကိုယ်သိထားတဲ့ ဗဟုသုတတွေအပြင် ပိုပြီး သိသင့်တာတွေကို သိထားရအောင် ဆံပင်ပညာရှင်တစ်ယောက်ဖြစ်တဲ့ Hello beauty saloonမှမချိုကို သိချင်တာလေးတွေ ကိုမေးမြန်းဖြစ်တဲ့အခါ

၂၀၁၄မှာ လူငယ်တွေရဲ့ ဆံပင်စတိုလ်နဲ့ ပတ်သက်ပြီး ဘယ်လိုမြင်ပါသလဲ။

၁၆နှစ်အထက်ကနေ ၂၀ကျော်လူငယ်လေးတွေဆို တော်တော်များများ အရမ်းဟော့တာကို တွေ့လာရတယ်။ ဆံပင်ဘေးကို shave လုပ်တာကြတာ။ ပြီးတော့ သူများနဲ့ မတူတဲ့ ကိုယ့်အပြင် နောက်တစ်ယောက်မရှိတဲ့ ဆံပင်ပုံစံစတိုင်လ်မျိုးတွေ လုပ်လာကြတယ်။ အများလုပ်သလို လိုက်မလုပ်ကြတော့ပဲနဲ့ ကိုယ်တစ်ဦးတစ်ယောက်တည်း တီထွင်ထားတဲ့ ဒီဇိုင်းမျိုးတွေ၊ အဲဒါမျိုးတွေကို လုပ်ရဲလာကြတယ်။ လုပ်ချင်လာကြတယ်။ အစ်မတို့ဆီကို လာတဲ့လူငယ်တွေ ကိုယ်တိုင်ကလည်း အဲဒီလိုပုံစံမျိုးတွေပဲ လုပ်ပေးဆိုတာချည်းပဲ တောင်းဆိုလာကြတယ်။

ဆံပင်ပုံစံနဲ့ပတ်သက်ပြီး အရင်ခေတ်နဲ့ မတူတော့ပဲ ကွာခြားသွားတဲ့အရာတွေက ဘာတွေဖြစ်မလဲ။

ဟိုခေတ်တုန်းက ဆံပင်ညှပ်ပြီးသွားတာနဲ့ အိပ်ပြီးလို့ မနက်အိပ်ရာထလာတဲ့ အချိန်မှာလည်း ဆံပင်ပုံစံ ပုံကျနေရမယ်။ လန်တာမျိုးတွေ မကြိုက်ဘူး။ နောက်ထပ်ပြီး ဆံပင်မညှပ်မချင်း ကိုယ်ညှပ်ထား တဲ့ဆံပင်ပုံစံက စညှပ်တုန်းက ပုံစံအတိုင်း ပုံကျနေရမယ်ဆိုတာမျိုးပေါ့။ အခုခေတ် ကျတော့ အရမ်းကိုစတိုင်လ် နောက်ကိုလိုက်တယ်။ စတိုင်လ်နောက်ကိုလိုက်တာဖြစ်တဲ့အတွက်ကြောင့် ဆိုင်မှာပဲ ခေါင်းလျှော်မယ်။ ဆိုင်မှာပဲ ဆံပင်ပုံသွင်းမယ် ဆိုတဲ့အကျင့်ဖြစ်သွားပြီးတော့ ဆံပင်ပုံစံ အဆန်းတွေကို လုပ်လာကြတယ်။ အဲဒီလို ဆံပင်ပုံစံအဆန်းတွေက နောက်တစ်နေ့မနက်မှာ ဘီးဖီးလို့ ရချင်မှရမယ်။ ဒါပေမဲ့လို့ ပုံသွင်းပြီးမှ လှတဲ့ဆံပင်ပုံစံမျိုးတွေ၊ ဆံပင်ကို ထိန်းသိမ်းပြီးမှ ညှပ်လို့ ရမဲ့ ပုံစံမျိုးတွေ ညှပ်လာကြပါတယ်။ ဆံပင်ပုံစံလန်းနေမယ်။ ဒါပေမဲ့ setting လုပ်မှ လန်းမယ်။ နောက်ပိုင်းမှာ ဆံပင်စတိုင်လ်ကို လူတိုင်းက လိုချင်လာကြတယ်။ လုပ်ချင်လာကြတယ်။

အခုနောက်ပိုင်းမှာ ဆံပင်ပုံစံစတိုင်လ်တွေ ခေတ်စားလာကြပြီဆိုတော့ ဆံပင်နဲ့ ပတ်သက်ပြီး ဘာတွေကို ထပ်ပြီးလေ့လာဖြစ်ပါသလဲ။

လေ့လာဖြစ်တာကတော့ အများကြီးပါပဲ။ ဒီအတိုင်းနေလို့ကိုလုံးဝမရတော့တဲ့ အနေအထား ဖြစ်နေတာပါ။ ကိုယ်က နိုင်ငံခြားတွေထွက်တဲ့အခါမျိုးမှာလည်း ထပ်ပြီးတော့ လေ့လာရတယ်။ နိုင်ငံခြားသွားပြီး လေ့လာရင်တော့ ပိုအဆင်ပြေတာပေါ့။ နောက်ပြီး အင်တာနက်ကနေလည်း အဆက်မပြတ် လေ့လာနေရပါတယ်။ ဖက်ရှင်လိုင်းတွေကိုလည်း ကြည့်နေရပါတယ်။ ဒီနေ့လူငယ်တွေဟာ ဘယ်နိုင်ငံမှာ ဘယ်လိုခေတ်စားနေလဲဆိုတာ လေ့လာရပါတယ်။ ကတ်တလောက်တွေကနေ လေ့လာရတယ်။ ဒီမြန်မာနိုင်ငံကို ရက်တိုသင်တန်းအနေနဲ့ နိုင်ငံခြားက ဆရာတွေလာသင်တာမျိုးရှိရင်လည်း သူတို့ဆီမှာ ရက်တိုသင်တန်းကို ကိုယ်ကတက်ပြီး လေ့လာသင့်ရင် လေ့လာရမယ်။ ဘာပဲဖြစ်ဖြစ် တစ်ချိန်လုံးကို လေ့လာနေရမယ်။

ဆံပင်ကာလာပိုင်းနဲ့ ပတ်သက်ပြီးတော့ရော ဘယ်လိုမျိုးတွေ ခေတ်စားလာပါသလဲ။-

ဒီနှစ်မှာဆိုရင် Rainbow ပုံစံမျိုး ခေတ်စားတယ်။ ဘယ်လိုပုံစံမျိုးလဲဆိုတော့ ဆံပင် အလယ်ပိုင်းအရောင်က အငြိမ်ပေါ့။ ဆံပင်အဖျားပိုင်းကို အရောင်မျိုးစုံဆိုးတာမျိုးပေါ့။ တစ်ခြားဆိုင်တွေမှာခေတ်စားမစားတော့ မသ်ိပါဘူး။ အစ်မတို့ဆိုင်မှာတော့ တော်တော်လေးကို ခေတ်စားပါတယ်။

ဆံပင်နဲ့ ပတ်သက်ပြီးဘယ်လိုပြုပြင်ကာကွယ်မှုတွေ လုပ်သင့်တယ်ဆိုတဲ့ message လေးပေးပေးပါ။

စတိုင်လ်ကျလှပဖို့အတွက်ဆိုရင်တော့ ဆံပင်ကတော့လုပ်ရမှာပါပဲ။ စတိုင်လ်ကျဖို့အတွက် ကိုဆေးဆိုးသင့်ရင် ဆိုးရမှာပါပဲ။ Chemical တွေနဲ့ကတော့ မထိတွေ့လို့ လုံးဝမရပါဘူး။ ထိတွေ့ပြီးသွားပြီးရင် တော့ဆံပင်သားအတွက် Treamentလုပ်ပေးဖို့ကိုသာ မမေ့ပါနဲ့။ ကိုယ့်ရဲ့အိမ်မှာပဲ Treatment လုပ်လုပ်၊ ကိုယ့်ရဲ့သုံးနိုင်တဲ့ အင်အားပေါ်မှာ မူတည်ပြီး တော့Treamentလုပ်ပေးဖို့ လိုအပ်ပါတယ်။ အဓိကပြောချင်တာကတော့ Treament လုပ်ဖို့ပဲပေါ့။