အရှင်ဝီရသူနှင့် တွေ့ဆုံမေးမြန်းခြင်း

ပို့စ်တင်ချိန် - 1/27/2014 05:45:00 PM

အမျိုးဘာသာ သာသနာ စောင့်ရှောက်ရေးနှင့်(၉၆၉) အမျိုးသားရေး တရားတော်များအား အစဉ်တစိုက် ဟောပြောခဲ့သည့် ပြည်တွင်းပြည်ပ မီဒီယာများ၏ စိတ်ဝင်စားမှုအမြင့်ဆုံး၊ ပြည်ပနိုင်ငံအများအပြား၊ ပြည်တွင်းရှိ လူအချို့တို့၏ ဆန့်ကျင်မှုခံနေရပြီး ဗုဒ္ဓဘာသာမြန်မာနိုင်ငံသား အများအပြား၏ အားပေးထောက်ခံမှု ရရှိနေသည့် မစိုးရိမ်တိုက်သစ် ဆရာတော်အရှင်ဝီရသူနှင့် တွေ့ဆုံမေးမြန်းချက်ကို ဖော်ပြလိုက်ရပါသည်။

မေး➤ လက်ရှိ ဘာသာရေးပွဲတွေ ပြုလုပ်နေတဲ့နေရာမှာ တိုက်တိုက်ဆိုင်ဆိုင် ဒေါ်အောင်ဆန်းစုကြည် သမ္မတ မဖြစ်ရေးအတွက် စာရွက်စာတမ်းတွေ ဝေငှတဲ့ဖြစ်စဉ်တွေရှိခဲ့ပါတယ်။ ဒီကိစ္စအပေါ်မှာ အရှင်ဘုရားတို့ သံဃာတော်တွေဘက်က ဘယ်လိုအမြင်မျိုးတွေ ရှိပါသလဲဘုရား။

ဖြေ➲ နံပါတ်တစ်ကတော့ အဲလိုအောက်လမ်းနဲ့သွားတာမျိုးတွေ ဦးဇင်းတို့ ကန့်ကွက်ပါတယ်။ ရှုတ်ချပါတယ်။ ဒါမျိုး မလုပ်သင့်ဘူးလို့ ဦးဇင်းတို့ပြောချင်တယ်။ နိုင်ငံရေးဆိုတာ နိုင်ငံရေးစင်မြင့်ရှိပြီးသားလေ။ ပြိုင်ဘက် အချင်းချင်း စင်မြင့်ပေါ်ကပဲ ယှဉ်ပြိုင်ရမှာပေါ့။ အဲဒါကြောင့် ဦးဇင်းတို့ သဘောမတူပါဘူး။

မေး➤ မန္တလေးမှာလုပ်ခဲ့တဲ့ အမျိုး၊ ဘာသာ၊ သာသနာစောင့်ရှောက်ရေး သြဝါဒခံယူပွဲမှာ သံဃာတော်ပေါင်း သုံးသောင်းလောက် တက်ရောက်ပြီး အောင်မြင်ခဲ့ပေမယ့် ကိစ္စအချို့ကြောင့် အုတ်အော်သောင်းနင်း ဖြစ်ခဲ့ရတယ်။ ဒါ ဘယ်လိုကြောင့်လို့ ထင်ပါသလဲ။

ဖြေ➲ အဓိကကတော့ ပုဂ္ဂိုလ်ရေးခံစားချက်လည်းပါတာပေါ့။ ပြီးတော့ ကိုယ်လိုချင်တဲ့ စကားလုံးလေး တစ်လုံးစ၊ နှစ်လုံးစအပေါ်မှာ စည်းမစောင့်ဘဲနဲ့ ပရိသတ်ကို ဖွင့်ချမိသွားတာပေါ့။ အဲဒီအပေါ်မှာ ပြန့်သွားတာ။။ ဆရာတော်ကြီးက ဒေါ်အောင်ဆန်းစုကြည်ဆိုတဲ့ နာမည် တစ်လုံးမှ မပြောဘူး။

မေး➤ အဲဒီကိစ္စနဲ့ပတ်သက်ပြီး သီတဂူဆရာတော်ဘုရားကြီးက အရှင်ဘုရားကို ဖုန်းဆက်တယ်ဆိုတာ ဘယ်လို အကြောင်းအရာကို မိန့်ကြားပါသလဲဘုရား။

အဲဒါတွေဖြစ်လာတော့ ဦးဇင်းကိုမေးတယ်။ မေးတဲ့အခါကြတော့ ရခိုင်ဆရာတော်က အခမ်းအနားမှာ ထုတ်ဖော် ပြောကြားတဲ့အတွက် ဒီလို ဒီလိုပဲ ဂယက်ရိုက်သွားတယ်ဆိုတဲ့အကြောင်း၊ မင်းတို့အဖွဲ့အစည်းတွေနဲ့ရှင်းကြ အဲဒီလို တာဝန်ပေးတယ်။ ဦးဇင်းတို့လည်း ချက်ချင်းပဲ ရှင်းလိုက်တယ်။ အဲဒီတော့ နီးစပ်ရာ ဂျာနယ်ကိုလည်းပဲ ခေါ်ပြီး ကြေညာချက်ပြလိုက်တယ်။ ပြီးတော့ ဦးဇင်း ဖေ့စ်ဘုတ်မှာလည်း တန်းတင်လိုက်တယ်။

မေး➤ တပည့်တော်တို့နိုင်ငံမှာ ၂၀၁၅ ရွေးကောက်ပွဲလည်း နီးလာခဲ့ပြီ၊ ဒီလိုအချိန်မျိုးမှာ ပြည်တွင်းစစ်တွေ မပြီးဆုံးသေးဘူး၊ မြစ်ဆုံလိုကိစ္စတွေ မပြီးပြတ်သေးဘူး။ ဖွဲ့စည်းပုံအခြေခံဥပဒေတွေ မပြင်ဆင်နိုင်သေးဘူး။ ဘာသာရေး ပဋိပက္ခတွေ စိုးရိမ်နေရသေးတယ်။ ဒီတော့ စစ်တပ်က အာဏာပြန်သိမ်းမယ်ဆို အနာဂတ် သာသ နာရေးက ဘယ်လိုဖြစ်နိုင်ပါသလဲဘုရား။

ဖြေ➲ ဦးဇင်းတို့အနေနဲ့ ထောင်ထဲမှာရှိစဉ်ကတည်းက ဒီနောက်ပြန်မလှည့်ရေးမူပဲလေ။ ဒီအစိုးရ နောက်ပြန် လှည့်မှာကိုလည်း မလိုလားဘူး။ စစ်တပ်နောက် ပြန်လှည့်တာကိုလည်း မလိုလားဘူး။ အဲဒီလိုပဲ နိုင်ငံရေး သမားတွေ အရင်တုန်းက ခံခဲ့ရသူတွေကုန်အလုံးက ကြိုးစင်တင်မယ်၊ တရားစွဲမယ်၊ ဓားဆွဲမယ်။ နောက်ဆုံး ကျောင်းသားအချင်းချင်း တောထဲမှာ ဖြစ်ခဲ့တဲ့ကိစ္စကစပြီး ပြန်ပြီး တရားစွဲမယ်၊ ဓားဆွဲမယ် လုပ်တာတွေလည်း မလိုလားဘူး။ နောက်ပြန်လှည့်မှုမှန်သမျှ မလိုလားဘူး။ နောက်ပြန်လှည့်မှုမှန်သမျှဟာ နိုင်ငံတော်ရဲ့ ရှေ့ချီတက်မယ့် ခရီးစဉ်ကို နှောင့်နှေးစေတာပဲလေ။ အဲဒါကြောင့် ဦးဇင်းတို့က လုံးဝ မလိုလားဘူး။

မေး➤ ရွေးကောက်ပွဲ နီးလာတာနဲ့အမျှ ပါတီကြီးတွေ အားပြိုင်တဲ့နေရာမှာ အင်တာနက်စာမျက်နှာတွေက ဘာသာရေးကို ခုတုံးလုပ်ပြီး လှုံ့ဆော်မှုတွေရှိတယ်။ ဒီကိစ္စကို အရှင်ဘုရားတို့ ဘယ်လိုမြင်ပါသလဲဘုရား။

ဖြေ➲ ဒီအွန်လိုင်းတွေပေါ်မှာ လုပ်တာတွေကို ဦးဇင်းတို့ တာဝန်ယူဖြေရှင်းလို့ မရဘူး။ ဒါပေမဲ့ နိုင်ငံရေးလည်း နိုင်ငံရေးစင်မြင့်ရှိတာပဲ။ စင်ပေါ်တက်ပြီး ရင်ဆိုင်ကြရမယ်။ ဖြေရှင်းကြရမယ်။ အဲဒီလို ရင်ဆိုင်ဖို့၊ ဖြေရှင်းပေးဖို့ လိုအပ်တာပေါ့။ တစ်ခုတော့ရှိတယ်၊ ဦးဇင်းတို့တစ်တွေက NLD ကို နိုင်စေချင်တယ်။ လွှတ်တော်ထဲမှာ အရပ်သားအမတ်တွေ၊ ဒီမိုကရေစီအင်အားစုတွေ ဖြစ်စေချင်တယ်။ ဒါပေမဲ့ အခုချိန်ထိ ၂၀၁၅ အတွက် ပြင်ဆင်တာမတွေ့ရတော့ အားမလို အားမရ ဖြစ်မိတယ်။

မေး➤ အရှင်ဘုရားကို ဘာသာရေးမှာ အကဲဆတ်လွန်းတယ်လို့ ဝေဖန်နေကြတယ်။ တစ်ဖက်မှာလည်း ထောက်ခံမှုတွေ အများအပြားရှိနေပြီး နိုင်ငံရေးနဲ့ မကင်းဘူးလို့ သုံးသပ်နေသူတွေလည်း ရှိနေတယ်။ ဒီအပေါ်မှာ ဆရာတော်အနေနဲ့ ဘယ်လိုဖြေရှင်းချင်ပါသလဲ။

ဖြေ= ဘာသာရေး အကဲဆတ်တယ်ဆိုတာတော့ သူတို့အမြင်ပေါ့နော်။ ဦးဇင်းက မဟုတ်မခံဆိုတော့ ခရစ်ယာန် ပဲဖြစ်ဖြစ်၊ ဟိန္ဒူပဲဖြစ်ဖြစ်၊ မွတ်စလင်နဲ့ညားတဲ့အခါ အစ္စလာမ်ဘာသာကိုပဲ ဝင်ရတဲ့အခါ စိတ်တူ ကိုယ်တူ ဝင်ရင် ပြဿနာမရှိပေမယ့် ကိုယ့်အယူဝါဒကို မစွန့်လွှတ်နိုင်လို့ ညှဉ်းဆဲခံရတာ မြင်နေရတဲ့အခါ ဦးဇင်းတို့က မကျေနပ်တာပါ။ အဲဒီအတွက် ဦးဇင်းက ဟောတဲ့အခါ မတရားတဲ့သူ၊ မဟုတ်တဲ့သူတွေကတော့ ဦးဇင်းအပေါ် မကြိုက်ကြဘူး။ မကြိုက်ကြတော့ သူတို့တွေက အသိုင်းအဝိုင်းကောင်းတယ်၊ မီဒီယာအင်အားကောင်းတယ်။ သူတို့ လွှမ်းမိုးမှုခံရတဲ့သူတွေက ဦးဇင်းအပေါ် မကြိုက်ကြဘူး။ ဒါ နံပါတ်တစ် ဘာသာရေးအကဲ ဆတ်မှုပေါ့။ နောက် နံပါတ်နှစ်၊ ပါဝါနိုင်ငံရေးမဟုတ်ဘူး။ ပီတီနိုင်ငံရေးမဟုတ်ဘူး။ ဦးဇင်းတို့အနေနဲ့က အမျိုးသားနိုင်ငံရေး ရည်ရွယ်ချက်ရှိရှိနဲ့ ခံယူချက်တွေ၊ ယုံကြည်ချက်တွေ၊ ရည်မှန်းချက်တွေ ပြတ်ပြတ်သားသား ပလန်ချပြီးတော့ ဆောင်ရွက်နေတဲ့ သူတွေဖြစ်တယ်။ ဦးဇင်းတို့က ပါတီမစွဲဘူး၊ ပုဂ္ဂိုလ်မစွဲဘူး၊ ဝါဒမစွဲဘူး၊ ချစ်ခြင်း၊ မုန်းခြင်း ကင်းတယ်။ အမှီအခို ကင်းတယ်။ လွတ်လွတ်လပ်လပ် အစိုးရကိုလည်း ထိန်းကျောင်းသွားဖို့ ပါတီတွေကိုလည်း ထိန်းကျောင်းသွား ဖို့၊ နိုင်ငံရေးသမားတွေကိုလည်း ထိန်းကျောင်းသွားဖို့၊ နောက်ဆုံး ပြည်သူလူထုကိုလည်း ထိန်းကျောင်းသွားဖို့ နိုင်ငံရေးလုပ်တာပါ။

မေး➤ အမျိုးဘာသာ သာသနာ စောင့်ရှောကရေးအတွက်နဲ့(၉၆၉) အပေါ်ကို အပြင်းအထန် ဝေဖန်နေသူတွေ အပေါ် အရှင်ဘုရား ဘာများ မိန့်ကြားလိုပါသလဲ။

ဖြေ➲ (၉၆၉) ရောက်ရှိတဲ့ဒေသတိုင်းမှာ ငြိမ်းချမ်းပါတယ်။ (၉၆၉) ကို မနာလိုတိုရှည်ဖြစ်တဲ့ အသိုင်းအဝိုင်းက အင်အားကြီးတဲ့အခါကျတော့ သူတို့ရဲ့ လောင်းရိပ်အောက်က ရုန်းမထွက်နိုင်လို့ အမြင်မကြည်လင် ဖြစ်တာ တာပါ။ မေ ၁၈၊ ၁၉ ရက်တွေ မူဆယ်မှာဟောတယ်။ ၂၀၊ ၂၁ မှာ အရှင်ပညာဝရ ဟောတယ်။ ၂၂၊ ၂၃ အရှင်ဇဝနဟောတယ်။ မူဆယ်မှာ ခြောက်ရက်ဆက်တိုက်ဟောတယ်။ ဦးဇင်းဟောတဲ့ နှစ်ရက်လုံး (၉၆၉) တရားပွဲ။ ဒါပေမဲ့ မူဆယ်မှာ ဘာမှ မဖြစ်ဘူး။ အဲဒီ မေလ ၂၈ ရက်မှာပဲ လာရှိုးမှာ ကောက်ဖြစ်သွားတယ်။ လာရှိုးမှာ(၉၆၉) လည်း မရောက်ဘူး။ တရားပွဲလည်း မကျင်းပရသေးဘူး။ အဲဒီတော့ (၉၆၉) ရောက်တဲ့ အရပ်ဒေသတွေမှာ ဘာမှ မဖြစ်ဘဲနဲ့ (၉၆၉) အကြမ်းဖက်လို့ ပြောနေတာတွေက စဉ်းစားစရာကောင်းတယ်။ နောက်တစ်ခုက ကန့်ဘလူမှာဟောတယ်။ သူနဲ့နီးစပ်ရာ ကျွန်းလှဟောတယ်၊ တန့်ဆည်ဟောတယ်။ အဲဒီမှာ ဘာမှမဖြစ်ဘဲနဲ့ ကန့်ဘလူမရောက်ခင် ထန်းကုန်းလေးမှာ ဖြစ်သွားတယ်။ ဦးဇင်းတို့လည်း အဓိကရုဏ်း ဖြစ်တော့မှ ထန်းကုန်းလေးလို့ သိရတယ်။ အဲလိုဖြစ်နေတာ မိတ္ထီလာမှာလည်း ပဋိပက္ခကူးမယ်ဆိုရင် မန္တလေးကို ကူးရမှာပေါ့။ အနီးစပ်ဆုံးပဲလေ။ အဲဒီအချိန်တုန်းက မန္တလေးမှာ အဓိကရုဏ်းဖြစ်နိုင်တဲ့ အခြေအနေ တွေ အများကြီးဖြစ်ခဲ့တယ်။ ဦးဇင်းတို့ အဲဒါတွေကို သံဃာတွေမသိအောင်၊ ပြည်သူလူထုမသိအောင် ထိန်းထိန်း သိမ်းသိမ်းနဲ့ ဥပဒေဘောင်အတွင်းက အရေးယူခဲ့တယ်။ မန္တလေးကို မကူးဘူး။ မန္တလေးမှာဆိုရင် ဓမ္မာရုံတိုင်းမှာ ဟောခဲ့တယ်။ လူကြီးဟောလိုက်၊ ကလေးဟောလိုက် (၉၆၉) တရားတွေ ပလူပျံလို့။ တကယ်တော့ (၉၆၉)က အကြမ်းဖက်အဖွဲ့ဖြစ်မယ်ဆိုရင် မန္တလေး ပြာကျနေတာကြာပေါ့။ အဲဒါကြောင့် (၉၆၉) ကို ဝိုင်းအားပေးကြပါ။ (၉၆၉) ရောက်ရှိတဲ့အရပ်ဒေသတိုင်း ငြိမ်းချမ်းပါတယ်။ ဟိုးအရင် ပဲခူးတိုင်းလည်း ရောက်ခဲ့တယ်။ တကယ်ဖြစ်ခဲ့ တဲ့ နတ်တလင်း၊ အုတ်ဖို၊ ကြို့ပင်ကောက်၊ အိုးသည်ကုန်း ဒါတွေလည်း ရောက်ရှိခဲ့တယ်။ ဦးဇင်းတို့ ဒီလိုဟောတဲ့အခါ လူတွေက ဥပဒေမဲ့ တုန့်ပြန်ရင် ကိုယ့်တိုင်းပြည်၊ ကိုယ့်လူမျိုး ကိုယ့်ဘာသာ သာသနာ နစ်နာတယ်ဆိုတာ သိကုန်ကြတယ်။ အဲတော့ သူတို့တစ်တွေ ဘယ်သောအခါမှ အကြမ်းဖက်တုံ့ပြန်မှာ မဟုတ်တော့ဘူးလို့ ဦးဇင်းယုံကြည်တယ်။ အဲဒီလို (၉၆၉) ကို အထင်အမြင် မလွဲပါနဲ့၊ အသံနဲ့ကြားပြီး မုန်းမနေ ပါနဲ့။ ထဲထဲဝင်ဝင် လေ့လာပြီး စနစ်တကျ သုံးသပ်ပြီးမှ အဖြေထုတ်ကြပါလို့ ပြောချင်ပါတယ်။

(ကိုခက်)


News Watch(စောင့်ကြည့်သတင်းဂျာနယ်)