အီဂျစ်တွင် ဖွဲ့စည်းပုံဥပဒေသစ်အား မဲပေး

ပို့စ်တင်ချိန် - 1/15/2014 04:33:00 PM

ဇန်န၀ါရီ ၁၅။

မိုဟာမက်မော်စီအား ဖြုတ်ချပြီး ခုနှစ်လအကြာတွင် စစ်တပ်အကြီးအကဲ အဘ်ဒယ်လ် ဖာတာအယ်စီစီ၏ သမ္မတအဖြစ် ရွေးချယ်ခံရန် ကြိုးပမ်းခြင်းအား ထောက်ခံမှုကို စမ်းသပ်သည်ဟုမြင်ရသည့် အင်္ဂါနေ့က ပြည်လုံးကျွတ်ဆန္ဒခံယူပွဲတွင် အီဂျစ်နိုင်ငံသားများသည် ဖွဲ့စည်းပုံအခြေခံဥပဒေသစ် အား မဲပေးခဲ့ကြသည်။ မော်စီ၏ မူစလင်ညီအကိုတော်များအဖွဲ့မှ ဦးဆောင်သည့် အစ္စလာမ်မစ်မဟာမိတ်အဖွဲ့က နှစ်ရက်ကြာကျင်းပသည့် ဆန္ဒခံယူပွဲကို သပိတ်မှောက်ရန်နှင့်  “ငြိမ်းချမ်းသည့် ဆန္ဒပြမှုများ” ကိုပြုလုပ်သွားရန် ကြေငြာခဲ့သော်လည်း ပြည်ထဲရေးဝန်ကြီးဌာနမှ မဲပေးခြင်းအား အနှောင့်အယှက်ပြုမည့် မည်သည့်လုပ်ရပ်များကိုမဆို တိကျပြတ်သားစွာ နှိမ်နှင်းသွားမည်ဟု ကတိပြုခဲ့သည်။

အတုအယောင်ဆန္ဒခံယူပွဲဟု စွပ်စွဲရှုံ့ချခဲ့သည့် မော်စီ၏ အစ္စလာမ်မစ်ထောက်ခံသူများအကြား ရက်စက်သည့် ကွဲအက်မှု အပြီး အငြင်းပွားဖွယ် အခွင့်အာဏာကို ၎င်းမဲပေးမှုက သက်သေပြသွားမည်ဟု ဇူလိုင်လအတွင်း မော်စီအား ဖယ်ရှားပြီး နောက်ပိုင်း စစ်တပ်မှခန့်အပ်သည့် အစိုးရမှ မျှော်လင့်လျက်ရှိသည်။ အကြမ်းဖက်မှုနှင့် စစ်သွေးကြွတိုက်ခိုက်မှုများ အကြား အီဂျစ်နိုင်ငံသားများ ဘယ်လောက်အရေအတွက်များများ မဲပေးကြမည်ဟု မရေရာသော်လည်း ဖွဲ့စည်းပုံအခြေခံကမူ အတည်ပြုဖြစ်ရန် သေချာလျက်ရှိသည်။

၎င်းဖွဲ့စည်းပုံဥပဒေသည် မော်စီအား ဖယ်ရှားပြီနောက်ပိုင်း ဆိုင်းငံထားသော အစ္စလာမ်မစ် အငွေ့အသက်များ လွှမ်းခြုံနေသည့် မော်စီ၏ ဖွဲ့စည်းပုံ အခြေခံဥပဒေမှ အချက်အလက်များစွာပါဝင်သော်လည်း ထောက်ခံသူများက ၎င်းသည် အမျိုးသမီး အခွင့်ရေးများနှင့် လွတ်လပ်စွာ ပြောဆိုပိုင်ခွင့်တို့ကို တိုးချဲ့ထည့်သွင်းထားကြောင်း ပြောဆိုကြသည်။

သို့သော် ၎င်းဥပဒေသည် စစ်တပ်အား နောက်ထပ် ရှစ်နှစ်ကြာမျှ ကာကွယ်ရေးဝန်ကြီးအား ခန့်အပ်ပိုင်ခွင့်နှင့် လက်နက် ကိုင်ဆောင်သည့် အရပ်သားများအား တိုက်ခိုက်ပိုင်ခွင့်ကို အားပေးထားသည်။

ကြားဖြတ်သမ္မတ အဒ်လီ မန်ဆော်က အီဂျစ်နိုင်ငံသားများအား သိန်းချီသည့် စစ်သားများနှင့် ရဲများစောင့်ကြပ်နေသည့် နိုင်ငံတဝှမ်းလုံးရှိ မဲပေးမှုများတွင် ပါဝင်ရန် ပန်ကြားလျက်ရှိသည်။

“ခင်ဗျားတို့ရဲ့ နိုင်ငံအပေါ်မှာရှိတဲ့ တာဝန်ရှိမှုတွေကို ပြသဖို့၊ ပိုမိုကောင်းမွန်တဲ့ အနာဂတ်ကို သေချာစေဖို့အတွက် မဲရုံတွေကိုသွားပြီး မဲပေးဖို့အတွက် နိူးဆော်ပါတယ်”ဟု တနင်္ဂနွေနေ့က မိန့်ခွန်းတွင် ပြောကြားခဲ့သည်။

မဲပေးရန်အကြိုကာလအတွင်း မဲမပေးရန် လှုပ်ရှားမှုများ ပြုလုပ်သည့် တက်ကြွလှုပ်ရှားသူများကို ဖမ်းဆီး ထိန်းသိမ်းခဲ့ကြသည်။ ပြီးခဲ့သော တစ်ပတ်တာကာလအတွင်း အနည်းဆုံးတက်ကြွလှုပ်ရှားသူဦးရေပေါင်း ခုနှစ်ဦးခန့်သည် ဖွဲ့စည်းပုံအခြေခံဥပဒေကို ဝေဖန်သည့် လက်ကမ်းစာစောင်များ၊ ပိုစတာများကို ဖြန့်ဝေမှုဖြင့် ထိန်းသိမ်းခံခဲ့ရပြီး ရက်အနည်းငယ်အကြာတွင် အများစုမှာ ပြန်လည်လွတ်မြောက်လာပြီ ဖြစ်ကြောင်း ထင်ရှားသော အခွင့်အရေးပိုင်ခွင့် ရှေ့နေ ရာဂီယာ အိုရမ်မှ AFP သို့ပြောကြားခဲ့သည်။

အစ္စလာမ်မစ်အများစုက စီစီအား နိုင်ငံ၏ ပထမဆုံးလွတ်လပ်စွာရွေးကောက်သည့် အရပ်သားသမ္မတကို ဖြုတ်ချသူအဖြစ် ပုတ်ခတ်ဝေဖန်ကြသော်လည်း ဇူလိုင်လအတွင်း မော်စီနူတ်ထွက်ရန် လမ်းပေါ်ထွက် တောင်းဆိုခဲ့ကြသည့် လူသန်းပေါင်း များစွာကမူ လေးစားချစ်ခင်ကြသည်။

အစ္စလာမ်မစ်အတိုက်အခံများသည် မော်စီ၏ညီအကိုတော်များလှုပ်ရှားမှုဖြင့် ပိုမိုတက်ကြွလာပြီး တရားဝင် အုပ်ချုပ်မှုကို အနှောင့်အယှက် ဖြစ်လာစေမည်ကို အာဏာပိုင်များက စိုးရိမ်လျက်ရှိကြောင်း လေ့လာသူများကဆိုသည်။ မူဆလင်အများစု ပါဝင်သည့် အနည်းဆုံးလူဦးရေ တစ်ထောင်ကျော်သည် လမ်းပေါ်တိုက်ခိုက်မှုများတွင် သေဆုံးခဲ့ကြပြီး ထောင်ပေါင်းများစွာ သောလူများမှ မော်စီအား ဖယ်ထုတ်ပြီးနောက်ပိုင်း ဖမ်းဆီးခံခဲ့ကြရသည်။ မော်စီကို ထောက်ခံသူများသည် နေ့တိုင်းလိုလိုပင် ဆက်လက် ဆန္ဒပြလျက်ရှိကြသည်။

REF: Cairo (AFP)
ကိုဒူး
The Myanma Age