ဒုတိယ အကြိမ် ပြည်တော်ပြန်ခရီးစဉ် (၉)

ပို့စ်တင်ချိန် - 1/31/2014 10:52:00 AM

ထက်အောင်ကျော် (၃၁-၀၁-၂၀၁၄)

ထူးခြားတာက ဒီဖက်မှာစပါးကို ဘယ်လိုစိုက်သလဲမသိပါ။ ကျနော်တို့ ထားဝယ်ဖက်မှာတော့ လယ် ကွက်ဆိုတာ ရေပြင်ညီဖြစ်နေမှ။ မိုးရွာတဲ့အခါရေခံပြီး လယ်ထွန်စိုက်ရတဲ့ အမျိုး။ ဒီမှာတော့ လယ် ကွက်တွေက ဥရောပက ဂျုံခင်းတွေလိုပါပဲ။ မညီမညာ တောင်စောင်းမှာ စပါးငုတ်တို ရိုးပြတ်တွေကို တွေ့ရပါတယ်။ လယ်တောအလွန်မှာတော့ လိမ်မော်ခြံကြီးတွေ။ ဒီရွာတွေက ပင်းတယမြို့နယ်ထဲ ရောက်နေပြီလို့ ကားဆရာကပြောပါတယ်။

(အောင်ပန်းမြို့က လမ်းဘေးဈေးတန်းတခု)

အဲဒီရွာတွေကိုလွန်တော့ အောင်ပန်းမြို့နယ်ထဲဝင်လာပါတယ်။ မြေကပိုပြန့်လာပြီး ဟင်းသီးဟင်းရွက် စိုက်ခင်းတွေ အတော်များများမြင်လာရပါတယ်။ အောင်ပန်းမြို့လယ်က ဆိုင်တခုမှာကားရပ်ပြီး လဖက် ရည်သောက်ကြပါတယ်။ ဆိုင်ရှေ့မှာတော့ ဒေသထွက်သီးနှံတွေဖြစ်တဲ့ လိမ္မော်သီးနဲ့ထောပတ်သီး အကြီး ကြီးတွေရောင်းတဲ့ဈေးတန်း။ တောင်ပေါ်ဒေသဆိုပေမဲ့ မြင်းလှည်းတွေ၊ နွားလှည်းတွေကိုလဲ အောင်ပန်း မှာမြင်ခဲ့ရပါတယ်။

ပြီးတော့ ကားတွေကလဲ တ၀ီဝီ။ တကယ်ဆိုရင် အောင်ပန်းက မန္တလေးတိုင်းနဲ့ ရှမ်းပြည်နယ်ကြားမှာ အချက်ချာကျတဲ့နေရာတခုပါ။ ရှေ့မှာကျနော်သွားခွင့်မကြုံလိုက်ရတဲ့ ကျောက်ဆည်၊ ၀မ်းတွင်း၊ သာ စည်၊ ကလောဖက်ကနေလာရင်လဲ ဒီအောင်ပန်းကိုပဲဝင်ပါတယ်။ ဒါတွေကို ကျနော်ကကြိုမသိ။ ကျ နော်အောင်ပန်းကိုသိတာက ငြိမ်းချမ်းရေးကဗျာဆရာကြီး ဒဂုံတာရာ နေထိုင်တဲ့မြို့။ အာဏာရှင် ဦးနေ ၀င်းနဲ့ဝေးရာအရပ်မှာနေချင်လို့ သူ့ကိုယ်သူမဲဇာပို့တဲ့အနေနဲ့ အောင်ပန်းမှာနေတယ်ဆိုတော့ အောင် ပန်းဟာ အတော်ခေါင်တဲ့နေရာလို့ ကျနော်က ထင်ထားခဲ့တာပါ။

အခုတကယ်တွေ့နေရတဲ့ အောင်ပန်းက ဆရာပြောသလောက်မခေါင်လှပါ။ ဒါပေမဲ့ ရန်ကုန်၊ မန္တလေး နဲ့တော့ မိုင်ပေါင်းများစွာဝေးကွာတာပေါ့လေ။ ဒီလို ရာသီဥတုသာယာလှတဲ့၊ လူမျိုးလဲစုံလှတဲ့ မြို့လေး မှာ ဆရာကြီးဒဂုံတာရာ နှစ်ပေါင်းများစွာနေထိုင်ခဲ့ပြီး ပြီးခဲ့တဲ့ သြဂုတ်လ ၁၉ ရက်နေ့ကမှ ကွယ်လွန် သွားတာပါ။ DVB မှာ တာဝန်ထမ်းစဉ်က တယ်လီဖုန်းခဏခဏခေါ်ပြီး ဆရာကြီးကို အင်တာဗျုးလုပ် ဖူးတဲ့ကျနော် အခုလူကိုယ်တိုင် အောင်ပန်းရောက်တဲ့အခါကျတော့ ဆရာကြီးရဲ့နေအိမ်ကိုသွားဖို့ အ ချိန်မရခဲ့ပါ။ ဒီလို ငြိမ်းချမ်းတဲ့မြို့လေးမှာနေခွင့်ရလို့ ငြိမ်းချမ်းတဲ့စာပေတွေ ဖန်တီးနိုင်ခဲ့လေသလားလို့ စဉ်းစားနေမိပါတယ်။  

အောင်ပန်းကနေ ထွက်လာတော့ နေ့လည်ပိုင်းဖြစ်နေပြီ။ ဒါပေမဲ့ လေတဖြူးဖြူးတိုက်နေတဲ့အတွက် သိပ်မပူပါ။ ရှမ်းပြည်နယ်ထဲရောက်လာကတည်းက အပူချိန်က တဖြေးဖြေးနဲ့ ကျလာသလိုခံစားရပါ တယ်။ ရွာစဉ်တန်းတွေ၊ သစ်တောတွေ၊ တောင်တန်းတွေကိုကျော်ပြီးတဲ့နောက် ချိုင့်ဝှမ်းထဲမှာ လွင်ပြင် ကြီးတခုကို မြင်လိုက်ရပါတယ်။ အဲဒါ ဟဲဟိုးမြို့နယ်ထဲရောက်လာပြီလို့ ကားဆရာကပြောပါတယ်။ ''ဟိုး တောင်ပေါ်မှာမြင်နေရတာ တောင်ကြီးပဲလေ'' လို့လဲ သူကလက်ညှိုးထိုးပြပါတယ်။  

ကျယ်ပြန့်လှတဲ့ ဟဲဟိုးချိုင့်ဝှမ်းကြီး။ စိုက်ခင်းတွေက အောင်ပန်းထက်တောင် ပိုများလာသလိုပဲ။ လမ်း ကလဲ ပိုကျယ်ပိုကောင်းလာတယ်လို့ထင်ပါတယ်။ ကောင်းဆို ဒီလမ်းက ကုပ္ပဏီတွေက ကန်ထရိုက်ယူ လုပ်ပေးထားတာလို့သိရပါတယ်။ ဒီတော့ ထုံးစံအတိုင်း Toll ဂိတ်အကောက်တွေရှိပါတယ်။ ရှေ့မှာ ပြောခဲ့တဲ့ ကျောက်ဆည်-ကလောလမ်းမှာလဲ ဒီလို Toll ဂိတ်တွေရှိတယ်လို့ဆိုပါတယ်။ ကျနော်တို့ဖြတ် လာတဲ့ ရွာငံလမ်းမှာတော့ Toll ဂိတ်မရှိတဲ့အတွက် မြို့ဝင်ကျေး ၃၀၀ ကျပ်စီပဲပေးတာကိုသာ မြင်ခဲ့ရပါ တယ်။

အခု ဒီဂိတ်မှာတော့ ၃၀၀ နဲ့ရပုံမပေါ်ပါ။ ကွန်ပြူတာစနစ်နဲ့အသေချာထိမ်းချုပ်ထားတဲ့ တောင်ကြီးမြို့ ၀င်ခါနီး ပုဂ္ဂလိကပိုင် Toll ဂိတ်ဆိုတော့ အများကြီးပေးရမှာပေါ့။ ''ဟာ အကိုကြီးကလဲ အချင်းချင်းတွေ ကို ပစ်ဆံလာပေးနေပြန်ပြီ။ ပြန်လာမှာ မုန့်ဝယ်လာခဲ့လေ'' လို့ Toll ဂိတ်ကောင်တာ ကွန်ပြူတာရှေ့မှာ ထိုင်နေတဲ့ ကောင်မလေးက ပြန်ပြောသံကြားရတော့ ကျနော်အတော်အံသြသွားပါတယ်။

ကိုယ့်နားကိုယ်မယုံလို့ ကောင်မလေးရှေ့က ကွန်ပြူတာကိုအသေချာလှမ်းကြည့်ပါတယ်။ ဒါပေမဲ့ နဲနဲ လှမ်းနေတော့ ကောင်းကောင်းမမြင်ရ။ ကြည့်ရတာ ဒီကကွန်ပြူတာစနစ်က ဖြတ်သွားတဲ့ကားတွေကို Auto Record လုပ်ထားပုံမရ။ Record ရှိရင် ဒီလိုမုန်ဝယ်ကျွေးခိုင်းလို့ ဘယ်ဖြစ်မလဲ။

ဒီ Toll ဂိတ်ကအတော်ထူးပါတယ်။ ရှေ့မှာဖေါ်ပြခဲ့တဲ့ စစ်ကိုင်းတံတားပေါ်ကဂိတ်နဲ့မတူ။ ကျနော်တို့ ကားက ၀န်ထမ်းကားလဲမဟုတ်တော့ ဘာလို့အလကားလွတ်ပေးရမှာလဲ။ အင်း...Toll ဂိတ်စနစ်နဲ့ အ ကောက်ဝန်ထမ်းတွေ၊ ကားသမားတွေတွေရဲ့တာဝန်ယူမှု၊ ကိုယ်ကျင့်တရားတွေက ဘယ်လိုမျိုးကြီးလဲ။ ဒါပေမဲ့ ဒါကို လွဲချော်ခြင်းတခု။ ကိုယ်ကျင့်တရားခြစားခြင်းတခု။ လာဘ်စားမှုတခု ဖြစ်တယ်လို့ ကားသ မားရော၊ Toll ဂိတ်ဝန်ထမ်းတွေကပါ ရှုမြင်ထားပုံမရပါဘူး။

အရာရာကိုသတင်းသမားအမြင်နဲ့ လိုက်ကြည်မိတဲ့ ကျနော်ရဲ့အမှားလိုပဲဆိုရတော့မလား။ ထားလိုက် တော့။ ဒီမိုကရေစီစနစ်က အခုမှအစပြုကာစဆိုတော့ တဖြေးဖြေး ဖြစ်လာမှာပါလို့ပဲ မျော်ရဦးမယ် ထင် ပါတယ်။  ဟဲဟိုးကနေ ထွက်လာတော့ ရွှေညောင်၊ ကျနော်က ရွှေညောင်နဲ့ညောင်ရွှေကိုသိပ်မကွဲလှ။ အခုလိုမြင်ရတော့မှပဲ ရွှေညောင်ကလမ်းပေါ်မှာ။ ညောင်ရွှေက အင်လေးကန်ဘေးမှာဆိုတာကို သိခွင့် ရခဲ့ပါတယ်။

ရွှေညောင်ကိုလွန်တော့ အေးသာယာ။ ဒီမြို့ဟာ ပြီးခဲ့တဲ့ဆယ်စုနှစ်၊ စစ်အစိုးရခေတ်မှာမှ ပေါ်လာတဲ့မြို့ သစ်တခုပေါ့။ ဂေါက်ကွင်းတွေရှိတယ်၊ ၀ိုင်စက်ရုံတွေရှိတယ်လို့ နာမည်ကြီးပါတယ်။ ပြီးတော့ အဝေး ပြေးကားတွေအားလုံးလဲ ဒီမြို့မှာပဲ ဂိတ်ထိုးရပြီး တောင်ကြီးမြို့ပေါ်တက်ခွင့်မရှိဘူးလို့ ကားဆရာကပြော ပါတယ်။ ဒါပေမဲ့ ကျနော်တို့ကားက ဗင်ကားဆိုတော့ အေးဆေးပဲ။ တည်းတဲ့အိမ်အထိ၊ ဟိုတယ်အထိ လိုက်ပို့ ပေးမယ်လို့ဆိုပါတယ်။

အေးသာယာကိုကျော်လာတော့ တောင်တက်လမ်းကိုစတွေ့ရပြီး တချို့နေရာတွေမှာ အသွားတလမ်း၊ အပြန်တလမ်း စနစ်တကျ လုပ်ထားတာတွေ့ရပါတယ်။ တောင်ကြီးမြို့ဝင်ခါနီးလေ လမ်းကပိုကောင်း လာလေပါပဲ။ တောင်တက်လမ်းကအတော်စောက်ပြီး သစ်တောတွေကလဲ ထူထဲလှပါတယ်။ ပြီးတော့ သစ်တောသစ်ပင် တို့ချစ်ခင်။ ဥတုရာသီတောကိုမှီ။ သစ်တပင်ကောင်း ငှက်တသောင်း စသဖြင့် သစ် တော ပညာပေးပိုစတာပေါင်းများစွာကိုလဲ လမ်းဘေးတလျောက်မှာစိုက်ထူထားတာတွေ့ရပါတယ်။\

(တောင်ကြီးမြို့က စကားလုံးတစ္ဆေ ဆုိုင်းဘုတ်ခု)

၁၅ မီနစ်လောက် တောင်တက်ပြီးတဲ့နောက်မှာတော့ ''လှိုက်လှဲစွာ ကြိုဆိုပါ၏၊ တောင်ကြီမြိှု့'' ဆိုတဲ့ ဆိုင်းဘုတ်ကြီးကိုတွေ့ရပါတယ်။ တောင်ထိပ်နားရောက်ခါနီးတော့ ''မြို့ရွာများအမြန် ခေတ်မီဖွံ့ဖြိုး တိုး တက်ရမည်'' ဆိုတဲ့ကြွေးကြော်သံလား၊ ဆုတောင်းစာလား သိပ်မကွဲပြားလှတဲ့ဆိုင်းဘုတ်ကိုမြင်ရပါ တယ်။ တောင်ပေါ်မြို့ဆိုတော့ အတော်သန့်သန့်ပြန့်ပြန့်ရှိပါတယ်။ ကြော်ငြာဆိုင်းဘုတ်အကြီးကြီးတွေ ကိုလဲ တွေ့ရပါတယ်။

မြို့ထဲဝင်လာတော့ ရပခ လို့ခေါ်တဲ့ အရှေ့ပိုင်းတိုင်းစစ်ဌာနချုပ်ကို အရင်ဆုံးတွေ့ရပါတယ်။ ပြီးတော့ မြို့မဈေး။ အဲဒီဈေးရှေ့က ဆိုင်းဘုတ်ကတော့ ဘာကိုဆိုလိုမှန်းမသိ။ ''ဥပဒေကို မသိနားမလည်ဟု ဆို ကာမျှဖြင့် ဥပဒေကသင့်အား ခွင့်လွှတ်လိမ့်မည်မဟုတ်'' တဲ့။ ဈေးကိုလွန်လာတော့ ပြည်နယ်လွှတ် တော်ရုံးခန်း။ အဲဒီရှေ့မှာတော့ ပြည်သူ့သဘောထားဆိုတဲ့ အနီရောင်ဆိုင်းဘုတ်ကြီး ထောင်ထားပါ တယ်။

တကယ်ဆို ''ပြည်ပအားကိုး ပုဆိန်ရိုး၊ အဆိုးမြင်ဝါဒီများအား ဆန့်ကျင်ကြ'' ဆိုတဲ့ စာသားအပါဝင် ရန် လိုတဲ့ကြွေးကြော်သံတွေဟာ အရင်အစိုးရဟောင်းခေတ်က ထုတ်ထားတာဆိုတော့ အခုအစိုးရသစ် ခေတ်မှာ အကြုံးမ၀င်တော့ဘူးလို့ ကျနော်ကထင်ထားတာပါ။ ဒါပေမဲ့ အဟောင်းအသစ်ပြောင်းလဲမှုဖြစ် စဉ်က ဒီအရပ်မှာ သိပ်ကွဲကွဲပြားပြားရှိပုံမရသေးပါ။ စစ်ယူနီဖောင်းနေရာမှာ အရပ်ဝတ်ပြောင်းလိုက်ပေ မဲ့ Mindset တွေ၊ ကြွေးကြော်သံတွေကတော့ အရင်တိုင်း သူတို့စိတ်ထဲ ရှိနေဆဲနဲ့တူပါတယ်။

မြို့လယ်လမ်းမကြိးအတိုင်း တပတ်ပတ်ပြီးတဲ့နောက် မြို့မဈေးနားက ဈေးပေါတဲ့တည်းခိုခန်းတခုမှာ ၀င် တည်းပါတယ်။ နိုင်ငံခြားသားဆိုတော့ တသောင်းခွဲတန်အခန်းကို သုံးသောင်းပေးလိုက်ရပြန်ပါတယ်။ မြို့လယ်ကနာရီစင်မှာပြထားတဲ့ အပူချိန်ကိုမကြည့်ဖြစ်ပေမဲ့ တောင်ကြီးအပူချိန်က ၁၀ ဒီဂရီစင်တီဂရိတ် အောက်တောင်ရောက်နေမလားပဲ။ ပြီးတော့တောင်ပေါ်ဆိုတော့ လေကလဲတိုက်နေပါတယ်။ နော်ဝေး ကလာတဲ့ ဧည့်သည်လဲ တောင်ကြိးဆောင်းလေအေးကို အတော်ဖြုံသွားပါတယ်။

တောင်ကြီးမှာကျနော်တို့အရင်ရောက်နေတဲ့ အော်စလိုသားတဦးက ''နတ်စိမ်းမြေမှသည်'' From the Land of Green Ghosts စာအုပ်ကိုရေးသားခဲ့သူ ပါစကယ်ခူးသွယ်။ အင်းလေးကန်ဆီသွားဖို့အတွက် သူနဲ့ညှိပြီးတဲ့နောက် မနက် ၉ နာရီလောက်မှာ တောင်ကြီးကနေ အင်းလေးကန်ရှိတဲ့ ညောင်ရွှေမြို့ဆီ လိုင်းကားစီးပြီးထွက်လာပါတယ်။ စင်းလုံးဖြတ်ကားငှားရင်တသောင်းကျော် နှစ်သောင်းနီးပါး။ ဒါပေမဲ့ လိုင်းကားစီးရင် တယောက်မှ ၁၀၀၀ (တထောင်) ပဲပေးရပါတယ်။

မနေ့ကတက်လာတဲ့ အေးသာယာ၊ ရွှေညောင်ကိုဖြတ်ပြီးတဲ့နောက် ညောင်ရွှေလမ်းခွဲထဲ ကားက၀င် လာပါတယ်။ တောင်ပေါ်ကနေ ပင်လယ်ကမ်းစပ်ကိုရောက်သွားသလိုပါပဲ။ သဘာဝအခင်းအကျင်းက လုံးဝပြောင်းသွားပါတယ်။ စပါးခင်းတွေ၊ ဟင်းသီးဟင်းရွက်စိုက်ခင်းတွေ၊ အင်း အိုင် ချောင်းမြောင်းတွေ ကိုမြင်လာရပါတယ်။ ပြီးတော့ ''စပယ်ရှယ် ငါးကင်ရမည်'' ဆိုတဲ့ စားသောက်ဆိုင်လေးတွေကို ရေကန် လေးတွေဘေးမှာတွေ့ရပါတယ်။

ရေကန်ခပ်ကြီးကြီးတခုအဆုံးမှာတော့ ညောင်ရွှေမြို့ကိုတွေ့ရပါတယ်။ အဲဒီမှာ ခဏနား၊ နေ့လည်စာစား ပါတယ်။ ''ဟိုမှာမြင်နေရတဲ့ အစွယ်ချွန်ချွန်လေးကိုတွေ့လား၊ အဲဒါ ဦးဟန် (ညောင်ရွှေ) တို့ရဲ့ ဟော်နန်း ပဲလေ'' လို့ ကိုပါစကယ်ကပြောပါတယ်။ တိုင်းရင်းသားအရေးဆောင်ရွက်နေတဲ့ EU Burma ရုံးရဲ့ ညွန် မှုး။ DVB (ဒီမိုကရက်တစ်မြန်မာ့အသံ) မှာလဲ ညွန်မှုးတာဝန်ထမ်းခဲ့ဖူးတဲ့ ဦးဟန်ညောင်ရွှေကို ကျနော် တို့ပြည်ပရောက်နေသူအတော်များများက ဦးဟန်လို့ခေါ်ကြပါတယ်။ သူဟာ မြန်မာနိုင်ငံရဲ့ပထမဆုံး သမ္မတ ညောင်ရွှေစော်ဘွား စပ်ရွှေသိုက်ရဲ့သား တဦးပေါ့။

(မြန်မာနိုင်ငံရဲ့ ပထမဆုံးသမ္မတ စပ်ရွှေသိုက်ရဲ့ ညောင်ရွှေဟော်နန်း)

အင်းထဲမဆင်းခင် အဲဒီဟော်နန်းကိုတော့ ရောက်အောင်သွားကြည့်ဦးမှဆိုပြီး ကျနော်တို့အုပ်စု လမ်း လျောက်ချီတက်လာပါတယ်။ ဈေးတန်းအလွန် ဒီဖက်ရောက်တော့ သားနားလှပတဲ့ ဟိုတယ်တလုံး။ ပြီးတော့ စက်ဘီး၊ ဆိုင်ကယ်၊ ကား အငှားဆိုင်တွေ။ အဲဒီဆိုင်တွေအလွန်မှာတော့ ကုက္ကူပင်ကြီးတွေ အုပ်ဆိုင်းနေတဲ့ခြံဝင်းကြီးတခု၊ အဲဒီခြံထဲမှာတော့ ဘုန်းကြီးကျောင်းနဲ့ခပ်ဆင်ဆင်တူတဲ့ ရှေးဟောင်း နှစ် ထပ်အဆောက်ဦကြီးတခုကိုမြင်ရပါတယ်။

''အဲဒါ ညောင်ရွှေဟော်နန်းပဲလေ'' လို့ ကိုပါစကယ်ကပြောပါတယ်။ ဒါပေမဲ့ ၀င်ပေါက်ကဆိုင်းဘုတ်မှာ တော့ အဲဒီလိုရေးမထားပါ။ ''ယဉ်ကျေးမှုပြတိုက် (ညောင်ရွှေ)'' လို့သာ မြန်မာ-အင်္ဂလိပ် နှစ်ဘာသာနဲ့ ရေးထားပါတယ်။ ပြတိုက်ဖွင့်ချိန် နံနက် ၁၀ နာရီမှ ညနေ ၄ နာရီအထိ၊ လူကြီး ၂၀၀ ကျပ်။ နိုင်ငံခြား သား ၂ ဒေါ်လာလို့လဲ ရေးထားပါတယ်။ ခြံဝင်းတံတိုင်းကိုပြုပင်နေဆဲဖြစ်ပြီး အလုပ်သမားတချို့ အလုပ် ရှုပ်နေကြပါတယ်။

ခြံဝင်းထဲဝင်သွားတော့ ဟော်နန်းရှေ့က အလံတိုင်းမှာ ရှမ်းအလံတလူလူလွင့်နေတာတွေ့ရပါတယ်။ ဟော်နန်းကိုလက်ဝဲရစ်ပတ်လိုက်တော့ အမြောက်ဟောင်းတလက်ထောင်ထားတဲ့ဖက်ကို အရင်ရောက် ပါတယ်။ ဟိုဖက်တောအုပ်ထဲမှာတော့ ဟော်နန်းလုံခြုံရေးအစောင့်နေခဲ့ဖူးတဲ့ အဆောင်ဟောင်းတခုကို တွေ့ရပါတယ်။ ကွန်ကရစ် လူသွားလမ်းမှအပ ကျန်တဲ့တောအုပ်ကို မကြာသေးခင်ကမှ ခုတ်ထွင်ရှင်း လင်းထားတဲ့ပုံစံမျိုး။

(မြန်မာနိုင်ငံရဲ့ ပထမဆုံးသမ္မတ စပ်ရွှေသိုက်ရဲ့ ညောင်ရွှေဟော်နန်း)

အနောက်ဖက်မှာတော့ ပြိုပျက်စပြုနေတဲ့သစ်သားလှေကားထစ်တွေကို အပြင်ကနေ လှမ်းမြင်နေရပါ တယ်။ အဲဒီလှေကားပျက်ရဲ့မျက်စောင်းထိုးမှာတော့ ဟော်နန်း (အခု ယဉ်ကျေးမှုပြတိုက်) ရဲ့ အထွေ ထွေလုပ်သားတွေနေပုံရတဲ့ တန်းလျားငယ်တခု။ ကလေးငယ် နှစ်ဦး ဆော့ကစားနေတာတွေ့ရပါတယ်။ ဒီဖက်မျက်နှာစာမှာတော့ ဟော်နန်းရဲ့လေသာဆောင်။ အားလုံးသစ်သားတွေနဲ့လုပ်ထားတာတွေ့ရပါ တယ်။ အဲဒီလေသာဆောင်ရဲ့အောက်ထပ်မှာတော့ သံတိုင်တွေကာရံထားတဲ့အခန်းတခု။

ဒီဖက်ကိုထွက်လိုက်တော့ ဟော်နန်းရဲ့ အရှေ့ဖက်မျက်နှာစာနဲ့ ဟော်နန်း (ပြတိုက်) ထဲ ၀င်တဲ့အပေါက်။ အထဲကိုဝင်မှ ၂ ဒေါ်လာပေးရမှာဖြစ်ပြီး အပြင်ကလျောက်ကြည့်ရင် ဘာမှပေးစရာမလိုတဲ့သဘော။ ကျ နော်တို့အုပ်စုလမ်းလျောက်ပြီး ဓာတ်ပုံရိုက်နေတာကိုလဲ ပြတိုက်တာဝန်ရှိသူတွေက ဘာမှလာမပြော၊ ဘာမှလာမေးခြင်းမရှိပါ။ အချိန်မရတဲ့အတွက် ဟော်နန်းထဲကိုတော့ ကျနော်တို့ မ၀င်ဖြစ်လိုက်ပါ။

အိုဟောင်းပြီး လက်ရာမြောက်လှတဲ့ ဟော်နန်းကိုကြည့်ပြီး အတိတ်ကိုလွမ်းသလိုလို၊ သမိုင်းကိုပြန်လေ့ လာချင်သလိုလို စိတ်ထဲမှာဖြစ်လာပါတယ်။ ပြီးတော့ တခြားဒေသက ဟော်နန်းတွေလဲ ဒီလိုပဲ ပြတိုက် ဖြစ်ကုန်ကြပြီလားလို့ တွေးမိပါတယ်။ ဘာဖြစ်ဖြစ် ဒီနေရာဟာ မြန်မာနိုင်ငံရဲ့ ပထမဆုံးသမ္မတ နေထိုင် ခဲ့တဲ့နေရာဆိုတော့ အင်းလေးကိုသွားသူတိုင်း ၀င်ရောက်လေ့လာသင့်တဲ့နေရာတခုပေါ့။ ဒါပေမဲ့ ပြ တိုက်ထဲမှာ သမ္မတစပ်ရွှေသိုက်နဲ့ ဒီဟော်နန်းရဲ့ရာဇ၀င်ကို ရှင်းပြထားခြင်းရှိ မရှိတော့ ကျနော်မသိပါ။

ဟော်နန်းကနေပြန်ထွက်လာတော့ နေ့လည် တနာရီလောက်ရှိနေပြီ။ မြို့အစွန်ဖက်ကနေ လမ်းလျောက် လာတော့ ကောင်းမွန်သန့်ပြန်လှတဲ့ဟိုတယ်တွေ၊ တည်းခိုခန်းတွေအတော်များများကိုတွေ့ရပါတယ်။ ''ဟိုမှာမြင်နေရတာက NLD က ဦးအုန်းမောင်ပိုင်တဲ့ အိမ်ပဲလေ၊ အခု အဲဒီမှာ NGO တခုရုံးခန်းဖွင့်ထား ပြီး အင်္ဂလိပ်စာသင်ပေးနေတယ်'' လို့ ကိုပါစကယ်ကပြောပါတယ်။ ဦးအုန်းမောင်ဆိုတာ ကျနော်တို့ DVB မှာတာဝန်ထမ်းစဉ်က မကြာခဏဖုန်းခေါ်ပြီး အင်တာဗျုးလုပ်ဖူးသူ။ ဒီကိစ္စတွေကြောင့်ပဲ ထောင်ချ ခံခဲ့ရဖူးသူပေါ့။

(မြန်မာနိုင်ငံရဲ့ ပထမဆုံးသမ္မတ စပ်ရွှေသိုက်ရဲ့ ညောင်ရွှေဟော်နန်း)

အဲဒီရုံးထဲဝင်လိုက်တော့ အနောက်တိုင်းသားတချို့ တီဗွီ ကင်မရာတွေနဲ့အလုပ်ရှုပ်နေပြီး တယောက် ယောက်ကို အင်တာဗျုးဖို့စောင့်နေတဲ့ပုံမျိုး။ အဲဒီအချိန်မှာ ပင်နီရောင် ရှမ်းဘောင်းဘီ၊ ရှမ်းအကျီ ၀မ်း ဆက်ကိုဝတ်ပြီး ပိန်ပိန်ပါးပါး အသားဖြူဖြူ အသက် ၆၀ ၀န်းကျင်လူတဦးဝင်လာပါတယ်။ အဲဒါ ဦးအုန်း မောင်ပါပဲ။ ကျနော်တို့ရောက်လာတယ်ဆိုတော့ သူအတော်အံ့သြနေပါတယ်။ ဒါပေမဲ့ တီဗွီ အင်တာဗျုး က အဆင့်သင့်စောင့်နေတာမို့ စကားပြောချိန်သိပ်မရလိုက်ပါ။

ကျနော်တို့ အင်းထဲဆင်းဖို့ပြင်တော့ ၂ နာရီနီးနေပြီ။ ဘယ်လှေငှားငှား ၁၈၀၀၀ (တသောင်းရှစ်ထောင်) ပေးရပ်တယ်။ ခရီးသွားအများစုဟာ ကမ္ဘာလှည့်ခရီးသည်တွေဖြစ်ပြီး တချို့ကအုပ်စုလိုက်၊ တချို့က နှစ် ဦးတည်း Honeymoon ။ တချို့ကတော့ တကိုယ်တော်။ အနောက်တိုင်းသားတွေကြားမှာ ထိုင်းတွေ ကိုလဲ အတော်များများတွေ့ရပါတယ်။ လှေမောင်းတဲ့လူက အင်းသား။

''ဖဲမျိုး နို့နွန်၊ နေကွန်းဘဲလား''။ (ဘယ်လိုလဲ အကို၊ နေကောင်းကျမ်းမာတယ်မို့လား) ဆိုပြိး ထားဝယ် လိုနဲ့နှုတ်ဆက်တော့ သူကသဘောတွေကျပြီး အင်းလေသံနဲ့ပြန်ဖြေပါတယ်။ လေသံက ထပ်တူမကျပေ မဲ့ အပြန်အလှန်နားလည်ကြပါတယ်။ ဒါကြောင့် အင်းသားတွေကို တောင်ပေါ်ထားဝယ်တွေလို့ တင်စား ခေါ်ဝေါ်ကြတာဖြစ်မယ်ထင်ပါတယ်။    ။

thithtoolwin