သမီးရဲ့စာ

ပို့စ်တင်ချိန် - 1/10/2014 06:55:00 PM

လက်ထပ်ပြီးစ အမျိုးသမီးငယ်တစ်ဦးဟာ သူမရဲ့ အမေဆီကို စာရေးလိုက်ပါတယ်...

မေမေ...

တခြားမိန်းကလေးတွေလိုပဲ သမီးလည်း လက်ထပ်ဖို့ကိစ္စကို ကလေးဘဝကတည်းက စိတ်ကူးယဉ်ပြီး ရင်ခုန်ခဲ့ရဖူးပါတယ်... သမီးရဲ့ ခန့်ညားလှတဲ့ မင်းသားလေးနဲ့ ပျော်ရွှင်စွာပေါင်းဖက်ပြီးတဲ့နောက်မှာ ဘာတွေဆက်ရှိဦးမလဲဆိုတာကိုတော့ တစ်ခါမှမတွေးမိခဲ့ဘူး...

ဒါပေမဲ့ အိမ်ထောင်ရေးဆိုတာ ပန်းခင်းလမ်းမဟုတ်ဘူးဆိုတာကို လက်ထပ်ပြီးသွားတဲ့ အခုလိုအချိန်မှာတော့ သမီးကောင်းကောင်းသိလိုက်ရပါပြီ... အိမ်ထောင်ရေးဆိုတာ ချစ်ရတဲ့သူနဲ့ တူတူရှိနေရုံ... ပျော်စရာအချိန်လေးတွေ ပိုင်ဆိုင်နေရုံသက်သက် မဟုတ်ပါဘူး... အဲ့ဒီအပြင် တခြားအရာတွေအများကြီးရှိသေးတယ်... အိမ်ထောင်ရေးမှာ တာဝန်... ဝတ္တရား... စွန့်လွှတ်ပေးဆပ်မှုနဲ့ နားလည်မှုလက်ခံမှုတွေကို တစ်ယောက်နဲ့တစ်ယောက် မျှဝေယူကြရပါတယ်...

အိပ်ရာထချင်တဲ့အချိန်မှ ထလို့မရတော့ဘူး...
တစ်မိသားစုလုံး မနိုးခင် အရင်ထပြီး ပြင်ဆင်လုပ်ကိုင်ပေးဖို့ သမီးကို မျှော်လင့်နေကြတယ်...

ညအိပ်ဝတ်စုံလေးကိုမချွတ်ဘဲ ပျင်းရိလေးတွဲ့ နေလို့မရတော့ဘူး...
အချိန်တိုင်းမှာ ကြည့်ပျော်ရှုပျော်ဖြစ်နေတဲ့သမီးကို မျှော်လင့်နေကြတယ်...

အပြင်သွားချင်တဲ့အချိန်တိုင်း သွားနေလို့မရတော့ဘူး...
မိသားစုရဲ့ လိုအပ်ချက်တိုင်းကို အသင့်ဖြည့်ဆည်းပေးဖို့ သမီးကို မျှော်လင့်နေကြတယ်...

အိပ်ယာဝင်ချင်တဲ့အချိန်တိုင်း အိပ်လို့မရတော့ဘူး...
မိသားစုအတွက် အမြဲနိုးကြားလုပ်ကိုင်ပေးဖို့ သမီးကို မျှော်လင့်နေကြတယ်...

သမီးကို မင်းသမီးလေးတစ်ပါးလို ဂရုတစိုက်ဆက်ဆံကြဖို့ မျှော်လင့်လို့မရတော့ဘူး...
ဒါပေမဲ့ မိသားစုဝင်တိုင်းကို သမီးက ဂရုတစိုက် ရှိနေပေးရတယ်...

သမီးလည်း ကိုယ့်ကိုယ်ပြန်တွေးမိတယ်... ဘာကြောင့်များ အိမ်ထောင်ပြုဖြစ်ခဲ့တာလဲ လို့ပေါ့... မေမေနဲ့ နေရတာ သမီးပိုပျော်ပါတယ်... တစ်ခါတစ်လေတော့ မေမေ့ဆီပြန်လာပြီး ဂရုတစိုက်နဲ့ ဖူးဖူးမှုတ်ထားတာခံချင်သေးတယ်...သူငယ်ချင်းတွေနဲ့ အပြင်ထွက်လည်ပြီးပြန်လာတိုင်း သမီးအကြိုက်ဆုံးဟင်းတွေချက်ထားမယ့် မေမေ့အိမ်ကို ပြန်လာချင်တယ်... မေမေ့ရင်ခွင်ထဲအိပ်ပြီး ပူပင်သောကတွေကို မေ့ပစ်လိုက်ချင်တယ်...

ဒါပေမဲ့ သမီးရုတ်တရက် သဘောပေါက်လိုက်တယ်... အကယ်လို့သာ မေမေက အိမ်ထောင်မပြုဘဲ သမီးအခုလုပ်ကိုင်နေရတဲ့ ပေးဆပ်မှုမျိုးတွေကိုမခံယူခဲ့ဘူးဆိုရင် သမီးပြန်စဉ်းစားနေမိတဲ့ ကြည်နူးစရာအတိတ်လေးတွေကလည်း ရလာနိုင်စရာမရှိဘူးဆိုတာပါပဲ... အရာအားလုံးရဲ့ ရည်ရွယ်ချက်ကို ရှင်းရှင်းလင်းလင်းမြင်မိလာတယ်..... မေမေ့ဆီကရခဲ့တဲ့ သာယာမှု... ငြိမ်းချမ်းမှုနဲ့ ပျော်ရွှင်မှုတွေကို သမီးရဲ့ မိသားစုအသစ်လေးဆီကို ပြန်ပေးရမယ်ဆိုတာကိုပေါ့...

အချိန်တွေကြာလာတာနဲ့အမျှ မေမေ့လိုပဲ ဒီဘဝလေးကို မျှမျှတတရှုမြင်ပြီး ချစ်ခင်မြတ်နိုးတတ်လာမယ်ဆိုတာကို သမီးယုံကြည်ပါတယ်... မေမေ စွန့်လွှတ်ပေးဆပ်ခဲ့တဲ့.. နားလည်လက်ခံပေးခဲ့တဲ့ အရာအားလုံးအတွက် မေမေ့ကို ကျေးဇူးတင်ပါတယ်... မေမေ့ကြောင့် မေမေ့လိုလုပ်ဆောင်နိုင်မယ့် စွမ်းအားတွေကို သမီးရရှိခဲ့ပါတယ်.... မေမေ့ကိုချစ်တယ်မေမေ....

သမီး

----------------------------------------------------------------
Ref: Daily Health Tips
နှိုင်းရင့်နွေ